Peningaaustrið á sér öngvin takmörk. Því eru ætíð til fjármunir í baktjaldabrúðustjórnendur en ekki drukknandi alþýðuna?

Enn og aftur kemur í ljós hve mikilvægt það er að hafa rétta menn á réttum stöðum. Því í ósköpunum eru ekki gerðar lágmarkskröfur í átt að ákveðinni menntun eða þekkingu á málefnum þeim sem undir ráðherra/seðlabankastjóra eru sett?

Þvílíkar fjárupphæðir væri hægt að spara ef allir forustusauðir væru teknir úr embættum - sem þeir hafa ekki kunnáttu til að sinna, og í stað þeirra væru settir raunverulegir hagfræðingar eða sérstaklega menntaðir einstaklingar.

Burt með óhæfa "stjórnendur" sem standa á bakvið frontana sína. Burt með óhæfa baktjaldastjórnendur sem gera ekkert annað en bera titla á ofurlaunum!

Látum þá sem raunverulega hafa þekkingu á hinum ýmsu málefnum taka við taumunum úr höndunum á valdagráðugum stjórnmálamönnum - og nýtum féð sem fer í óhæfa stjórnendur - til að stofna velferðakerfi eða til að veita hinum bágstöddu meiri hjálp.

Annars er ég bara aldeilis góður með mig, handviss um að Tryggvi Þór á eftir að gera góða hluti þar sem hann tekur til hendinni.

Hvað segið þið annars um enn eina dómaraskipun Sjálfstæðismanna - gegn ráðleggingum nefndar sem sér um að meta hæfi einstaklinga sem sækja um slíkar stöður? Til hvers í grilluðum kanínum er verið að halda uppi slíkri nefnd ef það er vitað mál að Sjálfstæðismenn fara aldrei eftir neinu nema eigin dintum og dúntum? Hvers vegna eru þeir fjármunir sem halda uppi slíkum óþarfa nefndum - að mati sjálfstæðismanna - ekki notaðir í drukknandi málefni sem aldrei virðist vera til peningur í?

Geir fær efnahagsráðgjafa

Athugasemdir

[Skattborgari, 18.7.2008 kl. 17:27]

Hæfniskylirði nnúmer 1 þegar ráðið er í háar stöður hjá ríkinu er rétt flokkskírteini því miður en ekki hver er hæfastur. Ef þú vilt fá góða vinnu sem þú ert vanhæfur til að sinna sæktu þá um hjá ríkinu þarft bara að verða þér útum rétt flokksskírteini áður. Það þarf að skipta um flokka reglulega til að fá þá til að hugsa sinn gang.

Kveðja Skattborgari. 

[JEG, 18.7.2008 kl. 17:34]

Til hvers þarf þessi maður efnahagsráðgjafa ??? Ég meina er hann ekki einn af þeim betri í kollinum þegar þarf að reikna?? Hann getur þá bara borgað honum úr eigin vasa.

Held að það sé kominn tími á að gelda þessa tík.(pólitík)

KNús á þig sæti.