Eru Íslendingar þjófapakk?? 

Ellert B. Schram þingmaður Samfylkingar var staddur á þingi Evrópuráðsins í Strassbourg í vikunni. Þegar verið var að ræða stöðuna í fjármálaheiminum kvaddi hann sér hljóðs og talaði um beitingu breta á hryðjuverkalögunum. Breskir þingmenn gerðu þá hróp að Ellerti og sökuðu íslendinga um að hafa stolið öllum peningunum af breskum sparifjáreigendum. Ellerti var brugðið.

Ellert er fulltrúi Alþingis í Evrópuráðinu ásamt Guðfinnu Bjarnadóttur þingmanni Sjálfstæðisflokksins og Steingrími J. Sigfússyni. Þau Guðfinna flugu út á sunnudag og sátu umrætt þing.

Hópnum var síðan skipt í flokkagrúppur og fór Ellert í hóp með sósíal demókrötum þar sem rætt var um stöðuna í fjármálaheiminum. Meðal annars tók Robert Wade sem komið hefur hingað til lands þátt í umræðunum. Ísland var í kastljósinu að sögn Ellerts og rætt um ástandið hér sem aðvörun til hinna.

„Í þessari umræðu kvaddi ég mér hljóðs og gerði grein fyrir þeirri stöðu sem við erum í. Þar dró ég ekkert undan og sagði að við bærum að mestu leyti sjálf ábyrgð á því hvernig fyrir okkur er komið. Síðan gerði ég það að umtalsefni hvernig bretarnir veittu okkur náðarhöggið með beitingu hryðjuverkalaganna," segir Ellert en þau ummæli vöktu mikil viðbrögð.

„Þá var hrópað að mér að við hefðum stolið öllum peningunum af bretunum og ætluðum ekki að borga til baka. Það urðu hálfgerð uppsteyt þarna en ég sagðist bara geta sýnt þeim listann. Þetta voru fullttrúar Verkamannaflokksins í Bretlandi en ljóst er að stemmningin var rafmögnuð," segir Ellert sem var nokkuð brugðið við hróp þingmannanna.

„Mér fannst líka á andrúmsloftinu og viðbrögðum fólks að okkur er vorkennt fyrir þá stöðu sem við erum í."

Þó kom eitt og annað út úr þinginu en Ellert og félagar höfðu lagt fram tillögu þar sem velt er fyrir sér hvort þessi beitingi hryðjuverkalaganna stangist á við mannréttindi.

„Það var samþykkt að taka það mál til meðferðar og því var vísað til nefndar sem á að skila skýrslu til þingsins," segir Ellert en þingið hittist fjórum sinnum á ári.

Því má búast við niðurstöðu annaðhvort í apríl eða júní.

„Allavega einhverntíma á þessu ári."

*************

VOG
Vogir vekja oft rómantískar tilfinningar og þykja kynþokkafullar, enda klæða þær sig oft djarflega og tælandi. Einna mest áberandi í fari þeirra er þó hvað þær eru blátt áfram og óþvingaðar, enda er Vogin merki félagslegra samskipta. Þær eru gæddar miklum persónutöfrum en eru oft dular og vilja ekki bera vandamál sín á torg og þær eiga líka oft erfitt með að taka ákvarðanir. Engu að síður er þeim mikið í mun að ná markmiðum sínum, hvort sem það er félagslega eða í samböndum, t.d. hjónabandi. Vogin er í eðli sínu diplómatísk og mikill sáttasemjari og á auðvelt með að lægja öldur. Vogir hafa sterka réttlætiskennd, en þola illa háværar deilur og ósamlyndi af öllu tagi. Þær vilja mjög gjarnan fá að vita að þær séu mikils metnar og eiga bágt með að vera einar. Þess vegna velja þær sér oft störf, þar sem mannleg samskipti eru í fyrirrúmi, og Vogin nýtur sín einkar vel í opinberu starfi. Voginni hættir til að gera öðrum hærra undir höfði en sjálfri sér og mætti gjarnan tileinka sér meiri sjálfsþekkingu og ýtni, ekki síst ef hún ætlar að ná frægð og frama.

EINKENNI
Lykilorð: Jafnvægi
Pláneta: Venus
Höfuðskeppna: Loft
Litur: Ljóslár
Málmur: Kopar
Steinar: Lapis lazuli, rósarkvarts
Líkamshluti: Nýru
Frægar vogir John Lennon, Julio Iglesias, Doris Lessing, Cervantes, Tim Robbins, Silja Aðalsteinsdóttir, Ólafur Jóhann Ólafsson, Bera Nordal, Ben Gurion og Buster Keaton.