Segja myndirnar ekki meira en nokkur orð? Jú, reyndar - og stundum meira en við raunverulega þorum að segja beint ...

Stundum segja myndirnar svo miklu meira en orðin geta gert!

                                

Hér má sjá íslensku fjallkonuna grátbiðja rússagríluna um lán í kreppunni, sorglegt ekki satt?

 Ég hugsa að allir geti tekið undir svona upphrópun, eða hvað?

 Ekki lýgur kakan, er það nokkuð?

Umhugsunarvert fyrir reykingafólk i guess...

 Ætli það sé kreppan sem skapar svona lagað? I wonder ...

 Þegar smátt og stórt er lagt saman - verður útkoman undarleg!

 Hefur þetta ekki viðgengist í aldanna rás? Jú, þetta er nefnilega málið ...

 Enn og aftur er svo margt undarlega snúið og fáránlegt, líkt og verðlagning matvöru!

 Ætli það sé eitthvað til í þessu í raun og veru? Jú, vitið þið hvað .. svona er þetta víða!

 Og, á meðan allt þetta kreppustand gengur yfir - sefur lýðurinn og leyfir óhæfum leiðtogum sem og ýmsum bankastjórum og forstjórum að leika lausum hala ... wake up people!

Jú, líklega er það einmitt málið núna - að við stöndum saman og sýnum yfirvaldinu að við séum ekki bara einhverjar rollur sem reka má fram og til baka viljalaus. Þegar okkur er nóg boðið - þá eigum við að láta í okkur heyra!

Brilljant tillaga kom frá eina þekkta Hamztrinum á blogginu!

Lýðurinn á að fara í allsherjar verkfall - ekki gera neitt - bara sitja heima, fara ekki út í búð, ekki í skólann, ekki í vinnuna, ekki í ræktina ekki í bíó - sitja heima og segja háu vöruverði og illa reknu stjórnkerfi stríð á hendur.

Annars bara mjög góður + knús á línuna alla!

Look into my eyes ... i bet you can´t! Chicken ...

Well, i want you to look straight into my eyes while i view what you have to offer me!

I bet you can´t keep looking into my eyes more than few moments.

Eða hvað? Getur þú horft í augun á mér í eina mínútu? Nei, eftir aðeins örfáar sekúndur er þér farið að líða illa yfir því að horfa á þessi augu! Ég get það allavega ekki... huhh! 

Bara smá djókur ...

Er englakarl í kringum þig - eða kannski bara loftið eitt? Er hægt að elska rúsínu meira en lífið sjálft, eee.. já! Þegar eitt hrapar þá rís annað ...

Jæja já - hér er bara örlítil krúttfærsla inn í nóttina - svona rétt áður en maður skellur á koddann og byrjar að njóta svefns hinna réttlátu. Í það minnsta tel ég að ég sé anzi réttlátur svona yfir höfuð svo ég mun sannarlega ekki vera feiminn við að draga að mér slíkan svefn.

Ég hef ekkert hamast á netinu síðan á fimmtudag eða föstudag, en það á sér ákveðna skýringu sko!

Í þar fyrsta - þá hrundi lyklaborðið mitt bara sí sonna - á föstudag. Eitthvað komst ég samt á netið um helgina í gamlan lappa sem þó er ekki að gera neitt fyrir mig - enda er ég sko ekki beint mikið fyrir að fara í lítinn lappa-skjá eftir að hafa haft 24tommu tölvuskjá fyrir framan mig undanfarið... ónei!

En, öllu svörtu fylgir eitthvað hvítt - eða ljósir punktar fynnast alltaf í myrkrinu.

   

Mín heitt elskaða rúsína kom í heimsókn!

Ég fékk lítinn snáða í heimsókn og hafði hann í dúlleríi aðeins um helgina - og ég segi ykkur það satt að það er alger sæla að hafa svona gullmola hjá sér - sérstaklega vegna þess að maður getur alltaf skilað honum aftur þegar hann er orðinn óþekkur - bara verst að þessi kappi er aldrei óþekkur!

Á föstudagskvöld var mar náttlega bara svona glaður og kátur!

 Nú svo vaknar maður líka bara glaður og kátur - eða það gerir maður allavega hjá gamla kappanum, enda myndi hann alveg fara í kerfi ef maður gargar eitthvað. Best að hafa hann góðan karlinn ...

Pabbi kom náttúrulega með ferðarúmið mitt svo ég gæti sofið einhvers staðar, huhh .. eins og Tiger hafi nú ekki bara getað búið um mig eins og hann er vanur... en það var samt gott að hafa rúmið sko!

  

    Nú, þegar maður var búinn að fá morgunmat sem samanstóð af hafragraut, banana og lýsi - þá fékk marr nottla slatta af seríos í skál til að troða í sig. En mar er náttúrulega nýorðinn eins árs svo maður getur nú alveg borðað sjálfur - meira segja með gaffli ef þannig matur er í boði ...

  

          

 

 Ok, ekki meira um þessa dýrðargjöf sem þessi yndislegi litli frændi er. Hef aldrei farið leynt með hvað ég er hrifinn af honum sko...

Nei, ég ætla bara að kveðja núna. Fer yfirferð á bloggvinum á morgun og læt í mér heyra. Er búinn að lesa ykkur um helgina en svo sem ekkert getað kvittað mikið eða látið heyra í mér - þannig séð. Fékk nýtt lyklaborð núna fyrr í kvöld og hef aftur tekið gleði mína - eða líklega hvarf gleði mín bara aldrei, neinei - ég er alltaf glaður bara. Eitthvað annað en sumir í athugasemdum síðustu færslu - nefni engin nöfn en fyrsti stafurinn er; Guðmundur Guðmundsson.

Æi, sorry - ég ætlaðist auðvitað alls ekki til að allir yrðu glaðir og happy vegna síðustu færslu - maður getur ekki glatt alla svo mikið er víst. En þeir sem láta svona skrif - jákvæðni og ljúfleika - fara í taugarnar á sér - eiga bara að halda sig annars staðar - í friði og ró - frekar en að ausa úr fúlum polli yfir þá sem þó reyna að vera jákvæðir og openminded gagnvart þeim sem ekki skilja eða trúa á þau góðu öfl sem fylgja okkur ætíð að handan...

Svo - Guðmundur Guðmundsson - ég biðst afsökunar á að hafa gengið alveg fram að þér og orsakað það að þér hafi liðið svo illa að þú sást þér enga aðra útkomuleið en að sulla aðeins af neikvæðni og óánægju yfir þá jákvæðni sem í færslunni var til þeirra sem slíkt kærðu sig um ...

En, ekki meira um það - hef nákvæmlega engan áhuga á að dvelja of lengi við eitthvað neikvætt eða leiðinlegt. Keep the peace and stay happi people!

Svo ég bara kveð og býð ykkur góðrar nætur og ljúfrar viku framundan! Vona að allir hafi það yndislegt og munið að vera ljúf hvert við annað - maður veit aldrei hvenær það er orðið of seint að sýna ástvinum slíkt.

Einn lítill moli í lokin - sýnið jákvæðninni og ljúfleikanum virðingu - jafnvel þó slíkt gangi fram af ykkur á einhvern hátt. Ef eitthvað er ykkur ekki að skapi - sem þó skiptir ykkur engu máli í raun og veru - leiðið það þá frekar framhjá ykkur og farið annað með ró og friði - frekar en að reyna að sýna jákvæðninni óvirðingu með neikvæðni.

Það er miklu virðingaverðara að snúa sér í friði og ró - annað - ef manni líkar ekki eitthvað sem ekki höfðar til manns, hentar manni ekki eða maður skilur ekki - í stað þess að reyna að rífa það í spað eða reyna að fá aðra á sína skoðun - sem er ekkert endilega sú eina rétta eða fullkomna. 

Við eigum við alveg nóga neikvæðni að glíma þessa dagana þó við bætum ekki á það þar sem við í raun og veru þurfum ekkert að gera slíkt.

Ljúfar kveðjur í loftið á ykkur öll.

Þig líka G.G. ég myndi knúsa þig ef ég næði í skottið á þér ...

Vona að góðar englakonur breiði vænghaf sitt um ykkur og verndi ykkur nú sem aldrei fyrr - ef einhver vill frekar - þá vona ég að þarna séu líka englakarlar!

Er Blessaður Miðillinn Valgarður Einarsson að senda okkur skilaboð? Hver er vinur .. og hver ekki? Veist þú það? Ert þú búinn að neyða einhvern í knús og kreist í dag? Ekkert skrítið þó vinir manns hverfa ... *dæss*!

Grænt Vinahjarta til ykkar ljúfu bloggvinir og aðrir bloggarar!

Hugleiðing um vini sem og "vini" sem eru ekki lengur hér!

Það kemur að þeim tímapunkti í lífi þínu þegar þú áttar þig á því, hver skiptir þig máli ..og hver ekki og líka, hver gerir það ekki lengur.. og hver mun aldrei gera það. Og eins, hver mun ævinlega skipta öllu máli..

HAFÐU ÞVÍ EKKI ÁHYGGJUR AF FÓLKI ÚR FORTÍÐINNI.

Það var ástæða fyrir því að þau tilheyra ekki framtíð þinni. Færðu, eða bentu, hverjum þeim sem þú þekkir og vilt ekki glata, þetta hjarta!

Vertu vingjarnlegri en þú átt að þér, því allir sem þú hittir eiga við sinn vanda að stríða..

********** 

Eftirfarandi barst mér í morgun frá vinkonu sem segir það komið frá Valgarði Einarssyni miðli.

Mig langar til að leyfa ykkur að njóta þess líka.

Heil og sæl kæru þið!

Góð englakona segir mér að nú sé gamli heimurinn að hreinsast burt, öll vitleysan þurfi að fara svo demanturinn komi í ljós.

Höldum okkur fast, öndum djúpt ofan í ölduna. Þetta verður allt í lagi.

Við þurfum að vera sterk, bjartsýn, standa þétt í fæturnar, finna jarðtenginguna og kærleikann allt í kringum okkur!

Það bíða okkar betri tímar, þar sem manngildið ræður ríkjum.

Einblínum á hið góða alls staðar núna, leyfum því að vaxa og munum að allt vex sem fær athygli frá okkur!

******

Eigið góða helgi Elskurnar mínar.. Já Skessa, þú líka!

Ljúfleika lokið og grámyglulegur hversdagsleikinn tekur við!

Over and out of here people..

Munið faðmlagaleikinn..

Knúserí á línuna..

Bager off!

Woff!

W

Væmin færzla í boði Jarðaberjasjeikframleiðenda... wilhtúsleik.. eða sheik? Wull og Bitleysa - fylgifiskur svefngalsa.

Jæja rúsínustöppurnar mínar! Ég ætla nú ekkert að fara að verða mjög væminn eða volandi hérna - en ég ætla samt að vera á ljúfari, hlýrri og mýkri hliðinni hér í þessari færslu.

 

Sannarlega er nóg af krepputali í fjölmiðlunum öllum og yfir okkur flæðir alveg nóg af voli og erfiðleikum - sem vel flestir í þjóðfélaginu finna meira eða minna fyrir. Einnig loga bloggheimar líka í slíku - allir eru bloggararnir að blogga um það sama og flæðir frá fjölmiðlunum, eymd, volæði, sviksemi - misskildir þingmenn og óskiljanlegir ráðherrar og vit-lausir bankastjórar og guð má vita hvað ekki ruddast inn á bloggin í dag...

 

Samt halda allir áfram að blogga um þetta - en eins og margir, t.d. Heiða/skessa - þá er sannarlega hægt að fá uppí háls - eða eyru af slíku.

Því hef ég ákveðið að finna bara eitthvað ofurviðkvæmt eða hlýlegt til að blogga um. Nú hef ég leitað logandi ljósi að einhverju sem er nógu hlýlegt og ljúft - án þess að vera væmið eða kerlingalegt, en það er fjandanum erfiðara að finna eitthvað slíkt án þess að verða kallaður kerling fyrir... *Glott*.

En, geta karlmenn ekki sýnt á sér ljúfar og mannlegar hliðar - ég meina - við getum vel verið ruddalega karlmannlegir, en samt svo undurblíðir og ljúfir - án þess að fara yfir strikið - ekki satt?

En hvar er svo sem þetta blessaða karlmanns/kerlustrik?

Uss, það veit ég ekki en ég bara veð áfram eins og hver annar ruddi og tuddi - en staldra ætíð við þar sem ég finn að þörf er á blíðlegri og ljúfari viðmóti - án þess að missa nokkurn tíman af rough lookinu og badboy attitjútinu ...

 

En, hvað finnst ykkur? Er það til dæmis kvenlegt - eða karlmannlegt - að nota svona "trúar/guðlegar" myndir til að skreyta færzlu? *skellihlátur* ... jú, ætli flestir segi ekki í það minnsta að það sé svolítið væmið eða mjúkt - eiginlega kvenlegt - eða þannig!

En, verð ég þá að skreyta mjúkar færzlur frá mér - með bílum og verkfærum? Eru það Guðlegar myndir hjá konum - en tól og tæki eða jeppar hjá körlum?

Iss.. nú er ég bara farinn að bulla.

Enda hef ég svo sem ekkert sérstakt að blogga um í augnablikinu - er bara syfjaður og þreyttur - glaður tappi og happy - en samt alveg að missa augnlokin niður á tærnar. Ég ætlaði að renna yfir alla sem ég er ekki búinn að lesa í kvöld - en ég átti ekki von á því að vera svona rosalega seinn á ferðinni. Því ætla ég bara að geyma flesta þar til á morgun.

Kisi er kominn á kreppufæði svo ég þarf ekki að gefa henni neitt áður en ég fer að sofa - en hér má sjá dagskamtinn hennar. Hún hefur reyndar bara gott af smá aðhaldi, enda ofalin og orðinn alltof búttuð blessunin. Anzi slæmt allavega þegar fólk er farið að spyrja hana hvenær hún sé bókuð undir rúm í got ... svo mikil er búttideibollan hennar!

Jæja kappar og kerlur, eins og þið hafið örugglega áttað ykkur á - þá er hér ekki um neitt að ræða annað en svefngalsa og næturrugl. Enda er það orðið erfitt að finna eitthvað bitastætt til að blogga um nú orðið. Sem sagt það kreppir að huganum stundum líka. Þegar það gerist þá er víst ekkert annað að gera en að bulla bara smá stund - eða allt þar til manni er sjálfum farið að blöskra ruglið.

Þá er mál að hætta bara - áður en maður eyðir öllu ruglinu og þar með þessari fínu og ljúfu - næstumþvíkreppulausu bloggfærzlu ...

Var annars einhver að tala um að fólk væri farið að hamstra?

Nei ég bara spyr ...

Annars er ég hættur að sinni - ekki að hamstra heldur skrifa!

Jarðaberja lick all over you people ..

Eru ekki allir hrifnir af shake?

Jú, örugglega!

Góða nótt.

Vizlublogg - afsökun og óhugguleg mynd af mér ... eða hvað? Nahhh ...

Jæja já. Ég verð að biðjast afsökunar á því að hafa látið mig hverfa svona - veit að það eru nokkrir búnir að leita af mér, en stundum koma upp aðstæður sem gera það að verkum að maður hreinlega bara verður að forgangsraða hlutunum og þá sitja aðrir hlutir - líkt og bloggið - á hakanum á meðan...

Ok, ég veit að ég lít ekki vel út á myndinni - en þið mynduð skilja why ef þið vissuð hvað ég er búinn að láta sjálfan mig sitja mikið úti í horni á meðan ég hlúi að öðrum.

En, hey - ég er góður strákur sko! Svo ég vola ekki yfir því ... held ég!

Ég biðst afsökunar á því hve síðasta færsla var hundfúl og grimmlind - en ég er skelfilega mikið á móti fólki sem fer illa með dýr og tala nú ekki um það þegar heill hópur af fólki tekur þátt í því að særa og pína saklaus dýr til dauða! Bara skelfilegt ...

En, þrátt fyrir hörmungar sem dynja á heimsbyggðinni í þessari blessuðu kreppu - munið þá að það gæti vel verið verra! Nú um mundir gruna ég nú að við séum nálægt botninum svo nú hlýtur ástandið að fara að batna og vonandi fer krónan nú hækkandi bráðum. Verðum við allavega ekki að vona það og halda í björtu hliðarnar? Jújú ...

*******

Jæja, hey - ef þið eruð eitthvað fyrir hunda - þá verðið þið að skoða þessa síðu! Ég setti inn myndir fyrir besta vin minn sem er með hunda og var önnur tíkin hans að gjóta geggjuðum hvolpum!

P.s. auðvitað myndi ég aldrei henda kisunni minni sko!

Vizlublogg!

 

 ******

 En, sem sagt - flest er að verða komið í réttar skorður hjá mér svo ég mun reyna að verða virkari aftur hérna. Ég mun sennilega koma með nýja færslu í kvöld - og einnig mun ég líta yfir ykkur öll í kvöld líka, hugsanlega seint þó - but hey - better late than never, right? Jújússs ..

Sendi ljúfar kveðjur og knús á línuna að sinni!

P.s. svara öllum einkaskilaboðum í kvöld elskurnar!

Viðkvæmir lesi ekki!!! Viðbjóðurinn er "hópLeikur" sem stundaður er af "vitibornu" fólki sem hvorki hefur sál né hjarta - að mínu mati! Ógeðslegt bara ...

Jæja, ég hafði nú ákveðið að vera ekkert að æsa mig upp vegna þessa viðbjóðs - hvað þá að skrifa um þetta - en ég bara get ekki hætt að hugsa um þetta svo hér með ætla ég að henda þessu á bloggið og losa mig þar með við þennan ósóma. Ef þið eruð ofurviðkvæm - þá bendi ég ykkur aftur á að þið getið hætt að lesa nákvæmlega hér og nú - en myndirnar sýna ykkur svo sem hvað efni pistilsins er. Kannski er ég óvæginn í orðalagi - en samt - mér blöskrar og mér býður við svona "leik". Mér finnst þetta bara ógeðslegt.

Ósóminn er nautaat á Spáni - og víðar um heim.

Mér finnst það svo skelfilega mikil grimmd að fara svona illa með dýrin sem saklaus fæðast inn í þetta viðbjóðslega hlutverk að vera naut fætt - t.d. á Spáni ...

Fyrst af öllu eru þessi blessuðu dýr alin upp með það í huga að misþyrma þegar þau eru fullorðin.

Þá eru þau svelt - síðan er þeim hent dauðhræddum á stræti og torg - þar sem heimskur og viðbjóðslegur leikur tekur við! Eineltisleikur sem á sér ekki nokkurn líka í nokkrum dýrahóp annars staðar en hjá mönnum - þar sem þúsundir kvikinda safnast saman til þess eins að standa saman í þeim tilgangi að pína og kvelja lítil og skíthrædd sálartetur sem í nautinu er. Fólk safnast saman til að hrópa og pikka í þau - kasta steinum og fleiru í blessuð dýrin og guð má vita hvað ekki.

Aumingja dauðskelkuð dýrin hlaupa blind eftir götunum af hræðslu og bara stanga út í loftið á hvað sem hreyfist í sjálfsvörn - og auðvitað verða oft einhverjir fyrir hornum þeirra - en ekki vorkenni ég þeim aðilum samt!

Að endingu eru blessuð dýrin orðin vitstola af hræðslu þegar þeim er loks beint inn á sjálfan "leikvanginn"...

En það er hringleikvangur þar sem blóðþyrstir fávitar sækja heim til að njóta þess að horfa á saklaust dýr kvalið smá saman til bana með spjótum og sverðum - eftir að hafa leikið sér að því að þreyta það svo mikið að það er hreinlega í dauðateygjunum. Málið er að þreyta það nógu mikið svo það geti hreinlega ekki veitt mótspyrnu - nema að litlu leyti. Því næst eru nokkrum vel oddhvössum spjótum stungið á milli herðablaða þess - og það látið blæða þokkalega vel til að lama blessað dýrin enn frekar - bæði af sársauka og vegna blóðleysis. Þá er það þreytt enn meira - blæðandi og með spjótin standandi í sárunum.

Blóðþyrstur óður múgurinn á pöllunum slefar af gleði og sælu - blóðið rennur úr dýrinu og viðbjóðurinn æpandi á pöllunum myndi sjálfsagt leggjast á dýrið og sleikja upp blóðið ef það gæti gert það.

Þegar blessað saklaust dýrið er orðið svo uppgefið af blóðleysi og sársauka - þá kemur að "lokaskemmtuninni" - sjálfri náðarstungunni sem gerð er með sverðum.

Nautið er orðið svo meinlaust og uppgefið - þó það reyni aðeins að setja undir sig haus þegar ógeðslegur nautakveljarinn nálgast með sverðin - að það gerir hreinlega ekkert þegar hjartalaust kvikindið kemur "dansandi" með tvö oddhvöss sverð - og hreinlega treður þeim niður í sárin sem þar sem spjótin standa á milli herðablaðanna á saklausu dýrinu sem svona miskunnarlaust er kvalið og murkað smá saman niður.

Dansandi viðbjóðurinn - trúðurinn - sá sem kallar sig "nautabana" - en er bara sálarlaus viðbjóðslegur slátrari af versta sauðahúsi - er nánast með viðbjóðslegan nautna&sælusvip á meðan hann stendur í þessum grimmdarleik með saklaust dýr sem ekkert hefur neinum nokkuð gert - annað en að vera alið inn í vitlausan heimshluta.

Blóðslóðin liggur um allan völlinn - blóðblettirnir á hjartalausum trúðnum sýnir "dugnaðinn" og "hræðsluleysið" í sálarlausum slátraranum. Viðbjóðslegir og blóðþyrstir aumingjarnir á pöllunum æsast upp - standa og stappa niður fótum og góla hvatningar til trúðsins í hringnum og heimta meira blóð - fleiri spjót og stungur - meiri grimmd svo dýrið saklausa æsist enn meira og reynir loka tilraun til að ná til kvalara síns - en fær að launum bara tvö stór hnífsblöð langt niður á milli herðablaðanna ... en það dugar ekki til að drepa dýrið saklausa ... aðeins lama það vegna sársauka!

 

Seinna um daginn - og sama kvöld - safnast blóðþyrstur lýðurinn á næsta torg eða aftur í sama blóðbaðshringinn. Það er meira á dagskrá.

Nú eru tekin ákveðin blys - sem loga lengi og skjóta út logunum eins og sjá má á mynd til hliðar. Þau eru fest á horn nautanna, kveikt í þeim og svo umturnast lýðurinn af gleði þegar hann sér hve hrætt og skelkað aumingja dýrið verður þegar eldtungurnar sleikja höfuð þeirra innan um æpandi og öskrandi blóðþyrsta aumingjana sem kasta lauslegum hlutum í brennandi dýrið. Fólk hleypur til og jafnvel stingur spýtum í dýrið og sparkar í það ef tækifæri gefst!

 

Í sumum tilfellum ná logarnir í höfuð dýrsins - og við þurfum ekki að fara nánar út í það kvalafulla tímabil sem slíku fylgir, öll höfum við fengið smá vitneskju um hvað hiti getur gert - sér í lagi eldur sem læsir sig í hár og húð... 

Í einhverjum tilfellum hefur líka verið leyft að viðbjóðslegur lýðurinn fái lítil rör í hendur - ásamt pílum líkt og notaðar eru í Pílukasti! Saklaust dýrið hleypur um í kvala- og hræðslukasti en sálarlaust og blóðþyrst fólk fær fullnægju af því að "blása" oddkvössum pílum í blessað dýrið. Í einhverjum tilvikum hef ég séð naut aðframkomið - með sviðinn og logandi hausinn - og þakið af tugum ef ekki hundruðum pílum um allan skrokkinn!!!

Hvað er að í þessum heimshluta??? Hvers vegna er svona viðbjóður leyfður óáreyttur?

Eins og sjá má - þá er ég algerlega - 1000% - fullkomlega - á móti nautaati og öllu sem er í kringum slíka villimennsku! Margir í heiminum eru á móti nautaati - líka Spánverjar. Til að draga aðeins úr sjáanleika villimennskunnar - eru rauðir dúkar notaðir á nautin - til þess að blóðflekkirnir séu ekki eins áberandi í augum heimsins...

Því svona blóðþyrstur atleikur viðgengst hvergi nema hjá mönnum - og er ekkert annað en sálarlaus villimennska!

Rússnesk Brauðstöng - ötuð í Rússneskum Vodka - otast aftan að fénu okkar. Brauðstangagerð Tiger býður uppá - íslenska brauðstöng ataða í hvítlauksolíu... er íslenskt bestast eða verstast? Bíddu, var þetta svo bara grín? En fúlt ...

Öryggismiðstöðin - gömul og riðandi stofnun - er í samkeppni við "Tiger". En Tiger er Brauðgerð sem hefur nú opnað buxnaklaufina með prompi og prakti í kreppunni alræmdu (sjá meðfylgjandi mynd). Þar sem fyrir er heljar væn brauðstöng - löðrandi í hvítlauksolíu - mun ekki vera hægt að taka við nýjum viðskiptavinum á því svæði alveg strax, en ef þú vilt bíta/narta í - ertu velkomin/n anyhow!

"Við hvetjum fólk til að hætta hamstraleiðangri um bæinn, hætta að elta mýs og önnur meindýr - og snúa sér að brauðstöngum" lét mister Tiger hafa eftir sér á nýafstöðnum fréttamannafundi sem sýndur var óbeint og slitrótt um Sæstrenginn "séstvallarassgat" - en sá strengur liggur frá Brauðstöng og aftur að rúsínukrumpunni - og þaðan yfir í stjórnstöð Brauðgerðarinnar.

Frést hefur einnig að Brauðgerðin Tiger sjái um allar veitingar Rússa næstu misserin - en eins og alkunna er - þá er Tiger mjög hallur undir Landspabba sem nú er kominn í vasa Rússakeisarans.

Líklegt þykir að mjög væn Rússnesk Vodkaæð muni verða lögð til landsins og eigi eftir að falla í vasa Tigers heljar Vodkagullöld í framhaldi af því. Einnig hefur það komið í ljós að Rússar munu flytja heljar magn af Rúg-mjöli til landsins - beint framleitt af Rúgandaþjóðinni sem þeir hafa um allnokkurt skeið herjað á - sem og fleiri þjóðir.

"Málið er að halda hlýfðarskildi yfir litlu meindýrunum og láta þau ekki finna fyrir þessum hamstraleiðöngrum heldur væri nær að leggja í feitari og bitastæðari flesk - villigöltinn í Seðlabankanum" urraði talsmaður Tiger - en Tiger sver af sér öll slík ummæli og vill ekki kannast við talsmann sinn á nokkurn hátt.

"Það er satt að við óskum eftir því að fólk láti hamstrana í friði - enda engin ástæða til að hamstrast eins og staðan er núna - mín ráð snúa að því að fólk sem er svangt og niðurbrotið - komi til mín - stingi hendinni eftir brauðstöng minni og gæði sér á þar til gerðri saðsamri stönginni - inn..." Datt út úr glottandi forstöðumanni brauðgerðarinnar Tiger.

Það er á allra vörum að mikil verðmæti liggja um víðan völl í Rússagulli - sér í lagi virðast margar Rússagrílur hafa birst uppúr vösum Landspabba og er því næsta víst að Landspabbi hefur leynt og ljóst haft Rússneska hamstra í haldi niður í Seðlabanka.

Mörg undarleg orð - og mörg undarleg hegðunin hefur komið í ljós í aðdraganda kreppunnar hvað vinaþjóðir okkar varðar!

"Nágrannar okkar hafa verið að koma aftan að okkur - eingöngu til að kíkja upp í norðurgatið og til að tékka á því hvort þeir ættu að gefa okkur dildó - eða fingur" sagði Tiger bakarameistari í léttari streng eftir hinn óljósa fund sem varla nokkur sá. 

Tiger hvetur fólk til að leggjast - hvert á annað - og njóta síðustu og verstu tímanna í hamagangi og nautn!

"Enda engin ástæða til að geyma slíkt til elliáranna eða mögru áranna - því er þangað er komið er maður orðinn of dauður í öllum æðum anyhow og ekki í neinu "standi" til að standa við það sem til stendur - án þess að það standi raunverulega nokkuð upp" sagði Tiger svo með tvíræðu brosi sem náði aftur fyrir krumpuðu rúsínuna sem ekki náðist að slétta úr í síðasta leðjubaði sem honum hafði verið ráðlagt að taka - af óáræðanlegri skessu - sér til heilsubóta  ...

"Munið bara að Seðlabankinn - er ekki rétti staðurinn fyrir féð ykkar og verðmæti - Seðlabankastjóri situr í sínum feita stól þar sem hann hefur í ró og næði nógan tíma til að taka féð okkar aftanfrá án þess að við fáum skellt bót fyrir boru Huppu litlu" sagði talsmaður Bakarímiðstöðvarinnar sem Tiger vill ennþá ekki taka ábyrgð á og vill ekki kannast við í þessum töluðu orðum!

"Jú, ég veit að Landspabbi hefur Rússastöng í buxunum - og nú mun hann sannarlega njóta þess að nýta þá lélegu stöng til að þjösnast aftan á fénu okkar Íslendinga - en - munið bara að íslenskt fé er mun betur geymt í íslensku umhverfi, í íslenskum vasa og í íslensku bakaríi - í Brauðgerð Tigers! En munið samt að RússaVodkinn er bestur hjá mér" sagði Tiger með mikilli áherslu á því hve íslenskar brauðstangir væru miklu betri til fjárfestingar en Rússastöngin er - þrátt fyrir óbilandi trú á RússaVeigarnar í fljótandi formi.

En það á allra vitorði að Rússagrílan hefur ætíð horft löngunar augum yfir á íslenska féð - með Rússabrauðstangirnar mundaðar og tilbúnir í að renna aftan að íslenskri þjóð með hvítlaukssmurðan rússíbanann!

Fram kemur að birgðir - rúgmjöls og Ora bauna - séu nánast á þrotum og ljóst að í því árferði sem nú ríki hefur fjöldi einstaklinga kosið að geyma stóraukin verðmæti á heimilum sínum sem falin eru í slíkum veisluföngum. Enn fremur hefur orðið vart við að lausagöngufé sé ekki lengur "safe" úti í íslenskri náttúru því vitað er að Rússar - á vegum Landspabba - hafi sést víða um skerið með fégildrur og einnig virðast víða poppa upp núna Nígeríubréf sem pósturinn ræður ekkert við. Í þeim bréfum falast fleiri norðurlandaþjóðir eftir löppum, sviðahausum og innmat úr fé okkar og því um að gera að gæta skjátanna vel.

„Við viljum hvetja fólk til að grípa til alvarlegra ráðstafana.  Hvetjum fólk til örþrifaráða og hvetjum fólk til að sniðganga Seðlabankann og snúa sér að Brauðstangagerð hins ekkisvoalíslenska Tiger" lætur óþekktur talsmaður stjórnar brauðgerðarinnar eftir sér hafa. Hann hvetur líka fólk til að brýna tennurnar og bíta fast frá sér - nú eða bara narta lauslega í brauðgerðina.. nú eða bara bíta fast í féð sitt og sleppa hvergi þó Rússnesk brauðstöng - böðuð í Vodka - poppi upp og reyni að komast aftan að fénu ykkar.

 

Tiger neitar öllum tengslum við slíkar ráðleggingar og telur að sér vegið með svona talsmáta. Hann neitar að axla ábyrgð á því sem fram hefur komið hér að ofan - að næstum því öllu leiti. Hann getur þó ekki afskráð eigin Brauðstöng og heldur fast í hana á meðan hann bloggar á mbl.is. 

Eitthvað er hann þó að draga í land og býður hér með þeim sem eiga um sárt að binda - í íslenska brauðstöng og rússneskan Vodka. Veitingarnar verða bornar á borð í Svikaráðuneytinu og mun hinn alræmdi Seðlabankastjóri - Landspabbi vera veislustjóri. Allt verður til sparað svo ekki glatist of mikið fé - enda engin ástæða til að ausa því yfir grindhoraðan landann.

Fólk geymi ekki stóraukin verðmæti á heimilum sínum

Ég græði núna grimmt á meðan landanum er hellt niður í hyldýpi botnlauss skuldafens! Hvað er lélegur lögfræðingur að gera sem Seðlabankastjóri? Er rollan þín á réttum stað? ...

Jæja já. Hér logar allt í eymd eða volæði á meðan innistæða mín hækkar og vex í erlendri mynt í erlendum banka!

Ég átti Evrur í Spænskum banka sem lagðar voru inn fyrir tveim árum - getið þið ímyndað ykkur hve ríkur ég er orðinn núna af þeim hækkunum á erlendri mynt sem dunið hafa yfir heimsbyggðina? Nei, örugglega ekki - en ég segi ykkur það satt að ég er að huga að fasteignakaupum um þessar mundir þar sem ég hef nú efni á að staðgreiða allt það sem ég þarfnast... not!

Nei, því miður voru þetta ekki nema um 10 evrur sem ég keypti á sirka 86 krónur - en ég reyddi fram 860 ísl.kr fyrir þessar 10 evrur. Nú fæ ég líklega um 1550 ísl.kr fyrir þær! Ég er sem sagt búinn að græða sem nemur 690 krónur ... ussogsveibara.

Nú er gleði- og gnægtardögum mínum lokið, kominn er tími kreppustrauma og uppgjörshugleiðinga. Nú verð ég að hætta að kaupa stórar bjórdósir og fara að einbeita mér að því að framleiða sjálfur.

 

 

Ég keypti mér nýjan bíl í Desember í fyrra á Kaupleigusamning sem hljóðaði uppá 1.800.000kr og áttu mánaðargreiðslur að vera 26.000kr á mánuði.

Í dag stendur lánið í 3.200.000 kr.

Afborganir eru búnar að hækka um sirka 20.000 kr á mánuði.

Hjálpi mér - ekki vildi ég standa í sporum þeirra fjölmörgu einstaklinga sem eru nýlega búnir að taka sér 10, 20 eða 30 milljónkróna myntkörfulán til íbúðakaupa! Mikið skelfing held ég að margar fjölskyldur standi núna uppi - eða eru liggjandi - á vonlausum og botnlausum fenjaþökum sem eru að draga landann niður í hyldýpi skuldafensins. Mikið skelfing hlýtur nánasta framtíð margra fjölskyldna að vera myrk og hræðileg! Og hvað gera yfirvöld?

Bjarga Bönkum og illa stöddum fyrirtækjum - en bjóða sökkvandi almúganum áfallahjálp! Áfallahjálp!!!

Ok, ég veit að ég er svolítið kjánalegur útlits - en virka ég raunverulega eins og ég þurfi áfallahjálp? Segir fátæklegur svipurinn ekki frekar að ég þurfi fjármálahjálp - eða segir ástandið í dag ekki að þeir verst stöddu þurfi frekar á einhvers skonar fjármálaaðstoð að halda frekar en áfallahjálp? Ég hefði haldið það .. eða hvað?

En hvað er svo sem hægt að gera? Ég get til dæmis ekki selt bílinn minn. Ég fengi engar 18 hundruð þúsund fyrir hann í dag - eins og kaupverðið var í fyrra - hvað þá að ég fengi 3 milljónir og 2 hundruðþúsund fyrir hann - eins og bílalánið hljóðar uppá núna í augnablikinu. Málið er að ég bjarga mér - ég lifi þetta af og get setið þetta af mér án þess að sökkva, en margir eru í þannig stöðu að þeir geta þetta ekki.

Ég sé ennþá fyrir mér hrokafullan svip Seðlabankapúkans í vor - þegar hann hreytti framan í fólkið í landinu "Látum þetta bara eiga sig - við lifum þetta af - sjáum bara til að ári" ...

Jú, það getur vel verið að hann og hans líkar lifi þetta af og jafnvel græði eitthvað á öllu saman - en landinn var þá þegar margur á síðasta hálmstrái - hálmstrái sem nú er löngu horfið og landinn sogast margur niður í myrkraðan heim skulda, vanskila og vonlauss lífs. Burt með þennan ljóta karl - hvers vegna er ekki löngu búið að koma honum burt úr einhverju sem heitir stór staða eða stórum stól. Hann er ekki hæfur til neinnar stjórnunar á nokkurn hátt! Heyrði þekktan hagfræðing líka segja að Davíð væri á engan hátt góður leiðtogi, engan veginn hæfur bankastjóri - ef eitthvað væri - þá kannski bara lélegur lögfræðingur! Hver er það sem heldur hlýfðarskildi yfir þessum feita bola? Því er ekki búið að reka seðlabankastjórann?

Ok, ég ætlaði sko ekkert að vera að velta þessum erfiðleikum fram og til baka - en ég bara ákvað að henda smá hugleiðingum frá mér og losa mig þar með við þær.

Þið sem standið í erfiðleikum með afborganir á t.d. bílasamningum - getið fengið skuldabreytingar - lengt lánið ef þið þurfið þannig að afborganir verða aftur svipaðar og þær voru um áramót.

Ég hvet ykkur allavega til að skoða málin strax, gera eitthvað í málunum og taka á hlutunum - frekar en að bíða þar til allt er komið í vanskil og botnlaust hyldýpi. Þaðan er mun erfiðara að ná tökum á hlutunum en með því að gera eitthvað áður en í vanskil er komið - er auðveldara að breyta, semja eða laga hlutina, eins vel og hægt er miðað við ástandið í dag ...

********

Annars er það af mér að frétta að ég er náttúrulega kominn aftur heim á klakann. Rollan er komin í hús, ofaní pott en ekki uppí rúm - og allt er að færast í réttar skorður.

Ég mun nú smá saman komast aftur í blogg-gírinn, en ég veit ekki alveg hversu virkur - eða óvirkur - ég mun verða til að byrja með. Enn fremur mun ég halda áfram að reyna að skella inn smá athugasemdum inná þá sem ég sé spor eftir á blogginu mínu - enda sjálfsögð kurteisi að borga fyrir sig - þó ekki sé í Evrum eða Jénum.

 

Ég ætla hugsanlega að setja inn einhverjar myndir úr ferðinni hérna - hversu mikið af þeim - eða hversu "breyttar" eða "blörraðar" þær verða - get ég með engu móti sagt til um núna en það kemur í ljós bara.

Ég held samt að það sé voða lítið sem ég þarf að skammast mín fyrir - gerði ekkert af mér þarna úti - eða næstum því ekkert - eða allavega hafa margir gert meira af sér en ég - okok - ég gerði helling af mér en ég segi ekkert frá því hér og nú, perhaps later.

 

En, hér er komið nóg í fyrsta raunverulega haustpistilinn minn. Ég set stopp við hérna og kveð í bili með von um að þið hafið verið góð og stillt - or not - og munið að knúsa hvert annað á þessum krepputímum. Please come in - and put your footprint on my profile before you leave - if not, well - then i won´t know who was knocking on my door...

Knús í loftið á línuna alla saman!

Má bjóða þér ofaní pottinn minn á meðan rollan er undir sænginni minni ... ehhh... eða var það á hinn veginn? Kemur þú undir sæng á meðan rollan er í pottinum?

Hvernig er þetta með skerið? Er allt að fara til fjandans (Davíðs)? Eða hefur feiti karlinn bara alltaf verið með puttana í öllu sem snýr að því að vera númer eitt tvö og þrjú?

Maður má ekki aðeins bregða sér af bæ - þá fer allt á hausinn, í kollhnýs eða bara flippflapp og heljarstökk - afturábak.

Ég hef verið blessunarlega laus við að vera að lesa fréttir að heiman svo ég hef ekki fylgst mikið með - en nú hef ég aðeins verið að glugga í ýmsar fréttir og það er bara allt á kafi í rugli, yfirtökum og aftökum. Á hverjum bitna svo þessar skákeringar á skerinu? Jú, hinum fátæka launþega.

Enn og aftur kemur ljótt feis einræðisherrans í ljós - er þetta virkilega málið - að hann sé leynt og ljóst á bakvið tjöldin með fingur á stýri - í eiginhagsmunaherferð til að klekkja á Bónusfeðgum???

Hvenær kemur einhver sterkur og $Heiðarlegur$ stjórnmálamaður fram á sjónarsviðið og sparkar karlinum af skútunni???

*******

Annars er allt gott að frétta héðan, fyrir utan það að mér varð að ósk minni og hef nú haft 3ja daga rigningarhátíð. Reyndar hefur ekki rignt heljar mikið hérna hjá mér - dável samt - en víða hafa spánverjar ekki haft undan við að moka út flór og drullu - áður en næsta flóð skellur á. Mikið væri ég ekki til í að búa við þetta ...

*******

Sólin er samt enn  og aftur komin á sinn stað. Í gær rofaði aftur til eftir þessa 3 daga í bleytutíð og í morgun var orðið heiðskýrt sem aldrei fyrr. Nú er spáin frekar undarleg - eða þannig ekki - heiðskýrt - sól - sól - sól - sól og jamm ... var ég búinn að segja SÓL ... með 30 stiga hita og svita ... er ekki lífið dásamlegt? Æi, ég hlakka svo til að koma heim - birrrrr! Er ekki annars farið að snjóa? Eru ekki kindur komnar af fjalli og ofaní pott í kjötsúpu? JEG?

En, annars vildi ég sko þakka ykkur kærlega fyrir allar afmæliskveðjurnar með óskum um gott leðjubað og tilboð í fótanudd og fleira góðgæti ...

Knús á ykkur öll og munið að vera ljúf hvert við annað!

Ég heyri í ykkur næst eftir helgina - heima á klakanum - í brilljant sambandi og dúðaður í hlýja þykka sæng ... mmmmmm! Má bjóða ykkur undir sængina til mín ... grrrr!