Færsluflokkur: Bloggar

Nýr bankastjóri Landsbankans, Ásmundur Stefánsson - tímabundið.

Elín Sigfúsdóttir og Ásmundur Stefánsson.Jæja, þá er blessaður karlinn - hann Ásmundur Stefánsson - kominn í feitasta stólinn hjá Landsbankanum - orðinn bankastjóri þar á bæ.

Reyndar lýst mér ekkert illa á það, viss um að hann mun ekki gera mikið af sér á meðan hann er tímabundið í þessu embætti.

Bankaráðið hjá nýja Landsbankanum, NBI hf.,  ákvað að fresta því að auglýsa stöðuna lausa þar til á þriðja ársfjórðungi.

Elín Sigfúsdóttir mun samt hætta störfum um næstu mánaðarmót. Líklega hlýtur það að skapa einhvern frið í kringum Landsbankann, þar sem hún hefur þegar verið á einhvern hátt umdeild vegna launa og bíls eða eitthvað í þá áttina.


mbl.is Ásmundur bankastjóri um tíma
Tilkynna um óviðeigandi tengingu við frétt

Til hamingju Guðbjartur með nýtt starf, megir þú verða farsæll. Davíð, uppsker maður eins og maður sáir? Njeee .. bara spyr!

Guðbjartur Hannesson, forseti Alþingis.Guðbjartur Hannesson hefur nú verið kjörinn forseti Alþingis með 35 atkvæðum en Sturla Böðvarsson, þingmaður Sjálfstæðisflokksins í Norðvesturkjördæmi, fékk 25 atkvæði. Einn atkvæðaseðill var auður ...

Lýst vel á þetta - vil Sjálfstæðismenn burt úr öllum stöðum og burt frá öllu sem heitir stjórnmál bara. Alger hreinsun - landið þarf að losna við þennan gamla rótgróna flokk sem fyrst og það er vel við hæfi að gera það þá að fullu með því að senda sjálfstæðismenn heim - sama hvar þeir eru í vinnu settir. Helst hefði ég viljað sjá Pólitískar stöðuveitingar Sjálfstæðismanna verða teknar fyrir líka - og þeir sem hafa hlotið störf - minna hæfir en aðrir umsækjendur - verði látnir taka pokann sinn og stöðurnar auglýstar aftur lausar til umsóknar.

**********

Annað mál - fyndið hvernig lífið kemur aftan að manni af og til - líkt og máltækið segir;

Þú uppskerð líkt og þú sáir!

(Hér fyrir neðan er Davíð að uppskera eins og hann hefur sáð - Tekið af Visir.is.)

Afsagnir voru forsenda trausts

mynd
Davíð Oddsson

„Ekki er deilt um það í þinginu að þessar afsagnir voru eins og mál voru komin algerlega nauðsynleg forsenda þess að skapa mætti traust og frið um bankann á nýjan leik."

Þetta sagði Davíð Oddsson, þá forsætisráðherra, í umræðum á Alþingi 15. september 1998 um málefni Landsbanka Íslands.
Skömmu áður höfðu allir þrír bankastjórar bankans, Björgvin Vilmundarson, Halldór Guðbjarnason og Sverrir Hermannsson, sagt af sér embættum. Afsagnirnar komu í kjölfar umræðu í samfélaginu um háan risnukostnað bankans, einkum og sér í lagi vegna tíðra og kostnaðarsamra laxveiðiferða. Jóhanna Sigurðardóttir, sem þá var stjórnarandstæðingur í þingflokki jafnaðarmanna, hafði ítrekað spurst fyrir um málið í þinginu.

Að lokum fór svo að þrýst var á bankastjórana að segja af sér.
„Þinginu og þjóðinni er núna mikilvægast að friður og traust fái að ríkja um Landsbankann á ný, jafnt inn á við sem út á við," sagði Davíð. „Landsbankinn er ein mikilvægasta fjármálastofnun landsins og orðspor okkar út á við og inn á við krefst þess að skapað sé traust og friður um bankann," bætti hann við.

Í samræmi við ráðningarsamninga bankastjóranna nutu þeir réttar til launa í átta mánuði eftir starfslok.
- bþs

Þessi grein var tekin af vísir.is ...


mbl.is Guðbjartur kjörinn þingforseti
Tilkynna um óviðeigandi tengingu við frétt

Er Betra Að Kveikja Í Indverja, Kínverja Eða Alþingishúsinu? Engin Rasistaháttur Hér, Bara Aulafyndni..

alaugh Ítalska lögreglan hefur handtekið þrjá pilta sem grunaðir eru um að hafa kveikt í indverskum innflytjanda í nágrenni Rómarborgar í gær.

"Jú, sjáðu til - við leituðum í öllum hverfum Rómar að Kínverja til að kveikja í - elskum nefnilega hvellina sem fylgja áramótakínverjum - en fundum enga, því neyddumst við til að kveikja í Indverja. Málið er bara að það er ekki nálægt því eins mikill hávaði í þeim og Kínverjunum." Sagði einn íkveikjupiltanna með sorg og vonbrigði í augum. 

Gríðarleg reiði braust út á Ítalíu eftir árásina og var árásin sem olía á eld þeirra sem deila um viðhorf Ítala gagnvart innflytjendum. Yngsti árásarmaðurinn er sextán ára gamall.

"Við vorum nú bara að leika okkur smá, fikta með eld sko og það endaði sko bara óvart svona sko. Reyndar ætlaði Palli Púðla að reyna að finna útflytjanda en ekki innflytjanda - en Gummi Gormur vildi frekar Kínverja en þegar við fundum ekkert sem hægt var að kveikja í - ákváðum við að nota Indverja eða Persa sko. Við vissum sko reyndar ekki að Indverji væri maður ehhn - héldum sko að það væri svona .. verja .. eikkva :Þ" sagði sextán ára unglingurinn með brosi þess sem ekkert veit og ekkert kann og ekkert skilur ...

Ráðist var á Indverjann, sem svaf á bekk í bænum Nettuno, snemma á sunnudagsmorguninn. Heltu þeir bensíni yfir manninn og kveiktu í. Maðurinn er á sjúkrahúsi vegna brunasára en ekki í lífshættu.

a-cat3-girding

"Sko, það kom svo í ljós að Indverjinn reyndist bara vera Persi - reyndar Persneskur köttur sem hafði verið á músaveiðum í nágrenni Rómar - en allir vita að í Róm eru rottur heilagar. Því var málið ekki eins alvarlegt og fyrst var látið uppi en samt er leikur að eldi aldrei til fyrirmyndar, síst þegar lifandi grey er fórnarlamb eldsins." Sagði meindýraeyðir sem sást í morgunsárið elta drengina þrjá með Piparúða - æpandi "GAS, GAS"!

Ríkisstjórn Silvio Berlusconi hefur barist hatramlega gegn ólöglegum innflytjendum á Ítalíu en margir Ítalir tengja þá við glæpastarfsemi í landinu.

"Við vildum alls ekki meiða neinn sko, bara héldum að honum væri svo kalt að hann þyrfti á smá báli að halda til að hlýja sér á. Heltum óvart of mikilli olíu sko en sko ætluðum bara að nota tvær matskeiðar en misstum allan brúsan því Gummi Gormur var eitthvað að pikka í mig sko, þetta er nebblega allt saman Gumma Gorm að kenna" Sagði elsti drengurinn sér til málsbóta.

Spyrillinn horfði á drengina byrja að rífast um hver bæri ábyrgðina og hver ætti að Axla hana og taka afleiðingunum - en þegar þeir drógu upp kveikjara og einn þeirra tók fram stóran olíubrúsa - þá tók spyrillinn til fótanna. Stuttu síðar heyði hann sögur af því að leikur að eldi getur skilið eftir sig alvarlega hluti - en þar sem enginn tekur ábyrgð - fuðra málin upp án þess að hafa neina eftirmála fyrir sökudólgana ...

P.s. Okok .. ég veit, þetta er háalvarlegt mál og auðvitað ætti maður ekki að vera að gera grín svona út í loftið. En, spurning er hvort ekki megi aðeins anda léttar á krepputímum - fyrst maðurinn er ekki í lífshættu og bönnum svo börnunum að leika sér að eldi. Forvarnirnar byrja hjá okkur sem ölum þau upp.


mbl.is Kveikt í innflytjanda á Ítalíu
Tilkynna um óviðeigandi tengingu við frétt

Er það bara ekki þannig að þegar maður er drukkinn - sér maður bleikan fíl - eða fjall í stað hraðahindrunar? Hvað gerir maður þá .. jú, stoppar!

pilgrim-afterdinner Já, er hann ekki bara heavy sniðugur - hann þvagleggur gamli. Hann setur upp óyfirkeyranlegar hindranir hingað og þangað - og leggur sig svo bara á meðan fullir bílstjórar safnast saman við fyllibyttustopparana.

Ég er annars handviss um að annaðhvort var hraðahindrunin virkilega illa brött og há - eða maðurinn hreinlega bara á felgunni einni saman ..

Jú, hann var víst á felgunni - þannig séð - en hvernig bíll er það sem ekki drífur yfir venjulegar hraðahindranir? Sko, hefði skilið þetta ef þetta hefði verið Fred Flinstone - sem hefði þurft að lyfta bílnum upp eins og göngugrind og hlaupa með hann yfir hindrunina ..

En það er ekki öll vitleysan eins. Gaman hefði þó verið að fá aðeins meira af sögunni á bakvið þessa fyndnu frétt úr þvagleggsumdæminu. Hvernig er það annars, er þetta eina umdæmið sem hefur uppá raunverulegar hindranir að bjóða á götum úti .. ?

 


mbl.is Komst ekki yfir hraðahindrun
Tilkynna um óviðeigandi tengingu við frétt

Það rofar til, sólin hækkar á lofti og birtan er lofandi í pólitíkinni líka. Geir H. Haarde - gangi þér vel í baráttu þinni í þínum veikindum!

Ríkisstjórn Samfylkingarinnar og Sjálfstæðisflokksins.Þá er vonandi martröðinni að ljúka. Stóran hluta lífs míns hefur þessi martröð haldið heljartaki á nánast öllu sem einhverju skiptir máli á Íslandi, en von mín er sú að núna fari að birta til og góð verk fari núna loks að líta dagsljósið - góð verk til handa heimilunum og fólkinu í landinu - en ekki góðverk til handa skyldmennum, frændgarði og félögum flokksmanna.

Eitt af því sem mér hefur fundist einna mesta martröðin í gegnum tíðina eru stöðuveitingar sem hafa farið af hendi Sjálfstæðisflokksins til handa skyldmennum og úr frændgarði Davíðs Oddsonar. Hversu siðblindir og hliðhollir flokksmenn DO hafa verið í gegnum tíðina er óskiljanlegt. Undarlega fáránlegt að fylgjast með hverjum á fætur öðrum Davíð tengdum koma með alls skyns afsakanir og útskýringar á því hvers vegna þeir skipuðu þessum frændgarði í embættin þrátt fyrir að mun hæfari einstaklingar hafi verið til staðar til að ganga í þessi embætti..

Jóhanna og Ólafur

Nei, sem betur fer sér nú fyrir enda slíkra stöðuveitinga - ljóskan sem varð forsætisráðherra - löngu eftir að hún barði í borðið og sagði að hennar tími myndi koma - mun taka á þessum málum og gera hlutina gegnsærri.

Undarlegt er líka hversu lengi þjóðin hefur látið það viðgangast að slíkar stöðuveitingar voru leyfðar án þess að lyfta svo mikið sem litla fingri til að mótmæla svo einhverju skipti.

Ég hef fulla trú á að Jóhanna á eftir að gera ýmislegt gott á þeim stutta tíma sem ríkisstjórn hennar mun starfa og óska ég henni alls þess besta í því hrikalega erfiða verkefni sem ríkisstjórn VG og Samfylkingar eiga nú eftir að glíma við. Næsta víst er að það er skelfingarástand sem þau eru að taka við - bú sem langvarandi stjórnarseta sjálfstæðismanna hefur nú loks skilað af sér - en því miður bara í rjúkandi rústum einum saman.

Geir Hilmar Haarde - fráfarandi forsætisráðherra óska ég alls þess besta í baráttu sinni við þau veikindi sem hann nú glímir við. Það er heldur ekkert smámál sem hann blessaður þarf að glíma við núna á því sviðinu. En ég er á því að fyrst hann er að hverfa af vettvangi stjórnmálanna og líklega stefnir í harða valdabaráttu á toppi sjálfstæðisflokksins - þá hafi það verið í allra heilla þágu að svo fór sem fór - að sjálfstæðisflokkurinn skuli hafa dottið út úr ríkisstjórn landsins.

Nú getur sjálfstæðisflokkurinn rifið kjaft, klórað í mótherja sem og samherja - barist um feita stóla innan eigin flokka og verið á nippinu - í friði og ró án þess að það bitni á vitlausum aðilum.


mbl.is Fráfarandi ríkisstjórn kveður
Tilkynna um óviðeigandi tengingu við frétt

Brilljant, nú er bara að vona að fyrstu verkin verði seðlabankahreinsun - og svo björgunarleiðangrar heimilanna í landinu.

Ragna Árnadóttir, settur ráðuneytisstjóri dóms- og kirkjumálaráðuneytisins verður ráðherra málaflokksins í nýrri ríkisstjórn.

Tíu ráðherrar verða í nýrri ríkisstjórn Samfylkingar og vinstrihreyfingarinnar græns framboðs, þar af tveir utanþingsráðherrar.

Auk Rögnu sest Gylfi Magnússon, dósent við HÍ í stjórnina. Hann verður viðskiptaráðherra.

Af hálfu Samfylkingar setjast í ríkisstjórnina:

Jóhanna Sigurðardóttir, forsætisráðherra, Kristján L. Möller verður samgönguráðherra, Össur Skarphéðinsson verður iðnaðarráðherra og utanríkisráðherra og Ásta Ragnheiður Jóhannesdóttir verður félags- og tryggingamálaráðherra.

Af hálfu VG setjast í ríkisstjórnina Steingrímur J. Sigfússon, hann verður fjármála-, landbúnaðar- og sjávarútvegsráðherra, Katrín Jakobsdóttir verður menntamálaráðherra, Kolbrún Halldórsdóttir, umhverfisráðherra og Ögmundur Jónasson, heilbrigðisráðherra.

Steingrímur J. Sigfússon verður staðgenginn forsætisráðherra. Þá verður Kolbrún Halldórsdóttir samstarfsráðherra Norðurlandanna.

MBL.IS ...


mbl.is Ragna Árnadóttir dómsmálaráðherra
Tilkynna um óviðeigandi tengingu við frétt

Heilög Jónanna hefur allt í hendi sér. Hvernig stendur á því að Heilög þrenning í Seðlabankanum heldur sig ofaní rottuholunum sínum án skítkasts á hluti líðandi stunda?

Jóhanna Sig

Nei, næsta víst er að kerlingin er ekki heilög sem slík - enda hefur hún sjálf einmitt sagt það öfuga - að hún sé langt frá því að vera heilög. En samt er hún eins heilög og hægt er að verða - innan raða fjöldans í þingheimi öllum. Vinnudýr í krafti heiðarleika og samviskusemi - vinur litla mannsins.

Ég hef alltaf verið hrifinn af Jóhönnu Sigurðardóttur.

Alveg frá því ég man eftir mér hefur hún einhvern veginn verið - eins og ég las einhvers staðar nú um daginn - andlit heiðarleika og eljusemi gagnvart þeim sem minna mega sín. Þó hef ég ekki alltaf verið fylgjandi henni, en ég er það í dag og er það von mín að þessi stjórn - VG og Samfylkingar með stuðningi Framsóknar - muni gera góða hluti þá daga sem hún hefur nú til að ráða.

 

Nei, þetta er ekki Jóhanna Sig. Gamla stjórnin

Þetta er ímynd sjálfstæðisflokksins, flokkur sem er orðin ellihrumur göngugrindargarpur - já - ellikerling hefur náð því að krækja duglega í flokkinn. Ég hef reyndar aldrei farið leynt með að ég hef aldrei - og mun aldrei - verða sjálfstæðismaður.

Þegar Davíð Oddsson kom í landsmálapólitíkina fóru margir af mínu fólki úr Sjálfstæðisflokknum og hétu því að koma ekki aftur að pólitík fyrr en Landspabbi væri farinn aftur úr pólitík - DO er ennþá í pólitíkinni og heldur heljargreipum sínum fast í göngugrindina sína.

Hver fautinn á fætur öðrum hefur svo hoppað uppúr holu í kringum harðstjórann og hvert spillingarmálið af öðru hefur birst í kringum þennan harða karl.

Næst væri að nefna allar þær stöðuveitingar sem fram hafa farið í valdi sjálfstæðisflokksins.

Frændi DO, Vinur DO, Sonur DO ...

Hvaða tauma hefur Davíð Oddsson haldið í á bakvið tjöldin svo "óhæfari" einstaklingar honum skyldir eða tengdir hlutu störf sem hæfðu öðrum umsækjendum MUN betur? Ekki segja mér að þeir sem skipuðu í stöðurnar hafi bara í heimsku sinni ákveðið að óhæfara fólk væri betur í stöðunum komið en mun hæfari...

Fólk sem talið hefur verið langt um fremri en þessir aðilar hafa þurft að lúta í lægra vegna þess að það var ekki í rétta partýinu og þekkti ekki rétta fólkið.

En, vonandi er nú séð fyrir endan á svona spilltum embættisveitingum.

"Gegnsætt og Uppi á borðinu" er slagorð sem ég hef trú á að væntanleg ríkisstjórn Jóhönnu Sigurðardóttur muni vinna eftir. Ef einhverjum er treystandi til að hafa allt á borðinu - líka það sem er óþægilegt - þá er það Heilagri Jóhönnu!


mbl.is Jóhönnustjórnin tekur við undir kvöld
Tilkynna um óviðeigandi tengingu við frétt

Er sjálfstæðismönnum sama hverju er fórnað - eingöngu með það í augum að þeir komist aftur að valdastólum sínum? Vil kjósa menn en ekki flokka .. gömul lumma!

Það er aumkunarvert að fylgjast með því þegar stjórnmálamenn kunna ekki að taka ósigri eins og menn. Það er aumt þegar þeir byrja að ausa frá sér drullu og skít, rífa menn og málefni niður og vita ekki hvar þeir eiga að stoppa - og í raun sýna loks sitt rétta viðmót og andlit.

Einar Guðfinns ætti sýst að vera með grjótkast úr sínum glerturni. Maður sem reynir á síðustu metrum veru sinnar í ráðherrastól - að veiða sér atkvæði í komandi kosningum með því að heimila hvalveiðar án þess að bera það undir kóng eða prest - eða kannski er þetta búið að vera í startholunum lengi en tímasetningin hafi verið valin af yfirmanni og meistara hans - Davíð Oddsyni.

Hvað eru sjálfstæðismenn að reyna að segja? Það kemur þeim væntanlega "óþægilega" á óvart hve langan tíma stjórnarmyndunarviðræðurnar taka - enda er það þeirra heitasta ósk og von að allt gangi óraunverulega hratt fyrir sig - svo hratt að sem flest gleymist að skoða - svo "nýja" stjórnin geri sem flest mistökin og sem flest gangi á afturfótunum - svo þeir geti staðið uppi sigri hrósandi með látum sagt; "Sko, ykkur er nær skríll - þetta vilduð þið - ykkur var nær að bola okkur burt!"...

Þeim er sem sagt algerlega sama þó vel sé vandað til verka hérna - þeim er sama hversu miklu þarf að fórna - þeir hafa bara áhuga á að öllum öðrum mistakist svo þeir komist aftur í feitu stólana sína...

**********

Hvað finnst fólki um það að toppar banka og stórra fyrirtækja séu að yfirfæra eignir sínar á eiginkonur eða ættingja? Er það ekki hrein og klár ávísun til þess að þeir hafi sannarlega gert eitthvað misjaft - að þeir hafi eitthvað að fela? Eru þeir ekki með þessum verknaði að segja að þeir hafi gert eitthvað sem þolir ekki dagsljósið og eigi þar með á hættu að missa eignir sínar?

Þeir sem hafa hreint mjöl í pokahorninu og hafa staðið heiðarlega að öllum sínum verkum - hafa ekkert að fela og ættu ekki að þurfa að missa neitt - þannig að svona verknaður segir í raun og veru ekkert annað en að hér sé maðkur í mysunni. Vonandi verður þetta rannsakað mjög gaumgæfilega langt niður í kjölinn.

**********

GetLost Mér finnst að á þessum tímamótum ætti að fara fram ákveðin hreinsun í stjórnmálunum. Við ættum að nota næstkomandi kosningar til að taka á gömlum stjórnmálamönnum sem eru löngu orðnir barn síns tíma og eru orðnir ekkert annað en dragbítur á ferskum og óspilltum stjórnmálum.

Við ættum að nota okkur rétt okkar og strika út nöfn velflestra "toppa" allra flokka. Það þarf miklu meira af ungu og efnilegu fólki inn í forystu flokkanna - það þarf fólk sem er meira meðvitað um nútímann! Við þurfum ferskt fólk framtíðarinnar og koma fólki fortíðarinnar frá. Reyndar finnst mér að líftími pólitíkusa ætti ekki að vera mikið meiri en tíu ár - og þá ættu þeir að stíga til hliðar fyrir fólki sem er ungt og kemur með ferskar hugmyndir og áherslur sem hæfa hverjum tíma fyrir sig.

**********

Over and out - farinn í sund og svo á gönguskíði ... eða þannig.


mbl.is Þreifingar milli flokkanna byrjuðu fyrir löngu
Tilkynna um óviðeigandi tengingu við frétt

Gallar og kostir hvalveiða. Skiptir ímynd út á við einhverju máli þegar kreppa og atvinnuleysi er alls ráðandi?

Mér er ennþá nógu hlýtt til ímyndar okkar útávið - til að vera á móti hvalveiðum. Mér finnst það hin mesta skelfing að fara út í það að skerða ímynd okkar enn meira en þegar er komið. Auðvitað þurftu sjálfstæðismenn að stimpla sig út úr áratuga niðurrifsstarfssemi gegn landi og þjóð - með því að bjóða uppá það að ýmsar þjóðir heims fari í "hvalastríð" gegn okkur ...

hvalur

Á hinn bóginn er það spurning um hvort við eigum að láta álit og aðgerðir annarra stoppa okkur í því að nýta auðlindir okkar til sjávar. Nú þegar hart er í ári og atvinnuleysi er að aukast svo skelfilega - er það kannski spurning um líf og dauða margra í landinu að fá þessar veiðar núna.

Gaman væri að vita það afdráttalaust, svart á hvítu - hver er gallinn og hver er kosturinn - á þessum blessaða hval.

Hverjir eru kostirnir við að leyfa hvalveiðar - og hverjir eru gallarnir. Hverjir væru kostirnir við að banna hvalveiðar og hverjir væru gallarnir....


mbl.is Hægt að draga hvalveiðileyfi til baka
Tilkynna um óviðeigandi tengingu við frétt

Lítill afmælisdrengur fæddist á annan í jólum fyrir .... nokkrum árum! Til hamingju með daginn elsku vinur .. im on my way ..make some coffee!

Ok, þessi "litli" karl sem situr - ellin að gera útaf við hann - er litli bróðir minn - og hann, þessi gullmoli, á afmæli í dag ...

Takið eftir því hve við erum líkir - nema hvað ég er með eitt hár meira en hann þó hann sé yngri sko ... muhaha! 

Veit stundum ekki hvernig maður hefði farið að án hans - svoddan gull og gersemi sem hann er - með hjarta sem er mörgum númerum of stórt fyrir svona "lítinn" karl sko .. hahaha!

 

laugavatnsmyndir 028

 

Mörg prakkarastrikin höfum við framið saman í gegnum lífið - og segi ég ekki mikið frá þeim hér - enda má nú ekki segja of mikið hérna á mbl.is því þá verður maður bara lögsóttur ..

Til hamingju með daginn elsku litli bróðir! Er núna lagður af stað til að fá kökur og kræsingar - eins og alltaf þegar maður kíkir á þig og þína yndislegu frú.. make some coffee man!

Over and out .. farinn að eta!


« Fyrri síða | Næsta síða »

Höfundur

Tiger
Tiger

Ég eyði fúlum og neikvæðum athugasemdum - svo það er tímaeyðsla að henda slíkum fjársjóð hingað inn. Verð hérna bara í flugumynd - lítið sem ekkert sem sagt. Þýðir ekkert að bíta af mér hausinn þrátt fyrir það...

***

Þakka öllum innlitið, en það er ekki þar með sagt að þú sjáir mig spora út síðuna þína!

Heimsóknir

Flettingar

  • Í dag (28.3.): 0
  • Sl. sólarhring: 1
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndir

  • jesumynd
  • jesumynd2
  • jesumynd4
  • blómabeðið
  • blómabeðið
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband