Hvalveiðar og útrásarpotið ... "Sniðganga Íslenskar Vörur" er málið í dag!

„Við erum náttúrlega búin að fá fullt af hótunarbréfum frá Þýskalandi. Þar er því hótað að 200 umhverfisverndarsamtök muni stuðla að því að loka fyrir kaup á íslenskum varningi í búðum og fá fólk ofan af ferðum til Íslands. Þessu rignir yfir ferðaþjónustufólk."

Burt með hvalveiðar Íslendinga!

 

Hmmmm ...

Hmmmm....

Meira svona Óli - það vantar ennþá eldivið - kveikjum duglega í nágrannaþjóðunum!

Það er spurning um hvort við þurfum ekki að fara að slaka á hvað varðar útsýni umheimsins yfir til okkar! Satt að nóg er komið í bili og ekki á það bætandi ....

Sniðganga íslenskar vörur

Veltum fyrir okkur hvað hægt er að gera við 24 milljónir nú á tímum kreppu. Þetta er fáránlegt ...

Vanhæfur ráðherra þarf auðvitað að eyða skattfé landans í það að kaupa hina og þessa menn til að vinna fyrir sig verkin. Þegar ráðherra kann ekkert, getur ekkert og hugsar bara um stólinn undir rassinn - þá þarf hann auðvitað að ráða undir sig her manna til að vinna þá vinnu sem hann á sjálfur að gera.

Hvernig væri bara að fara að bretta upp ermarnar og koma sjálfum sér inn í málin sem undir mann eru sett og hætta að eyða almannafé svona í fjandans ráðgjafa og annað svo þú megir hafa náðuga setu í feitum stól - sem þú ert sem betur fer búinn að tapa í bili..

Segi ekki annað en að Guð hjálpi okkur ef þessi maður kemst aftur í heilbrigðisráðuneytið. Hversu miklu af skattfé ætli hann eigi þá eftir að eyða í "ráðgjafir og aðstoð"? Guð gefi að hann verði sem lengst í stjórnarandstöðu eða helst að hann hverfi bara úr pólitík for good.

Hugsið ykkur hve mikið væri hægt að gera fyrir 24 milljónir nú á krepputímum. Hvernig væri að muna þessa óráðsíu í næstu kosningum folks ...

Svona er þetta líklega líka með Davíð Oddson. Hann er vanhæfur seðlabankastjóri - án réttrar menntunar og hæfileika - þurfa menn að eyða stórfé í það að hafa undir sér alls skonar menn sem hafa hina réttu menntun og hæfileika sér til halds og trausts. Því í fjandanum ekki bara ráða hæfa menn til verka sem sannarlega vita hvað þeir eru að gera í sínum stólum - og gera það - og nota svo fé sem fer í alls skyns ráðgjafa í þarfari málefni og verkefni!

Er ekki tími sparnaðar núna? Hefði haldið það .. bara hugsa um hversu miklum fjármunum er eytt á þennan hátt í pólitíkinni yfir höfuð. Mig svimar við tilhugsunina um þennan sóðaskap ...

Ráðuneytið greiddi 24 milljónir fyrir ráðgjöf

Hvað gera framapotandi pólitíkusar þegar þeir hafa tryggt sér feitan stól og feitan tékka í áskrift? Jú, þegja þunnu hljóði og passa sig á því að gára ekki vatnið!

Verð að viðurkenna að ég hef aldrei verið hrifinn af þessum náunga - og gæti trúað honum til að stinga hvern sem er í bakið - og stela hverju því sæti sem honum hugnast! Myndi ekki treysta honum í pólitík - frekar en að ég myndi treysta Árna Johnsen fyrir buddunni minni!

Hann minnir mig á þá allra verstu í íslenskri pólitík - og víðar ef svo ber við. Mitt atkvæði myndi hann aldrei fá og ef eitthvað er frá mér til hans í kjörklefanum - þá myndi það vera strik - yfir nafnið hans!

Það er ömurlegt þegar menn pota sér áfram með látum og hamagangi í pólitíkinni. Menn eru fljótir að stinga jafnvel félaga sína ef það hentar þeim sjálfum og kemur þeim sjálfum í feitara sæti. Menn eru hættir að hugsa um málefni og hættir að reyna að verða að gagni á þingi - hugsa bara um feit sæti og feita bitlinga sem og feita mánaðarlega tékka inn um bréfalúguna. Um leið og þeir alverstu byrja að pota sér áfram í aðdraganda kosninga - hafa þeir hátt, rífa fólk og málefni niður og lofa öllu fögru. Hvað gerist svo ef þeir ná að plata fólk til að kjósa þá? Jú, þeir grafa öll loforðin - ýta öllu viðkvæmu eða erfiðu til hliðar og stinga sér sjaldan eða aldrei til sunds þar sem vatnið gæti gárast því þá gætu þeir misst tékkann og stólinn.

Sem sagt - þegar framapotari kemst áfram í stjórn - eftir gól, gal og öskur á allt og alla - steinþagnar hann og passar sig að ýfa ekki við einu eða neinu sem gæti reynst "óþægilegt" pólitískt séð. Passa bara stólinn og gefa skít í loforð og kjósendur ...

๑۩۞۩๑ ๑۩۞۩๑ ๑۩۞۩๑ ๑۩۞۩๑ ๑۩۞۩๑๑۩۞۩๑

 

Í lítilli þriggja sæta flugvél sem flaug hátt yfir Íslandi - sátu þrír menn - flugstjórinn, Geir H. Haarde og Davíð Oddson. Þeir líta niður til landsins og Geir glottir ..

Geir H. Haarde; "Ef ég myndi henda út um gluggann einum þúsundkalli þá myndi ég gleðja einn mann duglega!" ..

Davíð Oddson; "Haahh.. auli ég myndi henda út tíu þúsundkalli og þar með gleðja tíu manns!"

Flugstjórninn stamaði í hljóði með sjálfum sér ..

"Ef ég myndi henda ykkur báðum út úr flugvélinni núna - þá myndi ég gleðja heila þjóð!"

Þessi var í boði Seðlabanka Íslands.

„Ekki erfiðasta prófkjörið“

Her Jóhönnu Sigurðardóttur er bara að standa sig vel og næsta víst er að þessi ríkisstjórn hefur gert meira á stuttum tíma en Sjálfstæðismenn hafa gert síðustu 18 ár!

 Sannarlega er gamla báknið að hverfa smá saman og nýtt öflugt gagnvirkt flæði að opnast.

Blaðamannafundir og upplýsingaflæði er bara nauðsyn - og ríkisstjórn Jóhönnu Sigurðardóttur er að standa sig brilljant vel í þeim efnum.

Auðvitað má alltaf gera betur og ýmislegt mætti hreinsast burt ennþá - en mér sýnist ríkisstjórnin vera á uppleið með það að ávinna sér ákveðið fylgi og ákveðinn hópur fólks er að færast yfir á band ríkisstjórnarinnar vegna þess að þetta er ein sú fyrsta sem hefur allt uppi á borðinu, leyfir þjóðinni að fylgjast með hvað er í gangi og hvernig málum miðar!

Til hamingju með þetta Jóhanna og her ... til fyrirmyndar!

Ríkisstjórnin eykur upplýsingagjöf

Verður gullfiskaminni þitt með þér í aðdraganda næstu kosninga - eða fílsminnið? Hversu langt aftur manst þú .. eða hversu fljót/ur ertu að gleyma?

Þetta er náttúrulega dálítið brilljant, en næsta víst er að ég vona að þetta verði ekki til þess að fólk fari að misnota þetta. Það er alltaf til fólk sem reynir að misnota það sem gott er verið að reyna að gera, fólk sem skoðar hvað sem er með það í huga að hvernig get ég notfært mér þetta og hvað get ég komist upp með hérna ... því miður!

Málið er að ef fólk skuldar slatta, stendur í skilum en er á "nippinu" með að halda hlutunum saman - getur það samt - hættir fólk núna bara ekki að borga og lætur setja sig í gjaldþrot .. hugsar "iss, gjaldþrota bara tvö ár og svo get ég byrjað á startreit aftur án allra skuldanna"! Ég verð að viðurkenna að ég er hrifinn af þessari breytingu og vona að hún komi til með að hjálpa þeim sem sannarlega eru í neyð - en eins og með svo margt og mikið annað - þá eru alltaf skemmd epli innan um allt sem sett er fram og eyðileggur það góða sem verið er að reyna að gera..

Mér sýnist á öllu - samkvæmt blaðamannafundinum í morgun - að þessi ríkisstjórn sé að gera heilmikið og reyndar meira en nokkur önnur ríkisstjórn hefur gert áður - og allt á hvað löngum tíma núna - tveim vikum eða þrem?

Það er von mín að gullfiskaminni fólks sé grafið og gleymt - og að fílsminnið sé uppi á borði - munið hver hefur siglt skútunni síðustu ár eða tug - þangað sem skútan nú hangir á bláþræði í briminu og er hálfsokkin .. látið fílsminnið standa uppúr og kjósið ekki yfir ykkur sama óþjóðalíðinn sem hefur verið við völd alltof lengi. Burt með spillinguna - burt með Sjálfstæðisflokkinn.

Kröfur fyrnast á tveimur árum

Hátt fall skelfir fólk og heldur því á mottunni. Ætlar Geir kannski bara ekkert úr formannsstólnum? Hverju hvíslar Davíð í eyra sinna þegar kosningar nálgast? ...

Já, fallið var hátt - beint úr ráðherrastól og langt niður í stjórnarandstöðu. Nú er maður (kona) orðinn hræddur við að falla aftur - og því ekki annað í stöðunni en að draga sig til hlés - reyna bara að halda fast í það sem þegar er undir rassinum á manni (konu)...

Ekki kæmi mér það á óvart þó Davíð hafi nú laumað því að Þorgerði að gamli karlrembuflokkurinn myndi aldrei sætta sig við kerlingu í brúnni. Langt frá því allavega ...

Það kæmi mér heldur ekkert á óvart þó Geir H. Haarde hafi laumað því að henni að hann væri búinn að hugsa sig um tvisvar og að það hafi verið fljótfærni að bjóða sig ekki fram áfram í stjórn flokksins. Enda sagði hann það víst sjálfur að það væri svo sem allt inni í myndinni nú þegar aðgerðin var yfirstaðin og allt léki í sóma hjá honum hvað það varðar. Því myndi ég ekki verða hissa þó hann poppaði upp aftur sem formannsefni flokksins.

En, mér er svo sem sama hver stendur í brúnni hjá Sjálfstæðisflokknum - svo lengi sem hann stendur áfram í pontu sem stjórnarandstöðuflokkur - helst sem lengst - í það minnsta nokkra áratugi svo aðrir flokkar geti byggt upp það sem Sjálfstæðisflokkurinn hefur svo skelfilega brotið niður í þjóðfélaginu..

Þorgerður Katrín ekki í formannskjör

Jóhanna Sigurðardóttir er ekki eins manns (konu) her - við hlið hennar er sannarlega mikill herskari ...

Samþykkti Jóhanna breytingar á lögunum 2001?

Jóhanna Sigurðardóttir kom að breytingum á lögum um Seðlabanka Íslands árið 2001 og samþykkti þær breytingar sem þá voru gerðar. Þær áttu fyrst og fremst að miða að því að auka sjálfstæði Seðlabankans.

Gagnrýndi fyrri lög

Jóhanna gagnrýndi hvernig lögin voru áður en þeim var breytt og sagði ráðherra þá vera í stöðu til að ráðskast með Seðlabankann. Meðal annars á grundvelli þess að hægt var að ráða þá í stuttan tíma. Hún sagði á vefsíðu sinni af þessu tilefni: „Þetta getur varla þýtt annað á mæltu máli en að ef bankastjórinn fer ekki í einu og öllu að því sem forsætisráðherra segir þá eigi hann það á hættu að vera látinn fjúka. Eðlilegri stjórnsýsluhættir væri að bankaráðið réði sjálft einn bankastjóra sem ábyrgð bæri gagnvart bankaráði, sem gæti þá látið hann fara ef hann væri ekki starfinu vaxinn, frekar en að hann sé háður duttlungum og geðþóttaákvörðun ráðherra á hverjum tíma.“

Er ekki hér bara verið að vega að Jóhönnu Sigurðardóttur Forsætisráðherra - hvernig fjallað er um orð hennar og henni ætlað að vera í eigin herferð að sækja að Seðlabankastjórunum? Með það í huga hvernig ferill Davíðs Oddssonar var sem forsætisráðherra - hvernig hann skipti sér að málefnum t.d. Landsbankans og hvernig hann vó að ýmsum embættismönnum um allt þjóðfélagið - tel ég að Jóhanna hafi skrifað þetta vegna geðþóttaaðgerða DO í gegnum tíðina.

Jóhanna Sigurðardóttir er ekki eins manns her á eftir Seðlabankastjórninni - með henni í ákvörðunum varðandi bankann er heill her manna og kvenna í stjórn landsins, mikill hellingur af fólki á þingi og heil þjóð - mínus nokkur skyldmenni DO ...

Gamall slagari Ólínu Þorvarðardóttur er vel við hæfi þessa dagana;

Spillinguna burt, sama hvar í flokki hún er .. (eða eitthvað álíka)

Seðlabankastjórar telja að sér vegið

Davíð er með slatta af skyldmennum í dómarasætum og því ekkert því til fyrirstöðu að ráðast gegn ríkinu - eins og mófó - með dómarastéttina í vasanum.

Loks kemur í ljós ástæða þess að skyldmenni og vinir Davíðs Oddssonar hlutu embætti sín í valdatíð Sjálfstæðisflokksins. Þetta er það sem hefur sannarlega vakað fyrir þessum hrokafulla karli - hinum ósnertanlega og almáttuga - ásamt pólitískum vinum og vandamönnum.

Með skipun mun minna hæfra einstaklinga í ýmis dómarasæti - allt skyldmenni og vinir - stendur karlinn í brúnni fast í fætur og ætlar hann sér með atvinnumál sín gegn ríkinu - með sinn eigin heita flokk af skylmennum og vinum í hinum og þessum stöðum í lagaumhverfinu - hann ætlar sér að fara alla leið greinilega.

Hundur skal ég heita ef þetta hefur ekki ætíð vakað fyrir karlinum og hans flokki. Að með sína menn allsstaðar innan dómarastéttarinnar muni þeir sjálfir, vinir þeirra og vandamenn geta farið í mál við hvern sem er - því sjálfir dómararnir eru í vasanum hjá þeim og geta varla lyft fingri til að gera neitt á móti spillingunni. Það er skítalykt af þessu máli og nú er um að gera fyrir búsáhaldabyltinguna að færa sig um set og kveikja hreinlega í Seðlabankanum með það sama og gerðist við Alþingishúsið.

Ég hvet þjóð mína til að standa með ríkisstjórninni núna. Æpum til aðgerða og mótmæla allt í kringum Seðlabankann strax á morgun og linnum ekki látum fyrr en Davíð er farinn endanlega þaðan út...

Nauðsynleg lesning hérna!

Davíð segir ekki af sér

Nú á bara að skrá sig formlega inn í pólitíkina, þannig lagað. Sjálfstæðismannalausar ríkisstjórnir næstu áratugi er málið!

"Samfylkingin heldur landsfund sinn í Smáranum í Kópavogi helgina 26. -29. mars. Það er sama helgi og landsfundur Sjálfstæðismanna fer fram. 

Í dag stendur yfir Framtíðarþing og er því ætlað að marka upphafið á lokahnykk stefnumótunar sem ná mun hámarki á landsfundinum. Um 300 manns eru á Framtíðarþinginu sem lýkur um þrjúleytið í dag með ræðu Jóhönnu Sigurðardóttur forsætisráðherra."

Er að segja ykkur það að ég ætla mér að fara eftir helgi og skrá mig formlega inn í Samfylkinguna! Margir sem ég þekki persónulega - eru að gera slíkt hið sama um þessar mundir og því vil ég líka taka þátt í því að stuðla að "sjálfstæðismannalausum" stjórnmálum á næstu misserum - eða sem lengst helst. Ég myndi aldrei skila auðu - hef aldrei gefið sjálfstæðismönnum atkvæði mitt og mun aldrei gera - og ef eitthvað væri - þá líklega myndi ég skoða VG ef Samfylkingin væri ekki til staðar.

Landsfundur Samfylkingar í lok mars

Spurning um hvort konur leggi fyrirtæki hraðar í rúst en karlar? Það er líklega allur gangur á því...

Eru konur hæfari stjórnendur en karlar? Það er spurning en næsta víst er að það mun koma í ljós á næstu misserum hvort eitthvað sé til í þeirri staðhæfingu margra.

Sjálfur hef ég þekkt til kvenna í toppastöðum sem hafa eitrað mikið út frá sér og hreinlega lagt fyrirtæki í rúst - bara vegna eitraðrar öfundar út í aðrar konur sem voru þó lægra settar þeim hjá fyrirtækinu - en mun betri starfskraftar þó. Öfundsjúkar konur í yfirmannastöðum eru skaðræðisgripir sem ekki er gott að lenda í - ykkur er óhætt að trúa því sko. Karlar hins vegar ganga hreint til verks og segja út sína meiningu á meðan konur geta átt það til að fara sálfræðileiðina, baknaga og stinga í bak þeirra sem þeim er illa við. Reyndar geta karlar líka gert slíkt - en oftar bara kýla þeir frá sér í eitt skipti fyrir öll á meðan konur reyna smátt og smátt að "rústa" þeim sem þeim er illa við.

Ein óvönduð kona t.d. lagði í rúst 15 ára samheldinn vinnuhóp sem hélt styrkri, faglegri og réttlátri hendi utan um allan reksturinn með algeran kvennaskörung í fararbroddi - en þegar hin óvandaða var sett yfir þennan góða hóp - kom fljótlega upp mikil óvild og öfund út í kvennaskörugninn þar sem skörungurinn leysti yfir höfuð öll vandamál á farsælan hátt án erfiðleika, en það sem kom upp í hendur þeirra óvönduðu - klúðraðist á margan hátt og flæktist - svo skörungurinn þurfti oft að koma til að leysa klúðrið og bjarga málum.

Í stað þess að vera þakklát, auðmjúk og reyna að læra af skörungnum - þyggja hjálp hennar og meta hana - þá setti sú óvandaða oftar en ekki út klærnar og rýtingar flugu aftur og aftur í bak skörungsins þar til hún réð ekki við meira og sagði af sér og fór á annan vettvang. Á stuttum tíma eftir þetta tókst kerlingunni að reka allan vinnuhópinn smátt og smátt og enn í dag eru stanslausar mannaráðningar í gangi þarna á bæ. Undarlegt að yfirmenn staðarinns skuli ekki opna augun fyrir þessu - setja kerlinguna á hliðarkanntinn og reyna að nálgast aftur sinn fyrrverandi brilljant starfshóp.

Við verðum nú að vona að Testósterónið sé ekki alveg horfið héðan - en samt er það vonandi þannig að 50% Testósterón og 50% kvenngen vinni vel saman á Alþingi þar sem slík skipting einkennir nýja stjórn. Mitt mat er að konur geta verið alveg brilljant stjórnendur ef þær vilja - hef líka séð slíkt gerast og hef haft konur sem yfirmenn sem sanna það fullkomlega - og það geta karlmenn líka.

Öld testósterónsins lokið