Ef stól er kippt undan manni - ásamt djásnunum - er maður þá ekki nema hálfur maður? Er Dúa í þínu hverfi? Hversu róleg er "róleg nótt" yfirleitt í þínum huga. Léttgeggjaðar Sunnudagshugleiðingar...

"Jú, þetta var mjög rólegt yfir höfuð - en reyndar lentu sumir okkar þó í mjög kröppum dansi undir lok nóttarinnar. Til dæmis var eitthvað mikið að hjá konu varðstjórans. Hún er talin hafa átt þátt í því að yfir sauð - uppúr klukkan 3 í nótt. Þegar við komum á staðinn hafði flest farið útskeiðis sem innskeiðis gat. En líklega er það líka virkileg geggjun að kona skuli fara fram með þessum hætti - hún hefur þó líklega verið ákaflega svöng." Var haft eftir Dolla lögregluþjóni núna í morgunsárið.

Talið er að kona varðstjórans hafi - í svefni - gengið fram í eldhús, sett pott á hellu og byrjað á því að elda sér hafragraut - en stuttu síðar gengið aftur til svefnherbergis - enn í svefni - en skilið grautinn eftir á hellunni, því fór sem fór - það sauð uppúr.

"Jú, þetta var ljót aðkoma - grauturinn var útum allt hreinlega. Aðkoman var meira í líkingu við svínastíu en eldhús varðstjórans. Verst var að kerlingin hans neitaði ásökunum og vill ekki axla ábyrgð - þó öryggismyndavélar sýni allt svart á hvítu - enda ekki til litmyndavélar sko!" Segir Dolli dapur í bragði .. hann hefur nú þegið áfallahjálp og er í veikindafríi fram á næsta ár.

Reyndar átti lögreglan líka í basli með Dúu nokkra sem gekk um götur Akureyrar á náttkjólnum einum fata. Höfðu nokkrir árekstrar orðið vegna þess hve fleginn kjóllinn hennar var - en líklegt þykir að sumir bílstjórarnir frusu - ekki vegna kulda samt - talið er að þeir hafi reynt að berja niður "vitlaust frostmark" með valdi en ekki tekist betur til en með nokkrum pústrum og árekstrum - Dúan verður sótt til saka og mun hún ekki sleppa svo létt í þetta sinn - en áður hafði lögreglan haft afskipti af henni til fjalla þar sem hún hafði verið á vappi í gistihúsi nokkru - lítt betur klædd - með eldhúsgólf í fanginu. Talið er að hún hafi stolið eldhúsgólfinu niður í bæ - en hennar útskýringar voru ekki teknar trúanlegar.

"Var bara að leita af háfinum sem ég týndi" þótti ekki trúverðugt. Það verður haft auga með henni í framtíðinni og gripið inní ef þurfa þykir hverju sinni er til hennar sést.

Stofnuð hefur verið heimasíða á netinu þar sem fólk er hvatt til að skrifa undir mótmælalista til Eftirlitsnefndar Geðklikkunar - um að þeir hugsi betur um skjólstæðinga sína. Talið er að um 3 og hálfur maður hafi skrifað undir nú þegar - en þrír þeirra eru nú starfandi í Geðbankanun - áðurnefndum Seðlabanka - og sá hálfi er talin vera fráfarandi Forseti Alþingis, en hann hefur ekki ennþá náð að jafna sig eftir að stólnum var kippt undan honum - ásamt djásnum - og því ekki nema hálfur maður sko ... ómææææææ!

Róleg nótt hjá lögreglunni

Athugasemdir

[Jónína Dúadóttir, 8.2.2009 kl. 16:35]

Mikill endeymis vitleysingur geturðu verið......

[Guðrún Emilía Guðnadóttir, 8.2.2009 kl. 17:17]

Æ þú ert bara flottur gerir bara grín að vissum já sko málum.
Takk fyrir endaleysuna
Knúsí knús
Milla.

[egvania, 8.2.2009 kl. 18:51]

Elsku besti rugludallurinn minn !

Til er saga af kerlingu einni sem eignaðist með vafasömum hætti grautarpott, hún vildi grautinn og grautinn fékk hún og það heldur betur, grauturinn vall út úr húsinu og um götur bæjarins.

 Þú er dásamlegur og gott að fá þig aftur

[Heiður Helgadóttir, 8.2.2009 kl. 19:22]

Jesús minn Tiger, þú ert varla að halda því fram að hún Jónína okkar sé að ráfa um götur Akureyjarbæjar klædd einhverjum hýjalínsnáttkjól, hún sem að er alltaf að prjóna, var hún með prjónana með sér.

[Tiger, 8.2.2009 kl. 19:35]

 Hahaha .. jæja dúllurnar mínar, bara alltaf í boltanum?

Jónína; Sorry, ætlaði ekkert að koma uppum þig ... náttkjólnum! Knúþþþ!

Knús á ykkur og takk fyrir innlitið - og jamm egvanía - kannski var frúin þarna, kona varðstjórans - bara sú sama með grautarpottinn sinn og vellinginn. Heiður, ég gruna Dúuna um að vera með siðsamari konum landsins þannig að ég tek enga ábyrgð á því sem stendur hér að ofan - vísa öllum sögusögnum um léttan klæðnað hennar til föðurhúsanna sko ... haha!

[Jónína Dúadóttir, 8.2.2009 kl. 20:17]

[Sigrún Þorbjörnsdóttir, 8.2.2009 kl. 23:28]

Hahahaha... Þú ert ekki hægt