Stóriðjufyllerí, er ísbjörn skotinn - í fjallkonunni? Er fjallkonan kannski bara með byssu tilbúin að skjóta Björn?

Já, var það ekki týpískt - mótmælaspjöldin hangandi í beinni sjónlínu yfir höfði okkar virta forsætisráðherra á meðan hann flutti þjóðhátíðarávarpið. "Ríkisstjórnin brýtur mannréttindi" stóð á því spjaldi sem ég tók eftir í sjónvarpinu - en auðvitað fáum við ekki að sjá svoleiðis myndir í dagblöðunum.

Veðurguðirnir voru hátíðargestum hliðhollir, sól og blíða - varla að hár á höfði hreyfðist. Ég hef ekki heyrt hve margir sóttu hátíðarsamkunduna á austurvelli, en það var þéttsetið og staðið að sjá. Mér fannst hálf skondið að sjá þessi mótmælaspjöld sem stóðu í beinni sjónlínu fyrir aftan Forsætisráðherrann þar sem hann stóð í ræðupúlti, en svona mótmæli eru mun betri en einhver æsingur og hamagangur að mínu mati.

 

 

Nú, ekki vantaði fjallkonuna fríðu. Að venju var einhver fögur snótin fengin til að flytja stutt innlegg í hátíðina. En nú hef ég aldrei pælt í því hver fjallkonan er - fyrir hvað á hún að standa, á hún að hafa eitthvað þýðingarmikið að segja okkur - eða er hún bara skraut, gjörningur í hátíðarbúning sem á ekki að hafa neitt sérstakt að segja heldur bara vera hluti af "uppákomum" þjóðhátíðardagsins?

Ætíð hafa fjallkonurnar okkar þó verið til mikilla prýði - fallegar og tígurlegar, með ljúfan þokka og setja heilmikinn svip á það sem fram fer á Austurvelli á þessum hátíðardegi. Hvaða erindi hún raunverulega á - það hef ég aldrei spáð í en ef einhver þekkir sögu fjallkonunnar og hvaða tilgangi hún raunverulega þjónar á þessum degi - þá væri ég kátur ef sá vitri leyfir mér og þeim sem ekki hafa spáði í tilgang hennar - að njóta vitneskjunnar með sér.

En annað og mun leiðinlegra málefni, eða þannig séð erfiðara að eiga við.

Enn og aftur er óvelkominn hátíðargestur stiginn á land - eins og allir hafa þegar bloggað um. Persónulega vil ég bara láta klára svona "vandamál" strax, skjóta dýrið og láta heiminn vita af því að við bíðum ekki eftir því að það drepi mann eða annan.

Mér finnst það óþolandi þegar fólk byrjar að vola um hve sætur og fallegur og ljúfur og einmanna og svangur og blablabla kvikindið er - þetta er villidýr sem drepur það sem verður á vegi þess ef það er í þannig skapi, ert þú tilbúinn að taka þá áhættu? Allir sem eru á móti svona drápi myndu umvarpast í hamagangi yfir því að dýrið hafi ekki verið drepið ef einhver þeim tengdur lenti í klóm bjarnar, er það þess virði að hætta á slíkt? Nei, ekki að mínu mati.

 

Þessi mynd er tekin á siglufirði og tengist ekki beint því sem ég ætla að skrifa hér.

En, Aldursmörk á útihátíðum eru að mínu mati stundum nauðsynleg. Ég hef í nokkur skipti verið á flakki um landið og gist á tjaldsvæðum víða. Undantekningalaust hefur verið mjög mikið ónæði vegna ölvunar og óláta af hendi ungra drykkjumanna/kvenna. Ég er ekki að segja að allt ungviði okkar sé með slíkan hamagang, bara að það er áberandi að þeir sem hafa ekki þroska til - drekka sig út úr kú og standa svo í slagsmálum og hamagangi sem er öllum gestum tjaldsvæðanna til ama. Það er stundum því bráðnauðsynlegt að stetja mörk einhversstaðar, annað hvort aldursmörk - eða hreinlega bara banna áfengi á tjaldsvæðum, sem væri bara miklu betri kostur. Enda eru oft á tíðum mest af barnafjölskyldum á ferðalögum um landið sem gista tjaldsvæði víða um land.

 

Er það virkilega satt að stóriðjan sé ríkisstyrkt? Framtíðarlandið gefur út skýrslu um opinberan stuðning við stóriðju og gagnrýnir ríkisstyrkta stóriðju.

Lára Hanna Einarsdóttir er með frábæra pisla ætíð hvað verndun flóru Íslands varðar. Skoðið pislana hennar því þeir eru sannarlega þess virði - en linkurinn á þessar nýjustu stóriðjufréttir er í nafninu hennar Láru þarna uppi.

Við þurfum sannarlega að skoða hvert mál vel og vandlega áður en við fljúgum af stað hvað stóriðju varðar, en auðvitað erum við öll með okkar skoðun og álit á þessum málum. Við megum samt ekki missa frá okkur miklar perlur undir stóriðju.

************************

"Fatlaðir bíða vegna skorts á fjármagni. Þjónustuúrræði fyrir fötluð börn eru í ólestri. Óvíst hvar vistheimili fyrir 20 börn á Reykjanesi mun rísa. Yfirfærsla málaflokks fatlaðra til sveitafélaganna er í bígerð."

Hér er þörf á að taka duglega til hendinni. Hvernig væri að hætta að ausa fé í ferðalög á einkaþotum og bitlingum handa ráðamönnum og elítunni - og setja eitthvað af fénu í svona málefni sem líða vegna fjárskorts?

************************ 

Fallegt umhverfi er ætíð gleðigjafi. Fallegar götur og falleg hverfi eru til fyrirmyndar og eftirbreytni.

Það er dásamlegt þegar fólk tekur sig saman í sinni götu - eða jafnvel bara í heilu hverfi - og fegrar umhverfið saman. Á sumrin er hægt að koma saman og grilla eða gera sér glaðan dag með hvert öðru og börnum hverfisins.

Til fyrirmyndar eru t.d. samrýndir nágrannar á Melhaganum. Íbúar götunnar koma saman á sumrin og fegra götuna sína með tiltekt og þrifum. Svo er slakað á eftir erfiðið og upp er slegin veisla.

Gata er sameign allra íbúa hennar og maður ætti að vera meðvitaður um að hafa hana öðrum hverfum til eftirbreytni með því að hafa hreinsunardag eða jafnvel daga - á vorin og yfir sumartímann. (Upplýsingar um Melhagann úr 24 stundum í dag)...

************************

En, nú er þjóðhátíðardagur Íslendinga og ég óska ykkur til hamingju með daginn. Farið nú út og gerið eitthvað skemmtilegt því það er af nógu að taka um allt landið. Víða er veður gott og því tilvalið að fara með börn og buru út og njóta samverunnar með fjölskyldunni.

Hér læt ég þessum hamagangi lokið í bili. Verð ekki á ferðinni aftur fyrr en í kvöld og mun þá klára að lesa yfir ykkur sem voruð á ferðinni í síðustu færslu hjá mér - sem og núna þessari - ef einhver hefur eitthvað um eitthvað að segja. Njótið dagsins og njótið þess ef kostur er að vera með fjölskyldunni og gerið eitthvað saman! Ljúfar kveðjur í loftið ...

Þjóðhátíð sett á Austurvelli

Þegar maður lemur mann, eða kona kýlir konu ... hver er munurinn? Catfight people ..

Omg. Ég trúi því ekki að kerlingin hafi gert þetta! Ef hreyfimyndin virkar þá er þetta þvílíkt högg sem sú gamla gaf þeirri yngri að það kæmi mér ekki á óvart þó sú yngri hafi nefbrotnað, úff - svona er ljótt að sjá en það hlýtur að liggja eitthvað alvarlegt að baki.

Hér fyrir neðan eru nokkrar pottþéttar aðferðir til að ávinna sér óþol og fyrirlitningu vinnufélaga sinna. Þekkir þú einhvern sem er svona - eða ertu þú svona sjálf/ur? Þekkir þú fleiri leiðir til að vera óþolandi á vinnustað eða í vinahópnum? Deildu með okkur hinum..

 

1. Talaðu hátt í símann;

Auðvitað vilja allir viðstaddir heyra hvað þú ert hress og skemmtileg/ur og átt auðvelt með að vefja viðmælendum þínum um fingur þér. Talaðu bara nógu hátt svo allir geti lært eitthvað af þér og fyllst lotningarfullri aðdáun á samskiptahæfni þinni. Þeir geta bara haldið áfram að vinna þegar þú ert búinn í símanum.

2. Eignaðu þér heiðurinn af verkum annarra;

Ekki minnast einu orði á að þú hafir fengið hjálp næst þegar yfirmaður þinn klappar þér á bakið fyrir unnið verk. Hópvinna - sópvinna. Miklu betra að láta líta út fyrir að þú hafir gert þetta allt á eigin spýtur.

3. Komdu veik/ur í vinnuna;

Ef þú ert með kvef eða gubbupest skaltu samt mæta í vinnuna og úða vírusum í allar áttir. Vinnufélagar þínir munu þakka þér þegar þeir geta tekið sér langþráðan hvíldardag heima og hangið hálfir ofaní klósettskálinni með næringu í æð.

4. Deildu öllu með vinnufélögunum;

Þú ert óvenju áhugaverður einstaklingur svo vinnufélagar þínir vilja örugglega vita allt um þig. Jafnvel þótt þeim líði kannski örlítið óþægilega þar sem þú dælir yfir þá sögum af kynlífsvandamálum þínum í gegnum tíðina. Einkalíf er ofmetið fyrirbæri.

5. Talaðu mikið um trúmál og pólitík;

Reyndu að koma af stað eins mörgum rifrildum og þú mögulega getur. Reyndu t.d. að komast að því hverjir eru viðkvæmari fyrir guðlasti en aðrir og ögraðu þeim með því að tala vel um Jón Gnarr.

6. Segðu klúra og grófa brandara og heimfærðu þá upp á vinnufélaga þína;

Hvað með það þótt viðkvæmar sálir hrökkvi í kút og þú fáir á þig perrastimpil? Þetta er bara þinn húmor. Sjálfsögð mannréttindi að þú fáir þína útrás eins og aðrir.

7. Sendu ruslpóstinn þinn á alla starfsmenn;

Helltu öllu ruslinu yfir þá í tonnavís - keðjubréfunum, bröndurunum, Nígeríubréfum og undirskriftalistum. Þeir munu hugsa hlýlega til þín í hvert sinn sem þeir ýta á delete-takkann.

8. Tyggðu tyggjó með stæl;

Tyggðu með opinn munninn og sprengdu tyggjókúlur með látum. Slíkt er sem fagur fuglasöngur í eyrum vinnufélaga þinna. Keyptu þér birgðir af Hubba Bubba og geymdu í skrifborðsskúffunni.

9. Komdu verkefnum þínum yfir á aðra;

Góðir stjórnendur þekkja mikilvægi þess að dreifa verkefnum á aðra. Ókey, þú ert kannski ekki í stjórnunarstöðu núna en það er aldrei of snemmt að byrja að hugsa stórt. Hugsaðu eins og yfirmaður. Gerðu helst ekki neitt.

10. Talaðu niður til samstarfsfélaga þinna;

Hroki og yfirlæti gerir þig sterkari og gefur öðrum til kynna að þú ert yfir þá hafin/n. Láttu þér í léttu rúmi liggja þótt þeir fyrirlíti þig, hlæi að þér og bjóði þér aldrei í partí. Þú ert betri en þeir.

Starfsmannaleiðindatippsin fékk ég í 24 stundum, laugardaginn 14 júní 2008.

*********************

Já, það er örugglega kalt á toppnum. Allir þekkja einhvern sem er "skemmda eplið" í hópnum eða í partíhópnum eða vinnustað og jafnvel bara í stigaganginum gæti verið einhver sem er alltaf uppi á móti öllum hinum.

Þá er það náttúrulega spurningin um að vera dálítið Dipló í sér - fara af stað með bjartsýni og gleði og tala viðkomandi inná að verða glaðlegri eða meira með í hópnum. Það er endalaust hægt að halda einhverjum "fúlum" alveg endalaust fúlum - en það er líka vel hægt að fara góða leið að þeim fúla og vinna hann/hana með sér og laga þar með móralinn á staðnum.

Ég þekki til yfirmanns sem er algerlega óalandi. Ætíð þegar eitthvað gengur á afturfótunum hjá honum - þá kennir hann undirmönnum sínum um vandann. Þegar brilljant vel gengur - þá eignar hann sér allan heiður - jafnvel þó hann hafi lítið sem ekkert komið nálægt verkinu.

Svona fólk er erfitt að eiga við - en það er alls ekki útilokað samt. Það er hægt að vinna alla með alúð og vinsemd, einlægni og umfram allt heiðarleika og hreinskilni. Það er örugglega kalt þarna uppi fyrir þann sem hagar sér eins og konungur yfir öllum - án þess að vera þess verður.

Málið er líka að það er næsta víst að allir sem svona haga sér eiga örugglega erfitt og bágt, enda trúi ég því varla að nokkur geri sér það að leik að vera með leiðindi og önugheit við samferðamenn sína, eða hvað? Þekkir þú fólk sem er önugt og leiðinlegt að eðlisfari? Hefur þinn hópur/stigagangur/félagskapur/vinna - sinn eigin fýlupúka?

Það fallegasta sem þú getur gert í svona stöðu - er að leggja þína krafta á vogaskálar þess að vera sá góði. Gerðu þitt til að vera góður og glaðlegur mót þeim sem illilega lætur. Reyndu að svara aldrei í sömu mynd og reyndu að finna létta og bjarta hluti til að draga fram þegar þú ræðir við viðkomandi - með því er alltaf möguleiki á að ná þeim fúla í léttara skap. Þannig dreifir þú líka huga þess fúla frá því að vera fúll og færð hann/hana til að hugsa um eitthvað annað.

Brostu á móti þeim fúla - með ljúfu brosi en ekki yfirlætislegu brosi. Bjóddu ætíð góðan dag og segðu alltaf "bless bless og eigðu ljúfan dag".. smá saman mun það ná í gegnum skrápinn. Gerðu góðverk á hverjum degi, það skilar sér alltaf til baka. Gleymdu þér þó ekki í því að gera góðverkin eingöngu með það í huga að fá það margfallt til baka!

Hér er skelfileg hræðslufærsla í boði myrkrahöfðingjans. Hvað finnst ykkur um þessa mynd í fararbroddi?

Skelfileg mynd! Mér finnst þessi mynd alveg skelfileg - ótrúlegt að ég skuli ekki vera búinn að henda henni fyrir löngu síðan. Ég rekst alltaf af og til á þessa mynd í tölvunni minni - og ef þetta er ekki "dónaleg" mynd, þá veit ég ekki hvað! Ég segir ykkur það satt að mér líður illa í hvert sinn sem ég sé hana - veit samt ekki af hverju.

Ég var á netflakki einhvern tíman síðasta vetur þegar ég rakst á þessa mynd, fannst hún virkilega Fyndin fyrst til að byrja með - vistaði hana í tölvunni minni en því oftar sem ég rekst á hana - því skelfilegri finnst mér hún. Ég fæ bara í hjartað við að sjá kallinn - en svona ímynda ég mér að hrokafullir og vondir menn væru útlits ef útlitið endurspeglaði innri mann.

Ég er alls ekki að segja að viðkomandi maður sé bæði hrokafullur og vondur kall - alls ekki - kannski bara að stjórnmálamaðurinn sem var á bakvið myndina hafi verið slíkur. Í það minnsta er svo margt sem tengist honum/stjórnmálamanninum - sem mér hugnast mjög illa. Hefði alls ekki grátið það þó þessi maður hefði aldrei komist uppúr borgarstjórastólnum. En, reyndar hefði það kannski heldur verið gott - því þá væri hann örugglega ennþá með taumana á borginni og héldi borgarbúum í heljargreipum sínum (sem hann gerir örugglega ennþá á bakvið tjöldin - eða það kæmi mér allavega ekki á óvart). En hér með er ég búinn að koma þessari mynd frá mér - og nú mun ég eyða henni út úr tölvunni minni svo ég fái ekki martröð í hvert sinn sem ég rekst á hana. Knús á þig fúli kaddl og gúdd bæjó.

 

Talandi um að fá fyrir hjartað - vera hálf/hellings smeykur - eða bara já - dauðhræddur.

Þegar ég var smjattpatti þá var ég þokkalega myrkfælinn. Svo mikið myrkfælinn að ég gat helst ekki sofið í myrkri. Ég gat illa farið á milli húsa ef ekki voru ljósastaurar eða einhver með mér, en stundum hefði það verið betra að vera einn en með hrekkjóttum einstakling sem ekki var svo myrkfælinn. Skammastín Kurr.

Stundum þegar móðir vor var að baka yfir vetratímann - svona undir kvöld og myrkur úti - kom í ljós að hana vantaði eins og eitt egg eða smá mjólk eða pínu sykur eða eitthvað álíka. Þá hafði hún verið að baka mikið og ekki áttað sig á því hve mikið hafði verið til og hve mikið hún notaði. En þegar það kom í ljós að eitthvað vantaði - þá sendi hún mig og Kurr systur mína yfir til frænku okkar sem bjó 5 hús frá okkur til að fá lánað þar til daginn eftir.

Viti menn, Kurr var alltaf svo kát að fara en ég aftur á móti ekki alveg eins kátur - enda ástæða fyrir því. Ok, við vorum nú ekki nema kannski 5-8ára - og Kurr árinu eldri sko - en hún var svo hrikalega stríðin stelpuskottið að það hálfa hefði verið hellingur, ég elska hana samt! Gott og vel - allt reyndist gott og blessað á leiðinni yfir til frænku - en á bakaleiðinni var það oftar en ekki að Kurr byrjar að leika - og segi ykkur það satt - sú kunni á það sú stutta. Hún lítur öðru hvoru hræðslulega aftur fyrir okkur og sussar "hrædd" á mig - sem fer í kerfi með litla hjartað mitt. Svo tekur hún í mig og segir mér flýta mér - það sé einhver að elta okkur. Hún byrjar svo að "hlaupalabba" og á endanum sleppir hún mér og kallar "hlauptu hlauptu - það er ljótur kall á eftir okkur og hann ætlar að taka okkur" og svo hleypur hún hratt af stað og skilur mig eftir dauðskellkaðan og byrjaðan að gráta *grátur*... auðvitað var hún alltaf skömmuð og ég huggaður þegar heim kom - en þó hún væri svona stríðin og hrekkjótt við mig - þá vissi ég alltaf að ef raunveruleg hætta væri á ferðinni þá myndi hún gera allt sem hægt væri til að vernda mig - hún var jú stóra systir og svo sterk að strákarnir í hverfinu voru hræddir við hana.. hihihi.

Ok, það var ekki erfitt að fá mig til að fara að vola - enda með lítið hjarta sem ekki mátti illt sjá eða heyra - hey - ég sko setti kodda fyrir andlitið þegar einhver var að læðast í myndum í sjónvarpinu - til að hrökkva ekki eins mikið við.

Ég segi ekki að ég hafi verið hræddur við skuggann minn - en það vantaði ekki mikið á það.

Eitt sinn kom myrkfælnin mér í smá vanda. Ég var að leita af tveim yngri systkynum mínum sem áttu að koma inn - en það var að fara að dimma brátt og þau áttu að koma heim að læra og borða og þannig stúff. Ég leitaði á öllum helstu stöðunum sem ég vissi að þeim þótti gaman að leika sér á - en engin þar. Ég var búinn að kemba alla staði - nema einn sem er rétt fyrir utan bæinn - og að mér sótti heilmikil hræðsla því það var byrjað að dimma og ég ekki til í að fara út fyrir bæinn og hafa engin götuljós. Ég fór þó að bæjarmörkunum, þar sem síðasti ljósastaurinn var en stoppaði þar og þorði ekki lengra. Nú voru góð ráð dýr - en rétt eins og kallað kom þar að eldgömul jarðýta sem var á leið út úr bænum í þá átt sem ég þurfti að fara. En við systkynin fórum oft rétt út fyrir bæinn að fallegum læk sem rann frá fjallinu - og neðst í læknum - fyrir neðan veg var hægt að veiða síli og litla fiska. Nú, þarna hljóta þau að vera núna.

 

Ok, skemmst frá því að segja - að ég elti jarðýtuna út í sveitamyrkrið - alveg eins og ljóska - hugsandi að ég myndi geta labbað með systkynum mínum til baka. Þetta myndi nú ekki verða svo slæmt því ljósin á jarðýtunni voru björt og svo var náttúrulega maður að keyra hana svo ekki var ég einn á ferð. Já, rétt eins og ljóska - hugsaði ég alls ekkert um það hvernig það væri ef systkyn mín væru svo bara alls ekki þarna

Þegar að læknum var komið hélt ýtan áfram veginn út í myrkrið - en ég hljóp eins og eldibrandur niður fyrir veg til að ná í systkyn mín - en hjálpi mér allir heilagir - þau voru ekki þarna! Nú stóð ég aleinn uppí sveit í myrkri sem gerðst alltaf svartara og svartara og ég þaut aftur uppá veginn því ég sá allsskonar furðuverur koma hlaupandi úr öllum áttum til að sækja mig. Þegar uppá veg kom var komið algert myrkur og ég lamaður af ótta - stóð þarna smá stund án þess að vita hvað ég átti að gera - en svo fór ég bara að gráta. Ég man ekki hve lengi ég stóð þarna, en það var ekki mjög lengi þó.

Ég sá bílljós nálgast frá bænum - bíll sem var á leið uppí sveit - og ég trylltist af fögnuði og hljóp í myrkrinu út á miðjan veg og baðaði út öllum öngum - uppí bílinn skyldi ég sama hvað gerðist. Mér til mikillar lukku keyrði bíllinn ekki yfir mig - ég ljóslaus og endurskynslaus og skoppandi á miðjum veginum. Í bílnum voru eldri hjón sem stoppuðu og tóku þennan hágrátandi pjakk uppí bílinn, snéru við og keyrðu hann alla leið heim að dyrum og skiluðu honum inn til móður sinnar - og systkyna sem höfðu komið heim rétt eftir að drengurinn fór að leita af þeim. Mikið hefði nú verið ljúft ef Farsímar hefðu verið til á þessum tíma. En, ég fór aldrei aftur uppí sveit eftir myrkur nema í fylgd með einhverjum öruggum.

 

 

 En svona í lokin. Raunverulegt skrímsli í dag er sykur - en sykurinn veikir ónæmiskerfi líkamans og skemmir mjög mikið, t.d. tennur og fleira. Nefni þetta bara vegna þess að laugardagar eru "nammidagar" - og við fyllum börnin að sykurkenndum sætindum á þessum degi. Sagt er að sykur æsi upp þau börn sem eru að einhverju leiti ofvirk. Reynið að kaupa eitthvað annað en sykurkennt sælgæti á nammidögum - það er til hellingur af "hollu" en samt ótrúlega góðu nammi eða snakki.

Knús í loftið handa hverjum þeim sem hafa verið á ferðinni í færslunum mínum undanfarið - og líkt og undanfarið - er ég nú farinn að skoða ykkur sem hafið verið sýnileg á síðunni minni í síðustu færslu. Eyði mun minni tíma á blogginu nú en áður - og er að njóta þess í botn, enda góðir dagar að baki hvað veður varðar.

 Hafið góða helgi ljúflingar og munið að ég elska ykkur í tætlur og ræmur.

Hvort er nakið læri dónalegt, sweet eða listrænt? Hver er línan - hvað er dónaskapur og hvað er klám og hvað er bara list. Koma að tefla hvað, ha??

Eins og þið sjáið á myndinni - þá fór ég út að hjóla með betri helminginn fyrir aftan mig. Maður er náttúrulega alger töffari og skellir sér á rúntinn af og til en best er nú þegar einhver heillandi er með í för - og hvað er meira heillandi en betri helmingurinn?

 

Ok, ævintýrin gerast svo sem alltaf af og til - en mitt ævintýri er ekki á mótorhjóli í skógi með bótoxskutlu aftan á. Ég keyri nú bara um á venjulegum Chervolet, og skógurinn sem ég keyri um er gatnakerfi Reykjavíkurborgar - sem er svo mikil flækja sumstaðar að það hálfa væri völundarhús af verstu gerð. Það er reyndar ekkert dónalegt við þetta - ennþá.

En ég var bara að spá. Hvað er dónalegt? Hvað eru dónamyndir? Hver getur sett niður mörk og sagt "þetta er dónalegt - og þetta er dónalegt - en þetta er ekki dónalegt og þetta sleppur"? Það er alltaf verið að tala um dóna þetta og dóna hitt - en hvar í ósköpunum eru mörkin? Er það dónalegt ef það sést í bera fótleggi konu eða karls? Nei, líklega ekki. En er það dónalegt ef það sést í beran rass konu eða karls - það er hugsanlegt - en kannski ekki. Er dónalegt að sjá nakinn konu eða mannlíkama? Nei, það þarf ekki að vera - naktir líkamar geta verið list en þá skiptir öllu uppstilling og umhverfi, held ég.

Hver er það sem getur þá ákveðið að einhver sé "dónakall/dónakelling"? Nú er þessi karl þarna á myndinni talinn vera dónakall - jú því það fundust "dónamyndir" í tölvunni hans, ásamt klámmyndum. Kannski er hann kallaður dónakall fyrir klámmyndirnar - kannski var það eitthvað annað. Auðvitað þykir það enn verra að karlinn er dómari, og öllu verra að hann var að fara að dæma í "dónamáli" svo auðvitað gat hann ekki klárað málið svona tengdur efninu.

Hvernig er það með þessar hárfínu línur um allt í mannlegu samfélagi? Hvers vegna er bara ekki öll nekt dónaleg og eða klámfengin? En þá eru það spurningar - er nakinn handleggur dónalegur eða er andlit þá ekki dónalegt því það er jú nakið, nema maður sé fúlskeggjaður - þá er maður allavega með hálfklætt andlitið. Auðvitað segir almenn skynsemi okkur nákvæmlega hvað er dónalegt og hvað ekki - og við getum vel flest gert greinamun á dónaskap, klámi og svo eðlilegri "nekt" sem hægt er að flokka sem allt annað en dónaskap - en línan er fín og stundum ósýnileg.

En að allt öðru, náði mynd af páfagauknum hans Brjáns Boxara. Sá að kvekendið var búið að dulbúa sig og pakka niður - mér skilst að hann sé að flýja að heiman því Boxarinn lokaði greyið "inni" undir ábreiðu heila nótt - og heilan dag! Ætli dýraverndunarfélagið viti af þessu?

Eins og þið sjáið/lesið - þá hef ég svo sem í raun og veru ekkert að segja. Ákvað samt að skella smá ræmu hérna inn til að vera með sko. Sólin var nú ekki eins mikil í dag og von hafði verið á - en samt var einhver glæta. En bévítans rokið sem fylgir þessum dögum er svo sem ekkert annað en fúlt, kælir alveg helling niður.

Ég sá ekki veðurspá fyrir morgundaginn og ekki heldur fyrir helgina - einhver? En er einhver þarna fyrir norðan sem er nálægt Steina? Mig vantar einhvern sem er til í að skreppa til hans og flengja hann aðeins, kaddlinn þorir ekki að hringja í mig! Heldur að ég hafi of mikið að gera og megi ekki vera að því að eyða tíma í ann!!! Sko, Steini - ég hendi öllu frá mér til að hitta þig yfir kaffibolla og nýbökuðum kanelsnúðum - svo þegar þú ert á ferðinni - hringdu gormurinn þinn. En núna er ég farinn að líta aðeins á ykkur ljúflingar sem hafið verið á ferðinni í síðustu færslum hjá mér. Knús og kreist út í loftið og vonandi nær einhver smá gusu af því.

Búinn í bili - nema - var einhver að bjóða mér í tafl/skák?? Sko, ég er tótallý brilljant skákmaður - get sett hvern sem er út í horn. Sóooo .. sweetypæ - watch out - ég skáka þig og máta þig ef þú gætir þín ekki. Over and út ...

Dómari með dónamyndir á vefsíðu sinni

Brunatími - munið að verja ykkur þegar þið leggjið í ann ...

Ok, smá tími aflögu hérna svo maður er farinn út að njóta veðursins. Verð á ferðinni með kvöldinu til að skoða ykkur ljúfu vinir sem eruð að gera mig vitlausan með commentum á síðustu færslum.

Hvet ykkur til að fara út og nota sólina því maður veit ekkert hversu mikið hún verður á ferðinni í sumar - né hve mikinn tíma maður hefur til að njóta hennar. Því er um að gera að fara út og gera eitthvað - góð hreyfing er gulli betra og allir ættu að fara út í náttúruna sem til þess hafa tíma og orku. Munið bara að bera á ykkur sólarvörn því það er ekki gott að brenna illa í sólinni.

Knús út í loftið og verið góð hvert við annað, ekki bara í dag heldur alla daga alla tíð.

Trúir þú öllu sem þú sérð í sjónvarpinu? Ég er ein heljar brunarúst eftir daginn! Tilraun...

Jú, líklega tekst þetta ekki - en það er þá bara eins og frægðarsólin mín sé hér endurborin. Ég átti mínar 15 mínútur af frægð hér um árið, þannig séð. Tók þátt í nokkrum auglýsingum og gerðist krimmi í tveim sjónvarpsmyndum - en þetta tók fljótt yfir og var horfið áður en nokkur nálægur mér áttaði sig alveg á mér. En það voru ókunnir mér sem voru erfiðir - það var virkilega mikill horror að standa frammi fyrir fólk sem trúir öllu sem það sér í sjónvarpinu! Í þessum spilara þarna uppi á að vera smá svona "wannabí-fame-and-fortune" - en ekki víst að það virki því ég er ekki alveg með það á hreinu hvernig á að henda svona spilara hingað inn.

Ég ætlaði mér að verða frægur, frægur og ríkur - lifa kóngalífi þar sem fólk væri að heimta af mér eiginhandaáritanir og myndir. En lífið er ekki allt sem sýnist og stundum kemur það manni illa á óvart með skelli og látum. Það var svo sem allt með kyrrum kjörum til að byrja með, aðeins vinnufélagar og fólk sem ég hafði samskipti við daglega - tók eftir því að kappinn var farinn að sjást einstaka sinnum á sjónvarpsskjánum. Enda jú - hver horfir svo sem á auglýsingar, en það var það fyrsta sem ég lét plata mig út í og ég var sko heljar ljóska því ég lét plata mig alla leið út í drullupollinn - án þess að hafa hugmynd um hvað myndi fylgja í kjölfarið!

Byrjunin var róleg og heljarskemmtileg, maður tók þátt í heilmiklu prógrammi og undirbúning - sem svo endaði með slatta af tökum og aftur endalausum tökum á sömu atriðunum aftur og aftur. Ég var nátttúrulega bara byrjandi, engin raunveruleg reynsla og stundum fannst mér líka eins og að "leikstjórinn" væri bara fúzkari, en þetta gekk samt allt á endanum og útkoman varð sjónvarpsefni sýnt á primetime. Það var náttúrulega geggjað að horfa á sjónvarpið það kvöldið - mar bara var súperstar - og ég átti varla orð yfir öllum sms - og hringingunum það kvöld, til hamingju þar og hér - og allir sem mig þekktu sammála um að ég hefði leikið brilljant vel þenna ljóta krimma sem ég tókst á við, en daginn eftir - og nokkra daga í röð - og einstaka sinnum ennþá svona löngu seinna - komu fylgifiskar sem ég hafði ekki átt von á - og kærði mig sko alls ekki um.

 

Jú, ég var náttúrulega alger óþokki á skjánum - en ég var/er það ekki in real life - surprise! En það voru sko alls ekki allir sem gátu gert greinamun á leiknu efni í sjónvarpi og beinum útsendingum af vígvelli stríðshrjáðra.

Ég fékk þó nokkur illu augnráðin, marga fokkfingur og í mig var hreinlega kastað illyrðum og fúkyrðum á götunni og í búðinni og í Kringlunni og víða. Gömul kona hrækti fyrir framan fæturnar á mér - og kona neitaði að fara í sömu lyftu og ég.

Vitið þið - þegar mesta undrunin var liðin hjá mér - þá ákvað ég að núna væru mínar 15 mínútur í sjónvarpi liðnar og kæmu aldrei aftur.

Ég sem er svo hrikalega ljúfur og góður drengur (er það víst sko) fékk svo sannarlega að kenna á tevatninu. Sumt fólk raunverulega trúði því að myndin hefði verið tekin upp um leið og hlutirnir gerðust - fólk drepið og eiturlyf notuð - sprautur og heilmikill grautur. Ég hefði aldrei trúað því að fólk gæti verið svona shallow - eða grunnt - að það myndi trúa því að raunverulegir glæpamenn myndu bara leika fyrir myndavélarnar allt það illa sem þeir frömdu - og að myndatökufólk og fleira fólk væri bara á staðnum til að mynda slíka atburði - án þess að grípa inn í eða kalla til lög og reglu.

Ok, ég verð víst að viðurkenna að fólk er misjaft - svo misjaft og undarlegt sem það er margt. En ég er ennþá yfir mig bit á því hvernig sumir komu fram við "stjörnuna". Reyndar skil ég ekki hvernig alvöru stjörnur fara að því að lifa og eiga sér líf eftir hverja myndina af annarri - og sérstaklega þeir sem leika alltaf skúrka.

Ég myndi aldrei endast í svona löguðu - enda var ég ekki búinn að gera mér grein fyrir látunum áður en ég stökk eins og ljóska beint á vegginn og í gegn. Ég vildi víst ekkert verða frægur eftir allt saman - okok - alveg til í að vera moldríkur en ekki lengur frægur. Aðrir mega standa í þannig vandamálum mín vegna - ekki ætla ég að trufla það. En ég tel leikara vera heljar hetjur að geta staðið í því að eiga sér ekkert líf í raun og veru. Fólk af götunni og bara alls staðar telur sig hafa eitthvað um viðkomandi að segja, gagnrýni - góð eða slæm - í blöðum og bara í búðinni á horninu - og um allt er fólk að hnippa í viðkomandi og spyrja um hina myndina eða þessa.

 

Minn maður tók þátt í einu stykki í viðbót eftir þennan horror - en síðan var leikferillinn úti. Ég pakkaði saman og lét mig hvefa á braut hægt og hljótt - með allt mitt hafurtazk.

Mér var boðið að taka þátt í nokkrum stykkjum á næstu mánuðum - en ég sendi alltaf vinsamlegt "nei takk" sem svar - og á endanum var hætt að leita til mín. Sennilega hefur Umbinn hent prófilnum mínum bara út og gleymt mér, sem betur fer bara.

Enn í dag eru einstaka persónur í verslunum eða á kaffihúsum sem hnippa í mig og spyrja mig hvort það geti verið að ég hafi leikið í "þessu eða hinu" - og ég horfi alltaf jafnsaklaus á það fólk og segi með stórum saklausum hvolpaugum - "ha, ég? Neinei ég hef aldrei leikið eða verið í sjónvarpi" - og svo flýti ég mér að klára það sem ég var að gera og kem mér á bak og burt - aftur með allt mitt hafurtazk. Gott að hafa góðan trukk þegar maður þarf að flytja mikið hafurtazk svona aftur og aftur. Reyndar hef ég aldrei flúið eitt eða neitt - og aldrei tekið mitt hafurtazk með mér yfir höfuð - en þið skiljið hvað ég meina, ekki satt?

En, nóg komið í bili. Vitið þið hvað - ég henti út öllum brosköllunum mínum!!!  Það voru svo miklir vírusar með Sweet I am forritinu að ég nennti ekki að hafa það lengur - eða allavega í bili eru þeir úti. Ætla að sjá til hvort ég geti fundið eitthvað annað - eða þá bara nota myndir áfram en líka litlu broskallana.

 Ég sofnaði úti í sólinni í dag - í rúmlega einn og hálfan tíma - og ég er eins og strekktur dúkur núna - og vel brunninn, enda er ég svoddan kálfur - nota aldrei sólaráburð.

Knús út í loftið og hafið það gott mínir kæru vinir og vandamenn. Luv ya all ...

Eru Jón & Gunna úti í bæ bara aular? Því notar "Bílstjórinn á götunni" ekki tækifærið og kvartar auman þegar myndavélarnar beinast að þeim? Erum við aular fyrir framan fréttamenn?

Þegar maður sér fréttir eins og þessa - þá er maður alls ekki hissa þó olíufurstarnir á Íslandi glotti og haldi áfram að hækka verð á Olíu. Þar sem "bílstjórinn á götunni" hagar sér líkt og þeir sem hér er um að ræða - þá virðist bara ekkert vera að, það finnur enginn fyrir þessu og það nennir engin að gera neitt - nema halda áfram að kaupa olíuna dýrum dómi.

Mann undrar ekki lengur yfir því að stóru karlarnir á landinu séu hæst ánægðir með sitt, hækkandi olíuna aftur og aftur - því engin gerir neitt í raun og veru. Uppistaðan í þeim litla hóp sem var rætt við í þessari frétt bara yppir öxlum og brosir.

Það virðist engin pæla neitt í þessum hækkunum í raun og veru, nema á blogginu eða í skoðanakönnunum - en þegar myndavélarnar eru á fólki - þá bara brosir það og gerir grín - eða yppir öxlum og segist ekkert finna fyrir þessu.

 

Hvernig sem fer - þá vonar maður alltaf að eitthvað fari nú að gerast - að einhverjir fari nú að taka sig til og mótmæla eða segja stopp. En það gerir enginn neitt - nema þá eitthvað sem leiðir ekki til neins nema vandamála fyrir okkur sjálf. Mér hugnast engan veginn ólöglegar aðgerðir og fíflagangur í umferðinni, slíkt er bara til minnkunar og þarf ekki að horfa lengra en á Sturlu og Co til að sjá trúðaganginn sem af slíku hlaust.

 

Sko, bílunum fjölgar stöðugt (sjá mynd) og við virðumst ekki geta án þeirra verið - en ef við hugsum okkur um þá er ekki mikið mál að taka þátt í að mótmæla án hamagangs. T.d. á heimilum þar sem allir eru með bíla - þar er hægt að sameinast á bíl og leggja öðrum bílum dag og dag.

Það er engin að segja að það þurfi að selja eða hætta að nota bíla - bara sameinast um þá af og til - eða meira en gert hefur verið. Ef landinn tæki sig allur til og gerði t.d. bara þetta - þá myndi það valda miklu minni bensín/olíusölu. Nú svo er hægt að nýta strætó eða bara hjóla eða ganga meira. Það þarf ekki að hætta alveg að nota bílana, bara gera þetta t.d. annan hvern dag eða þó ekki væri nema einn eða tvo daga í viku.

 

Málið er bara að taka sig saman - og drattast til að gera eitthvað en ekki bara hrista hausinn og halda áfram að nota 3 bíla á heimili, hver með sinn bíl - í stað þess að nýta einn saman. Auðvitað er stundum ekki hægt að samnýta bíla og sumum hentar ekki slíkt ef vinna eða börn stangast á, en hvernig væri að skoða málin og athuga það - frekar en að bara halda áfram að kaupa og kaupa rándýrt bensín á alla bílana.

Vinnufélagar gætu pikkað hvern annan upp til skiptis og sameinast þannig um að ekki séu hver á sínum bíl heldur kannski 4 saman í bíl - í stað fjögurra bíla. Skólafélagar gætu þetta líka t.d.

Já, það eru til fulltaf aðferðum til að spara og hætta að kaupa bensín - og það er það eina rétta því um leið og bensínkaup minnka þá fara stóru furstarnir að finna fyrir þessu. Eina leiðin til að fá þessi mál til að hreyfast er í gegnum peningakassa olíufurstanna!

Ef innkoman hjá þeim minnkar þá fyrst taka þeir eitthvað eftir því að Jón og Gunna úti í bæ eru óánægð og eru að mótmæla háu bensínverði. Ef við bara tökum okkur á og í sameiningu gerum eitthvað af fullum hug - og hættum að vola hvert í sínu horni, þá fyrst gæti eitthvað farið í gang. En, næsta víst er að það gerist ekkert þegar fólk af götunni lætur sjá sig í viðtölum við fréttastofur eins og í meðfylgjandi frétt hérna. Þegar fólk bara yppir öxlum og brosir áhyggjulaust - og segist ekkert finna fyrir þessu eða að því sé svo sem bara sama, maður breytir engu með væli og heldur bara áfram að kaupa dýrt bensín.

Takið ykkur nú til, hvert og eitt - hættið að glotta og horfa undan. Skoðið bílamál heimilisins strax á morgun og athugið hvort þið getið gert eitthvað til að minnka bíla/bensín notkun heimilisins í heild. Athugið hvort það sé ekki einhver leið á ykkar heimili eða vinnustað svo minnka megi bensín eða olíukaup.

Það má finna ótrúlega margar leiðir ef maður bara spáir í hlutina og raunverulega hugsar í stað þess að halda að "það skiptir engu þó ég geri eitt eða annað". Það telur allt. Allir sem t.d. hætta að kaupa bensín í einn dag yfir vikuna - hjálpa til og saman gerir þetta mikið.

Munið bara að því meira sem við getum sameinað okkur í bílanotkun eða bara hjólað eða hvað sem er - því öruggara er að það komi við stóru feitu budduna sem Olíufurstinn á Íslandi á. Um leið og hann fynnur pyngjuna léttast þá fyrst fer hann að taka eftir málunum og þá fyrst er möguleiki á að einhver bolti fari að rúlla. Trúðaháttur í umferðinni gerir ekkert - það þarf að vaða í verk sem hrista toppana sjálfa beint og hvað er þeim meira virði en þung og feit peningabudda?

  Farinn að skoða eitthvað af ykkur ljúfu bloggvinir sem hafið verið á ferðinni í síðustu færslum hjá mér. Knús í loftið og hafið ljúfa nótt öll sem eitt.

Bensínhækkanir hafa áhrif

Er eins dauði annars brauð? Þarf það virkilega að vera svona?

Er þetta málið, þarf maður ekki að láta sjást í tennurnar af og til? Jú, líklega - en þarf einhver að deyja til að hlutirnir fari af stað, þarf virkilega einhver á Íslandi að deyja til að stjórnvöld svo mikið sem líti á málin og skoði þau? Er raunverulega ekkert hægt að gera svo ekki komi til svona uppákoma?

Skelfing er til þess að vita að ólögmæt mótmæli skuli yfir höfuð þurfa að poppa upp - en þar sem verð fer sífellt hækkandi þá er hugsanlega ekkert annað sem virkar.

Skelfilegt samt ef það þarf mannslát til að hrista uppí yfirvöldum - ef það þá dugar til. Bensín- og olíuverð er löngu komið uppúr öllum skala, nú er mál að brýna tennur og gera eitthvað meira en stöðva umferð. Í guðana bænum Sturla, ekki fara aftur út í umferðina! Málið er að við almenningur þurfum að taka okkur saman - hætta að nota bílinn nema í brýnustu þarfir. Hætta að kaupa bensín á ákveðnum dögum í mánuðinum og búa til svokallaða "labb&hjóladaga" - eða hreinlega bara vera heima í fríi og nota ekki bílinn.

Vörubílstjóri lést í aðgerðum í Portúgal

Grafinn og gleymdur - á ljótum stað geymdur.

Jæja já. Ég þurfti aðeins að skreppa af bæ, fara í óbyggðir og dvelja þar sem ég hafði ekkert tölvusamband - eiginlega bara mest lítið samband við nokkurn yfirhöfuð bara.

Það er ótrúlegt hvað maður er háður bjévítans tölvunni - og ykkur sem maður hefur samskipti við á netinu. Maður fer bara í fráhvarfshugleiðingar um leið og maður veit að ekki er netsamband og enn versnar það ef maður nær ekki heldur símasambandi.

Ég skil ekkert í því hvernig fólk fór að í gamla daga, þegar tölvur og farsímar voru ekki einu sinni hugmynd hvað þá að bílar væru á hverju heimili.

En, hér er maður aftur kominn í stutt innlit - en verð á ferðinni seinna í dag eða í kvöld. Nú þarf maður allavega að lesa helling því ég hef ekki náð því að lesa nokkuð síðan eiginlega á laugardag.

Ég er glaður að sjá að allir rúmlega 20 fastagestirnir mínir hafa komið í heimsókn á meðan ég var í burtu - mun líta yfir ykkur í kvöld og bulla eitthvað smá í ykkur. En hér með er ég þotinn á braut aftur - en núna bara þar til seinna í dag eða fram á kvöld. Farið vel með ykkur og njótið lífsins. Og Huld, takk fyrir að sakna mín ponsu - vona nú að einhverjir fleiri hafi nú saknað mín pínulítið - en knús á þig og línuna.

Brake me down Frú Sigríður. Hver er brúðustjórnandinn hérna??

Frú Sigríður Breik Munúð - mun taka við embætti Breikmídáwn-Ráðherra hjá Brakeflokknum í borginni í Mars á næsta ári. Brakeflokkurinn hefur átt við mikla erfiðleika að stríða undanfarin misseri, enda eru flestir komnir í gömlu-dansana aftur og því er ekki eftir neinu að bíða.

Langur tími er síðan Brake var síðast dansað og er brake-dans yfirleitt ekki inn hjá unga fólkinu í dag. Eintthvað er þó af ungu fólki í fremstu röð Brakeflokksins sem enn kann að Breika á gamla mátan. 

"Gvööööð, við erum alltaf að gefa hvert öðru breik - og nú var sko löööngu komin tími til að ég fengi mitt breik" sagði Frú Sigríður á blaðamannafundi sem haldinn var á heimili hennar og Billa Breik.

Brakeflokkurinn vonast til að skipun Frú Sigríðar muni skapa ró og vonast er til að fólk gleymi bara gömlum töktum sem tilheyrðu breikinu í gamla daga. Kjósendur eru jú fljótir að gleyma, ekki satt (innskot blaðamanns).

"Gvööööð, ertu að segja satt? Hafa kjósendur hætt að styðja við Brakeflokkinn? Æi, er það bara ekki bábilja og þegar núna skapast ró - fáum við aftur breik! Sko, ef ég þekki fíbblin þarna úti - þá koma kjánarnir aftur skríðandi og volandi eftir því að fá að kjósa okkur aftur - en við ætlum sko ekki að geeeeefffa neinum breik sem sveik okkur um atkvæði - ekki satt Billi minn Breik?" gólaði Frú Sigríður Breik Munúð um leið og hún skimaði um allt eftir karli sínum. En, rétt eins og kjósendur - þá var karlinn stunginn af.

Það var hans tillaga að Frú Sigríður ástkona hans tæki við Breikmídáwn-embættinu. Hann hafði brotið illa af sér og gerst sekur um ýmis elli- og embættisglöp í sinni tíð og var nú að reyna að klóra yfir það.

Bill Breik var gamall Breikpoppari og uppgjafadansari enda hafði hann lengi átt við súludanssyndrúm að stríða og höfðu glöp hans meðal annars komið fram á súlunni hjá Stera Boldfinnder. Þar hafði Billi Breik fengið að leika lausum hala en nú hafði Frú Sigríður komist að öllu saman og hótað því að koma öllu í blöðin ef hún fengi ekki Ráðherraembætti í Brakeflokknum.

Heimildir höfundar herma að Billi Breik - fái ekki nýtt breik á súlu en hann er nú kominn í meðferð á Brake-me-down stofnuninni, en það er stofnun þeirra sem gleyma því sem liðið er ef þeir hafa ekki minnismiðana í vasanum.

"Jedúddamííja, ef Landspabbi reynir að koma og skipa mér fyrir - eða kippa í mig .. ehh .. í spotta meina ég - þá mun hann sko komast að því að ég er ekki bara Frú Sigríður heldu er ég skörungur sem kalla ekki Dabba & Co ömmu mína" Sagði Frú Sigríður að lokum með kökukeflið á lofti.

Blaðamaður sá sér þann kostinn vænstan að forða sér á hlaupum þegar Frúin réðst að honum með keflið - enda er blaðamaður nauðalíkur Landspabba sjálfum - enda skyldur honum í gegnum ákveðna sjónvarpsstöð.

Blaðamaður óskar Frú Sigríði til hamingju með nýja starfið og er handviss um að kerlingin á eftir að standa sig vel sem Breikmídáwn-Ráðherra. Heimildir blaðamanns herma í það minnsta að þeir séu ófáir karlmennirnir sem hafa lent undir Frú Sigríði - og hún hefur brotið þá alla niður meira og minna.

Er það ósk þjóðarinnar - að Brakeflokkurinn haldi áfram að Breikpípúldáwn eins og undanfarið hefur gerst? Ætli Landspabbi viti ekki örugglega af þessu - ætli hann sé á bakvið tjöldin hér eins og ætíð? Hvenær mun Frú Sigríður fá taugaáfall og Brakedown?

Já, þegar mikið stendur til þá eru alltaf margar spurningar á lofti.

Give me a brake.

Hanna Birna verður borgarstjóri