Er Þorgerður Katrín Gunnarsdóttir að kalla kreppuna "Tískubylgju"? Nei ég bara spyr ... Og hver hækkaði skatta síðustu áramót?

"Það er halli á ríkisfjármálunum og hvernig ætlar ríkisstjórnin að taka á þeim halla, spurði Þorgerður Katrín Gunnarsdóttir, alþingismaður og varaformaður Sjálfstæðisflokksins, í umræðum um stefnuræðu forsætisráðherra í kvöld. 

Hún sagði að bara eitt væri í boði af hálfu ríkisstjórnarinnar og það væri að hækka skatta. Sjálfstæðisflokkurinn gæti ekki stutt það að stórauknum byrðum yrði velt á heimili landsins. 

Þorgerður sagði að vissulega hafi verið gerð mistök frá því allt fór í óefni í efnahagslífinu, ekki síst í aðdraganda bankahrunsins. Upplýsingagjöf hefði t.d. mátt vera betri. Hún sagði hins vegar að sagan myndi sýna að á fyrstu dögum hrunsins hafi verið unnið þrekvirki og forðað því að ekki fór verr.

Þorgerður vék að breytingum á stjórnarskránni. Hún sagði að endurskoðun á henni mætti ekki ráðast af hvatvísi. Stjórnarskráin ætti að vera yfir það hafin að breytast eftir tískubylgjum. Hún sagði forsendu þess að stjórnarskráin nyti trausts að um breytingar á henni væri pólitísk sátt."

Mbl.is frétt.

Bíðið nú við .. var það ekki einmitt sjálfstæðisflokkurinn sem stóð að skattahækkunum í kringum síðustu áramótin? Var það ekki einmitt sjálfstæðisflokkurinn sem lagði hart að því að hátekjuskattur færi ekki í gang heldur þyrfti látekju Jón&Gunna að borga brúsann ...

Einnig finnst mér það skondið að Þorgerður skuli kalla kreppuna "tískubylgju" .. því það er þessi tískubylgja sem er að kalla á stjórnarskrár-endurskoðun og jafnvel breytingar.

Kosningabaráttta Þorgerðar er þegar hafin greinilega - en svei mér þá ef Þorgerður Katrín er ekki bara haldin sama gullfiskaminni og við hin í landinu, í það minnsta hvað skattamál hennar flokks varðar...

Hvernig á að taka á hallanum?

Athugasemdir

[Tiger, 4.2.2009 kl. 20:57]

 Búkolla .. hún er með stóran ljótan blett aftan á sér sem þú hefði þurft að losa sig við ef hún ætlar sér að verða trúverðug og traustvekjandi - bletturinn er kallaður sjálfstæðisflokkurinn. Æi, líklega er hún nú þokkalega flottur stjórnmálamaður - eða kona sko - ef hún bara væri í rétta flokknum. Hahaha ... so tú spík.

[SO (IP-tala skráð) 4.2.2009 kl. 21:46]

Það þarf að lækka skatta auk þess ætti að velja td fyrirtæki sem eru í þekkingariðnaði og gera þau alveg tax free næstu 10 árin svo ætti að gera 

setja alla bændur í 1 % skatt 

svo mætti halda áfram og hugsa dæmið til enda.... 

þetta snýst ekki um að laga þjóðfélagið á 2 árum lágmark er 10 ár

með þeirri hugsun þarf ekki að óttast neitt auk þess þurfum við ekki

að ganga í ESB við getum verið frjáls lengur :)

[Baldur Gautur Baldursson, 4.2.2009 kl. 21:46]

Hækkaði skatta og fór í Ólympíuleikaferð sem kostaði ríkið nokkrar milljónir. Hún fór á Ólympíuleikana, en svo þegar ekki gekk vel hjá Íslendingum fór hún bara heim í stað þess að hvetja okkar fólk. En svo þegar fór að ganga betur stökk hún af stað og fór út með föruneyti og tók þátt í sigurveislunni. Iss... gef ekki mikið fyrir svona stúlku sem fer ekki með þjóðinni í gegnum súrt og sætt. 

Held að henni væri nær bara að halda sig heima.

[Tiger, 4.2.2009 kl. 21:58]

SO; ekki svo vitlaust að spá svolítið í það að veita ákveðnum greinum ívilnun á meðan þau styrkja grunn og rekstur ef þau eru á hallandi fæti. Eins mætti vel styðja betur við bændur, bæði þá sem eru með kjötafurðir og þá sem eru með grænmeti eða aðra ræktun .. styðjum íslenskt for crying out loud! Sammála því. Við verðum að horfa til aðeins lengri tíma en bara næstu misseri, satt er það.

Baldur; Já, ég hefði viljað sjá fleiri ráðherra og þingmenn vera bara heima - frekar en að þeir séu á flandri um allar tryssur með íslenskt eyðslufé hægri vinstri. Þeir einu sem ættu raunverulega að ferðast - eru utanríkisráðherra sem fer með utanríkismál og fólk á vegum utanríkisráðuneytisins. Satt að það er lúalegt að standa ekki með sínu fólki í gegnum súrt og sætt.

[Hugsa (IP-tala skráð) 4.2.2009 kl. 22:02]

XD hækkaði skatta en líka persónuafsláttinn. Fyrir vikið hækkuð ekki skattar þeirra sem eru undir meðallaunum. Alveg í anda vinstristjórnarinnar.