Hvort telur þú að raunverulegur koss sé eingöngu munnur við munn - eða munnur við alla aðra líkamsparta - nema annan munn, ja .. fyrr en í "lokin"?

Vinsamlega ath; Eftirfarandi færsla gæti sært blygðunarsemi viðkvæmra bloggara - svo þið farið hingað inn á eigin ábyrgð! 

"Vísindamenn sem rannsakað hafa kossa segja að flókin, efnafræðileg ferli fari af stað þegar fólk kyssist. Stundum geti misheppnaður koss dugað til að kæfa í fæðingu efnilega ást."

Ég myndi nú segja að ef ástin er raunverulega efnileg - þá myndi hún duga til að yfirstíga vandræðalega kossa. Efnileg ást myndi sannarlega taka áskorun, fikra sig áfram og æfa sig - og bæta sig með hverjum kossinum þar til kossarnir væru óaðfinnanlegir. En hvað er svo sem "óheppilegur eða misheppnaður" koss?

 ,,Koss er aðferð sem notuð er til að meta hugsanlegan maka," segir Helen Fisher sem er mannfræðingur við Rutgers-háskóla í New Jersey. Kossinn þekkist í meira en 90% samfélaga sem þekkist á jörðinni en stutt sé síðan farið var að rannsaka athöfnina á vísindalegan hátt. Fræðigreinin er nefnd philematology á ensku."

 Mér finnst það algert bull að kossinn sé aðferð til að meta hugsanlegan maka. Kossinn er bara aukaplúss - aðferð til að verða nánari og innilegri - til að sýna maka sínum meiri blíðu, ást og ljúfleika. Kossinn er eitthvað sem maður notar til að ná betra sambandi við maka sinn en ekki til að meta hann - mæla hann út - athuga hvort hann sé heppilegur eða ekki í framtíðarsamband.

Eða, bíddu við .. þú kannt ekki að kyssa, þú hefur greinilega aldrei kysst neinn, ég get ekki hugsað mér að eiga í meira sambandi við þig. Æfðu þig og lærðu að kyssa - kysstu fjöldann allan af fólki til að verða "master" í því að kyssa - og þá kannski skal ég skoða það hvort þú sért heppilegur maki handa mér... nei þetta virkar ekki svona!

 "Kannað hefur verið með tilraunum á háskólastúdentum á aldrinum 18-22 ára hvernig magnið af hormóninu oxytocin, sem tengist kynferðislegri nautn, breytist við kossa. Kom í ljós að það jókst hjá körlunum en minnkaði hjá konunum."

๑۩۞۩๑๑۩۞۩๑๑۩۞۩๑๑۩۞۩๑๑۩۞۩๑

Uss, með fullri virðingu fyrir bæði vísindamönnum sem hafa rannsakað kossa - og 18 til 22ja ára ungmennum - þá virkar þetta bara ekki alveg svona að mínu mati.

Kossar eru nefnilega svo mismunandi. Þessi blessaða vísindarannsókn hefur örugglega miðast við að unglingarnir hafi verið "slefandi með tunguna uppí hvert öðru" en allir vita að það eru ekki raunverulegir kossar heldur ákveðin kynferðislega tengd aðferð sem notuð er til að fá meiri unað og örva endorfinið í kroppnum. Kossar í þeim skilningi eru kynferðislega tengdir bara tel ég.

 Raunverulegir kossar eru langt um heitari, munúðarfyllri og miðast alls ekki endilega við að vera frá munni til annars munns. Það eru kossar sem maður gefur maka/elskhuga í tíma og ótíma þegar maður grípur hann/hana í fangið - kossinn leikur við gagnaugað, kossinn kitlar augun, nefbroddinn og kossinn nartar í eyrað ..

Raunverulegur koss rennur niður hryggsúluna á bakinu, gælir við hnakkann og niður á herðar - virkilega raunverulegur koss rennur ljúflega af nefbroddinum og niður á hökuna, þaðan niður á hálsinn og leikur um barka eða hálskotið með léttum blæstri og léttum tungubroddinum.

Sannur koss hittir oftast síðast af öllu annan munn - en þegar það loks gerist - þá er hann orðinn sjóðheitur erótískur koss. Þá er raunverulegur kossinn búinn að vera að gæla við alla parta líkama makans/elskhugans - án þess að snerta munn hans/hennar - en þess í stað er kossinn búinn að vera að espa upp í líkama beggja allan þann funa sem gerir raunverulegan koss, munn við munn, að þeim eldi sem slíkur koss raunverulega á að vera.

Ég efast einhvern veginn um að vísindamenn hafi haft eitthvað þessu líkt í huga þegar þeir frömdu þessa vísindalegu aðgerð - og því er næsta víst að niðurstaðan er algerlega óásættanleg - að "misheppnaður" koss geti eyðilagt eða kæft í fæðingu efnilega ást.

 En, hvað veit ég svo sem .. ég sem kyssi bara alla sem ég næ í - alveg hægri vinstri og skiptir mig þá engu máli hvort tunga sé að þvælast fyrir eða ekki ... muhahaha! Njeee .. segi bara svona sko.

P.s. Undirritaður tekur enga ábyrgð á ofanrituðu sem eingöngu er byggt á hans eigin reynsluheim. Því er öllum misheppnuðum tilraunum - eftir ofanskrifaðri uppskrift vísað á tilraunadýrin sjálf.

Over and out .. Kisskiss .. Tiger!

Flókin efnafræði kossins

Verður gullfiskaminni þitt með þér í aðdraganda næstu kosninga - eða fílsminnið? Hversu langt aftur manst þú .. eða hversu fljót/ur ertu að gleyma?

Þetta er náttúrulega dálítið brilljant, en næsta víst er að ég vona að þetta verði ekki til þess að fólk fari að misnota þetta. Það er alltaf til fólk sem reynir að misnota það sem gott er verið að reyna að gera, fólk sem skoðar hvað sem er með það í huga að hvernig get ég notfært mér þetta og hvað get ég komist upp með hérna ... því miður!

Málið er að ef fólk skuldar slatta, stendur í skilum en er á "nippinu" með að halda hlutunum saman - getur það samt - hættir fólk núna bara ekki að borga og lætur setja sig í gjaldþrot .. hugsar "iss, gjaldþrota bara tvö ár og svo get ég byrjað á startreit aftur án allra skuldanna"! Ég verð að viðurkenna að ég er hrifinn af þessari breytingu og vona að hún komi til með að hjálpa þeim sem sannarlega eru í neyð - en eins og með svo margt og mikið annað - þá eru alltaf skemmd epli innan um allt sem sett er fram og eyðileggur það góða sem verið er að reyna að gera..

Mér sýnist á öllu - samkvæmt blaðamannafundinum í morgun - að þessi ríkisstjórn sé að gera heilmikið og reyndar meira en nokkur önnur ríkisstjórn hefur gert áður - og allt á hvað löngum tíma núna - tveim vikum eða þrem?

Það er von mín að gullfiskaminni fólks sé grafið og gleymt - og að fílsminnið sé uppi á borði - munið hver hefur siglt skútunni síðustu ár eða tug - þangað sem skútan nú hangir á bláþræði í briminu og er hálfsokkin .. látið fílsminnið standa uppúr og kjósið ekki yfir ykkur sama óþjóðalíðinn sem hefur verið við völd alltof lengi. Burt með spillinguna - burt með Sjálfstæðisflokkinn.

Kröfur fyrnast á tveimur árum

How to go from being on the ice - into being hot hot hot ...

Blessuð sé minning hennar!

Hún þarf ekki lengur á póstkassa að halda undir Valintínusarkortin sín. Hún er ekki lengur vinsælust á fyrri heimaslóðum heldur hefur hún eignast nýjan "aðdáendahóp" sem slefar yfir henni!

MySpace síðunni hennar hefur verið lokað - en í staðinn hefur verið opnuð ný síða henni til heiðurs - "how to handle hot stuff" - heitir sú síða...

Hér fyrir neðan eru gamlar upplýsingar um það heitasta í þá daga - en eins og ég segi - út með það gamla og inn með það nýja. This is hot ... and delisius! 

"Mörgæsin Roxy er eina mörgæsin sem ekki hefur gengið út í dýragarðinum í Lundúnum. Roxy, sem er fjögurra ára gömul, nýtur mikilla vinsælda meðal gesta í garðinum og hefur hún fengið sérstakan póstkassa undir öll Valentínusarkortin sem hún fær. Hún er einnig með síðu á MySpace og safnar að sér vinum þar.

En svo virðist sem Roxy standi á sama um að vera án maka því þegar reynt var að koma henni í kynni við karlkynsmörgæs þá sýndi hún honum engan áhuga. "

Leita að maka fyrir Roxy

True .. or false!

Mikið rosalega er hún falleg mahhrrrrr!

Ég vona bara að annað sem henni fylgir sé eins fagurt en ég hef bara ekki hugmynd um það sko!

Lagið Is it true til Moskvu

Hátt fall skelfir fólk og heldur því á mottunni. Ætlar Geir kannski bara ekkert úr formannsstólnum? Hverju hvíslar Davíð í eyra sinna þegar kosningar nálgast? ...

Já, fallið var hátt - beint úr ráðherrastól og langt niður í stjórnarandstöðu. Nú er maður (kona) orðinn hræddur við að falla aftur - og því ekki annað í stöðunni en að draga sig til hlés - reyna bara að halda fast í það sem þegar er undir rassinum á manni (konu)...

Ekki kæmi mér það á óvart þó Davíð hafi nú laumað því að Þorgerði að gamli karlrembuflokkurinn myndi aldrei sætta sig við kerlingu í brúnni. Langt frá því allavega ...

Það kæmi mér heldur ekkert á óvart þó Geir H. Haarde hafi laumað því að henni að hann væri búinn að hugsa sig um tvisvar og að það hafi verið fljótfærni að bjóða sig ekki fram áfram í stjórn flokksins. Enda sagði hann það víst sjálfur að það væri svo sem allt inni í myndinni nú þegar aðgerðin var yfirstaðin og allt léki í sóma hjá honum hvað það varðar. Því myndi ég ekki verða hissa þó hann poppaði upp aftur sem formannsefni flokksins.

En, mér er svo sem sama hver stendur í brúnni hjá Sjálfstæðisflokknum - svo lengi sem hann stendur áfram í pontu sem stjórnarandstöðuflokkur - helst sem lengst - í það minnsta nokkra áratugi svo aðrir flokkar geti byggt upp það sem Sjálfstæðisflokkurinn hefur svo skelfilega brotið niður í þjóðfélaginu..

Þorgerður Katrín ekki í formannskjör

,,Ég vildi bara hátta þær í rúmið og ætlaði bara að liggja í sama rúmi,"

Djöfull getur maður orðið reiður stundum!!! 

Grænlenskur barnaníðingur fær tvö ár

Jóhanna Sigurðardóttir er ekki eins manns (konu) her - við hlið hennar er sannarlega mikill herskari ...

Samþykkti Jóhanna breytingar á lögunum 2001?

Jóhanna Sigurðardóttir kom að breytingum á lögum um Seðlabanka Íslands árið 2001 og samþykkti þær breytingar sem þá voru gerðar. Þær áttu fyrst og fremst að miða að því að auka sjálfstæði Seðlabankans.

Gagnrýndi fyrri lög

Jóhanna gagnrýndi hvernig lögin voru áður en þeim var breytt og sagði ráðherra þá vera í stöðu til að ráðskast með Seðlabankann. Meðal annars á grundvelli þess að hægt var að ráða þá í stuttan tíma. Hún sagði á vefsíðu sinni af þessu tilefni: „Þetta getur varla þýtt annað á mæltu máli en að ef bankastjórinn fer ekki í einu og öllu að því sem forsætisráðherra segir þá eigi hann það á hættu að vera látinn fjúka. Eðlilegri stjórnsýsluhættir væri að bankaráðið réði sjálft einn bankastjóra sem ábyrgð bæri gagnvart bankaráði, sem gæti þá látið hann fara ef hann væri ekki starfinu vaxinn, frekar en að hann sé háður duttlungum og geðþóttaákvörðun ráðherra á hverjum tíma.“

Er ekki hér bara verið að vega að Jóhönnu Sigurðardóttur Forsætisráðherra - hvernig fjallað er um orð hennar og henni ætlað að vera í eigin herferð að sækja að Seðlabankastjórunum? Með það í huga hvernig ferill Davíðs Oddssonar var sem forsætisráðherra - hvernig hann skipti sér að málefnum t.d. Landsbankans og hvernig hann vó að ýmsum embættismönnum um allt þjóðfélagið - tel ég að Jóhanna hafi skrifað þetta vegna geðþóttaaðgerða DO í gegnum tíðina.

Jóhanna Sigurðardóttir er ekki eins manns her á eftir Seðlabankastjórninni - með henni í ákvörðunum varðandi bankann er heill her manna og kvenna í stjórn landsins, mikill hellingur af fólki á þingi og heil þjóð - mínus nokkur skyldmenni DO ...

Gamall slagari Ólínu Þorvarðardóttur er vel við hæfi þessa dagana;

Spillinguna burt, sama hvar í flokki hún er .. (eða eitthvað álíka)

Seðlabankastjórar telja að sér vegið

Hrói Höttur - endurgerð - 1000asta endurgerðin - boring!

Mikið skelfing er maður orðinn leiður á endurtekningum hvað kvikmyndir varðar. Endalaust verið að setja á laggirnar "nýjar" myndir eftir gömlum sögum - og oftar en ekki finnst mér þetta misheppnast meira en að svona endurgerðir takist vel upp.

Ridley Scott er á leiðinni með nýja útgáfu af "Hróa Hetti". Ég hreinlega man ekki hve margar útgáfur af Hróa Hetti ég hef séð - bæði teiknimyndir sem og kvikmyndir - en ég er orðinn hundleiður á þeim kappa.

Hvers vegna eru leikstjórar yfirleitt að endurgera sögur og margendurgera ákveðnar kvikmyndir aftur og aftur? Er það gert með von um að slá út allar fyrri gerðir - jafnvel upprunalega sögu? Æi, ég held að það sé af svo mörgu að taka að það ætti að skikka þessa karla til að taka uppá því að vera svolítið sjálfstæða - fá þá til að finna uppá einhverju öðru en því sem aðrir hafa þegar gert. Eftirapanir eiga það til að mislukkast meira en annað eins og áður sagði ...

Er Hrói út í hött?

Hvaða skrípaleikur er í Davíð núna í morgun á Landsspítalanum? Geðveiluleg hegðun eða hvað? ... Jú, sannarlega!

Uss .. Nú er Davíð Oddsson á fleygiferð í því að reyna að stinga fréttamenn af. Sást til hans leggja við Landspítalann, við aðalinnganginn - og sagðist hann vera að fara í læknisskoðun. Örstuttu síðar sást hann koma hlaupandi út Eiríksgötumegin þar sem einkabílstjóri ásamt bíl beið hans. Karlinn snarsnérist þegar hann varð var við blaðamenn og þaut inn í spítalann aftur.

Hvað er Davíð Oddson núna að reyna - að sækja sér meðaumkunarbylgju vegna "veikinda" með því að segja við innganginn að hann sé að fara til læknis - en svo er hann bara í einhverjum skrípaleik - leik sem hefur einkennt alla hans tíð sem stjórnmálamaður og svo sem seðlabankastjóri?? Ljóta vitleysan að sitja svona uppi með karlinn. Við verðum að hjálpast að og mótmæla sem aldrei fyrr - alveg þar til þeir fara úr seðlabankastjórastólunum.

það er nú ljóta geðveilan að "hanga" svona í embætti þrátt fyrir kristaltæran vilja þjóðarinnar og ríkisstjórnar - um að menn fari frá.

Undarleg hegðun seðlabankastjóra númer 1 - hefur nú smitast yfir í seðlabankastjóra númer 2 - en númer 3 slapp fyrir horn.

Vonandi mun fólk sjá í gegnum Davíð og þau "veikindi" sem hann hefur núna í morgun ætlað sér að láta fara í fjölmiðla - með mislukkuðum hætti vegna árvökulla augna blaðamanna. Það að reyna að sækja sér meðaumkunarbylgju með þessum laumulega hætti - sýnir best geðveiluna sem hvílir í höfði karlsins ...

Christensen: Neyðarlegt að Davíð segi ekki af sér

Davíð er með slatta af skyldmennum í dómarasætum og því ekkert því til fyrirstöðu að ráðast gegn ríkinu - eins og mófó - með dómarastéttina í vasanum.

Loks kemur í ljós ástæða þess að skyldmenni og vinir Davíðs Oddssonar hlutu embætti sín í valdatíð Sjálfstæðisflokksins. Þetta er það sem hefur sannarlega vakað fyrir þessum hrokafulla karli - hinum ósnertanlega og almáttuga - ásamt pólitískum vinum og vandamönnum.

Með skipun mun minna hæfra einstaklinga í ýmis dómarasæti - allt skyldmenni og vinir - stendur karlinn í brúnni fast í fætur og ætlar hann sér með atvinnumál sín gegn ríkinu - með sinn eigin heita flokk af skylmennum og vinum í hinum og þessum stöðum í lagaumhverfinu - hann ætlar sér að fara alla leið greinilega.

Hundur skal ég heita ef þetta hefur ekki ætíð vakað fyrir karlinum og hans flokki. Að með sína menn allsstaðar innan dómarastéttarinnar muni þeir sjálfir, vinir þeirra og vandamenn geta farið í mál við hvern sem er - því sjálfir dómararnir eru í vasanum hjá þeim og geta varla lyft fingri til að gera neitt á móti spillingunni. Það er skítalykt af þessu máli og nú er um að gera fyrir búsáhaldabyltinguna að færa sig um set og kveikja hreinlega í Seðlabankanum með það sama og gerðist við Alþingishúsið.

Ég hvet þjóð mína til að standa með ríkisstjórninni núna. Æpum til aðgerða og mótmæla allt í kringum Seðlabankann strax á morgun og linnum ekki látum fyrr en Davíð er farinn endanlega þaðan út...

Nauðsynleg lesning hérna!

Davíð segir ekki af sér