Eins gott fyrir Írland að þakkagjörðahátíð er ekki á sama tíma.

Eru það jú ekki Írar sem eru að senda Kalkúna í keppnina í Serbíu? Ljótt hefði verið - miðað við ástandið í landinu - ef þakkagjörðahátíðin hefði verið á sama tíma þarna, þá hefði keppandi Íra lent á veisluborðinu með stuff troðið upp í ... you know where.

  Skelfilegt er þessi söngvakeppni á eftir að verða sú blóðugusta í sögu keppninnar. Það er að segja ef öfgasamtök fara af stað þarna úti til að vekja athygli á málstað sínum - með því að stúta svona eins og nokkrum þjóðlegum söngvurum. Stórkostlegt tækifæri fyrir þá einmitt núna til að fá fólk til að taka eftir sér - með allar þessar þjóðir á sama punkti og milljónir manna að horfa á...

   Vonandi þurfum við ekki að lifa það að fá ástkæra skörunga heim í kistu bara vegna ókyrrðar og stríðsástands í keppnislöndum framtíðar...

   Dear blogg amigos...

Samkynhneigðir varaðir við því að fara til Serbíu

Leiðir pönnukökuát til kynlífs - er ég stelpa eða strákur?

  Ok, ég veit að ég er hálf linur, mjúkur og allur pakkinn - en stelpa er ég ekki! Ég er búinn að láta öllum illum látum útum allt bloggið - hreinlega blogga inni í bloggum vina minna og held að flestir hérna á blog.is kannist nú aðeins við lætin í mér... en ég var talinn stelpa af einum bloggvini mínum. En ég elska þessa kerlu samt!

  Síðast þegar ég gáði (núna rétt í þessu) var ég strákur sko - gæti meira segja sent inn myndir (og verið lögsóttur fyrir dónaskap) til sönnunar á því að það er kadddl hérna megin.

  Ok, ég er sko mjúkur og rómantískur skratti - en við karlarnir getum alveg verið lindýr án þess að missa dindilinn.

  Vitið þið hvað. Ég bakaði pönnukökur áðan - sem er svo sem ekkert í frásögur færandi - nema - ég át þær allar sjálfur. Reyndar voru þær ekki nema tuttugu - og með sykri, það flaug einn líter af mjólk með í bolluna mína. Ég er orðinn svo sykraður og sætur - svona semisædur allavega.

  Ætli maður þurfi ekki að fara út að hlaupa bara til að brenna einhverju af þessum sykurbombum - eða - að fara að stunda meira kynlíf - sagt að það brenni svo miklu, kannski ég þurfi heila orgíu til að ná þessum pönnukökum af mér.. en ég tala nú ekki um slíkt hérna - vil ekki að einhver fari að lögsækja mig fyrir eitthvað annað brölt en ofbloggun í athugasemdum bloggvina minna...

   Kæru bloggvinir... Hvað haldið þið? Er ég stelpa eða strákur?

Kynferðisleg stjörnuspá hvað... verður sumarið heitt, blautt eða bara horny!

Ef þú ert viðkvæm/ur - þá skaltu hætta að lesa núna. En ef þú ert áræðin/n og léttgeggjuð/aður skaltu endilega lesa meira. Nú er um að gera að vera ekki viðkvæmur og lesa bara hvað næsta sumar gæti fært þínu stjörnumerki. Athugið þó að hér er bara verið að slá á létta strengi og hafa gaman af því hve stjörnumerkin geta verið uppþemd og stundum kjánaleg, en hafa alltaf eitthvert skemmtanagildi. Góða skemmtun við að finna þitt merki - en muna að ég er hér bara með bull og vitleysu sem ætti ekki að taka sér til fyrirmyndar - eða hvað? 

 Vatnsberinn: (20 janúar – 18 febrúar.).
Sé vatnsberinn einhleypur mun fjörið vera allsráðandi þetta sumarið hjá honum. Kímnigáfa hans mun vera í hámarki undir lok sumars en fallegt útlit hans mun heilla hitt kynið allt sumarið. Strákar fæddir undir merki vatnsberans eru hinir týpísku “haltumérslepptumér” strákar og mun sumarið einkennast af því og leit þeirra af nýjum og nýjum maka til að leika sér með, án skuldbindinga. Stúlkurnar í merkinu eru líka leitandi en á allt öðrum forsendum, þær eru heillandi og munu láta hitt kynið vera með lafandi tungu á eftir sér í allt sumar – þær munu þó ekki hoppa með hverjum sem er heldur reyna að finna heppilegan maka sem gefur vel og er vel vaxinn niður. Júnímánuður kemur til með að verða hálftómlegur kynferðislega en fullur af tilhugalífi samt. Vatnsberinn mun hins vegar vera á rómantískustu nótum í júlí og ágúst – ásamt því að fá slatta af fullnægingum og munu stúlkurnar jafnvel fá hverja raðfullnæginguna á fætur annarri í enda ágúst byrjun september ... Mikil sæla mun fylgja vatnsberanum í gegnum sumarið sem verður tilfinningarlega og kynferðislega mjög heitt – mikil bleyta mun einkenna konur í vatnsberanum – en strokk og struggle mun elta stráka í merkinu – fyrir þá sem ekki ráða við lostafullt sumar fá fullnægju um verslunnarmannahelgina sem mun hafa 9 mánaða langa óvissu í för með sér og 20 ára erfiðisvinnu þar á eftir.
=============================================== =================

  Fiskarnir: (19 febrúar – 20 mars.).
Ef fiskurinn er einhleypur mun sumarið skila honum mikilli og ánægjulegri kynferðislegri fullnægju. Uppáferðir og uppákomur með tilheyrandi brölti og látum mun einkenna seinni hluta sumarsins. Ef fiskurinn á hins vegar nú þegar maka mun fiskurinn synda móti straumi í taumlausri þrá eftir því að finna nýja glufu til að parkera í. Fiskurinn er þó hjartahlýr og þar sem hann má ekkert aumt sjá mun maka hans ekki reynast það erfitt að finna uppá nýjum mökunarleiðum til að stoppa útþrá hans. Einhleypur fiskur mun jafnvel fórna eigin fullnægingu til þess að fullnægja öðrum og það gæti leitt til sumars án fullnægju ef fiskurinn passar sig ekki. Einkenni fiska er fórnfýsi og meðaumkun og mun hann reyna á óeigingjarnan hátt að fullnægja kynferðislega hverjum þeim sem á vegi hans verður í sumar – jafnvel þó það kosti hann miklar uppáferðir og mikið kynlíf. Þar sem fiskurinn syndir svona mikið uppí hjá öðrum í óeigingjarnri leit og þrá eftir því að hjálpa öðrum kynferðislega er hann mikill listafiskur á sviði kynlífs og betri elskhuga er vart hægt að finna. Stanslaus bleyta sem er fylgifiskur þeirra sem synda sjóinn verður til þess að sumarið mun einkennast af hálli viðkomu og rennilegum félögum sem veita hverja fullnæginguna á fætur annarri. Fiskurinn finnur út hvað fullnægir þér duglega og það jafnvel áður en þú veist sjálf/ur hvað fær þig til að fáða og áður en þú veist ertu fullnægð/ur. Einhleypir fiskar gætu verið orðnir tvíhleypur í lok sumars en þeir sem þegar eiga maka munu halda áfram að elska skilyrðislaust. Einstaka fiskur mun einnig marghleypa í lok sumars.
====================================== ===============

  Hrúturinn: (21 mars – 19 apríl.).
Einhleypur hrútur mun glóa af hreysti og kynferðislegri nautn í allt sumar. Hrútar af báðum kynjum munu laða að sér hverja kynferðisreynsluna af annarri í júní og júlí en í ágúst munu réttirnar skera úr um það hver situr í hnappheldunni með nýjum maka til undaneldis og hver leiddur verður í sláturhús. Hins vegar munu þeir hrútar sem þegar eiga maka halda áfram að sinna rollunni sinni og ástarljóð hans mun jarmast langt uppá fjöll í gegnum allt sumarið. Metnaðargirni einhleypra hrúta mun skína vel í sumar og munu hrútastelpur og hrútastrákar ná langt í þeirri hamslausu þrá sinni í að stanga sig í gegnum þröngina og fá inngöngu í nýja rollu af og til. Þar sem Venus er sterkt ráðandi afl í lifi hrúta mun ágúst lofa góðu fyrir þá sem láta hornin tala í sumar – þeir sem stanga sig áfram munu ná langt og ekki er líklegt að góðir undaneldishrútar lendi í sláturhúsi með haustinu. Mars mun hafa þau áhrif á hrútinn að keppni hans í von um að sleppa við slátrun mun skapa honum svigrúm til að fara jafnvel framhjá rollunum í eigin flokki og yfir á næsta búgarð þar sem hann gæti sannprófað að rollan er stundum grænni hinu megin við girðinguna/lækinn. Þrátt fyrir að hrúturinn sé óvenju þrjóskur og sérlundaður þegar hann kemur hinu megin við lækinn – er hann svo hrikalega sexy og kynferðislegur að jafnvel hinir hrútarnir í hópnum laðast að honum, það gefur hrútnum aukið forskot og tækifæri sem hann lætur ekki úr hendi sleppa sökum þess að hann er í stanslausri samkeppni um að skara framúr. Sumarlok ættu að vera góð ef hrúturinn passar sig á því að hlaupa ekki af sér hornin um sumarið – kynferðislega ætti hann að velta hverri rollunni á fætur annarri á bakið og skella dindlinum í góð-ær-ið.
=========================================== ==========

  Nautið: (20 apríl – 20 maí.).
Ævintýraþrá þeirra sem eru fæddir naut ætti að verða svalað í sumar. Tilfinningar munu flæða og frjálslyndi nautsins mun sjá til þess að kynferðislegar varnargirðingar munu ekki halda því heima í haga. Beljur sem ekki eru komnar með maga-og skírlífsbelti ættu að hafa varan á sér í sumar því nautinu hættir til að vaða áfram og hugsa ekki hvar hornin lenda fyrr en um seinan. Þeir sem hafa áhuga á einhleypu nauti ættu að vera með opin augu og fylgjast vel með sínum tudda - því vegna greddu nautsins á það til að grípa “gæsina” án þess að fatta að það var “beljan” sem það ætlaði að tantara. Fljótfærni nautsins og ævintýraþrá mun einkenna fyrripart sumarsins og hver beljan á fætur annarri mun enda kálfafull undir lok ágústmánaðar. Þrátt fyrir kynferðislegan æðibunugang nautsins mun það samt staldra við ef það finnur belju sem bítur grasið á kynþokkafullan hátt, tala nú ekki um það ef spenarnir dingla fallega undir beljunni. Nautið er fagurkeri og leggur talsvert uppúr því að skreyta túnið og beljurnar sínar á meðan á ástandinu stendur og þegar nautið hefur hömpað nóg mun það finna sér réttan maka og vera makanum trúr til margra ára/ævilangt. Nautið mun þó ekki halda sig lengi í sama fjósinu ef beljurnar þar baula of mikið, mikil háreisti og læti heilla ekki nautið svo það leitar í önnur fjós ef óvært er í eigin kofa. Samkeppni í riðladrætti mun ekki aftra nautinu frá því að prufa jafnvel hryssur ef beljurnar standa sig ekki og þeir sem hafa augastað á góðu eldisnauti ættu að passa uppá nautalundina því gratt naut sér ekkert nema rauða dulu ef einhver veifar bossanum að því. Nautið mun uppskera eins og það sáir í lok ágúst en síðan mun september einkennast af rólegheitum og þá mun nautið nota tíman til að “jórtra” sumarið og gera upp hvaða belja verður sú heppna og hreppir góðan stall í hans fjósi. Nautið ver sínar beljur með hornum og hala.
=============================================== =====

  Tvíburarnir: (21 maí – 21 júní.).
Daðurtækni og hressleiki tvíburans sjá til þess að allir kynferðislegir þröskuldar falla við fætur hans. Einhleypur tvíburi mun eiga mjög fjörugt og skemmtilegt sumar og hann mun verða kynferðislega þráður af flestum. Þungt skapferli sumra tvíbura mun lyftast upp með sumarkomunni og hæfileiki hans til að vera hvers manns hugljúfi mun leiða hann uppí hvaða rúm sem er. Tvíburinn er gjafmildur og veitir vel, hann mun nú í sumar uppskera ríflega og kynferðislegir sigrar hans munu slá alla út af laginu. Tilhneyging tvíburans til að lifa tvöföldu lífi mun aðeins setja svip á júnímánuð en strax í byrjun júlí mun hann þó hafa ákveðið hvaða maka hann vill og mun júlí og ágúst litast af tilhugalífi og fjölbreytni hvað kynlíf varðar. Tvíburinn hefur tvöfallt afl þegar í rúmið er komið og tekst honum ætíð að veita maka sínum tvöfalda fullnægju. Einhleypir strákar í tvíburamerkinu munu sigla erfiðan sjó fyrripart sumars og lenda jafnvel í mjög erfiðum skorum sem sigla þarf upp til að ná höfn en þegar höfninni er náð munu þeir vera heimsins bestu elskhugar sem gefa maka sínum ótakmarkaðan fjársjóð af fullnægingum. Stúlkur sem fæddar eru í merkinu munu hinsvegar upplifa mjög heitt sumar og munu vera dáðar og þráðar af hinu kyninu allt sumarið. Júlí ætti að verða heitur og vætusamur fyrir tvíburastelpur en bleytan mun koma í gusum fyrir stráka í merkinu, ágúst mun líða átakalaus en munúðarfullur. Tvíburar sem hafa hug á að ferðast erlendis í sumar ættu að hafa mikið magn af verjum með sér vegna þess að það mun rigna tvöföldu fullnægingarregni yfir þá og ekki veitir af góðum gúmmígalla þegar þannig er ástatt. Ef tvíburi verður ástfanginn af öðrum tvíbura ætti sumarið að enda í fjórfaldri greddusprengju og þá fá nágrannarnir eitthvað að tala um í nánustu framtíð. Tvíburar sem ákveða að maka sig með öðrum tvíbura ættu að hömpast saman á eyðibýli úti á landi – fyrstu vikurnar - til að trufla ekki umferð í þéttbýli. Sumarið ætti að verða geggjað fyrir alla fædda undir þessu merki.
=============================================== ========

  Krabbin: (22 júní – 23 júlí.).
Lostafullur og graður krabbi getur auðveldlega lent í vitlausum félagsskap. Þeir sem eru fæddir í merki krabbans eru þó það þrjóskir að lendi þeir í vitlausum félagsskap þá gera þeir það besta úr öllu og uppskera sennilega lostafullt sumar. Krabbinn er staðfastur og vill helst fastmótað og öruggt kynlíf, einn öruggan maka sem fullnægir öllum hans þrám og þörfum. Krabbinn setur oftast út allar klærnar í tilraun sinni til að ná fótfestu í lífinu og einbeytir hann sér á lostafullan hátt að því að krækja sér í heppilegan maka. Þrjóska krabbans getur þó gert hann einhæfan og vanabundinn þannig að kynlífið getur átt það til að staðna og verða leiðinlegt. Einhleypir krabbar gætu þó átt von á fjölbreyttu og skemmtilegu kynlífi í sumar ef þeir halda rétt utan um spaðann sinn. Ef fólk í merkinu hættir að gera hlutina “bara svona” og fer að prufa eitthvað nýtt – krydda og poppa upp með látum - þá ætti lostinn að geta flætt upp fyrir fjöruborðið og á land gæti skolað margs konar rekavið sem vert er að skoða. Krabbinn er traustur og húsbóndahollur svo hann á auðvelt með að vinna sér inn prik ef hann kærir sig um, málið er bara að hann þarf að ýta þrjóskunni til hliðar til að hann fái meiri yfirsýn og þannig fjölbreyttari kynlífsfélaga. Graður krabbastrákur veður áfram með öllum klóm ef einhver reynir að hindra hann í að ná rétta makanum en krabbastelpur eru hlédrægari og bíða þess að fórnarlamb lendi í klóm þeirra. Tveir krabbar eiga ekki vel saman því það yrði eilíf slagsmál þar sem engum væri hlíft og tvísýnt væri um úrslit vegna þrjósku þeirra beggja, losti og gredda myndu gleymast í hamaganginum. Sumarið ætti að geta orðið slagsmálalaust ef krabbinn sleppir lostanum lausum og hann hættir að fara einstefnuleiðir í átt að fullnægju. Ágústmánuður verður uppskeruhátíð krabbans og september ein sælkeraveisla með lostafullum uppáferðum og öðrum uppákomum.
=========================================== =============

  Ljónið: (24 júlí – 23 ágúst.).
Aðdráttarafl ljónsins verður afar sterkt í sumar. Ljónið mun draga að sér tilkippilega maka og ef ljónið heldur rétt á spilunum ætti það að vera vel fullnægt og komið með réttan maka í lok þessa sumars. Þar sem ljónið er í raun mikið tryggðar-og fjölskyldudýr mun það beyta bæði kjafti og klóm þegar það finnur rétta makann og þá er vissara fyrir önnur lostafull dýr að halda sig í hæfilegri fjarlægð vilji þau halda limi sínum og höfði. Strákar í ljóninu eru sterkir, kraftmiklir og kynorkufullir elskhugar sem láta sitt ekki eftir liggja, nema sæði sé. Þeir eru óhræddir við slagsmál og hörku þegar að mökun kemur og hjálpi þeim sem reyna að komast uppá milli þeirra og rétta makans. Stúlkur í merkinu eru hins vegar ljúfar sem lamb, hlýlegar og njóta aðdáunnar hvarvetna vegna tignarlegra og lostafullra líkama þeirra. Ljónið leitar stanslaust að traustu og öruggu sambandi og ef það finnur það þá kemur greddan sterk fram og makinn á sér enga undankomuleið. Júní og júlí verða ljóninu góð tíð, næg villibráð verður á ferli með hækkandi sól og greddan verður allsráðandi hjá þessu merka dýri. Seinni part sumars ætti ljónið að stoppa aðeins við og skoða samband sitt við maka sinn. Höfðingljómi og tign ljónsins gæti sett skugga á maka þess og mun makinn eiga það til að gleyma sjálfu sér í þjónustulund sinni við konung sinn eða drottningu. Þess vegna ætti ljónið að fylgjast vel með hugarástandi maka síns og gefa maka sínum vel af sér til baka. Fullnægingaröskur ljónsins heyrast langar leiðir og getur dregið að sér ýmis ófullnægð dýr af sléttunni svo maki ljónsins ætti að gæta vel að því að engin óboðin flenna/hýenna komist að konung sléttunnar. Eftir erfitt vor hjá ljóninu ætti að létta til og í júlímánuði ættu einhleyp ljón að leyfa kynorkunni að hlaupa um á meðal villidýra sléttunnar í frelsi og losta. Óhindraður losti tveggja ljóna, sem og aðdráttarafl beggja gæti orsakað hitabylgju sem önnur dýr eiga ekki roð í – tvö ljón saman gætu átt dýrlegt veiðitímabil saman en áður en langt um líður mun það springa í loft upp með miklum látum. Sumarið verður fullt af ævintýrum hjá ljóninu.
============================================= ===========

  Meyjan: (24 ágúst – 22 september.).
Hlédrægni og óframfærni meyjarinnar gæti orðið til þess að hún njóti ekki eins mikils kynlífs í sumar eins og hún gæti átt með aðeins meiri áhættu. Einhleypar meyjar munu einnig verða einar ef þær sleppa ekki af sér beygslinu og þeysa af stað í lostaleiðangur og algleymi kynferðislegra leikja. Hrein mey ætti að leita sér að polli sem hún getur skellt sér útí með látum þannig að drullan hristist af botninum og óhreinki meynna. Lostafull og kynferðislega ófullnægð meyja áttar sig stundum ekki á því hve aðdráttarafl hennar er hættulegt þar sem það dregur að sér alls kyns sóða sem allir vilja óhreinka hana. Strákar í meyjarmerkinu eru yfirleitt fljótir að missa “meydóminn” en þeir halda ekki mikilli tryggð við fyrstu ástina – þeir eru ævintýraglaðir og graðir og fátt fær þá til að liggja kyrrir. Stúlkur í meyjarmerkinu eru hinsvegar óðar og uppvægar í því að gefa þeim sem tekur meydóm þeirra allt sem á þeirra valdi stendur. Júní verður vætumánuður hjá einhleypum meyjum og ættu þeir sem eru fæddir í meyjarmerkinu að hafa varan á sér þegar um ferðalög er að ræða því aðdráttarafl þeirra verður enn virkara í júní og júlí þannig að ferðalög geta endað með óvelkomnum lostafullum leikjum sem erfitt verður að dansa út úr. Meyjan er falleg og ljómar af henni hreinleiki sem einnig virkar kynferðislega á þá sem berja þær augum – margur sóðinn hefur á meyjuna mænt og margur slóðinn á meyjuna óvelkominn lagst. Í heild ætti sumarið að verða heitt og gott fyrir meyjuna – henni er óhætt að vera léttklædd og lostafull því ef hún finnur rétta makan í sumar mun hún þurfa á fegurð sinni að halda þegar hausta tekur til að lækkandi sól setji ekki skugga sinn á milli hennar og maka hennar. Árið verður í heild gott fyrir meyju ef hún leyfir sér að taka áhættu þó það gæti kostað “meydóminn” sjálfan í leiðinni.
============================================== ==========

  Vog: (23september – 23 október.).
Einhleyp vog er óánægð vog. Vogin er fædd gröð og fátt getur stoppað hana í því að leita sér að maka. Vogin vill vera í sambandi og leggur mikið uppúr því að gera sambandið rómantískt, kertaljós og kampavín, losti og ánægja eru lykilorð sem vogin gerir allt til að uppfylla. Veturinn er voginni góður vegna þess að kertaljósin fylla allt af nautn og rómantík en sumarið kemur til með að verða munúðarfullt og fullnægingarmikið fyrir alla fædda undir vogarmerkinu. Júlí verður góður til mökunar og er þá upplagt fyrir vogina að leggja allt á vogarskálarnar í júní til þess að réttur maki finnist og verði til staðar um mánaðarmót júní og júlí, annars á vogin það á hættu að velja sér hvaða maka sem er einungis til þess að standa ekki uppi makalaus í lok sumars. Í voginni eru heitar og skilningsríkar persónur sem leggja mikið uppúr því að gera gott og vel við alla, ekki eingöngu maka heldur alla sem í nálægð eru. Veikleiki vogarinnar er einmitt sá að hún má ekkert aumt sjá svo þess vegna er henni hætt til að para sig við rangan maka. Þrátt fyrir það mun vogin reyna að gera allt sem í hennar valdi stendur til að það samband gangi upp. Heitt kynlíf og rómantískar lostafullar stundir eru voginni lífsnauðsyn og mun hún nota mikið af því til að láta hlutina ganga upp. Í byrjun sumars mun óvissa og þreyta einkenna vogina, vorið hefur verið þungt í aðra skálina og lítill tími verið til kynlífsathafna en með sumarkomunni mun vogarskálin léttast á móti því sem hin mun þyngjast svo jafnvægi mun komast á. Ferðahugur er í einhleypum persónum fæddum í voginni og ættu þær að láta það eftir sér að ferðast, með losta og greddu í farangrinum. Með því hugarfari mun vogin koma aftur heim með haustinu, með rétta makann.
============================================== ==========

  Sporðdrekinn: (24 október – 21 nóvember.).
Sjaldan mun það vera sagt um sporðdrekann að hann njóti ekki hylli og aðdáunnar. Elskhugar munu koma og fara þegar sporðdrekinn er annars vegar og skortur á kynlífi mun aldrei há fólki fæddu í þessu merki. Aðdráttarafl og mikil kynorka þessa merkis er ótvíræð og mun sporðdrekinn aldrei skorta rekkjunauta. Þrátt fyrir velgengni í ástarmálum, losta og hömlulauss unaðar, verður sporðdrekinn að hafa varan á sér í sumar því afbrýðisemi og eigingirni hans gæti skemmt talsvert fyrir honum. Sporðdrekinn er tryggur og hlýr, lostafullur og kraftmikill. Þegar sporðdrekinn finnur rétta makann mun hann fara út í alls konar leiki í þeim tilgangi að búa til fjölbreytt og fjörugt kynlif með þeim rétta. Kröfuharka og tillitsleysi sporðdrekans gæti þó orðið til þess að rétti makinn verði fljótur að hörfa og koma sér í örugga fjarlægð frá þessu orkufulla og kynferðislega kröfuharða villidýri. Júní og júlí munu bjóða uppá eiturhresst kynlíf sem aldrei fyrr hjá sporðdrekanum, sérstaklega ef hann er í þeim hugleiðingum að festa ráð sitt. Strákar í þessu merki munu eiga fjölbreytt tilhugalíf með miklum sigrum í allt sumar en stúlkur í merkinu munu leggja áhersluna á öryggi sem og hreiðuruppbyggingu. Sumarlok ættu að geta orðið greddulega ánægjuleg og fullnægingarbylgjurnar ættu að vaða yfir sporðdrekamerkið í ágúst og september.
===================================================== ==

  Bogamaðurinn: (22 nóvember – 21 desember.).
Frumleiki og ævintýri munu líklega einkenna sumar bogamannsins. Eftir dimman og hitasnauðan vetur sem reynst hefur bogamanninum illa, mun nú hlýna og birta þannig upp að frjálslyndi bogamannsins mun láta ljós sitt skína og mun hann í byrjun júnímánaðar senda ástarörvar sínar um allar trissur. Föst púðurskot munu ekki missa marks og frekar líklegt er að einhver muni falla fyrir örvunum. Þegar fólk í þessu merki hefur komið ástarörvunum í hjartastað rétta makans mun ekkert aftra því að fjölbreytt og lostafullt tímabil hefjist hjá bogamanninum. Bogamaðurinnn er léttgeggjaður og uppátektarsamur þegar í bólið er komið og líklegt er að leiðinlegar stundir líti aldrei við hjá honum og maka hans. Ef bogastrákurinn miðar oddi sínum af nákvæmni og gefur allt í skotið mun hann sannarlega hitta í mark og þá getur hann verið öruggur um kynferðislega fullkomið samband um aldur og æfi. Hugsanlega mun þó bogastelpan eitthvað vera flöktandi á milli kynlífsfélaga í leit að einhverju sem hún áttar sig ekki á hvað er. Upphaf sumars mun þykja heitt og sólar mun njóta í hvert sinn sem bogamaðurinn lætur ör þjóta um loftið og í hvert sinn sem losti örvanna snertir einhvern er vitað mál að framhaldið verður bannað börnum innan 18 ára í það minnsta. Fólk í bogamannsmerkinu ætti að hafa hugfast að vera ekki að skjóta föstum skotum í allar áttir því ef það fer ekki varlega munu fleiri skot hitta í mark en gott þykir sem gæti þýtt að sumarlok verði logandi í slagsmálum og barnfeðrismálum. Losti mun fylla tómarúm í sumar hjá þessu merki og raðfullnægingar munu elta örvar bogamannsins í sumarlok.
============================================ ============

  Steingeitin: (22 desember – 19 janúar.).
Einhleyp steingeit getur litið út fyrir að vera kuldaleg og jafnvel kynköld, en það fer fjarri að hún sé það því innst inni er mikill eldur sem brenna mun fyrir rétta makan. Steingeitin er einlægur og traustur maki sem vílar ekkert fyrir sé þegar maki hennar er annars vegar. Fólk í þessu merki hefur mikla kynþörf og er tilbúið í það að leggja mikið á sig til þess að fullnægja þeirri þörf sinni. Þegar vorið hefur liðið og annatími hjá steingeitinni að mestu liðinn hjá, er um að gera að snúa sér að sumri og sælu. Hækkandi sól veldur steingeitinni ákveðinni vellíðan, náttúran kallar og frjósemi hennar tekur kipp, frjósemi sem gæti orðið henni til trafala ef hún gætir sín ekki. Steingeitinni lætur vel að vera í föstu sambandi og ef hún finnur réttan maka mun hún sjá til þess að hlutirnir gangi upp, heppinn verður sá maki sem eignast steingeitina. Með hækkandi sól mun tilhugalífið færast í aukana hjá steingeitinni og sumarhitar munu æsa upp í henni lostann sem og þránna eftir fullnægju. Ástríðueldar sem brenna innra með steingeitinni geta auðveldlega sloppið út í júlí og ætti hún að leyfa sér að láta lostan lausan úti í guðsgrænni náttúrunni. Þá myndi eldurinn fara eins og sina um allt og líf steingeitarinnar tæki þá miklum stakkaskiptum í átt að fullnægðara lífi. Steingeitin getur alltaf breytt lífstíl, hugsað meira um sjálfa sig og eytt meiri tíma í eigin kynóra – í stað þess að eyða öllum sínum tíma í að vera trygglynd og trúföst. Ef steingeit leyfir kynórum sínum að leika lausum hala í ágúst mun hún fljótlega fullnægð verða. Stelpur fæddar í steingeitinni eru fæddar til þess að lifa kynlífi en alltof oft eiga þær það til að loka sig inni ef hinn eini sanni reynist rangur eftir allt saman. Heitt sumar eða hiti almennt - gæti verið gott fyrir steingeitina svo hún ætti að hafa það í huga að ferðast til heitra landa fyrir og eftir sumar.

Flúor hvað?

  

  Kolgeit Flúor auglýsing - eða hvað? *bros*...

Börnin eru þvílíkir viskubrunnar.

  Það voru 24 börn í bekknum hjá kennaranum. Kennarinn tók nokkra góða málshætti eða orðatiltæki og skrifaði niður fyrri helming þeirra á töfluna og bað börnin um að ljúka málshættinum/orðatiltækinu á réttan hátt. Börnin svöruðu og greinilega hvert með sínu nefi. Það er að segja ekkert þeirra kunni þessa málshætti en eins og barna er vant þá gefast þau ekki svo auðveldlega upp heldur búa til í eyður sem þau ekki kunna. Það er ótrúlega sniðugt að sjá hvað börn eru oft úrræðagóð þegar þau stranda og snilld hvað þau eru hrein og bein. Á meðan þið lesið þetta hafið þá í huga að þarna var um að ræða börn sem voru 6 ára gömul. Þar sem sumt af þessu myndi þýðast kolruglað yfir á íslensku þá er bara að láta þetta vera á ensku og vona ég að þið skiljið þetta…

  

Fyrri hlutinn er sannur/réttur en á eftir punktalínunni er svar barnanna:
Strike while the ....................................bug is close.
It's always darkest before ................... Daylight Saving Time.
Never underestimate the power of .... ..termites.
You can lead a horse to water but ... …how?

Don't bite the hand that .................. ….looks dirty.
No news................................ …………impossible.
A miss is as good as a ................. …….Mr.
You can't teach an old dog new ........... math.
If you lie down with dogs, you'll ..........stink in the morning.
Love all, trust.............................. ……..me.
The pen is mightier than the ........... ….pigs.
An idle mind is .................................... the best way to relax.
Where there's smoke there's ................ pollution.
Happy the bride who .......................... gets all the presents.

A penny saved is ................................. not much.
Two's company, three's ....................... the Musketeers.
Don't put off till tomorrow what .........you put on to go to bed.
Laugh and the whole world laughs with you, cry and ...you have to blow your nose.
There are none so blind as ............ …..Stevie Wonder.
Children should be seen and not ...... ..spanked or grounded.
If at first you don't succeed ................ get new batteries.
You get out of something only what you ......................see in the picture on the box.
When the blind lead the blind ............ get out of the way.

  
And the WINNER and last one!
Better late than ................................... pregnant...

Hæ, ég heiti Tigercopper og ég er Vog.

  Já, mikið rétt - ég er Vog og um Vogir er ýmislegt kjút hægt að segja. Fyrir neðan er eitthvað sem er sagt um Vogina - og svei mér þá ef ég er ekki að finna sjálfan mig í öllu þarna..

Spá dagsins: Hvort sem þér líkar betur eða verr, þá ertu mjög heillandi í augum hins kynsins núna. Þorðu að bjóða þeim út sem þú hefur daðrað við.

  

VOG
Vogir vekja oft rómantískar tilfinningar og þykja kynþokkafullar, enda klæða þær sig oft djarflega og tælandi. Einna mest áberandi í fari þeirra er þó hvað þær eru blátt áfram og óþvingaðar, enda er Vogin merki félagslegra samskipta. Þær eru gæddar miklum persónutöfrum en eru oft dular og vilja ekki bera vandamál sín á torg og þær eiga líka oft erfitt með að taka ákvarðanir. Engu að síður er þeim mikið í mun að ná markmiðum sínum, hvort sem það er félagslega eða í samböndum, t.d. hjónabandi. Vogin er í eðli sínu diplómatísk og mikill sáttasemjari og á auðvelt með að lægja öldur. Vogir hafa sterka réttlætiskennd, en þola illa háværar deilur og ósamlyndi af öllu tagi. Þær vilja mjög gjarnan fá að vita að þær séu mikils metnar og eiga bágt með að vera einar. Þess vegna velja þær sér oft störf, þar sem mannleg samskipti eru í fyrirrúmi, og Vogin nýtur sín einkar vel í opinberu starfi. Voginni hættir til að gera öðrum hærra undir höfði en sjálfri sér og mætti gjarnan tileinka sér meiri sjálfsþekkingu og ýtni, ekki síst ef hún ætlar að ná frægð og frama.

EINKENNI
Lykilorð: Jafnvægi
Pláneta: Venus
Höfuðskeppna: Loft
Litur: Ljóslár
Málmur: Kopar
Steinar: Lapis lazuli, rósarkvarts
Líkamshluti: Nýru
Frægar vogir John Lennon, Julio Iglesias, Doris Lessing, Cervantes, Tim Robbins, Silja Aðalsteinsdóttir, Ólafur Jóhann Ólafsson, Bera Nordal, Ben Gurion og Buster Keaton.

Slóð: http://www.mbl.is/mm/folk/stjornuspa/merki.html?sign=7
Skoðað: 2008-02-24 16:33
© mbl.is/Árvakur hf

  out to flirt - út að daðra .. jihaaa.

Til hamingju með konudaginn bloggvinkonur og allar aðrar bloggkonur - sem og bara konur sem lesa!

  Upp er að renna Sunnudagurinn 24 Febrúar og er sá dagur tileinkaður okkar betri helming - ykkur konum!

Datt bara í hug að óska ykkur hér með til hamingju með daginn elskurnar. Fór á allar bloggvinkonur mínar (ómægood, ég meinti það ekki svona eins og þú hugsaðir addna)... og sendi þeim blóm í tilefni dagsins. Ég er mikill rómantíkus stundum og á ýmislegt ljúft og skemmtilegt í pokahorninu þegar slíkar aðstæður poppa upp.

En, Dásamlegu konur Íslands - til hamingju með daginn.

  

Ljós og friður fylgi ykkur í nóttina - myrkfælnu ljúflingar ...

Ég er búinn að blogga svo mikið inni í bloggum bloggvina minna að ég held að ég hafi yfirbloggað mig í dag, kvöld og nú í nótt. Mér finnst stundum eins og ég eigi mér ekkert líf nema skoða og blogga smá af og til eftir að ég byrjaði að blogga. Kíki á netið í matartíma, kaffitíma og svo bara svona stekk inn í tíma og ótíma. Þetta er orðið svo mikið blogg hitt og blogg þetta að það liggur við að manni dreymi blogg, blogg, blogg Gogg blogg...

  

  Ótrúlegt líka hvað ég held alltaf að ég hafi mikið að segja/skrifa. Svo kemur í ljós að ég hef bara mest lítið að segja annað en bull sem kemur í einhverjum svefngalsa - líkt og þessi litla færsla hérna. En, allavega hef ég ekkert merkilegt að segja núna - enda á leið í bólið og sellurnar hálf þreyttar eftir allt áreytið. Ég mun örugglega koma með einhverja djúsí færslu hérna á morgun til að bæta upp tómleikann núna.

  Ó, by the way. Ég fékk ógó fúla athugasemd í dag. Mína fyrstu neikvæðu og fúlu - ég eyddi henni. Muhahaha.

Áskil mér rétt til að eyða "nafnlausum" neikvæðum og fúlum athugasemdum. Reyndar var ég að vista breytingar sem segja "aðeins skráðir notendur geta skrifað athugasemdir". Þoli ekki púka sem þora ekki að leggja í ann með bloggið sitt á bakvið sig - steraboltar eða ekki.

  

Ef Gillzinn hyrfi úr camerunni, þá myndi lagið svínvirka á mig.

  Ég verð víst að viðurkenna að ég er hálf smeykur við að Gillzinn eigi eftir að poppa upp í blaðaviðtölum og sjónvarpi á erlendri grundu með sömu látum og stælum og okkar ástsæla? Silvía Nótt. Það yrði mjög leitt fyrir okkur ef slíkar trúðahörmungar næðu aftur uppá pallinn í söngvakeppni Evrópubúa.

Ef hins vegar væri settur á Gillz múll - bundinn stútur á munninn á honum - hann skólaður til líkt og segir í greininni, hvernig á að þykjast spila á hljómborð og einnig séð til þess að hann standi ekki útglenntur hálfsiginn niður á gólf með rassgatið líkt og þungur og illvígur þurs - þá kannski myndi lagið verða góður fulltrúi okkar. Einnig finnst mér að það mætti minnka grilltímana svo sterabúntin séu ekki eins og ofgrillaðar rækjur með upplitað strípuellihár - minna mig oft á hauskúpur þegar maður lítur framan í svona massagaura.

Í það minnsta hefur EMI-Útgáfan í Bretlandi, sem er ein af fjórum stærstu útgáfu- og dreifingarfyrirtækjum heims, sýnt laginu (ó)verðskuldaðan áhuga og keypt höfundarréttinn á lagi Barða Jóhannssonar (heimildir: 24stundir). Svo lagið í sjálfu sér er stórgott þrátt fyrir einn og einn trúð.

  Persónulega myndi ég þó kjósa Friðrik Ómar og Reginu Ósk til að fara út sem fulltrúi okkar. Þau eru bæði stórglæsileg, falleg og svona eðlileg. Lagið þeirra er alger konfektmoli og raddir þeirra svo hugljúfar að maður gleymir sér við hlustun og augun verða syndandi þegar maður fylgist með þeim á sviði - alveg brilljant par.

Heyrst hefur að þau séu einu raunverulegu keppinautar Merzedes-club í keppninni hérna heima. Mikil leynd hefur þó hvílt yfir því hvernig þau muni poppa upp lagið og sýna á lokakvöldinu næstu helgi, samkvæmt 24 stundum. Svarthvítt þema verður áberandi hjá þeim er sagt, en það finnst mér dáldið leitt því smá ljós og glimmer heillar alltaf smá - en svarthvítt er þó klassík og þau stórglæsileg svo ég hef ekki miklar áhyggjur.

Einnig nefna 24 stundir Birgittu Haukdal. Að hún muni sameinast Magna Ásgeirssyni á laugardaginn næsta á lokasprettinum. Þau eru sögð geta veitt Merzedes, Fullkomnu lífi, Ragnheiði Gröndal og Páli Rósinkrans verðuga keppni.

  Out to the real world, i´ve got a brilljant skilnaðarlife out there somewhere.

Silvía Nótt breytist í stælta karlmenn

Jæja já... klukkan rétt að slá fjögur - vindhögg.

Nei ég segi nú bara svona. Er að fara að sofa og langaði bara til að senda ykkur ljúfar kveðjur góðu vinir hérna á blogginu. Gæti ykkar Englar Alheims - þó ekki bókin heldur þessir þarna flögrandi um loftin blá með fjaðrir, hörpu og geislabaug - you know how it is - right?