Ég skaut Kengúru afþví ég var skakkur! Hvað hefur þú gert þér til skammar?

Jæja, ég hef nú ekki verið mikið online núna undanfarið - og er bara rétt að kíkja inn núna til að segja hæhæ. Verð á ferðinni í kvöld og eitthvað um helgina til að skoða ykkur öll vel og vandlega.

Eftirfarandi fékk ég sent í tölvupósti og ákvað að henda þessu inn hérna til að leyfa ykkur að hneykslast - eða hafa gaman af!

Það er sumt anzi sniðugt sem kemur út úr þessu en það eina sem þið þurfið að gera er að velja eina setningu úr hverjum hóp og setja svo saman.

Fyrst er valinn setning sem tilheyrir mánuðinum ykkar - því næst setning sem tilheyrir dagsetningunni í mánuðinum og svo að lokum setningu sem er við 3 stafinn í nafninu ykkar - síðan eigið þið bara að púsla setningunum saman í fyndinn bjánaskap.

Vona að þið hafið bara gaman af þessu.

**************************

  

Veldu mánuðinn sem þú fæddist:
Janúar-----------------Ég drap
Febrúar--------------- Ég sló
Mars------------------- Ég svaf hjá
Apríl------------------- Ég horfði á
Maí- -------------------Ég fróaði mér með
Júní- ------------------Ég slefaði á
Julí---------------------Ég hló að
Ágúst- ----------------Ég stakk
September- ---------Ég skaut
Október- -------------Ég naut ásta með
Nóvember- ----------Ég handtók
Desember- ----------Ég kúkaði á

**************************

  

Veldu núna afmælisdaginn þinn:
1. Gleðikonu
2. Kærasta/una þína
3. Konu með brókarsótt
4. Kynæsandi Dverg
5. Jólasvein
6. Playboykanínu
7. Gifta/ri móðir
8. Kennara
9. Mömmu þína/þinni
10. Páskahérann
11. Köttinn
12. Djöflinum
13. Asíksum skiftinema
14. Jónsa í svörtum fötum
15. Stein
16. DVD spilara
17. Klámstjörnu
18. Síma
19. Tölvu
20. Húsið þitt
21. Svín
22. Lampa
23. Kengúru
24. Davíð Oddson
25. 50 cent
26. Kynskifting
27. Yddara
28. Skólaumsókn
29. Birgittu Haukdal
30. Tappatogara
31. Prentara

**************************

Veldu Þriðja stafinn í eftirnafninu þínu
A--- Afþví að ég elska súkkulaði
B- --Afví að mér leiddist
C- --Afþví að buxurnar mínar voru of þröngar
D- --Af því að ég þarf alltaf að prumpa
E- --Af því að hjartað mitt er tvem nr of lítið
F- --Af því að ég fékk engar gjafir um jólin
G- --Af því mér finnst egg góð
H- --Af því að ég er á sýru
I- --Af því ég misteig mig
J- --Af því ég er með vörtu
K- --Af því mér líkar Cheer
L- --Af því að ég var skökk/skakkur
M- -Af því ég var full/ur
N- --Af því að mamma sagði mér að gera það
O- --Af því ég er hýr
P- --Af Því ég er einmanna
Q-   Af Því mamma og pabbi eru alltaf að rífast
R- --Af því að ég er gröð/graður
S- --Af Því mig langar að deyja
T- --Af Því ég hata skóla
U- --Af Því ég þarf að fróa mér
V- --Af því að ég elska náttfata party
W- -Af því að það róar mig
X- --Af því að ég elska marmelaði
Y- --Af því að ég elska prump
Ö- --Af Því ég er að safna rassahárum
**************************

   Kíki á ykkur öll í kvöld og um helgina mínir kæru vinir.. og góða helgi ykkur öllum til handa!

Myndaflipp er betra en syndaflipp - but hey - syndaflipp er betra þegar það er ekki myndaflipp í kringum það! Ekki satt?

Hér neðst er mynd af móður minni - en fyrst eru myndir af bræðrum mínum, teknar fyrir all löngu sko - enda eru þetta stóru bræður mínir sem gerir þá eitthvað yfir fertugt núna - segi ekkert hve mikið yfir fertugt samt ..

Þeir voru alveg ljóshærðir - misjafnlega ljóshærðir - eftir aldursskeiðum, en alltaf ljósir og eru ennþá ljóshærðir (en ég alltaf dökkur þó ég hafi byrjað örlítið ljóshærður sem barn).

Sem börn voru þeir með ljósgullna lokka, alveg ótrúlega miklar rúsínur með gullna lokka sem rakarinn ætlaði yfirleitt aldrei að tíma að klippa þegar móðir okkar fór með þá til að láta skera hár og hala. Þeir eru - eins og sjá má - tvíburar og það vel eineggja - sem oft var fyndið að fylgjast með þarna í gamla daga.

 

Háralitur og augnabrýr héldu ljósa litnum alla barnsæskuna og gerir ennþá. Alltaf svo ljósir og bjartir - og svo mikil gull að hjarta að það hálfa hefði verið alveg nóg. Ennþá eru þeir ljósir og enn svoddan gull að hjarta - enda ég svo óendanlega heppinn með öll mín systkyn - svo ég tali nú ekki um foreldra sko!

 

Það var ótrúlega gaman að sjá og fylgjast með því þegar þeir urðu unglingar - ég reyndar smákrakki en síðar, á mínum 10 - 15 ára aldri - að fylgjast með því hvernig þeir léku sér að því að plata fólk með því að þykjast vera "hinn" tvíburinn.

Það var virkilega erfitt fyrir þá sem ekki þekktu þá - að þekkja þá í sundur. Man eftir nokkrum atvikum þar sem annar var farinn á sjóinn - báturinn að sigla úr höfninni og á bryggjusporðinum stóðu gamlir sjómenn sem kvöddu skipið. Hinn tvíburinn sem ekki var sjómaður kom keyrandi að því hann ætlaði að reyna að ná bróður sínum áður en hann fór á sjóinn - og gömlu karlarnir störðu skelfingu lostnir á þann sem hoppaði úr bílnum - og yfir á bátinn sem nýlega sigldi úr höfn með ... ja ... þennan sem nú stóð við hlið þeirra á bryggjunni - endalaust fyndið þegar svona kom uppá.

 

Man líka eftir því þegar þeir kepptu í stakkasundi á Sjómannadegi - að þeir voru báðir miklir og hrikalega sterkir sundkappar - og í 1. riðli keppti annar - en í 3. eða 4. riðli keppti hinn. Man eftir því að sá fyrri vann sinn riðil en þegar sá seinni kom í stakk inn að laugarbakka - þá púuðu nokkrir og hrópuðu að honum "ekki þú aftur, ertu ekki búinn að vinna einusinni?" ...

En, allavega - fulltaf skemmtilegum sögum eigum við alltaf af systkynum okkar. Maður á að varðveita slíkar sögur, skrifa þær niður - helst aftan á myndir af söguhetjunum - og miðla þessu áfram til komandi kynslóða. Börn okkar og barnabörn eiga eftir að verða þakklát þegar þau seinna reyna að komast að einhverju um æsku okkar og forfeðranna.

Hér er svo í lokin ein mynd af hetjunni, henni móður okkar sem ól okkur öll upp alein - en þessi mynd er tekin af henni á sama tíma og höfundarmyndin mín var tekin. Ég nálægt 18 ára. Það voru aðrir tímar þá - engin elsku mamma til að hlaupa heim til þegar eitthvað bjátaði á. Hún bara ól okkur upp með þvílíkum dugnaði og myndarskap að það hálfa hefði komið okkur öllum mjög vel áfram lífið.

Nú til dags eru margar einstæðar ungar mæður að barma sér með eitt eða tvö börn - og hafa ekki í sig og á með það sem þær ná að hala inn til heimilisins. Jú, kannski eru líka aðrir tímar og breyttari - meiri kröfur gerðar til fjölskyldna um að börnin verði að eiga þetta og hitt - hjól, skíði, nýjustu tískuvörur og öll flottustu merkin í hinu og þessu - eitthvað sem þekktist ekki áður fyrr.

En, munið að skrifa niður góðar minningar um hinar ýmsu uppákomur úr fortíðinni. Gerið það áður en það verður of seint, biðjið foreldra - frændfólk eða hvern sem er - um að gefa ykkur sögur og skrifið þær aftan á myndir af þeim sem sögurnar eru um - svo sögurnar gleymist ekki. Margar góðar sögur úr fjölskyldum hverfa með gamla fólkinu okkar - oft mjög fallegar og hugljúfar sögur sem framtíðin má vel njóta.

  Þess má geta að pislahöfundur elskar liðið sitt af öllu hjarta, yfirmáta - ofurheitt - alla leið til himins og til baka. Pislahöfundur safnar myndum úr fjölskyldunni, af fjölskyldumeðlimum og góðum sögum sem munu svo berast áfram til komandi kynslóða þegar þar að kemur.

Þvílíkur viðbjóður ef sannarlega satt er og rétt með farið! Ef rétt reynist vona ég að grimmilega verði tekið á málunum og gerendum refsað eins grimmilega og verknaðurinn sannarlega er!

Skelfilegt bara þvílíkur viðbjóður, ekki neitt annað en hreinasta hörmung. Undarlegir dómar, stuttir og jafnvel ekkert fangelsi - bara smá skömm í hattinn og svo út með þig. Dómar á Íslandi eru skammarblettur á þjóðfélaginu sem ætti að þrífa sem fyrst, hella klór á herlegheitin til að sjáist aðeins oftar í réttlátari dóma, grimmari dóma í takt við grimma glæpi. Sumir glæpir eru svo bara smámál við hliðina á ýmsu öðru sem kemur uppá yfirborðið víða um heim.

Það logar allt um allan heim, misnotkun hér og misnotkun þar - eitthvað nýtt poppar upp á hverjum degi. Nefna má t.d. Josef Fritzl sem dæmi um einn hroðalegan verknað - en annað er líka komið upp sem fær Fritzl-málið til að blikna - en kannski hefur þetta verið til árum saman, jafnvel áratugum saman.

En, núna er komið í ljós að - svo virðist vera - sem friðargæsluliðar og hjálparstarfsmenn á Fílabeinsströndinni séu að misnota börn og unglinga kynferðislega - og að því er virðist - komast upp með það. Skiljanlega þora börn og unglingar - sem alin eru upp á stríðshrjáðum stöðum - ekki að leggja fram kærur á hendur þessum aðilum.

Fjórtán ára drengur sem starfar eitthvað í friðargæslubúðunum á Fílabeinsströndinni heldur því fram að friðargæsluliðar og hjálparstarfsmenn biðji reglulega um ungar stúlkur á hans aldri til kynlífsathafna - "oft séu 8 - 10 menn að deila tveim til þrem stúlkum sín á milli - þegar þeim er bent á eldri stúlkur segjast þeir frekar kjósa þær yngri - allt niður í 6 ára aldur" .. Bíddu við - hvað er að??? Hvaða viðbjóður er í gangi - ef satt er?

Á maður að trúa því að það séu hópar af barnanýðingum að störfum - í hópum saman - á stöðum þar sem stríðshrjáð og "auðveld" börn eru til staðar og þurfa á hjálp að halda??? Að þeir séu að komast upp með að misnota börn gegn "greiða" - gefa mat, pening, sápu, og í einhverjum tilvikum - munaðarvöru eins og síma... hjálpi mér, ég trúi þessu varla - en hvað hefur svo sem ekki gerst víða sem gæti alveg rennt stoðum undir að þetta sé í raun og veru satt?

Það hörmulegasta við þetta allt saman er að í fæstum tilvikum er tilkynnt um atburðina og brotamönnum ekki refsað vegna ótta fórnarlambanna. Ótti við hefndaraðgerðir, að neyðaraðstoð verði dregin til baka, að verða útskúfaður úr samfélaginu og vankunnátta á einnig þátt í því að svo fá brot eru tilkynnt. Sameinuðu þjóðirnar fagna skýrslu bresku hjálparsamtakanna "Safe the Children" - og hyggjast taka málin til gaumgæfilegrar skoðunar.

 

Það er skelfilegt til þess að hugsa að brosandi börn sem sjá friðargæsluliða og hjálparstarfsmenn koma á stríðshrjáð svæði - eiga von á því að loks verði þeim hjálpað, þau fá að borða og hugsanlega smá menntun eða eitthvað mannsæmandi allavega.

En þess í stað eru hugsanlega á ferðinni menn/konur í hópum - sem eru þangað komin að mestu leyti á þeim forsendum að svala sínum viðbjóðslegustu kynferðisbrengluðu hvötum. Bros barnanna hverfa smá saman og uppi standa litlir einstaklingar sem sjá vist sína hér í heimi sem vist í helvíti.

Þetta er skelfilegt og þvílík grimmd að Fritzl-málið bliknar í samanburði. Það er sannarlega von mín að Sameinuðu þjóðirnar geri nú eitthvað mikið og róttækt til að stoppa svona viðbjóð af, og refsi þeim sem nást svo grimmilega að það verði öðrum víti til varnaðar. Segi bara ekki annað en að maður trúir varla að svona mannvonska sé til - en miðað við ýmislegt annað sem hefur komið upp, þá ætti svona lagað hugsanlega ekki að koma á óvart. Mannfólkið er eins misjaft eins og það er margt - og sannarlega eru til viðbjóðsleg eintök sem mættu mín vegna rotna í helvíti fyrir svona grimmd.

Upplýsingar fengust úr grein í 24stundum í dag, miðvikudag 28 Maí - 2008. Skýrslan um efnið var unnin af Bresku hjálparsamtökunum "Safe the Children" og byggðist á viðtölum við minnst 250 börn frá Fílabeinsströndinni, Suðurhluta Súdans og Haítí. Nick Birnback, talsmaður Sameinuðu þjóðanna, segir hinsvegar að ekki sé með nokkru móti mögulegt að tryggja að engin tilvik eigi sér stað innan stofnunar með um 200 þúsund starfsmenn víða um heim.

Skilorðsbundið fangelsi fyrir líkamsárás

Sumt er bannað - annað er sérhannað - og enn annað bannað að sérhanna. Eru dúkkur leikföng fyrir konur eða uppblásnar lausnir millifótavandamála karla? Ath. efni ekki fyrir viðkvæma!

Karolína Langbrók hefur enn og aftur haldið innreið sína á netið - nema hvað núna er málið annarsskonar reið en venjulega hjá Langbrókinni. Núna hefur hún séð til þess að unglingar yfir fimmtugt eru í standi um allan heim eftir að hafa séð klámsenur hennar á JÚTúBe. Klámsenur sem eru bannaðar innan 55ára.

Kerlingin hefur enn og aftur hneykslað heiminn með klámívafi á netinu. Siðprúðar piparmeyjar undir fimmtugu sem og öskukarlar undir 55 ára eru nú æf af reiði þar sem aldursmörkin eru sett í 55 ár.

"Það er alltaf sama sagan með þennan klámbraza, maður þarf helst að vera kominn á Grund til að fá að sjá svo mikið sem nakinn olnboga" sagði gömul nunna sem lagði leið sína í Erótíkurshop við laugarveginn.

Í sama buxnastreng tóku fleiri sem pislahöfundur náði að króa af í klámbúðinni - en engin þeirra vildi koma fram undir nafni og engin vildi láta tengja sig við klámdrottninguna.

Pislahöfundur lagði leið sína til Sandgerðis, heimabæ Karólínu Langbrókar klámdrottningar. Það kom berlega í ljós að bæjarbúar voru búnir að fá nóg af beru holdi og kynlífsbrölti. Vel flestar konurnar gengu þar um með hulið hár og höfuð, vel klætt svo eingöngu mátti greina augun.

"Maður hefur bara fengið fullmikið af því ljúfa lífi sem einkennir uppáferðir, lautarferðir og millifótaferðir" lét ein þeirra hafa eftir sér. Pislahöfundur náði þó í nokkra opinbera starfsmenn sem voru að sniglast fyrir utan hús Langbrókar, en þeir flúðu vettvang um leið og þeir komu auga á myndavélarnar.

Pislahöfundur fann þó einn starfsmann hjá tölvufyrirtæki sem var ekkert feiminn við að tjá sig um myndbönd þau sem Klámdrottningin hefur sett á netið. Þessi starfsmaður leyfði myndatökur á sig þar sem viðkomandi var að skoða myndbönd á Jútúbe, af Klámdrottningunni. Pislahöfundur tók sér þó það Bessaleyfi að "fela" dónalegasta part perrans til að hlífa lesendum sínum.

"Þau eru æði þessi myndbönd, sérstaklega þegar hún er að dansa við plastdúkkurnar Sillu og Villu. Ohh hvað ég vildi að ég væri svín í stúkunni þeirra mahhr" sagði svínið með óendanlega ljótu glotti sem varð til þess að pislahöfundur ákvað að tala ekki meira við þennan viðmælanda.

 

Næst lá leið að heimili Stjörnunnar margumtöluðu, Langbrókar. Auðséð var á öllu utandyra að þarna bjó erótísk þenkjandi manneskja, enda þekkt fyrir að fara mikinn og auglýsa sig útávið við hvert tækifæri.

Kerlingin kom til dyranna eins og hún er ætíð klædd - nakin og undir áhrifum frægðarljóma. Hún var æst, óvenjuæst og rjóð í kinnum - öllum kinnunum. Pislahöfundur var smeykur um að hann hafi truflað bólfarir eða eitthvað álíka, en annað kom í ljós seinna.

Hús hennar var smekkleysislega hannað og fáránlega skreytt að utan, en greinilega var hún þó sjálfri sér samkvæm svo að skreytingarnar voru allar á erótíska vegu. Reyndar hafði pislahöfundur heyrt af því að hús Langbrókar hafi verið sett á bannlista og fannst sumum að loka ætti götunni við húsið - börnum.

En, Karólína Langbrók bauð skrifara innfyrir sem hann og þáði með kurteisi. Við blasti ýmislegt misjaft og óhefðbundnar innréttingarnar sem við blöstu minntu helst á Arkitektúr sem á uppruna sinn norðan heiða, nánar tiltekið - inn í hús hjá Kerfisvillunni með rúllurnar og grænu eldhúsinnréttinguna. 

 

 

En, eins og sjá má á myndum sem pislahöfundur fékk að taka innandyra - þá eru ekki beint bækur og ævisögur í hillum Langbrókar, en ævimyndbönd voru þar þó.

Á eftir kemur svo viðtalið sem pislahöfundur átti við Klámdrottninguna, en nokkrar myndir fá að fljóta með til að gefa nánari mynd af þessari umdeildu stjörnu. Taka skal fram að viðtalið tók mikinn tíma og þurfti höfundur að margskrifa sumt af því aftur og aftur vegna þess að Karólína Langbrók er þekkt fyrir að vera margsaga og tvíræð um sjálfa sig sem og aðra.

 

"Ég á barasta ekki orð - ég er bönnuð innan 55 ára" byrjaði Langbrók með látum að segja frá.

"Það er eitthvað ruslahrúgulið sem hefur flaggað myndböndin mín á Jútúbe" heldur hún áfram og krossleggur hendur á mjólkurbúi sínu - blaðamanni til vonbrigða. Fréttst hafði að Drottningin hafði sett inn nokkur góð myndbönd á netið - en fólk sem skoðar getur sett ákveðið flagg við myndbönd sem birtast á Jútúbe þannig að þau verði bönnuð innan ákveðins aldurs ef þau þykja of nasty.

Áhorfendur á Jútúbe hafa varað við því að erlendar dúkkur hafi verið notaðar í myndbandinu - og mæla áhorfendur ekki með því að heimahollir áhorfendur sjái viðkomandi efni því það særi þjóðarstolt þeirra.

"Ég er bara trilljón og milljón prósent viss um að þarna eru íslenskir rasistar á ferð. Ég er mjög reið. Þetta er eitthvað hæfileikalaust pakk sem vill skemma fyrir mér" segir Langbrók með morðglampa í augum og snýtir sér.

Pislahöfundur réttir kerlingunni snýtiklút og gónir fast á barm hennar þegar hún tekur við klútnum - snýtir sér og hamast á nösinni - en barmurinn lyftist og skutlast til og frá um leið. Pislahöfundur verður dálítið ókyrr, enda bara venjulegur fávís karlmaður sem er ekki gerður úr steini, nama að hluta til á þessu augnabliki nákvæmlega.

 

"Þetta er bara mjög saklaust og fyndið myndband. Hvað kemur það líka Íslendingum við þótt dúkkurnar Villa og Silla séu þarna? Þær eru ekki einu sinni íslenskar, þær eru rússneskar!" bætir Langbrók við og glottir grimm, enda þekkt fyrir að vilja ekki íslenskt í myndbönd sín.

Karólína Langbrók hefur mikla trú á þessari nýju afurð sinni. Enginn þríkanntur hérna á ferðinni og fyrst fólk getur ekki séð afurðir hennar á Jútúbe án þess að skrá sig inn og sanna að það sé orðið 55 ára - ætla hún að setja afurðir sínar á sína eigin vefsíðu.

"Það stoppar mig enginn, það er rándýrt að lifa og komast af í þessum brasa og rándýrt að framleiða svona efni" segir Langbrók hróðug með dýrslegan glampa í augunum þegar hún tekur eftir því að spyrjandinn á erfitt með að sitja kyrr vegna millifótavandamála sinna. Hún færir sig nær karli og otar mjólkurbúinu að pislahöfundi.

 

Pislahöfundi tekst naumlega að heyra næstu setningar sem Klámdrottningin lætur frá sér vegna ógnarinnar sem nærvera hennar hafði á líkamlegt ástand hans. Það fer um hann þegar hann finnur kvenlega fegurð hennar og finnur höfgan konuilminn sem nú verður allt í einu þunglega áberandi.

Eitthvað um að ef hún hefði farið í Júróvísion með góðar klámvísur og sýnt myndböndin sín þar - þá hefði hún látið Evrópu liggja flata fyrir fótum sér, eitthvað sem pislahöfundur átti ekkert erfitt með að trúa. Langbrókin telur að litarhaft hennar hafi mikið með öll þessi læti haft að gera.

"Ég er ekki hvít og ekki svört heldur þar mitt á milli" sagði Drottninginn um leið og hún stökk eins og köttur á litla mús - en það er önnur saga - klámsaga sem ekki verður sögð hérna. Þar sem Langbrók hefur þegar gefið í ljós að hún hefur ekki áhuga á að tala meira - og pislahöfundur hefur ekki orku til að mótmæla því, þá mun viðtalið enda hérna. Athugið að Pislahöfundur getur ekki tekið ábyrgð á neinu sem í þessum skrifum er sagt, en hann getur ekki getið heimildamanna sinna þar sem þeir flúðu allir af vettvangi vegna þjóðfélagsstöðu sinnar. En að þessu sögðu/skrifuðu kveður pislahöfundur um leið og hann skellir sér til sunds í flóabúi Sandgerðisbæjar. Over and deep inn ...

Hrjáir þig getuleysi? Er eitthvað hægt að gera við því - annað en að maula Viagra eða hella steypu í rörið? *Hóst* ekki fyrir viðkvæma!

Getuleysi er sannarlegar hið mesta vandræðamál og alls ekki eitthvað sem einhver vill lenda í. það að lenda í þeirri stöðu getur jafnvel haft þung varanleg áhrif á hvaða einstakling sem er, jafnvel orðið til þess að hann taki enn meira af vandamálum með sér í fjörið næst þegar hann rennir sér á skeiðvöllinn.

Sá sem lendir í því að stubburinn stífni ekki heldur sofi bara svefni hinna óréttlátu, því það er auðvitað ekkert réttlæti í því að sofa á stórri stundu, gæti átt það á hættu að velta sér meira uppúr málinu en þörf er á - og þar með stuðlað að ennþá meiri vandamáli. Hvernig væri að skoða hvað hægt er að gera til að hugsanlega laga málin.

Mikið og margt er það sem getur valdið getuleysi, eins og t.d. Reykingar, áfengir drykkir, veikindi+lyf, dagleg streita vegna vinnu, skóla, fjölskyldu eða bara erfiðir vinir og svo frv. Ef fjörkálfur tekur eitthvað af fyrrnefndu með sér í kjöltu kerlingar, nú eða karls - þá er nokkuð víst að hugurinn verður ekki allur á milli fótanna og einmitt þá vill/getur félaginn ekki tekið 100% þátt í skylmingunum.

 

Það eru til fullt af ráðum til að freista þess að lenda ekki í því að fá ekki bóner eða missa hann niður þegar mest á ríður, so to speak.


Besta lausnin er auðvitað sú að lifa heilbrigðu lífi, þá sérstaklega hvað áfengi og reykingar varðar. Þá er náttúrulega líka mjög gott að gefa sér tíma og vera ekki með allt of miklar væntingar þegar í krappan dans er farið heldur bara njóta lífsins, gera það sem báðum/öllum líður vel með og láta það bara ráðast hvað gerist eða gerist ekki.


Ef sá sem ekki má nefna - er þreyttur og slappur - þá er besta ráðið að hætta að hugsa um hann og einbeita sér að t.d. rúmfélaganum, alls kyns gælur og kelerí sem miða ekki að neinu leiti að kynmökum heldur bara að njóta lífsins og gera það sem gott er. Það er alls ekki útilokað að þegar slíkur leikur stendur hátt, maður gleymir sér - þá sé félaginn þegar kominn af stað og sé í sífellu að reyna að troða sér inní bílskúrinn. Endalaust er hægt að finna uppá leikjum og daðri til að gleyma sér og þar með fá kollinn til að hætta að hugsa um "vandræðagang" á neðri hæðinni.

Svo eru til endalaust margar tegundir af matvælum sem gætu hjálpað - en það væri frekar í sambandi við heilbrigt og holt líferni. Eitthvað er hér að neðan af matarupplýsingum sem geta hjálpað - eftirfarandi matartegundir eru mjög góðar með það í huga að örva kynkvöt karlmanna:

1. Sellerí.
2. Hráar ostrur.
3. Bananar.
4. Avókadó.
5. Hnetur og möndlur.
6. Mangó, perur og jarðaber.
7. Egg.
8. Fíkjur.
9. Súkkulaði.

Hér að neðan eru meðfylgjandi upplýsingar um þessi matvæli fengið úr blaðinu líka:
*****************

1. Sellerí:
Sellerí er að öllum líkindum ekki það fyrsta sem kemur upp í hugann þegar talið berst að kynörvandi matvælum, en staðreyndin er sú að þessi græni stilkur er hlaðinn androsterone hormónum. Androsterone er lyktarlaust hormón sem losnar úr læðingi þegar karlmenn svitna og um leið það sem örvar konur til maka.

Sellerí er best að borða hrátt og ferskt og því má gjarnan renna niður með tómatsafa.

2. Hráar ostrur:
Öfugt við sellerí eru ostrur vel þekktar sem kynörvandi matur, þó margir treysti sér ekki til að slurpa í sig þessu slímkennda fyrirbæri. Í ostrum er mikið zink en zink hækkar sæðismagn og örvar testosterone framleiðslu. Ostrur innihalda einnig dópamín boðefnið, en það er vissulega eitthvað sem eftirsóknarvert er að hafa í blóðinu. Að borða ostrur getur verið nokkuð erótísk upplifun og um að gera að láta nú ekki íhaldssemina hafa yfirhöndina í næsta fríi(ostrur er erfitt að fá ferskar hérlendis).

Ef þú ætlar að gæða þér á ostrum þá skaltu vera viss um að þær séu ferskar og vel kældar. Svo er bara að kreista yfir þær sítrónu og njóta.

  

3. Bananar.
Bananar eru stútfullir af bromelín ensímum sem ku vera hressandi fyrir kynhvöt karla. Þeir eru líka auðugir af pótassíum og B-vítamínum á borð við ríbóflavín - sem eykur orku og úthald.

Gott er að fá frúna/makan til að gæða sér hægt og rólega á sínum banana áður en þú skellir þínum í þig og vindur þér í verkin.

4. Avókadó:
Orðið sem aztekar notuðu yfir avókadó var "ahuacatl", eða "eistna tré", enda minnir útlit þeirra óneytanlega á þennan líkamspart. Avókadó er fullt af fólínsýru, en það gefur af sér aukna orku. Vítamínin B6 og pótassíum er líka að finna í þessum mjúka ávexti, en þau virka örvandi fyrir bæði konur og karla.

Avókadó er best að borða þegar þau eru rétt þroskuð. Þá sker maður það í tvennt, tekur steininn úr, saltar og kreistir sítrónu yfir eða borðar með kotasælu.

5. Hnetur og möndlur:
Innihalda ótrúlega góðar og jafnframt mikilvægar fitusýrur sem hjálpa karlmönnum við hormónaframleiðslu. Að auki mun lyktin af möndlum hafa örvandi áhrif á konur. Prófaðu að kaupa ilmkerti með möndluilm, settu möndlur í skál á stofuborðið(eða í svefnherbergið) og gáðu hvort þetta hafi ekki einhver uppbyggjandi áhrif á sambandið.

Möndlur er best að borða eins og þær koma af trénu; Hvorki saltar né sætar. Einnig er gott að mylja þær og dreifa yfir sallat.

6. Mangó, perur og jarðaber:
Þrátt fyrir að þessir ávextir innihaldi engin hormón eða sérlega örvandi B-vítamín, eru þeir frábær viðbót á þennan matseðil. Útlit þeirra, lögun og áferð minnir óneitanlega á aðra, öllu forboðnari ávexti.

Skerðu ávextina niður í skál og mataðu vinkonu/vin þinn í rólegheitum. Prófaðu að kreista safa í lófann og lofa henni/honum að smakka. Prófaðu hvað sem er...

7. Egg:
Egg eru kannski ekkert svakalega sexí, en þau eru mjög auðug af B6 og B5 vítamínum. Þessi vítamín jafna út hormónaflæðið og vinna gegn stressi, en rétt hormónaflæði og lítið stress er tvennt af því sem er nauðsynlegt hverjum karlmanni til að dafna á kynferðissviðinu.

Gerðu góðan "brunch" (eggjahræra) handa ykkur og bjóddu makanum uppá reyktan lax með. Mjúkt og gott.

8. Fíkjur:
Fíkjur eru fullar af amínósýrum sem eru kynörvandi og hressandi. Þær geta gefið aukið úthald og eru góðar á bragðið. Þar að auki minnir útlit þeirra óneytanlega mikið á konur. Sjáðu bara sjálf/ur.

Fíkjur eru bestar ferskar og fást stundum í betri matvöruverslunum. Endilega keyptu einn bakka og komdu henni á óvart með spennandi eftimat.

9. Súkkulaði:
Konur elska fátt meira en súkkulaði og það eru hugsanlega vísindalegar ástæður sem liggja þar að baki. Í súkkulaði er að finna efni sem kallast á fagmálinu "theobromine", en því svipar töluvert til koffíns. Ekki nóg með það, heldur er annað efni í því sem sumir trúa að framkalli sömu tilfinningu og þegar maður verður ástfanginn.

Það kunna allir að borða súkkulaði en bráðnað er það sérlega erótískt svo ekki sé minnst á þegar vel þroskuðum jarðaberjum er dýft ofaní heitt fondue.
********

 

Eins og sjá má af öllu þessu fyrir ofan - þá er það heilbrigt og hollt líferni með góðri fæðu, jákvæðni og örlítilli glettni sem getur stuðlað að hraustari og kynsterkari einstakling.

Ég get sannarlega mælt með réttu mataræði, reykleysi og mjög takmarkaðri áfengisneyslu til að losna undan því stressi og hugarangri sem gæti valdið getuleysi eða viljalausum félaga á ögurstundu. Kíktu í ísskápinn þinn og skoðaðu hvaða kynörvandi matvæli þú átt þar til - og keyptu reglulega eitthvað af þeim mat sem stuðlar að góðum árangri á skeiðvellinum.

Ég mæli með því lesandi góður að þú rennir í gegnum bæði ráð og matarupplýsingarnar hérna og prufir að búa til seðil/prógram sem hentar þér og þínum áhuga - því ekki er víst að öll matvæli henti eða þyki góð. Prufaðu að halda þig við þennan seðil í t.d. mánuð og passaðu að neyta t.d. ekki áfengis (nema þá í mjög litlu mæli ef þú ræður ekki við þig).

Ég er viss um að ef þið prufið þetta í mánuð allavega, eigið þið eftir að finna mun á ykkur hvað varðar styrk og ánægju. Nú, ef þið finnið það ekki, þá getið þið með ánægju horft til baka og hugsað "mikið skratti er ég búin/n að lifa hollu og góðu lífi í mánuð" - og ef ykkur sannarlega líður vel - þá bara haldið þið áfram á sömu braut, og villidýrið verður stærra og stífara í hvert sinn sem því er hleypt út úr búrinu.

Því miður er ég búinn að eiga þennan pistil mjög lengi, svo lengi að ég man ekki lengur hvaðan ég viðaði að mér efni og upplýsingar um ávexti og mat. Það er því von mín að þið fyrirgefið mér þó ég geti ekki gefið upp heimildir mínar hérna, en ég mun setja þær hérna inn ef ég finn eitthvað um það síðar. Endilega segið frá því ef þið þekkið fleiri matartegundir sem nota má með það að markmiði að uppfæra kyngetu og auðvitað auka hollustu í leiðinni.

Kveðja í eldhúsið ykkar næstu vikurnar;
Tigercopper sem ræður stundum ekkert við sitt utanáliggjandi villidýr, og er stundum að pæla í því að sleppa eggjum, banana og jarðaberjum(góðgæti sem innihalda efni sem örva hluta heilans sem eru venjulega ekki í gangi) úr sínum seðli til að geta hamið dýrið þegar það gengur laust ...

Verður súludans aðalskemmtiatriðið næsta vetur á hinu háa alþingi? Fær horaður landslýðurinn feit eftirlaun eða renna eftirlaun þeirra í vasa Landspabba?

Grunur leikur á að á bakvið þessa mynd leynist alls ekki neinir vitringar heldur svikarar sem náð hafa allsherjar taki á feitum embættum sem ekki voru þeim ætluð. Grunur leikur á að þau séu nú með allt niður um sig - á flótta undan æstum múg sem fór á flipp við að sjá brókarleysi þeirra.

Það hefur heyrst að þau séu að plotta nýtt nornabrugg, ætlað eigin þjóðflokk - pólitíkusum landsins. Brugg þetta mun vera súrt og sóðalegt en með eindæmum gefandi þeim sem það bragða. Til langs tíma ætlað mun bruggið færa tíkusunum fúlgur fjár - eftir að þeir láta af störfum.

Eini Erkióvinur nornabruggs pólitísku svikaranna er talin vera kynbomban ógurlega Snúlla Svipuharða. Talið er að hún sé um þessar mundi að fægja postulínið á Bessastöðum, en þaðan ætlar hún að koma upp um bruggið ógurlega.

Grimmir taktar hennar í Action eru sagðir ógnvænlegir og skal engan undra þó svívirðilegir og svikulir pólitíkusar skjálfi á beinagrindum sínum þegar nafn hennar ber á tönn - eða var það góma - jú líklega góma - enda ætlar bomban að góma liðið svo næsta víst er að hún mun taka úr sér þær fölsku áður en til átaka kemur. How ever, Bessastaðir þykja ákjósanlegur affléttistaður spillingar - enda eru þar fyrir hin virðulegustu og siðprúðustu hjón búsett.

 

Hinn grimmi ríkirfjárhirðir, Ráðríkur Fanndal, hefur látið uppi efasemdir um að Snúlla Svipuharða ráði við svikula teymið, enda sé teymið með eindæmum vel varið - af Landspabba sjálfum. Hafi Landspabbi snúið sviksamlega á land & þjóð með glotti og plotti.

Ráðríkur ríkisfjárhirðir telur að svikulir pólitíkusarnir hafi runnið undan handakrikanum á Landspabba á meðan sveitungarnir sváfu á verðinum, en vörðurinn var einmitt hin dulbúna íðilfagra súludansmær sem býr norðan heiða - nýflutt úr fjöllum í bæ - (sjá neðar). Telur Ráðríkur að nú dugi fátt annað en harkan - enda hafi harðstjórinn forðum bundið allhressilega fyrir alla leka og hafi hann séð til þess að brækur pólitíkusa framtíðar myndu aldrei leka heldur safna í sig, jafnvel eftirlaunum landans.

 

Nú hefur Snúlla Svipuharða gert út nokkra njósnara til að fylgjast með málum pólitíkusanna. Grobbi Gæsapabbi er einn af þeim, en hann liggur í leyni á REI-kjavíkurtjörn - þar sem hann hefur gott útsýni innum glugga pervertanna. Grobbi hefur nýverið skilað inn skýrslu með stöðu mála. Þar kemur fram að Landsstjórar og pólitíkusar pizzi í tjörnina á meðan landinn horfir á Júróvision.

Grobbi Gæsapabbi hefur líka tekið eftir ýmsum undarlegum og aumkunarverðum verum á ferðinni í kringum tjörnina, en það mun vera eitthvað af fátækum sveitalýðnum sem reynir að lifa af landi og tjörn - enda orðið fátt um endur á pollinum nú orðið. Grobbi hefur nú komið með nægar upplýsingar handa Snúllu Svipuhörðu til að nú geti hún látið til skarar skríða, á móti nornabruggi svikulu tröllanna sem í upphafi sáust í vitringabúning - en auðvitað eru það engir vitringar sem halda í heiðri leynibruggi og landráði valdasjúks einræðisherra. Nú er ekkert annað en að bíða og sjá hvernig Snúlla Svipuharða tekur á málunum, so keep reading the next few days people.

 

Fátækum sveitalýðnum er í það minnsta nóg boðið, án þess að fá sömu eftirlaun og sömu bitlinga og sviksömu vitringarnir. Gústi Öskukall er reiður og ósáttur, enda kaus hann allt annað en vitringa í sæti landsstjórnar.

"Ég kaus alltaf .. alltaf .. að halda mig heima á kjördag, enda sátu kjörnir fulltrúar aldrei lengi í sömu stólunum. Maahhr nennir bara ekki að taka þátt í svona skrípaleik lengur, maður kýs og svo næsta dag koma í ljós gallar á gjörningnum og upp poppa einhverjir vitringar sem telja sig betur komna í embættum en þeir sem við kusum" Sagði Öskukarlinn sótillur og var allur í rusli.

 

Svipaða sögu hafði Sigga Saltfiskkerling að segja;

"Gvöööð, er búið að skitta um kaddla í brúnni? Ohh .. ég sem var nýbúin að setja upp spariandlitið og ætlaði að fara á dansiball með .. með .. æi hinum þú veist - sem voru þarna fyrst. Nú verð ég að ná mér í nýjan hatt og mála mig uppá nýtt, hva seiijirru er það blái liturinn - nú þá á ég allavega augnskuggann". Sagði Saltfiskkerlingin og dillaði sér burt með miklum tilþrifum. Sigga Saltfiskkerling er nú áskrifandi af saltfiskflökum og fær sent heim eftir miðnætti alla virka daga. Hún stefnir á súluna, fuglinn sko, í framtíðinni. Sigga er líka framtíðarframapotari af Guðsnáð.

Pislahöfundur skellti sér að lokum norður yfir heiðar og kom við hjá forpokuðu pokakerlingunni sem kallar ekki allt ömmu sína. Ekki var hún í náttsloppnum og ekki í kanínu inniskónum - og augljóslega hefur hún after all ekki notað rúllur lengi eins og sjá má á myndinni hér til hliðar. Grunur er á að hárkolla hafi leikið aðalhlutverkið á kolli hennar um allnokkurt skeið.

Undirritaður náði mynd af Dúfunni dásamlegu á rauða kossimerlettinu, en hún var að undirbúa uppákomu á prestaráðstefnu sem halda átti þarna um kvöldið. Jónína þó ... segi ekki meira. Og þó, ekki fara margar sögur af árangri fundarinns - sem átti að fjalla um syndir feðranna - en allnokkrir siðapostularnir þurftu að skila inn hempu og kjól í lok ráðstefnunnar. Líklegt þykir að súlupokamærin verði ráðin á þing sem skemmtikraftur næsta vetur, en hún mun þó ekki fá að klæðast bleiku kanínuinniskónum og ætlað er að fatnaður verði af skornum skammti - og allur blár, og bólginn.

En, ef þið hafið lesið alla leið hingað - þá eigið þið heiður skilinn fyrir dugnað og nennu! Allar myndir fengust af heimasíðu spaugstofunnar og vona ég að það sé ekki bannað að hertaka svona myndir án þess að biðja um leyfi fyrst.

Knús út í loftið - búinn að losa mig við nóg bull í bili og er farinn að sofa. Sé ykkur hress og kát á morgun ljúfa lið og dreymi ykkur fallega.

  

Mistök gerð við setningu eftirlaunalaga

Make love in the nature - or just love the nature. Sólarsamba næstu daga!

Wúhúuuu.. samkvæmt veðurspám næstu daga - þurfum við ekki að fara til Spánar til að fá gott og ljúft veður - og smá lit.

 

Þeir veðurfræðingar segja að það verði um og yfir 20 stig - allt að 25 stig á norðurlandi næstu daga, en svo færist hiti yfir á vesturland líka og Reykjavík á að fá einhvern smá skammt. Líklega þó ekki nema kannski 15 stig .. en sól og sælu!

 

Mikið væri ég til í að sjá svona gróður um allt hérna á klakanum. Það er endalaust gaman á heitari slóðum því gróðurinn er svo geggjaður.

Ekki það að ekki sé gaman að koma aftur heim eftir ferðalög erlendis - en ég væri alveg til í að eiga bara heima á heitum slóðum.

Skil aldrei ferðamenn sem eyða fé í að fara á kaldar slóðir, til Grænlands, Íslands - eða Færeyja .. uppss! Sorry Guðrún B. meina auddað ekkert slæmt með þessu.

En, þegar maður hugsar - þá eru þeir sem búa á heitum slóðum að sækja það sama og við þegar við flækjumst á heitar slóðir. Allt hið gagnstæða við það sem við höfum.

 

En, sól og sæla næstu daga! Um að gera að henda úlpunni inn í skáp, taka bomsurnar af fótunum og rúllurnar úr hárinu Jónína - og koma sér út í sólina.

Engin ástæða til að fjargviðrast yfir Júróvision, enda stóðu þau Regína og Friðrik sig dásamlega og ekkert meira um það að segja!

Nú er það veðursældin framundan og sumarleikir. Njótið næstu daga kæru vinir - sem og sumartímans alls. Make love in the nature - or just love the nature. Luv ya all ...

Spáð allt að 20 stiga hita í dag

Forsetaveisla, útskrift og fleira...

Jæja já. Hér hef ég sett inn myndir af veisluundirbúning. Fyrstu tvær myndirnar eru frá undirbúning að útskriftaveislu úr góðum skóla í henni Reykjavík - en í þeirri veislu unnum við mat og drykk handa sirka 500 - 800 manns. Síðasta myndin er aftur á móti bara mont mynd frá Bessastöðum sko..

 

Þegar 500 - 800 manns birtast á nánast sama tíma - er eins gott að það sé bara búið að hella í glösin og vera snöggur að hlaupa með fulla bakka af glösum handa þyrstum stúdentum. Mikið rosalega er unga fólkið okkar fallegt og endalaust glæsilegt bara.

 

Við vorum búin að hella í fleiri tugi glasa af svalandi sumardrykk - óáfengum auðvitað! Við blönduðum drykkinn í stórum dunk sem tekur fleiri tugi lítra en við þurftum að blanda 3 - 4 í dunkinn samtals. Svalandi drykkur eftir kirkjuathöfn og útskrift er auðvitað brilljant - og ekki spillir smá góðgæti með.

 

 

En já, það var náttúrulega ekki bara drykkur sem var á boðstólnum - auðvitað var hellingur af góðgæti sem kitlaði bragðlaukana duglega. Enda eru nemendur alltaf duglegir að borða og mikið um kraftmikla matarmenn & konur í þeirra hóp, sem og fjölskyldurnar þeirra.

 

Maturinn var náttúrulega ekki af verri endanum, enda erum við snillingar í veislum og veislumat - maður getur heillað hvern sem er - með góðgæti sem engin er svikinn af. Ég var auðvitað að vinna í undirbúning matar líka, enda hefur maður áralanga reynslu af matarstússi.

Sá sem sá um þessa veislu er meistari af bestu gerð - bæði sem matreiðslumeistari og persóna. Ég hef unnið í mörgum veislunum hjá honum, sem og í hans eldhúsi. Reyndar eru tveir af mínum allra bestu vinum sannir matreiðslumeistarar - og hjá þeim hef ég lært heljarmikið af veislustússi og hef óendanlega mikið gaman af slíkri vinnu.

Núna vorum við með heljar mikið af góðgæti - eins og ætíð. Hellingur af Fahitaspönnukökum, með kjúkling, túnfisk, lax - grænmeti og fleiru. Einnig vorum við með Jalepino, ostafingur, djúpsteiktar rækjur og djúpsteikt broccoli sem og fleira góðgæti. Endalaust góðgæti sem gæti verið hættulegt þeim sem alltaf er að narta (lesist fitandi fyrir hvern sem er - nema mig) ..

Veislan tókst auðvitað stórkostlega vel og allir ánægðir og saddir. Gruna að flestir hafi nú verið svo með sína eigin veislu núna um helgina, enda hugsa ég að þið þekkið öll einhvern sem er að útskrifast núna.

 

En, þessi mynd er aftur á móti tekin að Bessastöðum. Ég var að vinna þar sem aðstoðargestakokkur fyrir nokkru. Stórkostlegt að koma þarna inn - og þvílíkur heiður fyrir náunga sem vinnur með mat - að geta sagt - ég hef eldað í eldhúsinu á Bessastöðum.  

Ég get sagt ykkur það að það var heljar mikið skemmtiefni og saga í stórt bloggerí að segja frá þeirri uppákomu.

Frú Dorrit stóð hjá mér - nartandi í það sem ég var að gera - og það kurr-aði í henni af ánægju. Enda er hún svo mikið mannleg og eðlileg í nálægð að það hálfa væri mjög mikill hellingur.

Auðvitað lét ég taka myndir af mér með forsetanum okkar nýsjálfkjörna til næstu fjögurra ára - og óska ég honum hér með til hamingju með það - sem og okkur sjálfum bara. En, þar sem ég er ennþá hálffeiminn við netið - þá ætla ég ekki að birta myndirnar af mér með karlinum í þetta skiptið.

En, hér set ég punkt í bili. Ætla að fara og fá mér að borða - enda orðinn heilmikið svangur eftir þessar matarhugleiðingar.

  Ég ætla að vera stilltur og prúður yfir Júrókeppninni í kvöld - en auðvitað mun ég halda með okkar yndislega fólki, Júróbandinu. Set þau í 8-9 sæti en ég set Bretland í fyrsta sæti. Vona að þið eigið öll eftir að skemmta ykkur frábærlega í kvöld - og Áfram Júróbandið! Knús á ykkur kæru bloggvinir sem og alla bloggara.

Fyrir þá sem ganga í svefni.. skot í myrkri!

Ok, það er ekki eins og ég hafi tekið ranga beygju einhvers staðar - en þetta getur náttúrulega komið fyrir hven sem er!

Eins gott að sofa bara alla nóttina þegar maður er eins ruglaður og þessi náungi - enda ólíklegt að morgunmaturinn hans eigi eftir að bragðast vel miðað við mynd.

 

En, ég hef ekki verið á blogginu í dag eða lítið bara síðan í gærdag. Verð ekki á ferðinni núna heldur því ég er með gesti sem ég vil ekki skilja eftir í reiðuleysi. Ekki gott að láta gesti ganga um eina því maður veit aldrei uppá hverju þeir taka sko.. *flaut*..

Ég verð hugsanlega ekki hérna fyrr en annaðkvöld á bloggrúntinum - en hver veit.. ég mun allavega ekki kvittast mikið fyrr en annaðkvöld allavega.

Það hefur líka verið mikið um að vera, stór veisla sem er í undirbúningi vegna útskrifta og ég að vinna í slíkum uppákomum náttúrulega.

Ætla bara að bjóða ykkur góðrar nætur og vona að þið hafið það yndislegt kæru vinir, saknið mín nú pínulítið - eða kannski bara helling - jamm það er miklu betra. Faðmlag út í loftið ..

   .... P.s. Ég sagði ykkur það! Júróbandið vann sig uppúr forkeppninni! Hef heilmikla trú á þeim Friðrik og Regínu - enda stórglæsileg bæði tvö!

 ....

Undarleg árátta að halda sig fast á slóðum ofbeldis eða sækja aftur á vettvang ofbeldis! Undarlegt að fólk skuli sækja í að negla ömurlega fortíð fasta við sig frekar en að losa sig við fortíðina.

Sannarlega er ofbeldi ekkert til að hrópa húrra fyrir, alveg sama hver á í hlut. Undarleg finnst mér sú árátta þeirra sem hafa átt ljóta fortíð - eða verið beittir ranglæti eða neytt í ljóta hluti - að sækja aftur á þær slóðir þegar slíkar slóðir eru og ættu að vera - að baki.

Hvað er það sem fær maka til að snúa aftur heim eftir langt heimilisofbeldi? Jú, líklega ást - þrátt fyrir ofbeldið - eða hvað?

Hvað er það sem fær fólk sem hefur verið rænt, haldið föngnu og verið misnotað - til að sækja aftur á þær slóðir - og jafnvel kaupa húsið sem var fangelsi þeirra árum saman? Konan sem rænt var og haldið fanginni í kynlífsnauð ákveður að kaupa húsið svo það verði ekki selt "ókunnum" eða það rifið??? Bíddu við - hefði ekki einmitt verið heillavænlegast að rífa fjandans kofaræsknið? Ég hefði haldið að það myndi vera ákveðið bataferli fyrir fórnarlambið að sjá fangelsið hverfa af yfirborði jarðar...

 

Hvað er það sem fær menn sem setið hafa í fangelsi árum saman til að merkja líkama sinn með tattoo - tattoo sem er t.d. mynd af fangelsisrimlum eða einhverju álíka? Alveg sama hversu lítið eða mikið maður hefur brotið af sér - þegar maður er laus - þá á maður að vera glaður og horfa til framtíðar með bjartsýni og betri vilja í huga, ekki horfa aftur og klína "minningunni" á líkama sinn.

Undarlegt að Ungi maðurinn sem var í fangelsi í Bandaríkjunum í tíu ár eða svo - en er nú laus og kominn "heim" - skuli láta tattoovera á sig stóra mynd af fangelsisrimlum... hvað er málið? Myndi maður ekki vera glaður með að vera laus, fortíðin að baki og horfa framávið með gleði í huga? Jú, það myndi ég gera allavega..

En, svona er lífið skrítið og ætíð virðist það geta komið á óvart hvernig fólk bregst við fortíðinni - eða framtíðinni. Það getur vel verið að sumir þurfi endalaust að velta sér uppúr fortíðinni sem stundum getur verið ansi slæm eða ljótra minninga tengd. En mér finnst að fyrsta góða ferlið í bjartri framtíð þeirra sem eiga misgóða fortíð - sé einmitt að horfa áfram en ekki aftur á bak. Kannski er það bara vitleysa í mér...

Undarlegast af öllu finnst mér sú frétt að unga konan sem rænt var og haldið nauðugri í húsi ræningja síns, misnotuð minnir mig - auðvitað bæði andlega og líkamlega - skuli kaupa húsið sem hún var neydd til að dvelja í. Aðeins til að það lendi ekki í höndum annarra eða verði rifið, það finnst mér ekki í lagi ..

 En, númer eitt - tvö og þrjú er að muna öll að ofbeldi leysir aldrei neitt. Heillavænlegast er að tala um hlutina og forðast það að nota ofbeldi, líkamlegt eða andlegt.

Ef ekki er hægt að leysa málin sín á milli - til dæmis hjá sambúðarfólki - þá er um að gera að leita til fagaðila til að hjálpa. Sálfræðingar og ráðgjafar geta örugglega komið með lausnir sem hin venjulega Jóna og hinn venjulegi Jón kunna ekki að finna. Engin minnkun er fólgin í því að leita sér hjálpar - minnkunin felst í því að nota ofbeldi.

Það er endalaust hægt að bera virðingu fyrir þeim sem leysa málin, vinna í því að hafa málin góð og lifa ofbeldislausu lífi. Það eiga allir að geta það og það ætti raunverulega engin að þurfa að nota hnefa eða spörk - hvað þá andlegt ofbeldi - til að ná sínu fram. Elskið kviðinn og strjúkið friðinn ... þannig séð. Lifið heil og sæl í sátt og samlyndi!

Karlar fórnarlömb heimilisofbeldis