Færsluflokkur: Dægurmál

Vilt þú láta tækla þig? Var felufeis í síðustu færslu... raunverulega sjáanlegt? (G)óður dagur framundan ...

Já sæl/l - var að koma heim úr vinnunni núna áðan, er búinn að fara í sturtu og fá mér kakóbolla - og jamm - kanelsnúða - sit nú hér fyrir framan tölvuna only with my handklæði around you know what .... jamm! 
tweetybd
Ég ætla mér ekki að tækla neinn bloggvin í kvöld - enda þarf ég að vakna snemma í fyrramálið því við erum að stúta þrem veislum á morgun og því byrjar dagurinn snemma - og rúmið kallar hástöfum núna.
Sleeping
Seinasta veislan verður sennilega ekki búin fyrr en seint annaðkvöld svo ég verð hugsanlega eitthvað á ferðinni um svipað leiti og núna - annaðkvöld - og svo hef ég líklega helgina fría og frjálsa ... wúppí!
Tounge
Annars ég er bara hrikalega (G)óður og glaður!
Sendi því hér með bara knús og kram á línuna og þakka ykkur öllum innlitið á síðustu færsluna - finn ykkur í fjöru very soon!
W00t Tók enginn eftir því að andlitið á mér var á veggnum á myndinni af mér með the president - í síðustu færslu??? Isssss .... okok, part of my face even!

Hún er virkilega óð - nágrannakonan mín! Veður þú til dyra klædd/ur handklæði einu saman? Ljúfur dagur framundan .. með aðventuívafi og .. guess what.. kanelsnúðum!

Jú, hún bankaði hjá mér í morgun - aðeins klædd mjög klæðalitlum náttkjólnum, leit mig tælandi augnráði og hallaði sér að dyrakarminum og leit mig upp og niður með undarlegt blik í augunum um leið og hún hvíslaði;

playgirly1

"Sko, ég var að baka kanelsnúða - datt bara í hug hvort þig langaði ekki í nokkra slíka nýbakaða með morgunkaffinu"

Um leið og hún sleppti síðasta orðinu rétti hún fram aðra hendina sem hélt í lítinn disk með nokkrum kanelsnúðum - greinilega keyptum í 10-11 einhverjum dögum áður. Hina hendina notaði hún til að draga klæðalítinn náttkjólinn uppfyrir hnéð. Hún blikkaði ótt og títt illa uppsettum gerviaugnhárunum um leið og hún mældi mig aftur frá tám og upp að toppi.

Ég hrökk við þegar ég áttaði mig á því að ég hafði verið á leiðinni í sturtu - hafði bara gripið lítið handklæði og skellt því um mig miðjan án þess þó að hafa náð að hylja nokkurn skapaðan hlut. Nú áttaði ég mig á því hvers vegna konan mældi mig svona út með gráðugun augunum - færði mig aðeins innar í íbúðina en án árangurs því hún smokraði sér um leið innfyrir þröskuldinn og nú leyndi hún því alls ekki hve mikið hana langaði til að rífa af mér þennan litla handklæðabút sem nú stóð á milli hennar og mín. Ég stamaði vandræðalega einhverja þökk fyrir kanelsnúðana, þessa sem hún greinilega bakaði ekki - en gat ekki tekið við þeim þar sem önnur hönd mín hélt um hurðina en hin hélt uppi handklæðinu...

medklukkuonthebaki

Það var sem tíminn stæði í stað. Undarleg atburðarásin sem fór í gang um leið og ég rétti út hendina eftir snúðunum var tímalaus og áður en ég vissi stóð ég þarna fyrir framan nágrannakonuna mína með kanelsnúða í annarri hendinni, handklæðið í hennar hendi og náttkjóllinn hennar lá á gólfinu á milli okkar.

Allt í einu hrökk ég við - það glumdi í klukku einhvers staðar í fjarlægð. Hægt og rólega vaknaði ég upp úr þungum svefni - svefni sem hafði verið að ýta að mér undarlegri atburðarás með heitri nágrannakonunni - atburðarás með gömlum kanelsnúðum og nöktum líkömum sem engan veginn áttu neina samleið í vakandi tíma og rúmi. Ég andaði léttar - og stökk framúr. Greip handklæði og fór inn í baðherbergið til að fá mér morgunsturtuna.

Allt í einu hringdi dyrabjallan hátt og kvellt - ég setti litla handklæðið utanum mig og gekk í áttina að útidyrunum en um mig fór undarleg tilfinning - líkt og ég hafði upplifað þetta allt saman áður ... neinei, ég segi bara svona!

ulla

 

Bara léttur á því á mánudegi. Framhald kannski later!

 

Ætlaði bara að kíkja aðeins inn núna til að minna ykkur á mig, i´m still here somewhere. Helgin er búin að vera geggjuð - en mjög góð samt. Held að ég hafi bara bætt á mig fjöldanum öllum af kílóum, enda kræsingarnar gerðar til að tæla - og ég er bara mannlegur - og tældist - til að borða mikið sko!

tweetybd

Dagurinn í dag mun einkennast af hvíld, góðum kaffisopa, hlýjum inniskóm - kodda og handklæði um mig miðjan ... W00t

Nei, reyndar er ég að fara núna út að snúast aðeins - vantar sitt lítið af hverju til að geta sett upp heljar mikið af "Aðventuskrauti" - en nú er auðvitað skemmtilegasti mánuður almanaksins byrjaður sko.

Ég ætla ekkert að eyða tíma núna í augnablikinu til að líta yfir ykkur öll - geri það í kvöld í rólegheitunum og hlakka mikið til því ég hef ekkert getað lesið um helgina.

Óska ykkur öllum bara gleðilegrar aðventu og vona að allir hafi gaman af því að hátíð ljóss og friðar er á næstu grösum. Klæðið ykkur samt vel þegar þið eruð á ferðinni, það er kalt úti og kuldinn bítur bæði háa og lága!

Kærleiksknús á línuna alla!


Eitt hjól undir lappanum, en áfram skröltir hann þó ... Vantar ykkur frítt vírusleitarforrit? Burt með spillingarliðið, hvar í flokki sem það stendur!

Jæja þá. Ég er núna búinn að ná í skottið á ykkur öllum sem hafið verið að spora í athugasemdakerfinu mínu í síðustu 3-4 færslum, þrátt fyrir lélegan lappa með way to many vírusum (sannarlega samt ekki 3 þúsund stykki, voru reyndar ekki nema 2734 stykki). Það voru reyndar ekki nema sirka 20 vírusar en hitt var allt einhverjir ormar, cookees og fleira slíkt óvelkomið hyski ...

Doctor E kom í athugasemdirnar hjá mér í þarsíðustu færslu - með góðan link á free vírusleitarforrit - og það virkaði vel hjá mér að skoða það og nota. Reyndar kom einhver annar með góðan link líka minnir mig en ég þurfti ekki á því að halda þar sem linkurinn frá DE virkaði fínt. Lappinn er hættur að frjósa og detta útaf netinu, eitthvað smá poppup dæmi ennþá en ekkert miðað við það sem var áður, takk fyrir það Doctor E.

Vil bara endilega minna ykkur á að nýta ykkur slagorðið hennar Ólínu Þ.

Burt með spillingarliðið, hvar í flokki sem það stendur!

W00t  W00t  W00t 

Svo vil ég líka bara minna ykkur á það að þó kreppan sé okkur öllum erfið og skelfileg, allt logi í ósætti og sviksemi og fleiru ljótu þarna uppi á háu alþingi sem og í stjórnum hinna ýmsu bankastofnanna og fyrirtækja - að gleyma samt ekki að sýna tillitsemi, kærleik og ljúfleika gagnvart hvert öðru. Við erum öll að ganga í gegnum kreppuna, sumir meira en aðrir en öll samt á einhvern hátt. Verið góð við ykkar næsta mann/konu, burt séð frá því hver eða hvar sú manneskja stendur í flokki, vinnu eða atvinnuleysi!

W00t  W00t  W00t

 Samt í góðu lagi að mótmæla Davíð oddsyni og Geir Harde, og fleirum!

Ég er að vona að ég fái tölvuna mína fyrir helgina, mátti prufa að hringja á morgun - föstudag. Hef svo sem alveg getað bjargað mér fyrir horn í lappanum en mér hundleiðist hve hægvirkur og latur hann er. Verð að segja það að ef í ljós kemur að stýrikerfið er enn og aftur að klikka - þá ætla ég að fara í Tölvulistann og heimta nýtt stýrikerfi í nýju tölvuna mína - ella fari ég í hungurverkfall fyrir utan búðina um jólin *Yeah, right* ...

Sendi bara ljúfar kveðjur og fulltaf knúsi og brosum yfir ykkur öll með von um að þið eigið fína daga að einhverju leiti - þrátt fyrir kreppuna. Verið dugleg að reyna að finna ykkur eitthvað sem létt getur skap og lund inni í ykkar eigin fjölskyldu svo ekki sundrist hún, nóg komið þegar þó það bætist ekki við að heilu fjölskyldurnar fari í sundur líka.

Knús og kram á línuna!


Burt með spillingarliðið! Nú er hægt að frysta það sem áður var ekki hægt ... en ekki setja mig út í frost samt! Hversu mikið má einn Landspabbi brjóta af sér til að þurfa að axla ábyrgð og taka pokann sinn? .. Huhhh!

Whistling  Jæja, ég er að hugsa um að taka þátt í því að vera með smá hugleiðingar um kreppuna, reyndar ekki miklar pælingar - því ég nenni ekki að eyða tíma og orku í slíkt - en smá vera með sko ...

Sko, þó ég sé ekki mikill kreppulalli þá hef ég samt áhyggjur af ástandinu og því hvernig þessi kreppa á eftir að bitna á komandi kynslóðum. Heyrði síðast í gær held ég - að nýfætt stúlkubarn (eða sveinbarn) skuldaði um 7 milljónir þegar það fæddist??? Auðvitað er þetta skelfilegt, en samt sjálfsagt að halda í vonina um að eitthvað eigi nú eftir að breytast til hins betra í framtíðinni.

Woundering  Nú, ég tók bílalán hjá Glitni - bílalán sem hækkaði um helming svo ég fór í byrjun Október - til að reyna að fá lánið fryst og borga bara vextina (þó ég ráði í raun ágætlega við hækkunina). Mér tjáð að slíkt væri ekki hægt, en hægt væri að skuldbreyta og lækka gjalddagana. Úr varð slík breyting en við bættist 10.000kr kostnaður. Fyrsta greiðslan fór úr 55.000kr niður í 45.000kr en svo næstu þrjár niður í 35.000kr sirka ...

Núna, einhverjum tveim til þrem vikum síðar er hægt að fá lánin fryst og borga bara vexti á meðan ástandið er svona slæmt. Ég hafði samband við Glitni til að fá leiðréttingu minna mála, en þá var þegar búið að lækka næstu greiðslu um 10.000kr kostnaðinn sem ég greiddi áður fyrir skuldbreytinguna (sem er gott mál) en nú gat ég einnig fengið lánið fryst og því borga ég bara vexti um næstu mánaðarmót.

Því er það málið fyrir ykkur sem kannski hafið breytt lánunum ykkar fyrr í mánuðinum en ekki fengið að frysta þau - að hafa aftur samband við bankann ykkar og athuga ykkar stöðu og fá breytingar í gegn ef ykkur vantar slíkt. Vildi bara svona nefna þetta ef einhver hefur ekki tekið eftir þessum nýju möguleikum sem nún standa til boða - en stóðu ekki til boða fyrr í mánuðinum... það eru kannski margir sem ráða ekki við hækkunina og þurfa á frystingu að halda, en kannski eru líka margir sem ráða svo sem alveg við hækkunina - en líkt og ég, gætu þeir notað sér þetta til að taka mismuninn og leggja hann í góð málefni frekar en að henda honum inn í botnlaust hýt.

Tounge  Tounge  Tounge  Tounge  Tounge

Nú, auðvitað er ég alveg jafn undrandi og hneykslaður yfir nýjustu sögum úr bankakerfinu, nánar tiltekið frá Kaupþingi gamla. Ef satt reynist að skuldir eða ábyrgðir manna þar á bæ hafi verið felldar niður - en við þurfum að sitja uppi með okkar ábyrgðir - þá er náttúrulega bara málið að hætta viðskiptum við slíkan banka og þar með sýna honum að við sitjum ekki þegjandi undir slíku. En, það er svo sem ekki nóg. Það verður ekki til þess að koma ábyrgðinni aftur á réttar axlir, axlir þeirra sem fengu aflausn synda sinna. En eitthvað verður að gerast til að róa niður landann.

Woundering  Woundering  Woundering  Woundering  Woundering

Svo er það okkar mesti skaðvaldur í dag, að mínu mati!

Davíð Oddson Seðlabankastjóri...

Hversu lengi á þessi maður að fá að sitja í skjóli Forsætisráðherra okkar, Geirs H.H...? Er hann ekki búinn að gera nógu mörg mistök nú þegar til að hljóta að þurfa að segja af sér? Hversu lengi má svona háttsettur sitja þegar hann er að gera hver mistökin á fætur öðrum? Ég gruna nú að fyrir minni sakir hefðu mörg höfuð fengið að fjúka í öðrum löndum - og ráðherrar fengið að taka pokann sinn.

Síðustu upplýsingar erlendis frá; Íslenskir ríkisborgarar krafðir um staðgreiðslu bílaleigubíla sem og annarrar þjónustu - jafnvel krafðir um staðgreiðslu matar á veitingahúsum - áður en þeir borða! Kona krafin um sannanir að hún geti haldið sér uppi á ferðalagi til Spánar...  Hver hefur komið okkur í þessar aðstæður? Jú, sannarlega Davíð Oddson og þeir útrásapésar sem farið hafa stóran undanfarin ár .. en hvernig getum við komið þessum karli af stóli? Varla er hægt  að hætta viðskiptum við Seðlabankann þar til karlinn er kominn út með pokann sinn? Æi, þegar stórt er spurt þá er oft lítið um svör. En næsta víst er að ég tek þátt í því að enda pistilinn minn á því að vísa til Ólínu okkar Vestfjarðaprinsessu - og læt ég lokaorðin yfir til hennar hér með.

Ljúfar kveðjur á ykkur öll - er farinn í blogghring - þó hægt fari og ég detti alltof oft út. Vona að tölvan mín komi í leitirnar á morgun, en síðasta lagi allavega á föstudag.

W00t

Burt með spillingarliðið!

Ólína Þorvarðardóttir er með góðar hugleiðingar og góða tillögu;

"Hún er sú að allir bloggarar landsins sameinist í einni kröfu sem verði aukasetning í öllum fyrirsögnum þeirra á blogginu, og þeirra lokaorð - hvert svo sem efni bloggfærslnanna er að öðru leyti: Burt með spillingarliðið!

Þannig að þegar ráðamenn þjóðarinnar, fjölmiðlafólk og aðrir, koma inn á moggabloggið, visi.is eða önnur bloggsvæði, þá blasir krafan við þeim hvert sem litið er.

Burt með stjórn Seðlabankans og bankastjórana þrjá. Burt með Fjármálaeftirlitið, stjórn þess og starfslið. Burt með alla þá starfsmenn bankanna sem þáðu eða ákváðu skuldahreinsun eða undanfæri fyrir útvalda. Burt með þá ráðamenn sem samþykktu ósómann með beinum eða óbeinum hætti, þögn eða aðgerðaleysi.

Burt með spillingarliðið, hvar í flokki sem það stendur! "

Ath; Feitletrað í gæsalöppum eru orð Ólínu sjálfrar og vel þess virði að taka þátt í þessu!


Three þásund vírusar syndandi um allt hjá mér ... en samt tekst mér það sem ég ætla mér! Gerum það eftir fjóra daga - sem við gætum gert í dag - ef þú borgar fimm þúsund fyrir það!

Angry  Jæja, ég fór með tölvugarminn niður á verkstæði tölvulistans í morgun en þar var mér tjáð - sem ég reyndar vissi áður - að þeir myndu horfa á hana á borðinu hjá sér í minnst fjóra virka daga áður en þeir kæmu við hana.. how strange!

En, það er líklega nóg að gera hjá þeim yfir höfuð - enda virðast tölvur frá tölvulistanum vera mun verri en aðrar tölvur - að því er virðist.

Þessi tölva er ekki orðin ársgömul, en þetta er í annað skiptið sem ég fer með hana til þeirra til athugunar. Síðast var það skilst mér galli í stýrikerfi - ef ég man rétt - en hvað skildi koma í ljós núna???

Gamla tölvan mín, sú sem ég átti áður en ég fór í tölvulistann fyrr á þessu ári - var orðin örugglega fjögurra ára - og hún hafði aldrei bilað á neinn hátt og aldrei krassað - fékk hana ekki í tölvulistanum - umhugsunarvert??? Jamm, ég fer allavega ekki aftur í tölvulistann til að endurnýja þegar þar að kemur - nema þeir geti fullvissað mig um að ég hafi verið óeðlilega óheppinn með tölvueintak (sem ég þó veit að er ekki satt því ég þekki nokkra sem hafa verið í vandamálum með tölvur þaðan) ....

W00t  Núna er ég að nýta gamlan lappa sem er ekki með nema 3.000 vírusa í lausagangi um allt!!!

Hún slekkur og kveikir á sér í tíma og ótíma, dettur út af netinu og leyfir engar myndir eða vinnslu með myndir - því get ég ekkert komið myndum í færslur á meðan.

Annars er ég góður bara!

Woundering

Ég ætla nú samt að reyna - þrátt fyrir 3 þúsund vírusa - að byrja að yfirfara ykkur kæru bloggvinir og aðrir sem hafa verið að spora á síðuna mína. Ég get ekki beðið í heila viku eftir því - vegna þess að þá þarf ég marga sólahringa til að lesa allt og spora til baka ..

Heart

Sendi ljúfar kveðjur á ykkur öll með von um dásamlega viku framundan hjá ykkur öllum!


Can you really fart whenever you want? Er konan virkilega svona hefnigjörn? Ertu Asni? .. eeee .. NEI!

Ég er að segja ykkur það enn og aftur - það er hægt að segja heilt ævintýri, bara alla hringrásina - í fjórum myndum!

Heart  Devil  W00t  GetLost

Heimurinn séður í hnotskurn með augum karlmannsins!

aevintyrid

Heart

 Viðbrögð hans við endalokum tilhugalífsins!

happyfeet

Devil

 Viðbrögð konunnar vegna frammistöðu karlsins!

missed me

 W00t

Og að lokum stendur karlmaðurinn uppi sem ... ?

asnalegur

Whistling 

Segi ekki meira. Ef einhver finnur sjálfan sig í þessari sögu - þá er það tilviljun ein sem því ræður. Nöfnum og stöðum hefur verið breytt til að vernda alla málsaðila. Tek enga ábyrgð á viðfangsefninu og vísa öllum neikvæðum commentum til föðurhúsanna!


Hvers vegna, hvers vegna ... hvers vegna gerast ófyrirséðir atburðir og afhverju þurfa þeir stundum að vera svona skelfilegir?

Deadconfederate

Drengurinn ungi var í sjokki, hann starði skelfdur á það sem fyrir augnabliki hafði verið lifandi mannvera - galandi eitthvað og iðandi af lífi. Þetta sem lá við fætur hans núna var hins vegar eitthvað svo óhugnanlega skelfilegt að hjarta drengsins stóð í stað, hann andaði varla, vildi ekki hræða þennan óhugnað meira en þegar var orðið.

Hann var ungur, einungis 16 ára, hafði fátt óhugnanlegt séð um æfina - hvað þá eitthvað eins ljótt og skelfilegt og það sem núna blasti við honum. Hann leit niður á götuna og beint framan í viðbjóðsleg galopin starandi augu sem voru blóðsprungin í rifnu andliti, andlit sem hékk einhvern veginn saman en samt ekki.

 

Ungi maðurinn var nýkominn á erlenda grundu ásamt frænda sínum, báðir 16 ára og báðir þokkalega kátir og ljúfir drengir sem ekkert máttu aumt sjá án þess að reyna að bjarga því. Þeir höfðu fengið góðfúslegt leyfi foreldra sinna til þessa ferðalags - tveir ungir sveinar einir á ferð til sólarlanda í 3 vikur, hvernig gat lífið orðið dásamlegra? Ekkert skal koma í veg fyrir dásamlegt frí og fátt gæti reyndar skemmt fyrir þeim ferðina því báðir voru bindindistöffarar, hvorki tóbak né áfengi voru ferðafélagar þeirra.

Ungi maðurinn okkar var lífsglaður og uppfullur af gleði til heimsins, Kátur með eindæmum og gleðin geislaði úr augum hans við hvert tækifæri. Þeir frændur voru búnir að vera örfáa daga á sólarströnd og búnir að kynnast þónokkrum ungmennum sem voru líka þar á ferðinni. Á hverju kvöldi var haldið á diskótek og dansað og daðrað langt fram undir morgun. En ætíð var gleðin í fyrirrúmi og stutt í skellihláturinn.

colagetop

Eitt kvöldið hafði hópur ungmenna ákveðið að fara á ákveðið diskótek sem ekki hafði áður verið farið á en allir vissu hvar var. Eitthvað voru frændurnir seinir fyrir og hópurinn kominn til að ná í þá áður en báðir kláruðu sturtu eftir daginn og ekki uppáklæddir. Það var handagangur í öskjunni og okkar drengur lætur frænda sinn fara fyrst í sturtuna. Þegar það er búið er hópurinn kominn á hreyfingu og orðinn eitthvað óþolinmóður - svo ungi maðurinn okkar segir frændanum bara að fara með hópnum, sjálfur ætlaði hann að fara í sturtu í rólegheitum og koma svo og hitta hin öll á diskótekinu, hópurinn fer og frændinn með.

Ungi maðurinn okkar fer í sturtuna, gefur sér góðan tíma og lagar sig svo vel til - enda mikill diskóbolti og heilmikil tískufatakappi, allt átti að vera fullkomið. Hann lagar sig til og skellir sér af stað labbandi. Klukkan var vel yfir miðnætti en það skipti engu því þessi staður var alls ekki slæmur, engin afbrot og fátt um rán eða glæpi. Því ákveður ungi maðurinn að stytta sér leið yfir stóran móa - og kemur flottur hinu megin út af móanum. Þar er lítil þröng gata sem liggur beina línu að diskótekinu sem hópurinn fór á svo stutt var þaðan.

Drengurinn labbar af stað eftir götunni, reyndar uppi á gangstéttinni. Hann hafði ekki labbað lengi þegar hann tekur eftir hávaðahrópum, líkt og þegar menn eru að rífast - hann gengur lengra og sér þá framundan á sömu gangstétt fullorðinn mann sem baðar út höndum og er að hrópa eitthvað á útlensku sem var óskiljanlegt drengnum. Drengurinn lítur yfir götuna - þangað sem maðurinn horfði og hrópaði - og sér þar annan mann sem baðar líka út höndunum og hrópar eitthvað álíka fjandsamlegt yfir götuna.

Eitthvað setur drengurinn þetta ekki fyrir sig, þetta virtist ekki vera neitt alvarlegt svo ekki hræddist drengurinn - enda virtist engin ástæða til þess. Hann gengur nær og nær og því nær sem hann kemur manninum sér hann að viðkomandi er greinilega að rífast við þann sem staddur var hinu megin við götuna. Bílum var þétt lagt meðfram gangstéttinni og stutt bil á milli þeirra. Þegar drengurinn kemur nánast að manninum sín megin götunnar - tekur maðurinn allt í einu undir sig stökk - og æðir á milli tveggja kyrrstæðra bíla og veður út á götuna í átt að hinum manninum. Drengurinn snarstansar og horfir á eftir manninum út á götuna, enda bara 2-3 metra frá honum.

En, þá gerist allt svo skelfilega hratt - en samt svo rosalega hægt að drengnum fannst hann allt í einu vera staddur í bíómynd þar sem allt var sýnt í hægagangi.

bilaklessa

Maður hleypur út á götuna - og bíll kemur á brjálaðri ferð - bíll skellur á manni sem hreinlega flest út á framhluta og glugga bílsins en síðan - þegar bíllinn snarstansar - kastast splundraður líkami mannsins hátt í loftið og skellur með veini og brothljóðum niður á malbikið. Tíminn stóð kyrr, ekkert heyrðist nema eitthvert undarlegt skelfingavein hinu megin við götuna - og annað skelfingarvein úr einhverjum sem kom út úr bílnum - en drengurinn bara starði skelfdur og gekk í dái í átt að því sem stuttu áður hafði verið hlaupandi og gargandi mannvera.

 

Fáir voru á ferli á þessari götu svo drengurinn gekk í leiðslu óhindrað beint að þessari skelfilegu sýn sem nú blasti við. Rétt áður en drengurinn kom að hrúgunni sem lá á götunni - gekk hann fram á fótlegg sem bara lá þarna einn og yfirgefinn á götunni, hjartað staðnaði en áfram gekk drengurinn yfir blóðslóð - alveg að þessu aumkunarverða flaki sem nú lá á bakinu á götunni. Drengurinn horfði beint niður fyrir sig - beint í skelfingu lostið andlit í dauðategjunum. Hryglandahljóð, uml.. augun fyrir neðan hann störðu beint í augu drengsins og á einu örstuttu andartaki lyftist afskræmt og sprungið höfuðið upp svo rusl lafði niður aftur úr því - heilinn örugglega skaust upp í huga drengsins sem horfið í vantrú niður á þennan hrylling.

Hann starði enn og fann allt í einu að einhver tók í axlirnar á honum og reyndi að draga hann burt - en drengurinn var lamaður, hann horfði á tætt andlitið með starandi augun sem horfðu að því er virtist beint í hans eigin augu. Sekúndubroti síðar skall höfuðið aftur niður - en óhljóðin sem bárust frá molnaðri höfuðkúpunni þegar hún skall á götuna aftur - bergmála ennþá í huga unga drengsins. Hann losnaði allt í einu úr leiðslunni, var tosaður burtu frá afskræmingunni sem lá á götunni - heilmikið var sagt við hann en hann skildi ekkert af því og heyrði mest lítið af því. Hann var leiddur að vegg og var látinn setjast niður, stuttu seinna heyrðist í sírenum og fleira og fleira fólk bættist í hóp þeirra sem komu til að sjá hvað hafði gerst. Drengurinn var skilinn eftir einn. Hann stóð upp, horfði í átt að hryllinginum - lokaði augunum augnablik, en opnaði þau strax aftur því hann sá samstundis starandi blóðhlaupin augu í afskræmdu og sundurtættu andlitinu birtast.

Death-thum

 

Hann gekk rólega í burtu, hann var grátandi. Hann var með mikinn ekka og gráturinn kom beint frá hjartanu. Kátínuglampinn og brosvirpan sem ætíð voru meitluð í augum og andliti drengsins voru horfin - en þess í stað var nú sorg og hryllingur - andlitið unga var frosið og augun voru grátbólgin. Góði Guð, hugsaði hann. Afhverju þurfti þetta að gerast? Afhverju afhverju afhverju afhverju ... afhverju er dauðinn svona grimmur og ætíð svona stutt í burtu frá okkur?

Smá saman hjaðnaði ekkinn og gráturinn dó hljóðlega út inn í nóttina. Drengurinn tók allt í einu eftir því að sólin var komin upp - hann leit á klukkuna - það var kominn morgun allt í einu, hann hafði gengið alla nóttina eitthvað án þess að átta sig á því. Hann hrökk við, frændi minn - hann hlýtur að vera hræddur um mig því ég kom ekki á diskótekið. Æi, aumingja frændi hugsaði drengurinn - hann fann út hvar hann var staddur - og hann kom sér til baka með það sama. Frændinn var að sjálfsögðu vitstola af áhyggjum enda hafði hann ekkert heyrt í drengnum alla nóttina og vitandi hve samviskusamur drengurinn var - vissi hann að eitthvað hræðilegt hlaut að hafa gerst, enda sjá hann það strax í andliti drengsins er hann labbaði inn í íbúðina.

Drengurinn varð að útskýra undarlega fjarveru sína - og saman fóru frændurnir aftur á þennan hræðilega stað daginn eftir. Honum leið illa, hjartað hamaðist og tár byrjuðu að renna því nær sem hann kom að þessum skelfilega stað. En hann ákvað að hann ætlaði sér ekki að láta undan, hann ætlaði sér að horfast í augu við hvað sem þar nú beið.

Sem betur fer hafði allt verið fjarlægt, en eftir stóðu krítaðar myndir af einhverju hrúgaldi sem ekki hafði mannsmynd í sér - en þó þekktu drengirnir mynd af stökum fótlegg sem teiknuð var spölkorn frá hrúgaldinu sjálfu.

Það sem eftir lifði af sólarferðinni eyddi drengurinn í móki - hann reyndi að einbeita sér að því að öllu því góða sem til var í heiminum til að draga það yfir þennan skelfilega atburð. Hann svaf lítið og enginn var kátínan og hláturinn - en hann hvatti frænda sinn til að skemmta sér með hópnum til að eyðileggja ekki ferðina fyrir honum líka. Eftir sat drengurinn grátandi á kvöldin en lét frændann aldrei sjá hve mikið hjarta hans var brotið og sálin í mikilli flækju.

Sunset

 

Það var ekki fyrr en hann kom aftur heim að hann fékk hjálp - áfallahjálp var ekki til - ekki einu sinni orðið. En drengurinn átti móður sem var hreinasta galdrakvenndi. Hún náði strax tökum á drengnum, neyddi hann til að tala um allt sem skeð hafði - lét drenginn tala og tala - og gráta og gráta og að lokum var drengurinn gersamlega uppgefinn og algerlega búinn. Það tók galdrakonuna aðeins örfáa daga til að fá drenginn til að brosa aftur, en - hún sá að brosið náði ekki til augnanna - og glaði káti glampinn var horfinn.

Mörgum árum seinna kom glampinn aftur - en í hvert sinn sem drengurinn hugsar til baka - þá er það skelfilegt mulnings- og beinabrotshljóð sem bergmálar hátt og grimmilega í huga hans sem minnir hann á afskræmt höfuð sem skall aftur fyrir sig á götuna eftir að hafa lyft sér upp í einhverjum dauðateygjum - og starandi augun sem horfðu skelfingu lostin beint í augu drengsins fylgja honum grimm eftir ennþá.

Hugsunin er mjög mild í dag, langt frá því að vera skelfileg - en ef drengurinn dvelur of lengi með hugann við þennan atburð - þá renna tár fyrir hönd þessarar vesalings mannveru sem hlaut þarna svona skelfilegan endir.

Ég mun ekki setja inn athugasemdir hérna við þessa færslu. Mín athugasemd - er færslan sjálf. Skoða ykkur öll á morgun, can´t do more tonight ..


Fjölmiðlar geta haft mikil áhrif á líf einstaklinga og ættu undantekningalaust að sýna varkárni í umfjöllun um persónuleg málefni sem engum kemur í raun við.

Já, valdið er heljarmikið þegar fjölmiðlar eru annars vegar og viðkvæm málefni hins vegar. Sannarlega hægt að segja að fjölmiðlar geta haldið fólki í heljargreipum, ofan í skúffu eða í skápnum. Vitanlega er vandmeðfarið að fjalla í fjölmiðlum - um eitthvað sem er eins viðkvæmt og samkynhneigð þegar leikarar eru annarsvegar, sem og opinberir aðilar eða þeir sem á einhvern hátt eru frægir.

Ég hugsa að það sé ætíð erfitt fyrir samkynhneigða aðila að komast út úr skápnum, hvort sem þeir séu þekktir eða ekki. Það erum við hin sem gerum þeim þetta svona erfitt með fordómum og bölvuðum kjaftagangi. Það hafa alltaf verið til fordómafullir einstaklingar sem trúa því að við getum orðið samkynhneigð bara af því að koma nálægt og/eða umgangast samkynhneigða, sem vitanlega er eins mikil heimska og frekast getur verið. Mín reynsla af samkynhneigðum er góð, enda eru nokkrir samkynhneigðir einstaklingar á meðal minna allra bestu vina. Þeir eru dásamlegir vinir og leggja ætíð alúð í allt sem þeir gera eða taka sér fyrir hendur og ætíð með opið hjarta fyrir vini sína. Þeir samkynhneigðu einstaklingar sem ég þekki til sem eiga börn - eru bestu foreldrar sem ég þekki bara.

Því segi ég bara að fjölmiðlar ættu að sýna mikla varkárni í því að fjalla um persónuleg málefni, málefni sem engum kemur við nema bara þeim samkynhneigðu og þeirra fjölskyldum og vinum. Auðvitað ættu fjölmiðlar ætíð að sýna varkárni þegar þeir eru að fjalla um persónuleg málefni yfir höfuð og um hvern sem er. Það sem gerist innan veggja heimilisins er málefni fjölskyldna og vina þeirra, ekki fjölmiðla eða Jóns og Gunnu uti í bæ.

InLoveEn, núna er ég kominn með litla gullmolann minn í heimsókn. Þessi dásamlegi pjakkur er systursonarsonur - en ég ætla mér að eignast hann að lokum. Ég ætla að spilla  honum svo mikið að hann vilji bara mig, ekki sína yndislegu móður og ekki sinn dásamlega faðir - og alls ekki fallegu ömmurnar sínar og afana sína - bara mig mig mig mig ... .muhahaha! Ég elska þennan litla dreng.

Allavega verð ég mest lítið á netinu á morgun, eða svo - og hver veit - ef allt gengur vel þá neita ég að skila honum á morgun!Heart

En, ég er farinn að horfa á hann sofa... ég get ekki sett inn myndir af honum fyrr en eftir helgi því ég fæ flaggskipið mitt ekki fyrr en þá Crying Hringdi í dag í tölvulistann og þá var mér sagt að þeir BYRJA ekki á því að vinna í tölvunni fyrr en 4 DÖGUM EFTIR AÐ HÚN KEMUR Í HÚS TIL ÞEIRRA!!! Hot damn ... sem þýðir að þeir byrja á að líta á hana á mánudaginn til að sjá hvað þeir þurfa að gera. Gallagripir sem þeir eru, rétt eins og tölvurnar þeirra. En knús á ykkur öll og munið að ég kíki yfir ykkur öll af miklum krafti þegar tölvan kemur heim til pabba síns ... *snýt*Crying

Yfir og out of here...


mbl.is Fjölmiðlar „halda leikurum í skápnum“
Tilkynna um óviðeigandi tengingu við frétt

Skollinn hafi skrílinn sem svertir góð og lögleg mótmæli!!

     Ok, ég var búinn að ákveða að ég ætlaði ekki að blogga um þetta aftur - og enn síður gera athugasemdir við blogg sem fjalla um þetta - en ég bara er gapandi gáttaður! Ég bara skil ekki svona lagað, hvað er eiginlega í huga þeirra sem taka þátt í svona löguðu. Þetta eru hin einu sönnu skrílslæti, barnaskapur og skólakrakka- gengjaklíkulæti. Vitið þið hvað, ég skammaðist mín þegar ég horfði á þessar aðferðir og þessi barnalæti. Öskrandi og hálf volandi skríll sem var þarna í einum tilgangi - og aðeins einum tilgangi sannarlega - en það var til að "Vera með í látunum, atast í löggunni, sýna hve valdið er í raun mikil valdnýðsla"...

Þetta er það sem ég hef alltaf verið viss um að myndi gerast, að vitlausar aðferðir og ólögleg mótmæli myndu sjóða fram og málefni þau sem átti að mótmæla myndu gleymast í hamagangi þar sem allt myndi snúast um það hve lögreglan er mikil valdaklíka. Engin pælir í því að ef engin (trukkakarlar) hefði brotið lög þá hefði engin lögregla verið sjáanleg.

Skelfilegt að sjá smákrakka, skólakrakka og hálfgerðar "fótboltabullur" æða öskrandi og froðufellandi með orðum sem ekki er hægt að endurtaka - gegn lögreglunni - í þeim eina tilgangi að láta lögreglu ráðast gegn sér fyrir framan myndavélarnar - til að sýna nú almennilega hve mikil valdanýðslan er í raun og veru??? Fjandinn hafi það hvað sumir þarna voru eins og fávitar. Ég er handviss um að stærstur hópurinn sem þarna var saman kominn var á miklum adrenalínskammti - æsingurinn var slíkur að þeir allra mestu bjálfarnir hreinlega skulfu af æsingi, aldrei upplifað svona mikið adrenalín og sannarlega átti nú að láta myndavélarnar ná því augnabliki þegar þeim tókst að storka löggunni nógu mikið til að hún léti ekki lengur vaða yfir sig og handtæki fólk og fleira..

Þetta er það sem Trukkabílstjórar geta þakkað sjálfum sér fyrir að skapa. Engin annar hefur búið til þetta ástand. Ætli þeir átti sig á því að vegna lögbrota þeirra í þessum skrílslátum - hafa þeir valdið því að við - skattgreiðendur - þurfum að borga 60 - 80 lögreglumönnum kaup til að standa vörð um lögin vegna þessara láta? Nei, örugglega ekki - eða þeim er fjandans sama. Hversu margir munu nú hljóta sektir eða fangelsisdóma vegna "mótmælanna" sem trukkakarlar standa fyrir? Eitthvað sem ekki hefði skeð ef allt hefði verið löglegt..

Ég veit að það eru fæstir sammála mér hérna, enda skiptir það engu máli - þetta er mín skoðun og mitt álit. En álit mitt á trukkamönnum í þessum látum er ekki mikið núna - og enn minni er virðing mín fyrir þeim sé ég sá kasta eggjum og grjóti í lögregluna, slíkt er til mikilla minnkunar fyrir viðkomandi fávita. Í upphafi var ég sannarlega með bílstjórum í þessu en svo byrjuðu þeir að fara illa yfir strikið og smá saman hafa þeir gert það að verkum að ég hef engan áhuga á að styðja þá í þessari "baráttu".

Mitt álit er ennþá að ef þeir hefðu gert þetta löglega og á réttum vettvangi þá hefði ég ennþá verið að taka þátt í mótmælunum með þeim. Stóru trukkarnir hefðu átt að leggja við allar bensíndælur á höfuðborginni - kaupa smá bensín til að vera löglega lagðir þar - og hanga svo bara inni á bensínstöðinni í kaffisopa eða fá sér kók og súkkulaði - en hreyfa sig hvergi. Þá hefði allt verið löglegt og friðsamlegt, já enda engin að brjóta lög og engin að trufla umferð á götum úti. Þá hefðu þeir séð til þess að hæðstu toppar olíufélaganna hefðu strax farið að ókyrrast og þokkalega hefðu þeir ekki setið lengi á meðan ekkert besnín - og eða olía væri að seljast. Þeir færu næsta víst strax af stað til að gera eitthvað í málunum og hefðu herjað á stóru toppana í landsstjórninni og þar með hefði boltinn rúllað hratt af stað án þess að allir óróaseggir landsins streymdu til að vera með skrílslæti og óróa.

Nýjustu fréttir herma að eitthvað sé um að trukkakarlar af landsbyggðinni séu á leið í bæinn til að taka þátt í þessum látum. Bílstjórar - opnið augun. Mótmælið á réttum stað - í stað þess að framkalla svona æsing gegn vitlausum aðilum. Allir þeir sem "þola" ekki lög og reglu - munu sameinast í að nota ólögmæt mótmæli til að atast í lögreglunni til að "vera með" en bara í heimsku og adrenalínæði... Ég styð mótmælin á rétta staðnum og mun koma með minn bíl - leggja honum hjá ykkar og vera sáttur og glaður með lögmæt mótmæli sem væru án fávita sem æða áfram með öskrum og hamagangi sem engu skila.

Þið megið athugasemdast eins og þið viljið hérna, við höfum mismunandi skoðanir og er þetta algerlega mín skoðun hérna. Mín skoðun er auðvitað mín - hún er ekkert endilega réttust og ekkert endilega röngust - þannig séð - hún er bara mín eigin og ég hef allan rétt á því að hafa þessa skoðun. Ég veit um marga sem sjá ekkert nema bara hvað löggan er vond hérna - en engin virðist sjá að það eru lögbrot og svona uppákomur sem skapa það að löggan gengur fram í því að halda lögum réttu megin. Engin virðist horfa á að svona mótmæli - ef mótmæli skal kalla - eru löngu komin út fyrir það sem málið raunverulega snýst um. Borgarar og bílstjórar - látum ekki æsa okkur upp í að taka þátt í rugli ein og því sem fram fór í dag! Sýnum lögum virðingu - sýnum lögreglumönnum virðingu. Sýnum samstöðu á löglegan hátt og á réttum vettvangi.


Klór í sundi, húsnæði fyrir heimilislausa og ekkert stripperí á næstu árshátíðum...

Picture 010Æi, skollinn hafi slæma umfjöllun yfir höfuð. Nú geta hestamenn ekki lengur hrist félagana saman (takk Brjánn Boxer fyrir hugmyndina) á ársfundum sínum. Hestamannafélagið Hörður hefur tilkynnt að vegna neikvæðrar umfjöllunar mun ekki oftar vera strippað og hrist á þeirra samkuntum. Nú mun nektardans ekki lengur vera uppi á pallborðinu, né í hesthúsunum. Nú er bara málið að finna eitthvað sem stuðar ekki glæsifrúr í Vesturbæ - eða Austubæ. Kannski er hugmynd að fara út í prjónaskap, enda tengist "prjón" hestamennsku óneitanlega, ekki satt? Þá geta nú okkar hneykslangjörnu húsfrúr og karlar andað léttar því hvorki myndi þá vera hrist né dillað neinu - nema prjónunum, þannig séð.

 

Hóhó.. ef klórinn er það sterkur að hann nái að upplita fatnað, þá hlýtur hann að ná því að hafa einhver áhrif á húð þeirra sem í fatnaðinum er þegar klórinn upplitar fatnaðinn. Í Grafarvogslaug hafði víst einhver bilun orðið í klórbúnaði sem varð til þess að mun meiri klór en góðu hófi gegnir komst í heitan pott þar. Einhverjir laugargestir höfðu þegar dundað sér í pottinum áður en upp komst að klórinn var yfir því sem ætti að vera, en þó sundfatnaður hafi upplitast er sagt að fólk hafi ekki hlotið skaða af. Maður vonar það sannarlega, enda klór ekki góður á húð eða í hár manns...

 

 

 

hotcarLoks er að hitna í einhverju - Loks virðist eitthvað vera að gerast í málefnum heimilislausra sem búa á götunni í höfuðborginni. Færanleg hús fyrir heimilislausa komið fyrir á einkalóð á Granda er málið. Það eru 4 færanleg hús sem um er að ræða og er ætlast til að í þau fari bæði pör og einstaklingar - en ekki stakir aðilar saman eins og á heimavist t.d. Gott og blessað, en nú er heljar mikil pappírs- og lagaleg vinna framundan til að þetta megi verða að veruleika. Nú er bara málið að hraða þessu, spýta í lófana og láta hendur standa fram úr ermum. Oft á tíðum alveg hreint ótrúlegur tími sem fer í alla lagalega og pappírslega vinnu í kringum svona málefni - og á meðan liggja okkar kæru samlandar á götunni á nóttunni!

Þetta var bara svona smá innskot inn í daginn. Engin nauðsyn að vera að æsa sig eða kvitthamagangast hérna. Auðvitað megið þið henda inn bros- eða fílukarli hérna en aðalatriðið er að lesa og hafa gaman- eða ekki gaman af. Eigið ljúfan dag öll ...


Næsta síða »

Höfundur

Tiger
Tiger

Ég eyði fúlum og neikvæðum athugasemdum - svo það er tímaeyðsla að henda slíkum fjársjóð hingað inn. Verð hérna bara í flugumynd - lítið sem ekkert sem sagt. Þýðir ekkert að bíta af mér hausinn þrátt fyrir það...

***

Þakka öllum innlitið, en það er ekki þar með sagt að þú sjáir mig spora út síðuna þína!

Heimsóknir

Flettingar

  • Í dag (28.3.): 0
  • Sl. sólarhring: 1
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndir

  • jesumynd
  • jesumynd2
  • jesumynd4
  • blómabeðið
  • blómabeðið
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband