Til hamingju Guðbjartur með nýtt starf, megir þú verða farsæll. Davíð, uppsker maður eins og maður sáir? Njeee .. bara spyr!

Guðbjartur Hannesson hefur nú verið kjörinn forseti Alþingis með 35 atkvæðum en Sturla Böðvarsson, þingmaður Sjálfstæðisflokksins í Norðvesturkjördæmi, fékk 25 atkvæði. Einn atkvæðaseðill var auður ...

Lýst vel á þetta - vil Sjálfstæðismenn burt úr öllum stöðum og burt frá öllu sem heitir stjórnmál bara. Alger hreinsun - landið þarf að losna við þennan gamla rótgróna flokk sem fyrst og það er vel við hæfi að gera það þá að fullu með því að senda sjálfstæðismenn heim - sama hvar þeir eru í vinnu settir. Helst hefði ég viljað sjá Pólitískar stöðuveitingar Sjálfstæðismanna verða teknar fyrir líka - og þeir sem hafa hlotið störf - minna hæfir en aðrir umsækjendur - verði látnir taka pokann sinn og stöðurnar auglýstar aftur lausar til umsóknar.

**********

Annað mál - fyndið hvernig lífið kemur aftan að manni af og til - líkt og máltækið segir;

Þú uppskerð líkt og þú sáir!

(Hér fyrir neðan er Davíð að uppskera eins og hann hefur sáð - Tekið af Visir.is.)

Afsagnir voru forsenda trausts

Davíð Oddsson

„Ekki er deilt um það í þinginu að þessar afsagnir voru eins og mál voru komin algerlega nauðsynleg forsenda þess að skapa mætti traust og frið um bankann á nýjan leik."

Þetta sagði Davíð Oddsson, þá forsætisráðherra, í umræðum á Alþingi 15. september 1998 um málefni Landsbanka Íslands.
Skömmu áður höfðu allir þrír bankastjórar bankans, Björgvin Vilmundarson, Halldór Guðbjarnason og Sverrir Hermannsson, sagt af sér embættum. Afsagnirnar komu í kjölfar umræðu í samfélaginu um háan risnukostnað bankans, einkum og sér í lagi vegna tíðra og kostnaðarsamra laxveiðiferða. Jóhanna Sigurðardóttir, sem þá var stjórnarandstæðingur í þingflokki jafnaðarmanna, hafði ítrekað spurst fyrir um málið í þinginu.

Að lokum fór svo að þrýst var á bankastjórana að segja af sér.
„Þinginu og þjóðinni er núna mikilvægast að friður og traust fái að ríkja um Landsbankann á ný, jafnt inn á við sem út á við," sagði Davíð. „Landsbankinn er ein mikilvægasta fjármálastofnun landsins og orðspor okkar út á við og inn á við krefst þess að skapað sé traust og friður um bankann," bætti hann við.

Í samræmi við ráðningarsamninga bankastjóranna nutu þeir réttar til launa í átta mánuði eftir starfslok.
- bþs

Þessi grein var tekin af vísir.is ...

Guðbjartur kjörinn þingforseti

Athugasemdir

[Tiger, 4.2.2009 kl. 14:54]

Ég er sammála þér Búkolla, maður hefur miklar áhyggjur af fjöldanum af fólki í kringum mann sem er á síðasta stráinu eða sem jafnvel er sokkið nú þegar. Um að gera að rifja upp svona gullkorn og um að gera að gleyma ekki þeim sem sigldu okkur inn í núverandi ástand - þegar við kjósum næst.

[Predikarinn - Cacoethes scribendi , 4.2.2009 kl. 15:19]

Sælir.

Þarna er ólíku saman að jafna. Menn voru að finna að óhæfilega háan risnukostnað Landsbankans sem og tíðar laxveiðiferðir.

Seðlabankastjórarnir þrír hafa ekkert til þess unnið að vera reknir. Þeir hafa staðið sig í starfi eins og lög krefjast og stjórn bankans.

[Bjorn Jonsson (IP-tala skráð) 4.2.2009 kl. 15:32]

Sæll Tiger.

Ég er sammála þeim sem segja að hafa hagfræðing sem seðlabankastjóra. En segðu mér hvert eigum við að fara til að fá trúverðugan fagmann í starfið? í bankana kannski, er ekki fullt af þeim þar? Sagði ekki einn reindasti hagfræðingur okkar að hagfræðikennslan hefði verið arfavitlaus síðustu áratugina hjá okkur? Annars notaði SF aðferð sem sagt er að notuð hafi verið áður ,, Ef þú vinnur andstæðinginn ekki á orustuvellinum, gangtu þá til liðs við hann og sigraðu hann innan frá "  Hreingerningar var þörf hjá hinu opinbera það er satt. Bessastaðir næst ???????

[Tiger, 4.2.2009 kl. 15:39]

Predikarinn; Já, það er spurning - en ennþá eru ekki öll kurl komin fram um hvort og hvaða aðild Davíð og co eiga að því ástandi sem nú ríkir. Næsta víst er að það ríkir virkilega mikið vantraust og óróleikinn er gífurlegur í kringum þessa toppa seðlabankans og því er nauðsynlegt að vísa beint í orð Davíðs;

„Ekki er deilt um það í þinginu að þessar afsagnir voru eins og mál voru komin algerlega nauðsynleg forsenda þess að skapa mætti traust og frið um bankann á nýjan leik."

Mætti bara breyta orðinu "Þinginu" í "þjóðfélaginu" núna ... og yfirfæra þessi orð yfir þær aðgerðir sem eru nú í farvatninu gagnvart Seðlabankanum. Þjóðin hefur misst alla trú á Seðlabankanum og því er nauðsynlegt að hreinsa þar til - svo ró og friður myndist aftur í þjóðfélaginu ...  en kannski er það líka bara þannig að þjóðin hefur aldrei verið sátt við veru Davíðs Oddssonar í sjálfskipuðu embætti Seðlabankastjóra.

[Predikarinn - Cacoethes scribendi , 4.2.2009 kl. 15:47]

Ekki gleyma því að menn voru sekir um bruðl óráðsíu og lúxuslaxveiðiferðir í lange baner. Því er ekki að dreifa hér. Bankastjórarnir hafa ekki gert neitt af sér eins og þeir sem um ræðir í Landsbankanum fyrrum.

Taktu eftir því að hvorki hefur´heilög Jóhanna né heldur aðrir sem kyrja sönginn um brottrekstur Seðlabankastjórnenda, bent á eitt einasta atriði sem þeir hafa gert af sér. Þau bara syngja sönginn án þess að benda á sakir. Af því bara er röksemd þeirra, eða kannski öllu heldur inngróið hatur á Davíð sem meðal annars fjölmiðlar geislaBAUGSfeðga hafa innprentað í fólk í gegn um árin sem hið svokallaða "Baugsmál" var fyrir dómstólum.

[Tiger, 4.2.2009 kl. 15:50]

Sæll Björn Jónsson; Ég myndi vel geta hugsað mér að leitað yrði til erlendra sérfræðinga til að koma hingað til að taka að sér að aðstoða og kenna okkur að takast á við það gífurlega stóra verkefni sem fólgin er í að stýra Seðlabankanum svo glæsibragurinn ljómi af. Ef sátt fengist um einhvern þrumuvel menntaðan og hæfan hagfræðing til stjórnar seðlabankanum - myndi ég sáttur vilja taka þátt í að borga fyrir sérfræðing erlendis frá til að kenna okkar hagfræðing að aðlagast og gera hann að enn hæfari stjórnanda þessarar stofnunar.

Lélegur og óreyndur lögfræðingur hefði aldrei átt að komast að sem Seðlabankastjóri! En svona hafa stöðuveitingar ætíð verið í kringum Sjálfstæðisflokkinn - minna eða óhæfir menn komist í störf - en hæfari og mun hæfari menn þurft að sitja hjá.

Ég er hins vegar þokkalega ánægður með forsetaembættið og karlinn í brúnni þar - finnst það reyndar frábært að hann skuli stanslaust vera að brjóta hefðir og reglur og finnst hann vera búinn að gera embættið mun meira lifandi og mun meira spennandi heldur en það hefur verið hingað til. Það er alltaf spennandi að skoða og fylgjast með því núna - hvað skildi karlinn gera næst af sér - þannig séð. 

[Tiger, 4.2.2009 kl. 15:55]

Predikarinn; Ég held reyndar að helstu rökin fyrir þessari hreinsun núna sé "vilji þjóðarinnar" - en málið er að núverandi stjórn er að hlusta og framkvæma það sem mjög skilmerkilega er að koma fram á Íslandi í dag - að hreinsun fari fram í Seðlabankanum svo sátt og ró komist aftur á í þjóðfélaginu. Ég held að svokallað hatur gagnvart Davíð sé alltof yfirdrifið af fjölmiðlum og Sjálfstæðisflokknum - þetta hatursáróðursorðatiltæki er þeirra leið til að reyna að koma af stað meðaumkunarbylgju gagnvart hinum óvelkomna Davíð Oddssyni - það vill enginn hafa hann þarna, í það minnsta ekki þjóðin að því er virðist miðað við róstur undanfarinna vikna.

[Predikarinn - Cacoethes scribendi , 4.2.2009 kl. 15:58]

Geir Haarde fékk erlenda sérfræðinga til liðs við íslenska sérfræðinga til að taka út starfsemi Seðlabankans og Fjármálaeftirlitssins í haust. Skýrsla þeirra á að vera tilbúin um þessar mundir, sem og frumvarpsdrög sem vinna átti upp úr ráðleggingum sem kæmu út úr þessari úttekt. Kannski er heilög Jóhanna af þessum sökum að verða tilbúin með frumvarp um Seðlabankann vegna fyrirhyggju Geirs ?

Komið hefur fram að Geir bauð Ingibjörgu að frumvarp um breytingar á Seðlabankanum yrði flutt í febrúar og tækju breytingar gildi í mars með breyttri bankastjórn Seðlabankans og Davíð út. Þetta bauð hann í byrjun desember en Ingibjörg bað um frest.

[Tiger, 4.2.2009 kl. 16:17]

Spurning um hvort Geir hafi þurft tíma þar til í Mars - til að finna feitan og velborgaðan stól einhvers staðar annarsstaðar -  handa vini sínum Davíð - áður en bankastjórastóllinn yrði tekinn undan rassinum á DO. Vonandi fáum við að vita smáatriði skýrslunnar þegar þar að kemur og maður verður bara að vona að Davíð og félagar hafi ekki brotið of mikið af sér en hver veit - kannski voru þeir ekki að gera neitt alvarlegt af sér - annað en að vera þar sem þjóðin ekki vill að þeir séu.

Það eitt og sér er nóg til að þeir víki úr bankanum - eða það finnst þjóðinni allavega. Vonum bara að þeir félagar í Seðlabankanum séu ekki búnir að vera síðan í haust að taka til, tæta gögn og fela færslur ... úff, það er hrollvekjandi að hugsa um hve mikinn tíma þeir hafa haft þarna án þess að nokkur hafi haft á þeim auga.

[Predikarinn - Cacoethes scribendi , 4.2.2009 kl. 16:26]

Nei það var ekkert slíkt. Þetta var bara tíminn sem sérfræðingarnir reiknuðu með að tæki að klára fyrir ráðuneytið skýrsluna.

[Tiger, 4.2.2009 kl. 17:19]

Predrikari; Já, en kannski ekki skrýtið þó maður gæti trúað hverju sem er uppá þá sem í blindni hafa ætíð fylgt Davíð og meira segja sett vilja þjóðar sinnar aftur fyrir sig frekar en að snerta á gullkálfinum.  En vonandi verður skýrslan ekki kolsvört allavega ..

[Tiger, 4.2.2009 kl. 17:19]

 Helga Valdimarsdóttir - right back to you sweety.

[María Guðmundsdóttir, 4.2.2009 kl. 18:40]

má ég spyrja, af hverju "predikarinn" kallar Jóhønnu oft "heilaga Jóhønnu"? bara forvitni..

En hatur á Davíd er nú mikid til ýkt held ég, thjódin vill hann burt úr embætti en held ekki ad thar liggi hatur ad baki. Finnst thetta vera nákvæmlega thad sama og Davíd nefnir tharna um árid, thetta er eina leidin til ad skapa frid og byggja upp traust fólksins á Sedlabankanum,svo einfalt er thad. Hausar thurfa ad fjúka og einhversstadar tharf ad byrja.

Knús og kram til thin Tiger,hafdu thad gott

[Tiger, 4.2.2009 kl. 18:51]

Satt og rétt skrifað hjá þér María, það er ekkert sérstakt hatur á bakvið það að vilja manninn ekki í bankastjórninni - hann veldur bara óróa og úlflúð svo til að skapa frið þarf hann bara að taka pokann sinn. Undarlegt að hann skuli ekki átta sig á því sjálfur og að hann skuli ekki reyna sitt til að friður megi ríkja hjá þjóðinni, þjóð sem kærir sig ekki um að hafa hann á þeim konungsstalli sem hann hefur sjálfur byggt sér upp ...

[Jónína Dúadóttir, 4.2.2009 kl. 20:25]

Hér sé stuðÉg hata ekki Davíð, þekki manninn ekkert svo það væri nú varla rökrétt... Tek bara undir með honum og mundi gjarnan vilja fá að vita hvort hann sé ekki ennþá sömu skoðunar... með traustið og friðinn

[Tiger, 4.2.2009 kl. 20:26]

Já Búkolla - meira segja sýna kannanir að 75% Sjálfstæðismanna vilja Davíð t.d. hvergi nálægt pólitík aftur. Það sýnir bara að með yngra fólki - ferskara og opnara andrúmslofti - vilja þeir ekki heldur hafa þessa gömlu hunda nálægt sér eða þannig ...

Það var aulahrollur sem fór um mann þegar maður fylgdist með þessu svokallaða fullorðna fólki á þingi í dag - rétt eins og núna þegar Þorgerður Katrín hamast eins og hamreytt hæna á ræðupalli þar sem hún er á fullu í kosningaham. Ég hef ekki trú á að hún eigi eftir að verða næsti formaður flokksins ...

[Tiger, 4.2.2009 kl. 20:28]

Hahaha .. segi það Jónína mín, ég tek undir með Davíð sjálfum þegar hann segir að ákveðin hreinsun þurfi að fara fram til að skapa trú og ró um stórar stofnanir hér á landi ...

Nei, ekki hata ég karlinn heldur - en ég vil hann samt burt - rétt eins og þorri þjóðarinnar að ég tel.

[Predikarinn - Cacoethes scribendi , 4.2.2009 kl. 22:42]

Ef menn vilja finna út hver ber ábyrgð á regluverkinu þá er það Samfylkingin, með J'on Baldvin Hannibalsson sem ber ábyrgð á því. Regluverkið sem bankarnir starfa eftir kom með EES samningnum sem JBH barðist fyrir að koma hér á. Það hefur ekkert með 'Davíð að gera.  Rekið JBH úr eftirlaunafríinu sínu ef þið viljið action og láta þann sem ber ábyrgðina axla hana á regluverkinu.

[Tiger, 4.2.2009 kl. 23:07]

 Já Predikarinn, spurning um hvort það séu ekki mjög margir gamlir pólitíkusar sem eru einmitt núna í ljúfu eftirlaunafríi - sem bera ábyrgð á ýmsu mjög miður í gamalli pólitík en þurfa aldrei að feisa það ... ætli ljótar gjörðir gamalla pólitíkusa fyrnist á einhverjum árum eða ætli það sé hægt að sækja þá til saka og ábyrgðar? Hahaha ... spurning sko!

[Rósa Aðalsteinsdóttir, 5.2.2009 kl. 00:50]

Sæll og blessaður Tiger krútt strákurinn okkar kerlingana á blogginu.

Hitti Tiger högna í dag sem er 8 eða 9 ára. Hann var mjög kvensamur og vildi strjúka sér upp við mig villt og galið.

Þetta er alveg rétt hjá þér að nú er Davíð Oddson að uppskera sáninguna sína. Þessi maður hefur ekki kunnað mannasiði og komið mjög illa fram við bæði samstarfsmenn og einnig mótherja í pólitík. Það var nú hann sem setti allt þetta frjálsræði af stað á sínum tíma. Ríkisfyrirtæki eins og Landsbankinn voru má segja gefin. Minnir að það hafi verið Áburðarverksmiðjan þar sem menn gátu greitt arð strax eftir kaup því það var til svo mikill lager sem virtist ekkert hafa skipt máli af hálfu seljandans - ríkisins. Svo þegar Dabbi sá hvernig menn eins og Jón Ásgeir gátu grætt og leikið sér að kerfinu þá varð hann brjálaður í staðinn fyrir að semja lög um þak. Man eftir fjölmiðlafrumvarpinu sem ég var sammála um. Man eftir hrokanum og látunum í Davíð. Það átti að pressa frumvarpið í gegnum alþingi á mettíma og þess vegna fór þetta allt í vaskinn. Daddi nefnilega uppskar eins og hann sáði til. Hefði hann borið fram frumvarpið og sýnt andstæðingunum sínum kurteis, gefið þeim tíma að ræða málin þá hefði þetta frumvarp farið í gegn. En hrokinn varð honum þarna að falli.

Vertu Guði falinn

Kær kveðja/Rósa