Brilljant, nú er bara að vona að fyrstu verkin verði seðlabankahreinsun - og svo björgunarleiðangrar heimilanna í landinu.

Ragna Árnadóttir, settur ráðuneytisstjóri dóms- og kirkjumálaráðuneytisins verður ráðherra málaflokksins í nýrri ríkisstjórn.

Tíu ráðherrar verða í nýrri ríkisstjórn Samfylkingar og vinstrihreyfingarinnar græns framboðs, þar af tveir utanþingsráðherrar.

Auk Rögnu sest Gylfi Magnússon, dósent við HÍ í stjórnina. Hann verður viðskiptaráðherra.

Af hálfu Samfylkingar setjast í ríkisstjórnina:

Jóhanna Sigurðardóttir, forsætisráðherra, Kristján L. Möller verður samgönguráðherra, Össur Skarphéðinsson verður iðnaðarráðherra og utanríkisráðherra og Ásta Ragnheiður Jóhannesdóttir verður félags- og tryggingamálaráðherra.

Af hálfu VG setjast í ríkisstjórnina Steingrímur J. Sigfússon, hann verður fjármála-, landbúnaðar- og sjávarútvegsráðherra, Katrín Jakobsdóttir verður menntamálaráðherra, Kolbrún Halldórsdóttir, umhverfisráðherra og Ögmundur Jónasson, heilbrigðisráðherra.

Steingrímur J. Sigfússon verður staðgenginn forsætisráðherra. Þá verður Kolbrún Halldórsdóttir samstarfsráðherra Norðurlandanna.

MBL.IS ...

Ragna Árnadóttir dómsmálaráðherra

Athugasemdir

[Helgi Jóhann Hauksson, 1.2.2009 kl. 16:57]

Ráðuneytisstjóri Björns Bjarnsonar - innvígð og innmúruð - er það sá dómsmálaráðherra sem okkur vantaði?

- Þetta er sú manneskja sem sá um að sitja á frumvarpinu um greiðsluaðlögun sem Jóhanna segir nú að sé mikilvægt fyrsta verk þessarar ríkisstjórnar að koma aftur á skrið.

- Þetta er svo absúrd að það er hreinlega óskiljanlegt?

- Og þetta er val Steingríms J. 

- Hvað eiga BB og Davíð á Steingrím? - Því augljóslega er þetta ráðherra BB en ekki vinstriflokkanna.

[Tiger, 1.2.2009 kl. 17:16]

Helgi; Gefum henni tækifæri til að sanna sig án þess að vera spyrt saman við gamlan sauð úr sjálfstæðisflokknum. Gefum þeim tækifæri til að sanna sig í 80 daga, ef allt klikkar - þá skulum við kasta steinum. Ég hef trú á að Jóhanna muni halda styrkri hendi um þá hluti sem ný ríkisstjórn hefur sett sér að klára eða setja af stað.

Helga; Vonum að álit þitt og margra eigi eftir að breytast með tímanum - vonum að þessi væntanlega ríkisstjórn muni ná því að vinna traust og virðingu - eitthvað sem pólitíkusar hafa oftast ekki getað.

[Ragnheiður , 1.2.2009 kl. 18:39]

Mér líst alveg ljómandi á þetta og hlakka til að sjá hvernig gengur