Já nú flæðir yfir eyjuna glæpalýður sem aldrei fyrr. Er ekkert hægt að gera í þessu? Lést þú stela af þér veskinu í dag? Verður sonur þinn myrtur um helgina? Verður dóttur þinni nauðgað á næstunni.

Jæja, ég verð að viðurkenna að mér er um og ó og því leita svona hugsanir á hugann. Þetta er óhugnanleg þróun og virkilega truflandi. Nýjustu fréttir af vasaþjófagengi sem farið er að herja á fólk í stórmörkuðum og verzlunarmiðstöðvum vekja vægast sagt upp áhyggjur.

Hver sem er fær að koma inn til landsins nú orðið. Það virðist nú vera sem ekkert eftirlit - eða lítið - sé með því hvort fólk sé á sakaskrá eða hafi eitthvað misjafnt í pokahorninu sem þangað læddist með frá heimalandinu eða annars staðar frá.

Ég væri vel til í að setja það í lög að fólk verði að framvísa sakavottorði ásamt vegabréfi - bæði þeir sem koma til landsins sem og við sjálf þegar við förum til annarra landa. Sama á að ganga yfir alla - en ég væri til í að sjá mun hertari reglur varðandi þetta.

Mér finnst ég alltaf vera að lesa eitthvað á þá veru að einhverjir af erlendu bergi séu að brjóta illa af sér, stela - drepa eða smygla einhverju. Nú í gær las ég um slíkan aðila sem stal frá vinnuveitanda í hreingerningageiranum. Sá var rekinn en stuttu seinna var hann handtekinn fyrir að stela frá öðrum vinnuveitanda, bónda.

Við getum ekki og megum ekki - loka augunum fyrir því að með öllu þessu frjálsa flæði hingað til lands - af fólki - renna undan steinum ýmsir misgóðir birnir sem sumir hverjir eiga bara ekkert erindi hingað, eða nokkuð annað yfir höfuð.

Nú hef ég ekkert fylgst mikið með því hvernir þessum málum er í raun háttað, en ég ætla rétt að vona að menn fari að taka harkalegar á þessum málum. Það þarf að loka fyrir ómengaða glæpaöldu af erlendum uppruna áður en hún blandast of mikið okkar íslensku glæpaöldu - sem er sannarlega alveg nógu slæm fyrir og ekki á bætandi. Í það minnsta er maður allavega alltaf að heyra af verri og verri glæpum og meiri hörku í samskiptum manna/kvenna um allar helgar í miðbænum í Reykjavík. Hvar endar þetta ef ekki verður tekið af meiri hörku á málunum?

Ég er að segja ykkur það að þó ég líti ekki út fyrir að hafa miklar áhyggjur - eins og sjá má á myndinni af mér í morgunmatnum hér til hliðar - þá hef ég samt áhyggjur af framtíðinni.

Ég vil alls ekki loka á fólk til landsins, hef trú á að samfélagsblöndun sé af hinu góða - svo framalega sem við virðum öll siði, lög og reglur þess lands sem við sækjum heim, hvort sem er til að búa þar og vinna eða bara heimsækja landið.

Málið er bara að mér finnst ég alltaf vera að heyra eða lesa um fleiri og grimmari glæpi og að alltof oft tengist það fólki sem hefur fengið að flæða óhindrað og athugasemdalaust inn á skerið. Svo eftir að það brýtur af sér hérna heima - kemur í ljós að það er langur og ljótur hali á eftir þeim víða. Slíkt hefði verið hægt að skoða ef sakavottorð væri sama skilyrði og vegabréf. Hefði haldið að það ætti nú ekki að vera mjög erfitt að koma slíku á, bæði hvað fólk hingað varðar og fyrir okkur sjálf þegar við ferðumst utan.

************

Meintur fíkniefnasmyglari í gæsluvarðhald

Athugasemdir

[Guðrún Ágústa Einarsdóttir, 7.8.2008 kl. 23:26]

Maður þorir varla að setja á prent sínar skoðanir á þessu máli því ekki vill maður hleypa ólgu af stað, en ég er sammála þér í mörgu svo ég segi ekki meir... kv Gunna.

[Steingrímur Helgason, 7.8.2008 kl. 23:27]

Jújú, meira að segja verið að kenna okkur við eitthvað Frjálslyndi líka, af því að við meinum það sama á borði sem í orði, frekar að slíkt sé nú skynsamleg íhaldzsemi, dona sagnfræðilega á litið.

Hittieríið hugzar svo sem hið sama, & jafnvel segir það þyngra á milli manna, en skammast yfir skorti á víðsýni & almannakærleika, ef að dirfzt er að nefna að eitthvað megi nú staldra við & íhuga vandann, ef vandi  þá er.

Sama fólk les í blöðum að hér sé allt á leið til hinz vonda, & kýz þá frekar en að gagnrýna sama fjórflokkavaldið sem að það kýz yfir sig reglulega, að kjóza inngöngu í Evrópska alræðizvaldið & taka upp einhverja 'júgru', sem allt á að bæta.

Það myndi heddlíng bæta úr skák, sem að er enn á fjórða leik.

Mæli með spænzkum leik, Rui Lopez, ....

[Skattborgari, 7.8.2008 kl. 23:39]

Þessi glæpalýður fer þangað sem hann kemst og virðir eingin lög það er best að taka á þessu núna strax á meðan það er hægt. Ef við bíðum of lengi þá getum við ekki stöðvað þennan lýð. Viljum við kannski að það sé talið eðlilegt að vera með hlaðið skotvopn á hverju heimili eins og er sumsstaðar eðlilegt?

Kveðja Skattborgari 

[Jenný Anna Baldursdóttir, 7.8.2008 kl. 23:52]

Hvaða flæði ertu að tala um?

Fólk frá Schengensvæðinu?

[Tiger, 8.8.2008 kl. 00:14]

Búkollabaular; Já, það eru alltaf einhverjir fljótir til að kalla upp eitthvað um rasistann, en það er alls ekki það sem ég vill meina að ég sé - síður en svo. Hér er ég mest að meina að það ætti að taka upp eitthvað í líkingu við að skylda fólk til að sýna sakavottorð um leið og passann - bæði þeir sem koma hingað og við sjálf þegar við förum annað.

Guðrún Ágústa; Ég skil þig vel og virði það að þú viljir ekki setja ólgu í sjóinn. Takk fyrir innlitið.

Steini minn; Frjálslyndi okkar á eftir að koma íhaldseminni okkar um koll gruna ég. Við erum of líbó og kærulaus gruna ég. Eða erum við kannski bara of grunnhyggin að halda bara að ekkert slæmt geti nokkurn tíman komið yfir klakann góða? Knús kaddl ..

Skattborgari; Nei sannarlega myndi ég ekki vilja að landinn færi að vígbúast og vera með hlaðið vopnabúr um allar tryssur. Sannarlega mætti taka meira á þessu en líka verðum við að taka á þeim sem eru íslenskir og brjóta af sér hér heima en ætla sér að komast burt, sama á að gilda um okkur og um aðra að mínu mati sannarlega. Sjálfur væri ég til í að þurfa að sýna sakavottorð þegar ég ferðast erlendis..

Jenný mín; Flæðið .. ég er svona meira að meina bara flæðið almennt af erlendu fólki yfir höfuð. Ferðamenn eða þá sem koma til búsetu eða lengri heimsókna - sama hvaðan það fólk kemur. Mér finnst bara svo opið eitthvað svo það virðist sem bara allir sem vilja geti komið inn til landsins án nokkurs eftirlits - nema smá eftirlits af einum og einum tollverði. Vil sannarlega ekki loka á fólk sem óskar eftir því að koma hingað - alls ekki - bara að fólk sem hingað kemur með búsetu í huga geti sannarlega framvísað hreinu sakavottorði. Sama og ég myndi óska öðrum til handa - að við myndum sjálf sýna slíkt þegar við förum af stað til að búa erlendis.

[Halla Vilbergsdóttir, 8.8.2008 kl. 00:17]

Æi veistu ég er alveg sammála þér.... Á nú ekki miklu meira til að bæta við það.;) En þú kemur mér oft til að verða orðlaus yfir skemmtilegum pælingum..kiss kiss frá mér litlu stelpunni ;)

[Skattborgari, 8.8.2008 kl. 00:18]

tigercopper. Aðili sem hefur ekkert að fela þarf ekkert að óttast þegar hann sýnir sakarvotorðið þannig að mér finnst það bara eðlileg krafa og allt í lagi að það land sem ég kem til geti flett upp sakaskýrslunni minni. Það hafa öll lönd nóg með sína glæpamenn.

Kveðja Skattborgari. 

[JEG, 8.8.2008 kl. 00:18]

Já landið er að verða Krimmaland það er nokkuð ljóst.  Og það virðist vera að það sé of auðvelt að koma þessu hér inn í okkar ljúfa land.  Þó að einn og einn stór sé stoppaður er bara annar sem sleppur.  Því miður.

Svo fær þetta fólk alltof væga dóma því miður og já safnar jafnvel upp x miklu og situr svo inni og halló brýtur af sér á meðan örugglega meðan það bíður. Veit um dæmi sem var bara fáránlegt endaði á að hann sat inni fyrir 3 brot í stað 1.

Knús á þig sæti minn og kveðja úr sveitinni.

[Sigrún Þorbjörnsdóttir, 8.8.2008 kl. 00:26]

Úff, hjartað í mér tók xtra kipp við að lesa fyrirsögnina hjá þér. Ég segi nú bara eins og Skattborgari, ef maður hefur ekkert að fela er heldur ekkert að óttast að þurfa að sýna sakavottorð á ferðalögum  Er eitthvað að því að gera kröfur á þá sem hingað koma...?

Eigðu góða nótt ljúfur.

[Tiger, 8.8.2008 kl. 00:32]

Halla Vilbergs; Ertu að daðra við mig addna rúsínan þín? Á ég að þurfa að hafa áhyggjur af þessu? Ertu nokkuð nágrannakonan mín?

Skattborgari; Þetta er einmitt það sem ég meina - öll lönd hafa nóg með sína - við líka - og því finnst mér það bara sjálfsögð virðing við önnur lönd ef ég sýni sakavottorð þegar ég ferðast. Vel mælt ..

JEG; Já, og svo eru líka margir sem koma - brjóta af sér - og komast upp með það og eru horfnir á braut áður en næst í skottið á þeim til að refsa þeim. Farbann sem slíkt er t.d. á engan hátt öryggi fyrir því að dæmdir menn komist ekki burt aftur. Satt að því miður komast of margir misjafnir í gegn þó sannarlega sé stærsti hópurinn yndislegur og velkominn.

[Tiger, 8.8.2008 kl. 00:33]

Sigrún Þorbjörnsdóttir; Skil þig vel - fyrirsögnin er mjög grimm - en samt eitthvað sem maður ósjálfrátt veltir fyrir sér þegar maður les blöðin eða hlustar á fréttir nú orðið. Skelfileg fyrirsögn - í skelfilegu ástandi.

[Halla Vilbergsdóttir, 8.8.2008 kl. 00:42]

hahaaha api..já auðvitað daðra ég við þig og klárlega er ég kanski nágranni þinn Ef þú segir mér hvar í fjandanum þú átt heima þá skal ég segja þér af eða á hahahah. En svei mér þá eg gæti verið að tala við þig allann daginn en veit ekki af þvi ;) það er bara frábært..... En samt þá held eg að ég se ekki hún.

[Oddgeir Einarsson, 8.8.2008 kl. 00:45]

Athyglisvert að sjá hvað margir virðast vera tilbúnir að skrifa upp á það fyrirkomulag að einungis þeir sem aldrei hafa brotið lög í heimalandi sínu megi fara til annarra landa.

[Jóna Kolbrún Garðarsdóttir, 8.8.2008 kl. 00:50]

Ég var nú bara í síðustu viku, þegar ég var í Finnlandi að segja hvað við værum heppin að hér væru ekki vasaþjófar, ekki stóð það nú lengi.  Ég er sammála þér í því að fá sakavottorð frá fólki sem kemur hér til vinnu eða búsetu, það á að vera skilyrði. 

[Tiger, 8.8.2008 kl. 00:52]

Halla Vilbergs; kannski ég fari bara að kíkja á þig í vinnuna - fæ mér eins og eitt kort eða svo hjá þér - og kvitta fyrir því með "Tigercopper". Ætli þú myndir fatta mig þá ??? *ulla*...

Oddgeir Einarsson; Það að brjóta lög er svo teygjanlegt - ef um alvarlega glæpi er að ræða hjá einhverjum myndi ég sannarlega ekki vilja fá hann/hana hingað. Sannarlega myndi ég heldur engum óska að þurfa að fá íslenska morðingja yfir sig t.d. Þeir sem brjóta af sér - en sitja dóminn allan - eru jafnvelkomnir til reynslu sem og allir aðrir að mínu mati. Allir mega ferðast, þó það nú væri - en þeir sem eru síbrotamenn/konur eða með virkilega ljóta dóma á sér - eiga bara ekkert erindi til annarra landa eftirlitslaust til að geta kannski brotið enn alvarlegra af sér á nýjum slóðum.

[Tiger, 8.8.2008 kl. 00:56]

Jóna Kolbrún; Ég er algerlega sammála því að ákveðnari tökum verður að taka á þessum málum ef ekki á allt að fara til kaldra kola. Við erum víst þegar komin með mest allan pakkann hingað á klakann, því miður. En, kannski hefur þetta alltaf verið hérna - framkvæmt af okkur sjálfum en bara í minna mæli og ekki eins áberandi. Þetta er að verða fagmannlegra með hverju árinu.

[Halla Vilbergsdóttir, 8.8.2008 kl. 01:09]

hahahha æi ég er ekki niðri þannig ég mundi trúlega ekki fá að afgreiða þig ;(  Leitt er það....nema þú biðjir þá sérstaklega um að þú viljir að Halla afgreiði þig um kort heheh þá smelli ég mér niður ;) Fengi þá líka trulega afsökun í að fá mér kaffi og einn smók ef einhver á leið hjá ;)  þannig endilega Ármúli 28.

[Ásdís Sigurðardóttir, 8.8.2008 kl. 01:12]

Það eru ekki allir molar af þessu útlenda bergi vel brotnir, en þannig er um okkar heimamenn líka.  Íslendingar hafa stungið af til annarra landa ef þeir hafa ekki haft frið hér á landi og finnst okkur það þá good riddens, eðlilega fjölgar illa þenkjandi fólki í eðlilegu hlutfalli við "venjulegt fólk" þegar innsteymið er mikið, þangað sækir fólk sem helst er von um gróða.  Annars er ég fylgjandi reglum sem gilda jafn yfir alla.

[Tiger, 8.8.2008 kl. 01:57]

Halla; Kannski ég eigi eftir að renna í Ármúlann einhvern daginn til að láta eins og eina skvísu afgreiða mig.. haha .. eða þannig jú know! Ekkert slæmt við smá pásu og kaffisopa sko..

Ásdís mín; Ég er sammála - algerlega fylgjandi því að eitt og það sama á að gilda fyrir alla jafnt. Sannarlega eru ekki allir molar hérna á Íslandi heldur fallega brotnir af berginu, ekkert frekar en annarsstaðar frá. Svo satt að gróðasjónarmið stýra oftar en ekki þeim sem eru misvel brotnir sundur ... eða þannig.

[Brjánn Guðjónsson, 8.8.2008 kl. 03:02]

er þessi meinti smyglari ekki bara meintur útlendingur?

allavega. meint komment frá mér á þinn meinta pistil

kærar meintar kveðjur minn kæri

[Tiger, 8.8.2008 kl. 03:15]

 Einmitt það sem ég meinti - eða var það ekki? Annars er ég að meina það - verð meintur bloggari sem verð leiddur niður laugaveginn næsta laugardag - af meintum samkynhneigðum kunningja mínum. Hann er hins vegar ekki meintur glæpamaður - ennþá - aldrei að vita hvað gerist þegar niður laugarveginn kemur...

[Jónína Dúadóttir, 8.8.2008 kl. 05:21]

Það er ekki rasismi að fara fram á það að allir virði lög, reglur og siði þess lands sem heimsótt er eða búið er íMig langar til að vera með í göngunni á Laugarveginum á laugardaginn, en verð bara með þeim í huganum

[Hulla Dan, 8.8.2008 kl. 08:37]

Þið eruð ágæt (sem er betra en að vera góður )

[Ásthildur Cesil Þórðardóttir, 8.8.2008 kl. 09:08]

Flott umræða, og á mjög svo málefnalegum nótum.  Útlendingaumræðan er ein af þeim sem ekki má tala um.  Fólk sem telur sig vera umburðarlynt fer strax á límingum, það má ekki vera vondur við útlendinga.  Svona tal er rasismi.  En ég þekki margt fólk af erlendu bergi brotið, fólk sem hefur ákveðið að koma hér og setjast hér að.  Þetta fólk er alveg sammála því að það eigi að vera betra eftirlit með því hverjir koma, til dæmis með sakarvottorði og heilbrigðisvottorði.  Það er nefnilega svo, eins og hér hefur komið fram, að þeir sem hafa ekkert að fela, finnst ekkert mál að sýna það opinberlega.

Svo er annað sem hún Anna Benkovich hvar að segja við mig.  Hvað er fjölmenning ? það er rasismi segir hún að tala um fjölmenningu.  Fólk sem kemur hingað til að búa, eru íslendingar, og þá er þeirra menning líka íslensk, og þá bara tegist á því hvað kallast íslensk menning. 

En ég vil líka benda á að ennþá þarf fólk frá Asíu og annarsstaðar að en frá Evrópu að sýna sakarvottorð, sýna að það eigi um 1000 dollara á bankabók, og það tekur óratíma og allskonar vesen fyrir það þó það sé bara að koma í heimsókn til ættingja sinna.  Hvar er réttlætið þar?

[Ásthildur Cesil Þórðardóttir, 8.8.2008 kl. 09:13]

P.S. efsta myndin er algjörlega frábær, ég ætla að stela henni  Knús á þig elskulegur.

[Guðbjörg Erlingsdóttir (IP-tala skráð) 8.8.2008 kl. 10:03]

Þetta er "meint"

Ofurskutlukveðja :)

[egvania, 8.8.2008 kl. 13:39]

Halló?

Ég þekki eina sem hefur þvælst um Evrópu og aldrei lent í þjófnaði en svo eitt sinn á Glerártorgi laumaði sér einhver í vasa hennar og nappaði veskinu.

Hún er ennþá sármóðguð að þetta gerðist á Glerártorgi en ekki erlendis.

  

[María Guðmundsdóttir, 8.8.2008 kl. 13:58]

veistu,alveg sammála ,thad má tvimælalaust herda eftirlit med thvi hverjir thad eru sem eru ad koma til landsins. Og ekki bara á islandi,heldur alls stadar. Var nú alveg nóg fyrir med "innlenda" glæpamenn thótt thessir úttlensku bætist ekki vid...en svo er annad,asskoti audvelt ad falsa vegabréf,sakavottord og so forth,en kannski allt i lagi ad gera thessu lidi erfidara fyrir 

Eigdu góda helgi minn kæri og knus og krammar á thig

[Héðinn Björnsson (IP-tala skráð) 8.8.2008 kl. 14:21]

Ég veit ekki betur en að glæpatíðni hafi frekar farið minkandi á Íslandi á undanförnum árum. Hagstofan er allavega á því:

Afbrot á 10.000 íbúa

1999 - 3.122,4

2000 - 3.252,7

2001 - 2.916,2

2002 - 3.183,4

2003 - 2.814,9

2004 - 2.688,0

2005 - 2.118,6

2006 - 2.353,7

[Lilja Guðrún Þorvaldsdóttir, 9.8.2008 kl. 01:50]

Ég fann eitthvað þykkildi undir hendi mér eiginlega alveg við handarkrikann, þegar ég var að ganga inn um snúningshurðina í Smáralindinni í fyrra, og þegar ég ætlaði að hagræða töskunni á öxlinni, þá klemmdi ég töskuna fast upp að mér, og leit til hliðar,  og horfði beint í augun á konunni sem var með hönd sína ofaní töskunni minni. - Konan sem hefur verið á aldrinum milli 35 -40 ára, náði að slíta sig lausa, og hljóp á undan mér og kallaði mamma, mammaaaaa, og lét eins og hún væri að leita að mömmu sinni,  - Ég og dóttir mín sem með mér var hlupum á eftir henni, hún hljóp inn í fatabúð og reyndi að fela sig á milli fatasláa,  ég notaði tækifærið og hringdi á lögguna, en hún slapp helvítið á henni, á meðan ég var að velja númerið hjá löggunni, og dóttir mín var að skýra öryggisverði frá atburðarrásinni. - Hvar hún fór út úr búðinni gátum við ekki fundið út. - En hún náðist ekki. -  Þetta er í eina skiptið sem ég hef verið rænd, og hef ég þó víða farið.

[Sigrún Óskars, 9.8.2008 kl. 10:05]

Ég er bara sammála þér - er ég þá nokkuð rasiti? Er samt ekki á móti útlendingum - er á móti glæpahópum sem koma hingað óhindrað.

Knús á þig

[M, 9.8.2008 kl. 11:27]

Bara smá innlit

[Guðrún B. (IP-tala skráð) 9.8.2008 kl. 23:01]

Ussussusss....svona má alls ekki segja.  Nú koma allir og kalla þig rasista og brjálæðing.  Það nefnilega má ekki hafa skoðnir á þessum málum.  Þetta er eitthvað svo viðkvæmt.

En ég er alveg sammála þér að mörgu leyti.  Að vísu finnst mér vanta inn í umræðuna svolítið að segja frá þegar útlendingar gera góðverk eða gleðja einhvern. Það gerist nefnilega oft líka en það er aldrei talað um það.  Auðvitað er misjafn sauður í mörgu fé, og ein kona frá Póllandi sagði mér það að það væri umtalað hvað það væri auðvelt að ræna Íslendinga, því við værum svo kærulaus. Auðvitað er það þá þannig að þeir sem stunda slíka iðju flykkjast til Íslands til þess að ná sér í bita af góssinu.  Við höfum svolítið verið að bjóða upp á svona með kærulauslegri hegðun, og framferði.

En já, við meigum fara að passa okkur, ég passa alltaf töskuna mína þegar ég fer til útlanda, og núna geri ég það líka þegar ég fer til Íslands, Ísland er jú frá mínum klettum séð . " Útlönd"

Luv.. Klettadísin.

[Helga Guðrún Eiríksdóttir, 10.8.2008 kl. 01:03]

Ég er farin að segja: "Takk fyrir", þegar ég er kölluð rasisti. Sem gerist æ oftar.

En útlendingar eru auðvitað ágætir... sem túristar.

Knúzáðig gleðigjafinn minn!

[Tína, 10.8.2008 kl. 07:50]

Æ gott ef ég fann ekki bara svolítið til í mitt útlenda hjarta við að lesa athugasemd Helgu. En ég vona svo sannarlega að hún hafi nú einhverja jákvæða reynslu af útlendingum sem hér búa.

Annars er ég hjartanlega sammála þér Tiger minn varðandi framvísun á sakarvottorði. Persónulega fyndist mér ekkert athugavert við að leggja svoleiðis fram ef ég væri á leið til útlanda og finnst að þetta ætti að vera jafn sjálfsagt og vegabréf.

Hafðu það ljúft yndislegi vinur minn og takk fyrir truflaðslega fyndið kvitt hjá mér. En ég grenjaði úr hlátri þegar ég las þetta.

[Helga Guðrún Eiríksdóttir, 10.8.2008 kl. 11:42]

Auðvitað var þetta skens Tína mín og ég þekki helling af yndislegum "útlendingum". Svo væri ég nú að skauta á afar hálum ís þar sem Tægerinn okkar er nú víst alls ekki alíslendingur og sjálf er ég "túristi" á Íslandi um þessar mundir.

Hitt er svo allt annað mál að ég er sammála TC með færsluna og ég vil sjá miklu, MIKLU harðari reglur hér varðandi þá útlendinga sem hingað koma. Heldur vildi ég óheftan innflutning á lambakjöti en Litháum.

Eigið ljúfan sunnudag, dýrin mín stór og smá!

[Árni Gunnarsson, 10.8.2008 kl. 12:16]

Það fyllir mig nú svolítilli bjartsýni að lesa þessa færslu og flestar athugasemdirnar líka. Ég hélt að í þessum efnum væri aðeins ein skoðun leyfileg og þau lög hefðu verið sett þegar umræða af þessum toga hófst hjá liðsmönnum Frjálslynda flokksins.

Mín skoðun er- og hefur alltaf verið sú- að þetta samfélag eigum við að byggja upp innan frá, en þó án allra fordóma í garð útlendinga. Sú samfélagsgerð hefur þróast hér frá örófi alda og gefist ágætlega.

Hæfileg íblöndun útlendinga tryggir góðar móttökur og gagnkvæmt umburðarlyndi.

Bestu þakkir öll!

[Guðrún Emilía Guðnadóttir, 10.8.2008 kl. 14:47]

Bara að láta vita af mér og takk fyrir mig, þúsund kossa fyrir hlý orð
Tiger míó míó.

Um það sem um ræðir í þínu bloggi þá er ég eiginlega sammála honum Árna vini mínum Gunnarsyni þó hann segi nú að ég sé aldrei sammála honum.

En við verðum að sjálfsögðu að hefta komu glæpamanna til landsins.
Kveðja
Milla.

[Huld S. Ringsted, 10.8.2008 kl. 22:58]