Troddessu uppí bossann á þér addna! Skapast ný verkefni vegna ástandsins í dag? Nahhh .. this is not for me!

 Þarf ég nokkuð að segja eitthvað meira? Sjá myndir ekki um að segja hlutina mun betur en við getum nokkurn tíman útskýrt þá? ...  *Splatch*!

 

En samt að lokum kemur hér stjörnuspáin mín fyrir vikuna;

Stjörnuspá

Vog:

"Þú færð tækifæri til þess að láta sköpunarmáttinn í ljós í vinnunni í dag. Ný vinátta kviknar við furðulegustu aðstæður."

Hmmm .. ég veit að óvenjuleg viðfangsefni poppa upp við óvenjulegar aðstæður. *hux*!

Málið er að ég er nú að vinna við það sama og .. ehh .. Kalkúninn á skjánum, ætli ég endi ekki uppi með að þurfa að stunda sömu vinnu og hann - og - vegna kreppunnar - nota sama hráefni og hann??? .. Ohmægood, ég er hættur að vinna og farinn í stræk!

Ætla að narta í hana í rólegheitum - sleikjana og njótennar - hreinlega eta hana upp til agna!

Þvílíkt lostæti og þvílíkt augnkonfekt.

 Þessa ætla ég að nálgast eins fljótt og auðið er - lykta af henni, snúa henni á alla kannta - kannski sleikja hana aðeins - þó ég viti að það sé bannað - gæla við þá hugmynd að eiga hana alveg útaf fyrir mig sjálfan - alla og ósnerta og það sem meira er - umla og stynja á meðan ég afhjúpa hana þegar ég hef komið með hana heim. Segi það satt - ég mun verða í sæluvímu á meðan ég narta í þessa næstu nætur - í stað kanelsnúðanna minna.

Gleymi því ekki þegar ákveðinn bakari bakaði tertu og kom með hana til mín, gaf mér og át með mer - en glopraði því svo óvart út úr sér að hann vildi óska að hann hefði þessa uppskrift af tertunni - í ljós kom náttúrulega að hann hafði ekki bakað hana sjálfur eins og hann sagði í upphafi - heldur hafði hann keypt hana á leiðinni í ákveðnu bakaríi. Sótrauðum tókst honum þó að klóra sig út úr þeim vandræðapakka - með hjálp og leyfi frá mér auðvitað - enda - til hvers eru vinir ef ekki til að hjálpa til við að koma manni úr vandræðalegum uppákomum.

Kaka ársins 2009

Hlaðborðin svigna undan kreppukjötinu! Forstjórar halda veislur heima við fyrir starfsfólkið! Gleðilega Aðventuna allir ... huhhmm!

Þá eru það jólahlaðborðin. Þau eru núna að hellast yfir landann af fullum krafti - ja - eða hálfum krafti. Sannarlega kemur kreppan við veislurnar líka og margir hafa ákveðið að breyta hinu hefðbundna og hefur margur forstjórinn ákveðið að halda veislu starfsfólks heima hjá sér eða með miklum niðurskurði.

 Því miður hefur þessi hamagangur sem nú er byrjaður - þau áhrif á mig að ég hef ekki tíma í bloggið - nema bara rétt að hendast inn hér núna til að láta vita af mér. Reyni að poppa inn aftur seint í kvöld ef ég get en annars mun ég ekki fá lausan tíma fyrr en á mánudaginn 1. Desember.

 

 

Því langar mig bara til að henda hér inn gleðibrosi og hlýju knúsi á ykkur öll með von um að þið eigið góða helgina - njótið þess að ganga inn í aðventuna sem er á sunnudaginn. Þakka ykkur öllum athugasemdirnar og innlitið undanfarið - næ í skottið á ykkur áður en langt um líður.

Aðventuknús á línuna alla!

Nei, myndirnar eru ekki frá mínum veisluhöldum - mínar veislur eru sko miklu flottari!

Rússnesk Brauðstöng - ötuð í Rússneskum Vodka - otast aftan að fénu okkar. Brauðstangagerð Tiger býður uppá - íslenska brauðstöng ataða í hvítlauksolíu... er íslenskt bestast eða verstast? Bíddu, var þetta svo bara grín? En fúlt ...

Öryggismiðstöðin - gömul og riðandi stofnun - er í samkeppni við "Tiger". En Tiger er Brauðgerð sem hefur nú opnað buxnaklaufina með prompi og prakti í kreppunni alræmdu (sjá meðfylgjandi mynd). Þar sem fyrir er heljar væn brauðstöng - löðrandi í hvítlauksolíu - mun ekki vera hægt að taka við nýjum viðskiptavinum á því svæði alveg strax, en ef þú vilt bíta/narta í - ertu velkomin/n anyhow!

"Við hvetjum fólk til að hætta hamstraleiðangri um bæinn, hætta að elta mýs og önnur meindýr - og snúa sér að brauðstöngum" lét mister Tiger hafa eftir sér á nýafstöðnum fréttamannafundi sem sýndur var óbeint og slitrótt um Sæstrenginn "séstvallarassgat" - en sá strengur liggur frá Brauðstöng og aftur að rúsínukrumpunni - og þaðan yfir í stjórnstöð Brauðgerðarinnar.

Frést hefur einnig að Brauðgerðin Tiger sjái um allar veitingar Rússa næstu misserin - en eins og alkunna er - þá er Tiger mjög hallur undir Landspabba sem nú er kominn í vasa Rússakeisarans.

Líklegt þykir að mjög væn Rússnesk Vodkaæð muni verða lögð til landsins og eigi eftir að falla í vasa Tigers heljar Vodkagullöld í framhaldi af því. Einnig hefur það komið í ljós að Rússar munu flytja heljar magn af Rúg-mjöli til landsins - beint framleitt af Rúgandaþjóðinni sem þeir hafa um allnokkurt skeið herjað á - sem og fleiri þjóðir.

"Málið er að halda hlýfðarskildi yfir litlu meindýrunum og láta þau ekki finna fyrir þessum hamstraleiðöngrum heldur væri nær að leggja í feitari og bitastæðari flesk - villigöltinn í Seðlabankanum" urraði talsmaður Tiger - en Tiger sver af sér öll slík ummæli og vill ekki kannast við talsmann sinn á nokkurn hátt.

"Það er satt að við óskum eftir því að fólk láti hamstrana í friði - enda engin ástæða til að hamstrast eins og staðan er núna - mín ráð snúa að því að fólk sem er svangt og niðurbrotið - komi til mín - stingi hendinni eftir brauðstöng minni og gæði sér á þar til gerðri saðsamri stönginni - inn..." Datt út úr glottandi forstöðumanni brauðgerðarinnar Tiger.

Það er á allra vörum að mikil verðmæti liggja um víðan völl í Rússagulli - sér í lagi virðast margar Rússagrílur hafa birst uppúr vösum Landspabba og er því næsta víst að Landspabbi hefur leynt og ljóst haft Rússneska hamstra í haldi niður í Seðlabanka.

Mörg undarleg orð - og mörg undarleg hegðunin hefur komið í ljós í aðdraganda kreppunnar hvað vinaþjóðir okkar varðar!

"Nágrannar okkar hafa verið að koma aftan að okkur - eingöngu til að kíkja upp í norðurgatið og til að tékka á því hvort þeir ættu að gefa okkur dildó - eða fingur" sagði Tiger bakarameistari í léttari streng eftir hinn óljósa fund sem varla nokkur sá. 

Tiger hvetur fólk til að leggjast - hvert á annað - og njóta síðustu og verstu tímanna í hamagangi og nautn!

"Enda engin ástæða til að geyma slíkt til elliáranna eða mögru áranna - því er þangað er komið er maður orðinn of dauður í öllum æðum anyhow og ekki í neinu "standi" til að standa við það sem til stendur - án þess að það standi raunverulega nokkuð upp" sagði Tiger svo með tvíræðu brosi sem náði aftur fyrir krumpuðu rúsínuna sem ekki náðist að slétta úr í síðasta leðjubaði sem honum hafði verið ráðlagt að taka - af óáræðanlegri skessu - sér til heilsubóta  ...

"Munið bara að Seðlabankinn - er ekki rétti staðurinn fyrir féð ykkar og verðmæti - Seðlabankastjóri situr í sínum feita stól þar sem hann hefur í ró og næði nógan tíma til að taka féð okkar aftanfrá án þess að við fáum skellt bót fyrir boru Huppu litlu" sagði talsmaður Bakarímiðstöðvarinnar sem Tiger vill ennþá ekki taka ábyrgð á og vill ekki kannast við í þessum töluðu orðum!

"Jú, ég veit að Landspabbi hefur Rússastöng í buxunum - og nú mun hann sannarlega njóta þess að nýta þá lélegu stöng til að þjösnast aftan á fénu okkar Íslendinga - en - munið bara að íslenskt fé er mun betur geymt í íslensku umhverfi, í íslenskum vasa og í íslensku bakaríi - í Brauðgerð Tigers! En munið samt að RússaVodkinn er bestur hjá mér" sagði Tiger með mikilli áherslu á því hve íslenskar brauðstangir væru miklu betri til fjárfestingar en Rússastöngin er - þrátt fyrir óbilandi trú á RússaVeigarnar í fljótandi formi.

En það á allra vitorði að Rússagrílan hefur ætíð horft löngunar augum yfir á íslenska féð - með Rússabrauðstangirnar mundaðar og tilbúnir í að renna aftan að íslenskri þjóð með hvítlaukssmurðan rússíbanann!

Fram kemur að birgðir - rúgmjöls og Ora bauna - séu nánast á þrotum og ljóst að í því árferði sem nú ríki hefur fjöldi einstaklinga kosið að geyma stóraukin verðmæti á heimilum sínum sem falin eru í slíkum veisluföngum. Enn fremur hefur orðið vart við að lausagöngufé sé ekki lengur "safe" úti í íslenskri náttúru því vitað er að Rússar - á vegum Landspabba - hafi sést víða um skerið með fégildrur og einnig virðast víða poppa upp núna Nígeríubréf sem pósturinn ræður ekkert við. Í þeim bréfum falast fleiri norðurlandaþjóðir eftir löppum, sviðahausum og innmat úr fé okkar og því um að gera að gæta skjátanna vel.

„Við viljum hvetja fólk til að grípa til alvarlegra ráðstafana.  Hvetjum fólk til örþrifaráða og hvetjum fólk til að sniðganga Seðlabankann og snúa sér að Brauðstangagerð hins ekkisvoalíslenska Tiger" lætur óþekktur talsmaður stjórnar brauðgerðarinnar eftir sér hafa. Hann hvetur líka fólk til að brýna tennurnar og bíta fast frá sér - nú eða bara narta lauslega í brauðgerðina.. nú eða bara bíta fast í féð sitt og sleppa hvergi þó Rússnesk brauðstöng - böðuð í Vodka - poppi upp og reyni að komast aftan að fénu ykkar.

 

Tiger neitar öllum tengslum við slíkar ráðleggingar og telur að sér vegið með svona talsmáta. Hann neitar að axla ábyrgð á því sem fram hefur komið hér að ofan - að næstum því öllu leiti. Hann getur þó ekki afskráð eigin Brauðstöng og heldur fast í hana á meðan hann bloggar á mbl.is. 

Eitthvað er hann þó að draga í land og býður hér með þeim sem eiga um sárt að binda - í íslenska brauðstöng og rússneskan Vodka. Veitingarnar verða bornar á borð í Svikaráðuneytinu og mun hinn alræmdi Seðlabankastjóri - Landspabbi vera veislustjóri. Allt verður til sparað svo ekki glatist of mikið fé - enda engin ástæða til að ausa því yfir grindhoraðan landann.

Fólk geymi ekki stóraukin verðmæti á heimilum sínum

Ég græði núna grimmt á meðan landanum er hellt niður í hyldýpi botnlauss skuldafens! Hvað er lélegur lögfræðingur að gera sem Seðlabankastjóri? Er rollan þín á réttum stað? ...

Jæja já. Hér logar allt í eymd eða volæði á meðan innistæða mín hækkar og vex í erlendri mynt í erlendum banka!

Ég átti Evrur í Spænskum banka sem lagðar voru inn fyrir tveim árum - getið þið ímyndað ykkur hve ríkur ég er orðinn núna af þeim hækkunum á erlendri mynt sem dunið hafa yfir heimsbyggðina? Nei, örugglega ekki - en ég segi ykkur það satt að ég er að huga að fasteignakaupum um þessar mundir þar sem ég hef nú efni á að staðgreiða allt það sem ég þarfnast... not!

Nei, því miður voru þetta ekki nema um 10 evrur sem ég keypti á sirka 86 krónur - en ég reyddi fram 860 ísl.kr fyrir þessar 10 evrur. Nú fæ ég líklega um 1550 ísl.kr fyrir þær! Ég er sem sagt búinn að græða sem nemur 690 krónur ... ussogsveibara.

Nú er gleði- og gnægtardögum mínum lokið, kominn er tími kreppustrauma og uppgjörshugleiðinga. Nú verð ég að hætta að kaupa stórar bjórdósir og fara að einbeita mér að því að framleiða sjálfur.

 

 

Ég keypti mér nýjan bíl í Desember í fyrra á Kaupleigusamning sem hljóðaði uppá 1.800.000kr og áttu mánaðargreiðslur að vera 26.000kr á mánuði.

Í dag stendur lánið í 3.200.000 kr.

Afborganir eru búnar að hækka um sirka 20.000 kr á mánuði.

Hjálpi mér - ekki vildi ég standa í sporum þeirra fjölmörgu einstaklinga sem eru nýlega búnir að taka sér 10, 20 eða 30 milljónkróna myntkörfulán til íbúðakaupa! Mikið skelfing held ég að margar fjölskyldur standi núna uppi - eða eru liggjandi - á vonlausum og botnlausum fenjaþökum sem eru að draga landann niður í hyldýpi skuldafensins. Mikið skelfing hlýtur nánasta framtíð margra fjölskyldna að vera myrk og hræðileg! Og hvað gera yfirvöld?

Bjarga Bönkum og illa stöddum fyrirtækjum - en bjóða sökkvandi almúganum áfallahjálp! Áfallahjálp!!!

Ok, ég veit að ég er svolítið kjánalegur útlits - en virka ég raunverulega eins og ég þurfi áfallahjálp? Segir fátæklegur svipurinn ekki frekar að ég þurfi fjármálahjálp - eða segir ástandið í dag ekki að þeir verst stöddu þurfi frekar á einhvers skonar fjármálaaðstoð að halda frekar en áfallahjálp? Ég hefði haldið það .. eða hvað?

En hvað er svo sem hægt að gera? Ég get til dæmis ekki selt bílinn minn. Ég fengi engar 18 hundruð þúsund fyrir hann í dag - eins og kaupverðið var í fyrra - hvað þá að ég fengi 3 milljónir og 2 hundruðþúsund fyrir hann - eins og bílalánið hljóðar uppá núna í augnablikinu. Málið er að ég bjarga mér - ég lifi þetta af og get setið þetta af mér án þess að sökkva, en margir eru í þannig stöðu að þeir geta þetta ekki.

Ég sé ennþá fyrir mér hrokafullan svip Seðlabankapúkans í vor - þegar hann hreytti framan í fólkið í landinu "Látum þetta bara eiga sig - við lifum þetta af - sjáum bara til að ári" ...

Jú, það getur vel verið að hann og hans líkar lifi þetta af og jafnvel græði eitthvað á öllu saman - en landinn var þá þegar margur á síðasta hálmstrái - hálmstrái sem nú er löngu horfið og landinn sogast margur niður í myrkraðan heim skulda, vanskila og vonlauss lífs. Burt með þennan ljóta karl - hvers vegna er ekki löngu búið að koma honum burt úr einhverju sem heitir stór staða eða stórum stól. Hann er ekki hæfur til neinnar stjórnunar á nokkurn hátt! Heyrði þekktan hagfræðing líka segja að Davíð væri á engan hátt góður leiðtogi, engan veginn hæfur bankastjóri - ef eitthvað væri - þá kannski bara lélegur lögfræðingur! Hver er það sem heldur hlýfðarskildi yfir þessum feita bola? Því er ekki búið að reka seðlabankastjórann?

Ok, ég ætlaði sko ekkert að vera að velta þessum erfiðleikum fram og til baka - en ég bara ákvað að henda smá hugleiðingum frá mér og losa mig þar með við þær.

Þið sem standið í erfiðleikum með afborganir á t.d. bílasamningum - getið fengið skuldabreytingar - lengt lánið ef þið þurfið þannig að afborganir verða aftur svipaðar og þær voru um áramót.

Ég hvet ykkur allavega til að skoða málin strax, gera eitthvað í málunum og taka á hlutunum - frekar en að bíða þar til allt er komið í vanskil og botnlaust hyldýpi. Þaðan er mun erfiðara að ná tökum á hlutunum en með því að gera eitthvað áður en í vanskil er komið - er auðveldara að breyta, semja eða laga hlutina, eins vel og hægt er miðað við ástandið í dag ...

********

Annars er það af mér að frétta að ég er náttúrulega kominn aftur heim á klakann. Rollan er komin í hús, ofaní pott en ekki uppí rúm - og allt er að færast í réttar skorður.

Ég mun nú smá saman komast aftur í blogg-gírinn, en ég veit ekki alveg hversu virkur - eða óvirkur - ég mun verða til að byrja með. Enn fremur mun ég halda áfram að reyna að skella inn smá athugasemdum inná þá sem ég sé spor eftir á blogginu mínu - enda sjálfsögð kurteisi að borga fyrir sig - þó ekki sé í Evrum eða Jénum.

 

Ég ætla hugsanlega að setja inn einhverjar myndir úr ferðinni hérna - hversu mikið af þeim - eða hversu "breyttar" eða "blörraðar" þær verða - get ég með engu móti sagt til um núna en það kemur í ljós bara.

Ég held samt að það sé voða lítið sem ég þarf að skammast mín fyrir - gerði ekkert af mér þarna úti - eða næstum því ekkert - eða allavega hafa margir gert meira af sér en ég - okok - ég gerði helling af mér en ég segi ekkert frá því hér og nú, perhaps later.

 

En, hér er komið nóg í fyrsta raunverulega haustpistilinn minn. Ég set stopp við hérna og kveð í bili með von um að þið hafið verið góð og stillt - or not - og munið að knúsa hvert annað á þessum krepputímum. Please come in - and put your footprint on my profile before you leave - if not, well - then i won´t know who was knocking on my door...

Knús í loftið á línuna alla saman!

Hrjáir þig getuleysi? Er eitthvað hægt að gera við því - annað en að maula Viagra eða hella steypu í rörið? *Hóst* ekki fyrir viðkvæma!

Getuleysi er sannarlegar hið mesta vandræðamál og alls ekki eitthvað sem einhver vill lenda í. það að lenda í þeirri stöðu getur jafnvel haft þung varanleg áhrif á hvaða einstakling sem er, jafnvel orðið til þess að hann taki enn meira af vandamálum með sér í fjörið næst þegar hann rennir sér á skeiðvöllinn.

Sá sem lendir í því að stubburinn stífni ekki heldur sofi bara svefni hinna óréttlátu, því það er auðvitað ekkert réttlæti í því að sofa á stórri stundu, gæti átt það á hættu að velta sér meira uppúr málinu en þörf er á - og þar með stuðlað að ennþá meiri vandamáli. Hvernig væri að skoða hvað hægt er að gera til að hugsanlega laga málin.

Mikið og margt er það sem getur valdið getuleysi, eins og t.d. Reykingar, áfengir drykkir, veikindi+lyf, dagleg streita vegna vinnu, skóla, fjölskyldu eða bara erfiðir vinir og svo frv. Ef fjörkálfur tekur eitthvað af fyrrnefndu með sér í kjöltu kerlingar, nú eða karls - þá er nokkuð víst að hugurinn verður ekki allur á milli fótanna og einmitt þá vill/getur félaginn ekki tekið 100% þátt í skylmingunum.

 

Það eru til fullt af ráðum til að freista þess að lenda ekki í því að fá ekki bóner eða missa hann niður þegar mest á ríður, so to speak.


Besta lausnin er auðvitað sú að lifa heilbrigðu lífi, þá sérstaklega hvað áfengi og reykingar varðar. Þá er náttúrulega líka mjög gott að gefa sér tíma og vera ekki með allt of miklar væntingar þegar í krappan dans er farið heldur bara njóta lífsins, gera það sem báðum/öllum líður vel með og láta það bara ráðast hvað gerist eða gerist ekki.


Ef sá sem ekki má nefna - er þreyttur og slappur - þá er besta ráðið að hætta að hugsa um hann og einbeita sér að t.d. rúmfélaganum, alls kyns gælur og kelerí sem miða ekki að neinu leiti að kynmökum heldur bara að njóta lífsins og gera það sem gott er. Það er alls ekki útilokað að þegar slíkur leikur stendur hátt, maður gleymir sér - þá sé félaginn þegar kominn af stað og sé í sífellu að reyna að troða sér inní bílskúrinn. Endalaust er hægt að finna uppá leikjum og daðri til að gleyma sér og þar með fá kollinn til að hætta að hugsa um "vandræðagang" á neðri hæðinni.

Svo eru til endalaust margar tegundir af matvælum sem gætu hjálpað - en það væri frekar í sambandi við heilbrigt og holt líferni. Eitthvað er hér að neðan af matarupplýsingum sem geta hjálpað - eftirfarandi matartegundir eru mjög góðar með það í huga að örva kynkvöt karlmanna:

1. Sellerí.
2. Hráar ostrur.
3. Bananar.
4. Avókadó.
5. Hnetur og möndlur.
6. Mangó, perur og jarðaber.
7. Egg.
8. Fíkjur.
9. Súkkulaði.

Hér að neðan eru meðfylgjandi upplýsingar um þessi matvæli fengið úr blaðinu líka:
*****************

1. Sellerí:
Sellerí er að öllum líkindum ekki það fyrsta sem kemur upp í hugann þegar talið berst að kynörvandi matvælum, en staðreyndin er sú að þessi græni stilkur er hlaðinn androsterone hormónum. Androsterone er lyktarlaust hormón sem losnar úr læðingi þegar karlmenn svitna og um leið það sem örvar konur til maka.

Sellerí er best að borða hrátt og ferskt og því má gjarnan renna niður með tómatsafa.

2. Hráar ostrur:
Öfugt við sellerí eru ostrur vel þekktar sem kynörvandi matur, þó margir treysti sér ekki til að slurpa í sig þessu slímkennda fyrirbæri. Í ostrum er mikið zink en zink hækkar sæðismagn og örvar testosterone framleiðslu. Ostrur innihalda einnig dópamín boðefnið, en það er vissulega eitthvað sem eftirsóknarvert er að hafa í blóðinu. Að borða ostrur getur verið nokkuð erótísk upplifun og um að gera að láta nú ekki íhaldssemina hafa yfirhöndina í næsta fríi(ostrur er erfitt að fá ferskar hérlendis).

Ef þú ætlar að gæða þér á ostrum þá skaltu vera viss um að þær séu ferskar og vel kældar. Svo er bara að kreista yfir þær sítrónu og njóta.

  

3. Bananar.
Bananar eru stútfullir af bromelín ensímum sem ku vera hressandi fyrir kynhvöt karla. Þeir eru líka auðugir af pótassíum og B-vítamínum á borð við ríbóflavín - sem eykur orku og úthald.

Gott er að fá frúna/makan til að gæða sér hægt og rólega á sínum banana áður en þú skellir þínum í þig og vindur þér í verkin.

4. Avókadó:
Orðið sem aztekar notuðu yfir avókadó var "ahuacatl", eða "eistna tré", enda minnir útlit þeirra óneytanlega á þennan líkamspart. Avókadó er fullt af fólínsýru, en það gefur af sér aukna orku. Vítamínin B6 og pótassíum er líka að finna í þessum mjúka ávexti, en þau virka örvandi fyrir bæði konur og karla.

Avókadó er best að borða þegar þau eru rétt þroskuð. Þá sker maður það í tvennt, tekur steininn úr, saltar og kreistir sítrónu yfir eða borðar með kotasælu.

5. Hnetur og möndlur:
Innihalda ótrúlega góðar og jafnframt mikilvægar fitusýrur sem hjálpa karlmönnum við hormónaframleiðslu. Að auki mun lyktin af möndlum hafa örvandi áhrif á konur. Prófaðu að kaupa ilmkerti með möndluilm, settu möndlur í skál á stofuborðið(eða í svefnherbergið) og gáðu hvort þetta hafi ekki einhver uppbyggjandi áhrif á sambandið.

Möndlur er best að borða eins og þær koma af trénu; Hvorki saltar né sætar. Einnig er gott að mylja þær og dreifa yfir sallat.

6. Mangó, perur og jarðaber:
Þrátt fyrir að þessir ávextir innihaldi engin hormón eða sérlega örvandi B-vítamín, eru þeir frábær viðbót á þennan matseðil. Útlit þeirra, lögun og áferð minnir óneitanlega á aðra, öllu forboðnari ávexti.

Skerðu ávextina niður í skál og mataðu vinkonu/vin þinn í rólegheitum. Prófaðu að kreista safa í lófann og lofa henni/honum að smakka. Prófaðu hvað sem er...

7. Egg:
Egg eru kannski ekkert svakalega sexí, en þau eru mjög auðug af B6 og B5 vítamínum. Þessi vítamín jafna út hormónaflæðið og vinna gegn stressi, en rétt hormónaflæði og lítið stress er tvennt af því sem er nauðsynlegt hverjum karlmanni til að dafna á kynferðissviðinu.

Gerðu góðan "brunch" (eggjahræra) handa ykkur og bjóddu makanum uppá reyktan lax með. Mjúkt og gott.

8. Fíkjur:
Fíkjur eru fullar af amínósýrum sem eru kynörvandi og hressandi. Þær geta gefið aukið úthald og eru góðar á bragðið. Þar að auki minnir útlit þeirra óneytanlega mikið á konur. Sjáðu bara sjálf/ur.

Fíkjur eru bestar ferskar og fást stundum í betri matvöruverslunum. Endilega keyptu einn bakka og komdu henni á óvart með spennandi eftimat.

9. Súkkulaði:
Konur elska fátt meira en súkkulaði og það eru hugsanlega vísindalegar ástæður sem liggja þar að baki. Í súkkulaði er að finna efni sem kallast á fagmálinu "theobromine", en því svipar töluvert til koffíns. Ekki nóg með það, heldur er annað efni í því sem sumir trúa að framkalli sömu tilfinningu og þegar maður verður ástfanginn.

Það kunna allir að borða súkkulaði en bráðnað er það sérlega erótískt svo ekki sé minnst á þegar vel þroskuðum jarðaberjum er dýft ofaní heitt fondue.
********

 

Eins og sjá má af öllu þessu fyrir ofan - þá er það heilbrigt og hollt líferni með góðri fæðu, jákvæðni og örlítilli glettni sem getur stuðlað að hraustari og kynsterkari einstakling.

Ég get sannarlega mælt með réttu mataræði, reykleysi og mjög takmarkaðri áfengisneyslu til að losna undan því stressi og hugarangri sem gæti valdið getuleysi eða viljalausum félaga á ögurstundu. Kíktu í ísskápinn þinn og skoðaðu hvaða kynörvandi matvæli þú átt þar til - og keyptu reglulega eitthvað af þeim mat sem stuðlar að góðum árangri á skeiðvellinum.

Ég mæli með því lesandi góður að þú rennir í gegnum bæði ráð og matarupplýsingarnar hérna og prufir að búa til seðil/prógram sem hentar þér og þínum áhuga - því ekki er víst að öll matvæli henti eða þyki góð. Prufaðu að halda þig við þennan seðil í t.d. mánuð og passaðu að neyta t.d. ekki áfengis (nema þá í mjög litlu mæli ef þú ræður ekki við þig).

Ég er viss um að ef þið prufið þetta í mánuð allavega, eigið þið eftir að finna mun á ykkur hvað varðar styrk og ánægju. Nú, ef þið finnið það ekki, þá getið þið með ánægju horft til baka og hugsað "mikið skratti er ég búin/n að lifa hollu og góðu lífi í mánuð" - og ef ykkur sannarlega líður vel - þá bara haldið þið áfram á sömu braut, og villidýrið verður stærra og stífara í hvert sinn sem því er hleypt út úr búrinu.

Því miður er ég búinn að eiga þennan pistil mjög lengi, svo lengi að ég man ekki lengur hvaðan ég viðaði að mér efni og upplýsingar um ávexti og mat. Það er því von mín að þið fyrirgefið mér þó ég geti ekki gefið upp heimildir mínar hérna, en ég mun setja þær hérna inn ef ég finn eitthvað um það síðar. Endilega segið frá því ef þið þekkið fleiri matartegundir sem nota má með það að markmiði að uppfæra kyngetu og auðvitað auka hollustu í leiðinni.

Kveðja í eldhúsið ykkar næstu vikurnar;
Tigercopper sem ræður stundum ekkert við sitt utanáliggjandi villidýr, og er stundum að pæla í því að sleppa eggjum, banana og jarðaberjum(góðgæti sem innihalda efni sem örva hluta heilans sem eru venjulega ekki í gangi) úr sínum seðli til að geta hamið dýrið þegar það gengur laust ...

Forsetaveisla, útskrift og fleira...

Jæja já. Hér hef ég sett inn myndir af veisluundirbúning. Fyrstu tvær myndirnar eru frá undirbúning að útskriftaveislu úr góðum skóla í henni Reykjavík - en í þeirri veislu unnum við mat og drykk handa sirka 500 - 800 manns. Síðasta myndin er aftur á móti bara mont mynd frá Bessastöðum sko..

 

Þegar 500 - 800 manns birtast á nánast sama tíma - er eins gott að það sé bara búið að hella í glösin og vera snöggur að hlaupa með fulla bakka af glösum handa þyrstum stúdentum. Mikið rosalega er unga fólkið okkar fallegt og endalaust glæsilegt bara.

 

Við vorum búin að hella í fleiri tugi glasa af svalandi sumardrykk - óáfengum auðvitað! Við blönduðum drykkinn í stórum dunk sem tekur fleiri tugi lítra en við þurftum að blanda 3 - 4 í dunkinn samtals. Svalandi drykkur eftir kirkjuathöfn og útskrift er auðvitað brilljant - og ekki spillir smá góðgæti með.

 

 

En já, það var náttúrulega ekki bara drykkur sem var á boðstólnum - auðvitað var hellingur af góðgæti sem kitlaði bragðlaukana duglega. Enda eru nemendur alltaf duglegir að borða og mikið um kraftmikla matarmenn & konur í þeirra hóp, sem og fjölskyldurnar þeirra.

 

Maturinn var náttúrulega ekki af verri endanum, enda erum við snillingar í veislum og veislumat - maður getur heillað hvern sem er - með góðgæti sem engin er svikinn af. Ég var auðvitað að vinna í undirbúning matar líka, enda hefur maður áralanga reynslu af matarstússi.

Sá sem sá um þessa veislu er meistari af bestu gerð - bæði sem matreiðslumeistari og persóna. Ég hef unnið í mörgum veislunum hjá honum, sem og í hans eldhúsi. Reyndar eru tveir af mínum allra bestu vinum sannir matreiðslumeistarar - og hjá þeim hef ég lært heljarmikið af veislustússi og hef óendanlega mikið gaman af slíkri vinnu.

Núna vorum við með heljar mikið af góðgæti - eins og ætíð. Hellingur af Fahitaspönnukökum, með kjúkling, túnfisk, lax - grænmeti og fleiru. Einnig vorum við með Jalepino, ostafingur, djúpsteiktar rækjur og djúpsteikt broccoli sem og fleira góðgæti. Endalaust góðgæti sem gæti verið hættulegt þeim sem alltaf er að narta (lesist fitandi fyrir hvern sem er - nema mig) ..

Veislan tókst auðvitað stórkostlega vel og allir ánægðir og saddir. Gruna að flestir hafi nú verið svo með sína eigin veislu núna um helgina, enda hugsa ég að þið þekkið öll einhvern sem er að útskrifast núna.

 

En, þessi mynd er aftur á móti tekin að Bessastöðum. Ég var að vinna þar sem aðstoðargestakokkur fyrir nokkru. Stórkostlegt að koma þarna inn - og þvílíkur heiður fyrir náunga sem vinnur með mat - að geta sagt - ég hef eldað í eldhúsinu á Bessastöðum.  

Ég get sagt ykkur það að það var heljar mikið skemmtiefni og saga í stórt bloggerí að segja frá þeirri uppákomu.

Frú Dorrit stóð hjá mér - nartandi í það sem ég var að gera - og það kurr-aði í henni af ánægju. Enda er hún svo mikið mannleg og eðlileg í nálægð að það hálfa væri mjög mikill hellingur.

Auðvitað lét ég taka myndir af mér með forsetanum okkar nýsjálfkjörna til næstu fjögurra ára - og óska ég honum hér með til hamingju með það - sem og okkur sjálfum bara. En, þar sem ég er ennþá hálffeiminn við netið - þá ætla ég ekki að birta myndirnar af mér með karlinum í þetta skiptið.

En, hér set ég punkt í bili. Ætla að fara og fá mér að borða - enda orðinn heilmikið svangur eftir þessar matarhugleiðingar.

  Ég ætla að vera stilltur og prúður yfir Júrókeppninni í kvöld - en auðvitað mun ég halda með okkar yndislega fólki, Júróbandinu. Set þau í 8-9 sæti en ég set Bretland í fyrsta sæti. Vona að þið eigið öll eftir að skemmta ykkur frábærlega í kvöld - og Áfram Júróbandið! Knús á ykkur kæru bloggvinir sem og alla bloggara.

Ef samviskusemin er virkjuð á jákvæðan og ævintýralegan hátt þá er hægt að leysa margan vandann sem áður virtist óyfirstíganlegur eða óleysanlegur, þannig séð.

Besta leiðin til að fá börn til að hlýða, borða matinn sinn, taka til í herberginu sínu, læra eða bara vera stillt - er að virkja þau í leikjum sem miða við að hlutirnir gangi upp. Það eru til mjög margir dásamlegir leikir sem hægt er að nota og sem börnin bæði skilja og hafa áhuga á að kynna sér og læra meira um. Nú er ég ekki að tala um hefðbundna leiki sem allir þekkja og alls ekki að tala um að "verðlauna" börnum fyrir það að gegna eða plata þau á einhvern hátt. Nei, þetta er bæði leikur og kennsla því börnin hafa gaman af þessu og læra um leið að skilja ýmislegt í lífinu betur en áður.

Skoðum t.d. málin með börn sem eru matvönd og harðneita að smakka ákveðinn mat. Öll börn hafa gaman af leikjum og því er auðvelt að virkja þau til þátttöku ef maður tekur sig til og útskýrir leikinn á ævintýralegan hátt.

T.d. bjó ég til sögu til að segja litlum syni vinahjóna minna, drengur sem elskaði ævintýri - en var óláta pjakkur og neitaði að ganga vel um herbergið sitt. Sagan var um blinda prinsinn og blindu prinsessuna og um líf þeirra við að bjarga sér í ævintýraheimi þar sem ýmsar hættur voru - án þess að sjá neitt. Þessi frændi elskaði þetta ævintýri, fannst mjög merkilegt að sjónlausir gætu t.d. takið til í herberginu sínu og búið um rúmið sitt og raðað öllum hlutum á sinn stað án þess að sjá nokkuð. Síðan batt ég slæðu um höfuð drengsins þannig að hann gat ekkert séð og fékk hann með mér í að laga til í herberginu sínu og búa um rúmið sitt og fleira, hann varð óður í að gera alla hlutina sem "blindur prins" og spennan var í hámarki þegar maður hrósaði honum þegar hann gat leyst ákveðið verkefni í tiltektinni. Í dag nota vinahjón mín þennan leik á hann í ýmsu öðru líka og fá þau hann ætíð til að gera það sem hann á að gera, án vandamála eins og áður.

Núna í dag var ég með 3 börn hérna sem systkyn mín eiga. Tvö þeirra eru með eindæmum matvönd og vilja sumt alls ekki smakka. Ég tók ýmislegt góðgæti sem ég vissi að þeim þótti gott og setti í litlar skálar, stillti skálunum á eldhúsborðið og útbjó borðið þannig að það var mjög girnilegt. Síðan setti ég ýmislegt í aðrar skálar sem ég vissi að þau vilja ekki einu sinni smakka, en lét þær skálar vera á öðrum stað nálægt en svo að þau gætu ekki séð þær.

Því næst fékk ég þau með mér í leikinn að þekkja hvaða mat þau væru að borða. Einhvern tíman las ég um veitingastað sem var á einhvern hátt á þá vegu að fólk fékk að borða án þess að sjá réttina, smökkun fyrst og sjá svo seinna.  Ég lét þau sitja við borðið, virða fyrir sér girnilegu skálarnar á borðinu - allar með einhverju sem þeim þótti gott - og batt síðan fyrir augun þeirra og sagði þeim að ég myndi gefa þeim smakk af einhverju úr skálunum og þau áttu að reyna að átta sig á því hvaða skál ég tók úr. Svo gef ég þeim eitt eða tvennt sem þau elska - til að gefa þeim öryggi og vissu um að þetta væri gaman, þau þekktu matinn. En, svo gaf ég þeim að smakka eitt stykki úr földu skálunum það sem þau höfðu aldrei viljað smakka - og svei mér þá - þau borðuðu - reyndar ekki alveg með bestu lyst og frekar hugsi, en gátu náttúrulega ekki getið uppá hvaða kræsingar það voru sem ég gaf þeim. Næst gaf ég þeim úr því sem þau þekktu og svo aftur úr földu skálunum, og svo koll af kolli.

Þau voru ekki mjög hrifin þegar ég leyfi þeim að uppgötva að ég hafði snúið á þau, en þau voru samt hissa á því að ekkert af því sem þau smökkuðu úr "vondu" skálunum skildi hafa drepið þau. Ég fékk þau til að smakka aftur án "blindfold" og ég gruna að foreldrar þeirra eigi eftir að verða hissa þegar þau vilja meira en þau voru vön áður en þau komu hingað.

Með svona leikjum, leikjum sem virkja börnin - er hægt að gera stórvirki í að fá börn til að gera hluti sem það fengist aldrei til ef eingöngu væri notað strangur agi eða gal  og gól. Málið er að börnin hafi líka gaman af og finnist þau vera cool töffarar í því að geta leyst þrautir eða gert eitthvað merkilegt eins og hluti sem okkur þykir lítið mál með góða sjón en gætum eiginlega ekki án sjónarinnar.

Reyndar væri hægt að vinna svona líka í unglingum og jafnvel sumum fullorðnum líka. Virkja fólk frekar en að refsa eða skamma og nöldra. Ég t.d. bjó á leiðinlegum stað fyrir nokkrum árum þar sem mikið var af börnum á öllum aldri í allt í kring. Reynt hafði verið að útbúa falleg blómabeð um langt skeið hjá þessu húsi, sem er fjölbýli, en börnin í hverfinu höfðu alltaf skemmt beðin og jafnvel börn lengra frá verið að skemma. Ég virkjaði öll börnin í það að koma og planta sínu eigin blómi, einu fyrir sig og einu fyrir pabba og þriðja fyrir móður sína. Síðan fékk ég þau til að samþykkja það að þau yrðu að passa extra vel uppá að engin kæmi og skemmdi blómabeðið og þar með þeirra eigin blóm. Sagði þeim að engin í nágrenni þeirra ætti svona garð, garð með blómum sem þýddu þau sjálf og foreldrar þeirra. Fékk þau til að sameinast í því að hafa augu með því að engin ókunnur myndi koma að drepa blómin þeirra og einnig til að taka arfa eða steina úr beðinu ef þau sæju slíkt þar. Vitið þið hvað - jú mikið rétt - mér var sagt að þetta hafði verið fyrsta sumarið í mörg ár sem fallegur blómagarður fékk að lifa og blómstra við þetta hús í heilt sumar.

Málið er líka að koma fram við börn og unglinga eins og við viljum láta koma fram við okkur sjálf, með virðingu en ekki látum og æsingi. Ef við vinnum börnin á okkar band, fáum þau til að vera með okkur í hlutunum - ekki ætlast til að þau bara geri eins og maður segir - og höfðum til samviskusemi þeirra og ævintýraþrá - þá er okkur allir vegir færir í því að hafa hlutina ætíð eins og við viljum hafa þá og engin vandamál. Börnin okkar eiga það skilið að við virðum þau og kennum þeim af virðingu en ekki með skipunum og valdi.

En, stoppum hérna. Ég er svo fenginn að tölvan hefur ekki ennþá frosið og því ætla ég að flýta mér að henda þessu inn til ykkar. Þetta var bara létt og kát hugleiðing inn í helgina sem er að nálgast óðfluga. Vonandi eigið þið öll yndislegan Föstudag og stórkostlega helgi framundan. Þið sem eruð í fríi, njótið vel - þið sem vinnið vaktavinnu - gangi ykkur vel og farið nú öll vel með ykkur. Hugs and kisses all over bloggheima...