Gat Davíð varað Geir H. við - varað ríkisstjórnina við - varað alla við - í fjölda mánaða, ef ekki ára - og Geir ekki brugðist við öllum viðvörunum DO - sem forsætisráðherra, en talist samt ekki hafa brugðist þjóðinni?

Við erum verr stödd landar góðir ef þetta er eini maðurinn á Íslandi í dag sem er traustsins verður - sá eini sem fólk getur leitað til með "nafnlausar" ábendingar og ásakanir.

Næsta víst er að mörg hólfin í guðdómlegum kastala hans hljóta að vera full af hinum ýmsu kvörtunum, ábendingum og hverju því sem fólk í sakleysi sínu hefur borið til hans í von um að hinn eini sanni Guð almáttugi leysi málin ..

"Ég er eini maðurinn á Íslandi sem fólk treystir í dag og fólk kemur til mín með áhyggjuefni sín og biður mig um hjálp" .. okok, ekki orðrétt en meiningin á bakvið hrokann og veruleikafirringuna leynir sér ekki. Hvað heldur kallinn? Að hann sé Guð almáttugur - hinn ósnertanlegi? Það var ég sem gerði hitt og ég sem gerði þetta og blablabl ...

Hvers eigum við að gjalda að hafa svona mann með puttana í fjármálum landans?

Sigmar var flottur - alveg brilljant góður. Sigmar vex með hverju viðtalinu sem ég sé hann með og mér sýnist hann eiga góða framtíð fyrir sér. Hann hikstar ekki, hikar ekki og missir ekki taktinn þó menn eins og Davíð vaði úr einu í annað og jafnvel ljúgi á hann í beinni. Þú fullyrðir þetta og hitt segir Davíð við Sigmar en Sigmar sallarólegur glottir og segir kaldur "Nei Davíð, ég spurði þig - fullyrti ekki neitt"!

Fyndið að sjá hvernig Sigmar tók vopnið úr hendi Davíðs og beindi því beint til baka á kallinn og hans spillta flokk.

Davíð; "Ég varaði við þessu og varaði við hinu og það gerði ég alveg frá því í fyrra og hitteðfyrra og fyrr jafnvel .. blablabla" ...

Sigmar; "Davíð, ertu þá hér með að segja að Geir, sjálfstæðismenn og ríkisstjórnin hafi hreinlega brugðist? Ertu að segja að þú hafir varað við þessu öllu og ríkisstjórnin með Geir H. Haarde í forsæti hafi ekki hlustað á þig og þar með brugðist all alvarlega?" ...

Davíð; "Urrandi, Þið þessir fjandans blaðamenn - þurfið alltaf að snúa öllu sem maður segir og láta það líta út fyrir að vera mér eða mínum mönnum að kenna" .. "Undarlegt hvað þið fréttamenn takið alltaf allt sem ég segi og reynið að láta mig líta út fyrir að vera hinn vondi sjálfur - ég er sá eini sem fólk getur komið til og sá eini sem fólk treystir og sá eini sem .. blabla".

(okok, enn og aftur ekki beint og nákvæmt orðalag en svo til rétt atburðarás)..

Bíddu við, halló .. Var kallinn ekki einmitt að segja eitthvað í þá áttina sjálfur en er hér að reyna að koma því á Sigmar .. ? Hahaha.. hve sorglegt þetta sjónarspil er orðið. Þetta er orðið sorglegt og maður getur ekki annað en vorkennt kallinum fyrir það hve veruleikafyrrtur hann er. Guð gefi að hann fari að opna augun og að hann taki eftir því að hann í broddi Seðlabanka Íslands nýtur einskis trausts hjá almenningi - í það minnsta yfirleitt fæstum.

Ég þakka Sigmar kærlega fyrir frábæra frammistöðu í Kastljósi kvöldsins - og ég yrði þakklátur DO ef hann vinsamlega vaknaði uppúr Guðlegum Þyrnirósasvefni sínum og sæi veruleikann eins og hann blasir við okkur í dag.

Davíð í Kastljósviðtali

Athugasemdir

[Ásta Steingerður Geirsdóttir, 25.2.2009 kl. 00:00]

Það væri frábært ef veruleikinn birtist nefndum Davíð. Ég held bara að karlinn sé veruleikafirrtur.

því miður fyrir okkur öll. Sammála, hvað Sigmar gat staðið í dýrin. Það var ekki öfundsvert að vera í hans sporum.

[Davíð Örn Þórisson (IP-tala skráð) 25.2.2009 kl. 00:01]

Af hverju nýtur hann einskis trausts hjá almenningi?

[Sigrún Þorbjörnsdóttir, 25.2.2009 kl. 00:12]

Það eru ekki allir sem geta staðið uppi í hárinu á DO (flestir myndu sko bara flækja sig í lubbanum ) Sigmar stóð sig vel og fór ekkert í flækju þegar hann reyndi að valta yfir hann. Og af hverju gat hann ekki bara svarað okkur strax það sem hann veit. Er eitthvað betra að bíða eftir einhverri rannsóknarnefnd..?

Knús og kram á þig grallari

[Tiger, 25.2.2009 kl. 01:06]

  Ég er sammála þér Ásta, það hefur örugglega ekki verið auðvelt að standa svona vel í kallinum. Sigmar er góður en kallinn er því miður sofandi og hefur verið sofandi lengi.

Davíð; Nýtur hann einhvers trausts? Treystir þú honum kannski? Ekki ég..

Sigrún; Ég held að karlinn sé bara að þæfa málið - hann veit ekkert annað en það sem allir vita - sögusagnir og "orðið á götunni" en að allir komi til hans með "leyndarmál" eða eitthvað undarlegra .. þvílík firra! Kannski er hann að vona að það komi raunverulega eitthvað sem hann getur hangið í - frá þessari rannsóknarnefnd. .. knús og kreist.

[Jóna Kolbrún Garðarsdóttir, 25.2.2009 kl. 01:18]

Hrópum ferfalt húrra fyrir Davíð, hann söng aldrei þennan útrásarsöng.  Húrra, hÚrra, húRra, húrRa   http://www.youtube.com/watch?v=5egkmJRikKw  Þetta er myndband frá Láru Hönnu,  útrásarsöngur sem Davíð aldrei söng.  Knús og kram í þitt hús. 

[Tiger, 25.2.2009 kl. 01:46]

Hahaha ... já Jóna, þetta er frábært myndbrot sem Lára hefur gert - bara must see myndband! Knús í þitt hús Jóna mín.

[María Guðmundsdóttir, 25.2.2009 kl. 06:11]

ok, ég VERD bara ad fara á netid og sjá thetta vidtal. En já,David er ekki med á nótunum greinilega midad vid thessar lýsingar, hann lifir i einhverju draumalandi thar sem hann ER kóngurinn  i guds bænum vekjid manninn og upplýsid hann um stødu mála i dag. Hans dagar eru taldir i stjórnmálum og sem sedlabankastjóra og held ad thad séu frekar ørfáar sjálfstædishrædur sem treysta honum i dag.

knús og kram til thin , hafdu gódan dag

[Jónína Dúadóttir, 25.2.2009 kl. 06:34]

Æi karlgreyið, ég er löngu farin að vorkenna honum... honum líður ábyggilega ekkert vel, það sést til dæmis bara á furðulegu augnaráðinu og þessari vægast sagt skrítnu framkomu...

[Guðrún Emilía Guðnadóttir, 25.2.2009 kl. 08:55]

Lagði mig ekki niður við að horfa á kallinn hvað þá að hlusta, er búin að fá upp í kok af málþófi þessu og er enn ekki búin að heyra setninguna: ,, þið verðið bara að fyrirgefa en við sofnuðum á verðinum." Það vantar að taka okkur með inn í dæmið, við getum tekist á við þetta ef borin er sú virðing fyrir okkur að hafa okkur memm.
Knús til þín Tiger míó míó
Milla.

[Baldur Gautur Baldursson, 25.2.2009 kl. 08:57]

Hann er aumkunarverður grey karlinn hann Davíð, að vita ekki sinn vitjunartíma  :(

[Guðrún Emilía Guðnadóttir, 25.2.2009 kl. 09:07]

Hann hefur aldrei vitað hann.

[JEG, 25.2.2009 kl. 11:02]

Bara að kíkja á þig krúttlingur.  Knús og kossar úr snjónum norðan heiða. 

Skítt með Dabba ....urðum hann.

[Hlédís, 25.2.2009 kl. 12:28]

Úr skaupi 2001: http://www.youtube.com/watch?v=Mywc_HvihXU&feature=related

Gott að geta grát-hlegið soldið -

Annars er ekki vert að eyða orku í DO lengur.

[DoctorE (IP-tala skráð) 25.2.2009 kl. 14:19]

Well DOh

[Hlédís, 25.2.2009 kl. 18:02]

Eru til Sannanir fyrir sprengingum fyrir utan heimili DO - o fl? Engar fréttir komið af því - engar myndaupptökur frá lífvörðunum- Baugsmiðlarnir þagga bókstaflega ALLT niður niður, þ á m Baugs-Löggan.

[Sigrún Óskars, 25.2.2009 kl. 21:45]

sendi þér bara stórt knús  

[Auður Proppé, 26.2.2009 kl. 08:39]

Álit mitt á Davíð breyttis í þessu viðtali.  Hann varaði ríkisstjórnina við og N.B. þar var Samfylkingin líka í stjórn ekki bara Sjálfstæðisflokkurinn.  Allir slíkir fundir eru skráðir og það hefur hann til sönnunar. 

Davíð er bundinn þagnareið og hann sagði líka í viðtalinu að bráðlega hefði hann meiri frelsi til að skýra frá meiru, sem þýðir líklega þegar honum verður hent út sem Seðlabankastjóra og leystur undan þagnarskyldunni.

Ég er sammála Helgu í því að það er ekki bara Davíð sem átti að hafa augun opin heldur fleiri og ef hann varaði alla ríkisstjórnina við á fundi með þeim þá bera þeir/þau sökina.  Knús á þig Tiger minn

[(IP-tala skráð) 26.2.2009 kl. 11:06]

Ég hef alltaf haft svona haltu mér, slepptu mér álit á Davíð. Ég man svo vel eftir því þegar hann var að vara við útrásarpjökkum og var sjálf þá með há stemmdar yfirlýisngar um DO,  að hann væri bara öfundsjúkur, nú hef ég þurft að éta ofan í mig allt það sem ég sagði þá, þetta var ekki bara öfund í fólki sem varaði við þessu, og ég ætla ekki að vera jafn fljót að dæma og áður.  það er margt til í því sem Davíð hefur sagt, en líka margt jafn vitlaust, en þó er það aðallega hrokin í kallinum sem fer í taugarnar á mér. Og ég tel að hann hafi átt að víkja úr bankanum, strax og farið var fram á það, bæði hans vegna of þjóðarinnar, of mikil ólga í kringum hann.  En látum ekki reiði okkar í hans garð blinda okkur algjörlega þannig að við getum ekki greint hvað er rétt og hvað er rangt, hjá honum eða öðrum.

[Tína, 26.2.2009 kl. 16:23]

Halló hjartað mitt..................... I'm back.

En ég ætla að leyfa mér að taka undir með Helgu og Auði. Að öðru leyti ætla ég ekki tjá mig um þessi mál frekar en fyrri daginn. Hef meiri áhuga á að vita hvað á daga þína hefur drifið Tici minn. Hvernig er heilsan? Hvar er gleðin? 

Og þar sem ég tel þig til vina minna, þá má ég til með að segja að ég sakna peppfærslurnar þínar. Þú kemur svo vel fyrir þér orði og kannt lagið á að fá mann til að brosa og sjá fallegu hliðar lífsins. Fáir kunna þá tækni eins vel og þú. 

Annars er ég s.s komin aftur og allt komið í ró hjá mér þannig að ég mun héðan í frá kíkja reglulega á þig.

Knús í helgina þína vinur.

[egvania, 26.2.2009 kl. 23:00]

Æææiii, grey karlinn eigum við að kaupa stólinn sem honum þykir svo vænt um og gefa karldruslunni hann.

 En svona að öllu gamni slepptu þá er það ræflar sem ráðast að heimili hans sama að degi sem nóttu, hann var í vinnunni og svo átti hann heimili og það ber að virða.

 DO hefur alltaf kunnað að koma vel að orði hann er klókur og lætur ekki neinn koma aftan sér hvar sem hann er staddur hverju sinni.

 Komdu svo með eina góða sögu handa okkur fljótlega svona grín og gaman sem þú einn kannt að lyfta skeifunni upp á við.

Kærleiks kveðja og takk fyrir að vera til fyrir mig.

Ásgerður