Verður manni að ósk sinni - biðji maður nógu heitt um það sem maður óskar sér - eða er það bláa höndin sem hér hefur farið á handahlaupunum?

Loksins, það var tími kominn á smá þæfing! Nú er bara að vona að þetta haldist eitthvað fram á vorið ...

 

Já, samanber síðustu eða þarsíðustu færslunni minni - eru nú loks væntingar, vonir og óskir að standa sig og uppfyllast... þó fyrr hefði verið.

Yahhhhú..

Var búinn að bíða og óska eftir þessu og því er greinilegt að einhver stór þarna uppi hafi verið að hlusta - nú eða einhver úr bláu höndinni hér í neðra hefur haft gúmmívettling með í bagga...

Eða .. hvernig hefði Bibba á Brávallagötunni orðað þetta?

Næsta víst er að það gerist ekkert nema maður leggji sjálfan sig í vogarskálina.

Over and out .. farinn að sofa! Good night .. zzzz

Hellisheiði, Sandskeið og Þrengsli lokuð

Enn loka ég á athugasemdirnar - er einhver að hrella mig? Kannski, kannski er ég bara að hrella ykkur - eða kannski er einhver að stalka mig. Ég las um morðhótun eða álíka, á blogginu ... *ulla*.

Já, þessir gömlu góðu eru til ýmissa góðra verka nýtir - líkt og á meðfylgjandi mynd! Hver hefði getað ímyndað sér að þessi fáránlegu farartæki myndu nýtast eins og þau eru að gera í dag.

Hér fyrir örfáum árum fóru þessi farartæki ekki útaf túninu við sveitabæinn - jú í hæsta lagi á milli bæja en annars voru þeir ekki hreyfðir nema í heyskap og ýmsa vinnu við bæjardyrnar.

Nú eru þessi kvikindi um allar tryssur, notaðir allt frá því að brjótast inn - niður í ferðalög um landið sem og bara til að fara á rúntinn á - á laugardagskvöldi. Tala nú ekki um það þegar brúðhjónin skrölta frá kirkjunni í slíku farartæki. Nei, þá held ég að ég haldi mig við minn eðalsteisjon sem tekur fimm í sæti - hunda og ketti sem og puttaferðalanga aftur í skottið.. over and out of this færsla.

P.s.. það fer að draga til tíðinda - en það er ástæða fyrir því að ég loka á athugasemdir á færslurnar núna - sjáið þá ástæðu á morgun þegar ég opna aftur fyrir athugasemdir og hleypi öllu inn.. Kveðja og knús á línuna.

Ferðast um landið á traktor

Úr 90 niður í 70 = meiri framúrakstur og meiri vandamál for sure! Þvagleggur skipstjóri leggur til að gera spottann á milli Selfoss og Hveragerði - að gönguleið til að afstýra slysum! Döhhhh...

Uss, ekki lýst mér á það ef hlandmergurinn ætlar að fara að breyta hámarkshraða í sínu umdæmi. Næsta víst er að ef hann setur hámarkshraða niður í 70km þá mun framúrakstur aukast að sama skapi því það mun enginn keyra á þeim hraða á þjóðveginum...

Nær væri að stjórnvöld skakklöppuðust til að opna fjárans budduna til að laga svona vegkafla, setja upp tvöföldun á þessari líka mikið keyrðu leið. Óendanlega mikil heimska að fara að lækka hámarkshraðann. Endar örugglega með því að þvagleggurinn gerir þessa leið að "gönguleið" - hvaða vitleysa gengur uppúr karlinum næst?

Lækka þarf hámarkshraðann

Var ég að hjóla nakinn um heiðmörkina með drellann dinglandi niður - eða var ég bara furðuhlutur out of this world? Mun slá allt out í næstu ferð 4 sure!

Þvílíkur dónaskapur í Íslendingum sko! Eða hvað - var þetta kannski bara allt mín sök, var ég kannski bara að ofbjóða fólki? Æi, ég veit ekki en næsta víst er að ég mun sko ... gera þetta aftur og aftur - bara fyrir athyglina og þá hneykslun sem við mér blasti frá öllum sem til sáu!

Ég er að segja ykkur það - ég hjólaði heiðmörkina fram og til baka og endaði á því að hjóla út úr heiðmörkinni við Vífilstaðaspítala. Þaðan kom ég inn í umferðina á Reykjanesbraut sem liggur frá Breiðholti að Hafnarfirði.

Ok, ég var bara á reiðhjóli - aðeins að reyna að stinna kúlurassinn minn og lærin - en ég reyndist vera ber að ofan og í frekar stuttum stuttbuxum(buxum sem bera nafn með réttu)! Í heiðmörkinni keyrðu margir bílar framúr mér eða komu á móti mér - og í sannleika sagt þá snéri fólk sér við í bílunum líkt og það hafi verið að sjá Geimveru!

 

 Ég meina, ég stoppaði til að athuga hvort sprellinn væri kominn út fyrir stuttbuxurnar eða hvort rassinn sæist!

 Sprellinn var inni - svo ég tókann - lagðann meðfram lærinu og niður með hnénu - og hélt áfram að hjóla! Neineinei ... auðvitað ekki. *Glott*.

Ok, reyndar sá ég að margar konurnar reyndu að horfa ekki - en svei mér þá ef ég hafi bara ekki hneykslað fólk með því að hjóla svona hálfnakinn í umferðinni. Ég sem hélt að við Íslendingar væru svo kúlaðir á því og kipptum okkur ekkert upp við það þó einhver væri að striplast aðeins, en nei .. þó svo að margir hafi reynt að láta eins og þeir séu kúl á því þá stóð það uppúr að vel flestir misstu sig við að góna eins og naut á belju - eða eins og belja á naut sko - og segi ykkur það að karlarnir voru ekkert skárri en konurnar.

   

Ok, ég veit að ég er dálítill foli í mér - en þegar fólk getur ekki hamið sig betur en þetta þá togast á í manni margar hugsanir og tilfinningar.

Ég ákvað að sýna kúlið útávið en inni barðist hálfgerð gremja og smá ergelsi yfir því að ég væri að fá meira en það sem ég vildi í athyglinni. Ég var bara að hjóla til að styrkja líkamann en ekki til að verða sýningagripur fyrir hneykslaðan landann. Ég meina - hitinn var á bilinu 23-27 gráður - átti ég bara að vera fullklæddur og pollsveittur?

Næst þegar ég fer út að hjóla mun ég vera kappklæddur frá tám til skalla - burt séð frá því hver hitinn verður, nú eða bara vera nakinn  og gefa þá fólki bara eitthvað öruggt til að smjatta á - hahaha! Jamm, nei - held ekki.

 Ljúfar kveðjur í loftið - er í skrifuðum orðum farinn bloggrúntinn!

„Það eru til geimverur"

Hver plantan á fætur annarri hverfur af landinu - and into my garden! Ætli Landspabbi yrði reiður ef ég reytti garðinn hans?

Allt er í lukkunnar standi um þessar mundir. Hef verið á ferðinni síðan í gær og ekkert verið í tölvusambandi, verð á ferðinni fram á annaðkvöld eða mánudag. Verð því ekki í miklu bandi við ykkur þar til - en get örugglega kíkt einhversstaðar inn eins og núna - til að segja hæ og bæ.

Fór á Reykjanesið á Fimmtudagssíðdegi - fékk nokkrar góðar fjölærar plöntur þar - og svo í gær var skundað að Vigdísarvöllum. Á þeirri leið var bíllinn fylltur af arfa líka. Það var brunað heim með afraksturinn og sett niður - síðan aftur af stað og nú er maður kominn langt austur fyrir fjall.

Verð núna um kaffileytið sennilega við Úlfljótsvatn, en þar eru litla systir og litli bróðir að veiða og skemmta sér í brjálaðri sól og sælu.

Ætlunin er að fara örstutt inn á hestamannamótið og fá sér nýsteikta hamborgara og ... kók eða appelsín. Minns nennir ekki að sulla í öðrum drykkjaföngum.

Verst er að hafa ekki tölvusamband - en ég get þó alltaf kíkt svona inn til að láta vita af mér, engar myndir þó en ég set örugglega eitthvað eins og venjulega þegar heim er aftur komið.

Nú er veðrið til að njóta útiveru, helgin björt framundan með hita og ljúflegri stillu víðast hvar. Vona að þið hafið tíma til að kíkja aðeins út í góða veðrið líka, passa sig bara á því að brenna ekki þar sem sólin heitust skín.

Heyri í ykkur seinna ljúflingar - over and út - into the sólskyn!