Hver á að stíga af stallinum og setjast í helgan stein? Hér eru nokkrar hugmyndir um þá sem eru barn síns tíma!

Það er sannarlega gott og blessað þegar menn eða konur átta sig á því hvenær nóg sé komið, nú sé tími fyrir helgan stein. Dágóður þorri núverandi alþingis- og stjórnmálamanna ættu að taka Bjarna Tryggvason sér til fyrirmyndar og hendast inn í framtíðina - í helgum stein.  Persónulega væri ég til í að sjá nokkra valinkunna aðila í þjóðfélaginu leggja leið sína í þennan helga stein.

Davíð Oddson; Löngu kominn tími til að maðurinn átti sig á því að hann á ekki land og þjóð, ekki heldur bankakerfið. Tími hans er löngu liðinn og því væri það öllum til góðs ef hann skoðaði helga steininn. Pot hans í allar áttir og valdagræðgi gerir meira ógagn en gagn...

Borgarstjóri ásamt fylgifiskum; Hefðu aldrei átt að komast til valda, hafa gert meiri usla en nokkuð annað. Hversu háar fjárhæðir ætli valdagræðgi þeirra hafi kostað borgina og borgarbúa? Ef maður skoðaði málið frá A-Ö .. allt það fólk sem er í vinnu við að breyta merkingum á hurðum valdabröltaranna - til allra þeirra "verkefna" sem borgarstjórnin er að ausa hinum og þessum fjárhæðum í - á atkvæðaveiðum fyrir stólaskiptin - þegar Villi REI mun aftur máta stólinn, vonandi það að við séum búin að gleyma öllum þeim hamagangi sem hann og fólk hans olli okkur. Tími fyrir þetta lið að setjast í helgan stein, eða allavega stíga til hliðar og halda sig þar.

Dómarar skipaðir af Sjálfstæðisflokknum; Lélegar dómsniðurstöður í alvarlegum málum, sem og allt of vægir dómar fyrir t.d. kynferðisbrot - einkenna þessa sjálfstæðisstétt. En, einu sinni sjálfstæðismaður - alltaf feitir stólar með súperglú á setunni. Tími til kominn að þessir dómarar stígi af pallinum og setjist í helgan stein, eða í það minnsta tími kominn að sjálfstæðisflokkurinn hætti að skipa minna hæft fólk í sínum röðum í feit embætti þegar mun hæfari einstaklingar standa til boða.

Nágrannakonan mín; Löngu orðið tímabært að hún hætti að margelta mig á náttkjólnum um nætur með loforðum um nýbakaða kanelsnúða og ilmolíunuddmeðferð, enda er hún mun eldri en ég og að auki er hún með karluglu þarna inni hjá sér. Tími til kominn að hún annaðhvort setjist í helgan stein eða standi við stóru orðin.

Bankastjórar og forstjórar; Nú er lag fyrir þessa stóru karla að taka þátt í því að hemja verðbólguna, stíga til hliðar - yfir í helga steininn - eða sætta sig við EINA MILLJÓN á mánuði - á meðan verkamaðurinn neyðist til að gera allt það sem þarf til að lifa mannsæmandi lífi fyrir 100 til 200 þúsund á mánuði. Tímabært að þessir stóru karlar hætti að væla um lítil laun sín og láti sér nægja hærri laun á dag en mánaðarlaun verkamanns.

Starfslokasamningar, dagpeningar og bitlar; Alger tímaskekkja. Maður með fjöldan allan af milljónum á dag ætti ekki að þurfa á því að halda að rífa af skattgreiðendum fé til að nota á ferðalögum sínum "í nafni hins opinbera". Maður með milljónir í laun á mánuði á ekki að þurfa að vera með puttana í skattfé almennings og slíkur maður á allra síst að þurfa á "starfslokasamningi" að halda - samningi sem setur í vasa hans tugi milljóna sem betur væri varið í góð málefni um víðan völl - t.d. til að stofna velferðakerfi sem ofurskutlan gæti haft umsjón með. Löngu tímabært að setja slíka samninga, sem og dagpeninga - í helgan stein!

Móttaka fleiri flóttamanna; Það er sannarlega gott og blessað að taka á móti flóttamönnum, jafnvel eyða í þá þessum 160 milljónum sem nú eru allt í einu til hjá ríkisstjórninni. Því ekki að setja svona upphæð í velferð þeirra sem liggja á götunni hérna heima? Því ekki að byggja upp velferð okkar hér á landi? Löngu kominn tími á að staldra við í málefnum erlends fólks til landsins, tími til að endurskoða þróun undanfarin ár. Mál til komið að taka til, hreinsa aðeins og koma lagi á núverandi ástand - senda þá sem hafa brotið lög okkar aftur heim til sín og átta sig á því hvernig má taka á móti fleirum án þeirra vandamála sem hafa komið upp síðustu mánuði og ár. Yndislegt að taka á móti flóttafólki, og setja 160 milljónir í það að búa þeim velferð í ár í nýju landi - en hlúum að okkar fólki fyrst - tökum svo til í núverandi vanda varðandi lögbrjóta - og bjóðum svo nýja landa velkomna.

Bloggarar með nafni; Löngu tímabært að bloggarar sem koma fram undir nafni hætti að vaða um allan bloggheim. Það hefur alla tíð verið mjög augljóst að nafnlausir eru þeir sem halda uppi blogginu með gríni og glens, beinu orðalagi og ófeimni við að segja skoðun sína - án ábyrgðar. Sannarlega tími á það að nafngreindir bloggarar átti sig á því að bloggið er ekkert án nafnlausra bloggara, enda eru nafnlausir þeir einu sem þora að segja skoðun sína án þess að draga neitt undan. Nafnþekktir bloggarar reyna hvað þeir geta til að blogga milliveginn til að tapa ekki lesningu og hætta ekki á að fá á sig skítkast með því að vera reiðir þar sem við á, illir og orðljótir þar sem þess er þörf og hrauna yfir þá sem þeim ekki hugnast - eins og þeir nafnlausu þora svo sannarlega, enda nafnlausir og ábyrgðarlausir - en samt hugrakkur skríll.

Ok, nú gæti ég haldið endalaust áfram að mótmæla - enda er kominn upp í mér 1. Maífílingur. Kannski ég skreppi út í göngutúr, ætla að æða um kringluna í mótmælahamagangi og mótmæla hinu og  þessu. Hlakka endalaust mikið til að fá tölvuna mína aftur, enda þarf ég að vera svo fljótur að pikka og ýta á "vista og birta" svo það frjósi ekki allt hérna og hverfi. Er orðinn hundleiður og mótmæli tölvuvírusum og göllum í hlutum sem maður er að kaupa dýrum dómi. En, áður en ég hverf af braut, segi ég bara gleðilegan 1. Maí og munið að finna ykkur eitthvað skemmtilegt til að mótmæla í dag. Út og yfir héðan af 1830 vélinni og stórt broskallalaust faðmlag til ykkar kæru bloggvinir og blogglesendur.

Bjarni sest í helgan stein

Athugasemdir

[Jóna Kolbrún Garðarsdóttir, 1.5.2008 kl. 16:04]

Þetta kalla ég pólitíska rétthugsun  Til hamingju með daginn

[Jónína Dúadóttir, 1.5.2008 kl. 17:04]

Já og heyriði það !!!!!

[Helga Guðrún Eiríksdóttir, 1.5.2008 kl. 17:45]

Þetta var fyrir að hóta því að hætta að blogga! We need you!!!

[Linda Linnet Hilmarsdóttir, 1.5.2008 kl. 19:51]

[Huld S. Ringsted, 1.5.2008 kl. 20:42]

Sammála, sammála, sammála en Tící á ég þá að leggjast undir dulnefni??

Svo langar mig að skamma þig fyrir að láta mig næstum fá hjártaáfall í morgun þegar ég las færsluna um að þú ætlaðir að hætta að blogga, svona gerir maður ekki við gamlar konur!!!

[Jóhanna Magnúsar- og Völudóttir , 1.5.2008 kl. 22:18]

Neita að vera nafnlaus - en vissulega langar mig stundum að segja eitthvað örlítið ruddalegt sem ég get ekki undir mínu eigins...

[Steingrímur Helgason, 2.5.2008 kl. 00:45]

Þú þekkir mig það vel að vita að ég tek þetta ekkert til mín, skömmin þín, enda blogga ég undir dulnefni í laumi.

Hættu þessum nafnlausu mótmælum & komdu nakinn fram, með rjóma, bláberjasultu & 70% súkkulaði.

Tölvulistinn, iss....

[Helga Guðrún Eiríksdóttir, 2.5.2008 kl. 01:19]

Og þá hló marbendill... svo undir tók í húsinu!

          

[Tiger, 2.5.2008 kl. 01:21]

HAHAHAHA ... Steini stuðbolti. Ég myndi ekki koma nakinn fram með sultu og rjóma - og súkkulaði - nema bara fyrir þig essgan mín! *stórtbros*...

þakka ykkur öllum elskurnar fyrir innlit og kvitterí. Knús á ykkur öll, nema Steina...

[Helga Guðrún Eiríksdóttir, 2.5.2008 kl. 01:54]

Spankzpank ðaddna Tígurkoppur hehe

[Tiger, 2.5.2008 kl. 02:02]

Hahaha ... Helga mín - you just made my night! I needed this spanking time ... knús á þig elskulegust.