Hún er virkilega óð - nágrannakonan mín! Veður þú til dyra klædd/ur handklæði einu saman? Ljúfur dagur framundan .. með aðventuívafi og .. guess what.. kanelsnúðum!

Jú, hún bankaði hjá mér í morgun - aðeins klædd mjög klæðalitlum náttkjólnum, leit mig tælandi augnráði og hallaði sér að dyrakarminum og leit mig upp og niður með undarlegt blik í augunum um leið og hún hvíslaði;

"Sko, ég var að baka kanelsnúða - datt bara í hug hvort þig langaði ekki í nokkra slíka nýbakaða með morgunkaffinu"

Um leið og hún sleppti síðasta orðinu rétti hún fram aðra hendina sem hélt í lítinn disk með nokkrum kanelsnúðum - greinilega keyptum í 10-11 einhverjum dögum áður. Hina hendina notaði hún til að draga klæðalítinn náttkjólinn uppfyrir hnéð. Hún blikkaði ótt og títt illa uppsettum gerviaugnhárunum um leið og hún mældi mig aftur frá tám og upp að toppi.

Ég hrökk við þegar ég áttaði mig á því að ég hafði verið á leiðinni í sturtu - hafði bara gripið lítið handklæði og skellt því um mig miðjan án þess þó að hafa náð að hylja nokkurn skapaðan hlut. Nú áttaði ég mig á því hvers vegna konan mældi mig svona út með gráðugun augunum - færði mig aðeins innar í íbúðina en án árangurs því hún smokraði sér um leið innfyrir þröskuldinn og nú leyndi hún því alls ekki hve mikið hana langaði til að rífa af mér þennan litla handklæðabút sem nú stóð á milli hennar og mín. Ég stamaði vandræðalega einhverja þökk fyrir kanelsnúðana, þessa sem hún greinilega bakaði ekki - en gat ekki tekið við þeim þar sem önnur hönd mín hélt um hurðina en hin hélt uppi handklæðinu...

Það var sem tíminn stæði í stað. Undarleg atburðarásin sem fór í gang um leið og ég rétti út hendina eftir snúðunum var tímalaus og áður en ég vissi stóð ég þarna fyrir framan nágrannakonuna mína með kanelsnúða í annarri hendinni, handklæðið í hennar hendi og náttkjóllinn hennar lá á gólfinu á milli okkar.

Allt í einu hrökk ég við - það glumdi í klukku einhvers staðar í fjarlægð. Hægt og rólega vaknaði ég upp úr þungum svefni - svefni sem hafði verið að ýta að mér undarlegri atburðarás með heitri nágrannakonunni - atburðarás með gömlum kanelsnúðum og nöktum líkömum sem engan veginn áttu neina samleið í vakandi tíma og rúmi. Ég andaði léttar - og stökk framúr. Greip handklæði og fór inn í baðherbergið til að fá mér morgunsturtuna.

Allt í einu hringdi dyrabjallan hátt og kvellt - ég setti litla handklæðið utanum mig og gekk í áttina að útidyrunum en um mig fór undarleg tilfinning - líkt og ég hafði upplifað þetta allt saman áður ... neinei, ég segi bara svona!

 

Bara léttur á því á mánudegi. Framhald kannski later!

 

Ætlaði bara að kíkja aðeins inn núna til að minna ykkur á mig, i´m still here somewhere. Helgin er búin að vera geggjuð - en mjög góð samt. Held að ég hafi bara bætt á mig fjöldanum öllum af kílóum, enda kræsingarnar gerðar til að tæla - og ég er bara mannlegur - og tældist - til að borða mikið sko!

Dagurinn í dag mun einkennast af hvíld, góðum kaffisopa, hlýjum inniskóm - kodda og handklæði um mig miðjan ...

Nei, reyndar er ég að fara núna út að snúast aðeins - vantar sitt lítið af hverju til að geta sett upp heljar mikið af "Aðventuskrauti" - en nú er auðvitað skemmtilegasti mánuður almanaksins byrjaður sko.

Ég ætla ekkert að eyða tíma núna í augnablikinu til að líta yfir ykkur öll - geri það í kvöld í rólegheitunum og hlakka mikið til því ég hef ekkert getað lesið um helgina.

Óska ykkur öllum bara gleðilegrar aðventu og vona að allir hafi gaman af því að hátíð ljóss og friðar er á næstu grösum. Klæðið ykkur samt vel þegar þið eruð á ferðinni, það er kalt úti og kuldinn bítur bæði háa og lága!

Kærleiksknús á línuna alla!

Athugasemdir

[Brjánn Guðjónsson, 1.12.2008 kl. 12:53]

neinei, bara Tígulgosinn farinn að koma út aftur og það á vefnum

[Ásdís Sigurðardóttir, 1.12.2008 kl. 13:09]

Hæ darling farðu vel með þig kveðja 

[Agný, 1.12.2008 kl. 13:18]

Þetta hefur sem sé verið góður draumur Það er alltaf hægt að bæta á sig "snúðum"...en ekki vera með snúð ...Eigðu góða aðventu....

[Sigrún Þorbjörnsdóttir, 1.12.2008 kl. 14:07]

Það eru aldeilis skemmtilegir draumarnir þínir eftir svona vinnutörn  Vona að þú hafir samt ekki hlaupið í búðir íklæddur handklæðinu einu...gæti orðið kalt sko. Knús í aðventuna Tígri minn

[Ragnheiður , 1.12.2008 kl. 14:18]

[Jónína Dúadóttir, 1.12.2008 kl. 15:02]

[G Antonia, 1.12.2008 kl. 15:28]

Fæddur til að SKRIFA!!!  Keep on sæti  !!!! Góðar kveðjur *

[Helga Guðrún Eiríksdóttir, 1.12.2008 kl. 15:37]

Góð byrjun. Meira klám!

[JEG, 1.12.2008 kl. 18:06]

Þú ert nú meiri gaurinn

[María Guðmundsdóttir, 1.12.2008 kl. 18:09]

ekki slæmur draumur thad...madur fær nú ekki kanelsnúda á hverjum degi sko  fyrir utan allt hitt gúmmuladid...

en já,bara gledilega adventu sømuleidis, besti mánudur ársins ER HAFINN  og nú setur madur upp spariskapid alla daga,nema hvad  hafdu thad sem best ljúfur, á inniskónum med handklædid um thig midjan...kreist og kram á thig..( i føtum samt.. kreisti enga karlmenn i handklædum...nema minn...) hehehehe...

[Jóna (IP-tala skráð) 1.12.2008 kl. 20:03]

Sæll elsku gullmolinn minn,víst ertu það:)

Gaman að sjá þig hér og alltaf jafn hress...var nú alin upp nánast með þér og þínum,og elskaði þig næstmest hehe

Hafðu það alltaf sem allra best elsku kallinn minn og allir þínir :)

Mun fylgjast með þér hér áfram,alltaf jafn æðislegur....kiss kiss

Ein ex úr fjölskydunni þinni þarf ég að segja meira BLIKK og Gleðileg Jól dúllan mín og ekki gleyma mér...:)bannað

Love ya

Jóna

[Guðrún Emilía Guðnadóttir, 1.12.2008 kl. 20:24]

Æi snúðurinn minn ertu nú orðin svo háður þeim, sko, snúðunum að þig er farið að dreyma þá og það í fylgd nágrannakonunnar sem þú ert nú ekki beint hrifin af

Knús til þín Tiger míó míó
Milla.

[Helga Magnúsdóttir, 1.12.2008 kl. 21:15]

Æ, að þú skyldir þurfa að vakna áður en þú gast borðað einn einasta snúð.

[Huld S. Ringsted, 1.12.2008 kl. 22:25]

[Lísa Björk Ingólfsdóttir, 1.12.2008 kl. 22:52]

Sko - þetta er það sem maður fær fyrir að lesa Rauðu ástarsögurnar uppi í rúmi fyrir svefninn góði.  Persónulega mæli ég með Sjálfstæðu fólki á náttborðin í dag - svona til að komast í þjóðargírinn..........

heh humm - knús

[Ásdís Emilía Björgvinsdóttir (IP-tala skráð) 1.12.2008 kl. 22:58]

Sæll og blessaður Tigercopper!

Mig langar svo að forvitnast um það hvort þú sért frá Akranesi?

[Jóna Kolbrún Garðarsdóttir, 2.12.2008 kl. 01:41]

Spennandi framhaldsaga, ég hlakka til að lesa framhaldið. 

[Tiger, 2.12.2008 kl. 01:46]

 Hahaha ... þið eruð nú bara alger skott öll saman! Þakka kærlega innlit og kvitterí ... er farinn að kíkja yfir ykkur núna í töluðum/skrifuðum orðum!

Knús á línuna ..

[Brynja skordal, 2.12.2008 kl. 02:59]

þú ert nú meiri snúðurinn ljúfastur hafðu góða nóttina

[Jóhanna Magnúsar- og Völudóttir , 2.12.2008 kl. 04:56]

[Helga skjol, 2.12.2008 kl. 09:12]

Hahaha þú ert snilld.

Knús á þig ljúfurinn

[Ásthildur Cesil Þórðardóttir, 2.12.2008 kl. 09:59]

Góður ,  En þetta var skemmtilegt innlegg inn í aðventuna, heitt og rómantískt eitthvað hehehehe.. Knús á þig ærslabelgurinn þinn.

[Heiða B. Heiðars, 2.12.2008 kl. 11:19]

Heitirðu kannski Ellý?

[Guðrún Una Jónsdóttir, 2.12.2008 kl. 13:14]

Þvílíkar draumfarir. Hún þe þessi í draumnum hefur greinilega viljað fá eitthvað fyrir sinn snúð.... Bíð spennt eftir framhaldinu...Góða aðventu með handklæðabút um þig miðjan....

[Heiður Helgadóttir, 2.12.2008 kl. 17:25]

Ja hérna, þetta eru spennandi draumar hjá þér, er ekki soldið kalt að hlaupa á milli húsa í þunnum náttkjól, gott að þetta var bara draumur, og þú slappst við að borða snúðana keypta löngu fyrir kreppuna, ætli að það séu til framhaldsdraumarsvona eins og framhaldssögur ég er líka að velta fyrir mér hvort að þú eigir nágrannakonur og hvort að þær lesi bloggið þitt Hafðu það gott ljúfurinn.

[Sigrún Óskars, 2.12.2008 kl. 21:34]

Ég bíð líka eftir framhaldinu - spennt. Hafðu það gott tc og kærleiksknús til þín .

[Guðbjörg Elín Heiðarsdóttir, 2.12.2008 kl. 23:03]

Ótrúlega flott hjá þér, efni í góðan rithöfund 

[Kristín Katla Árnadóttir, 3.12.2008 kl. 11:33]

Þú ert svo frábær og skemmtilegur.

[Hjóla-Hrönn, 3.12.2008 kl. 13:46]

Það er nú ekki langt síðan ég hrökk upp með andfælum kl 06:50 og heyrðist vera bankað á útidyrnar.  Ég laumaðist fram í myrkrinu, alsnakin, en það var allt með kyrrum kjörum og enginn við útidyrnar.  NB ég opnaði ekki!  Þá leit ég út um svefnherbergisgluggann á leið aftur upp í rúm og þóttist sjá glitta í gula vesti bóndans, og hélt að hann hefði gleymt lyklunum inni.  Hélt að hann hefði gefist upp á að vekja mig og væri að banka á herbergisglugga sonarins sem sefur á neðri hæðinni.

Vafði um mig handklæði og fór og opnaði dyrnar!  Kallaði lágt.  Enginn.  Þá fór ég í stígvél og hljóp hringinn í kring um húsið.  Fattaði svo að ég var í þann veginn að læsa mig úti, íklædd handklæði og stígvélum einum fata í -10 stiga frosti....  Hljóp inn og hringdi í kallinn sem var löngu kominn í vinnuna.

Ja, ef þetta var innbrotsþjófur að kanna aðstæður, þá hefur hann flúið, skelfingu lostinn við að sjá þessa kreisí kellingu æða út úr húsinu.

[Svala Erlendsdóttir, 3.12.2008 kl. 23:10]

Bíð eftir framhaldinu eins og fleiri

[Jón Valur Jensson, 4.12.2008 kl. 00:15]

Góður! – Karlarnir eru greinilega afbrýðisamir út í þig, það er mestallt kvenfólk sem skrifar athugasemdirnar. Kannski hugsa þeir með óljósum grun til þess, að þeirra eigin kona hafi stöku sinnum stungið kanelsnúðum í innkaupakörfuna ... sem eru svo óvenjufljótir að gufa upp ...

[Tiger, 4.12.2008 kl. 00:58]

 Hahaha .. Jón Valur - góður. Jú, líklega skilja kapparnir ekkert í því hvers vegna það er aldrei kanelsnúður með morgunkaffinu - þrátt fyrir að vera keyptir af og til sko! Spurning um hvort þeir verði ekki bara að fara að herða sig upp og fara út í meira daður og skjall - meina - það þarf ekki að detta út þó þeir gangi í hnapphelduna - líklega bara mun meiri þörf fyrir því þar en utan hjónasængur! Konur vilja náttla daður, smá erótík og dálítinn hita .. líka í hjónasænginni!

Takk fyrir innlit skottin mín öll og knús á línuna alla .. sé ykkur öll í kvöld eða á morgun ...

[Sigríður Þórarinsdóttir, 7.12.2008 kl. 01:33]

Góður