Það er ýmislegt hægt að gera til að spara heimilisútgjöldin. Finnur þú þína leið hérna??

Hefur fjölskyldan ekki efni á rándýrri heimavörn? Er mikið um afbrot í þínu hverfi? Ef svo er þá er hér komin nákvæm og frekar ódýr lausn á vandanum. Það þarf alls ekki mikið til að koma innbrotsþjófum í gildruna. Kostnaður er í lágmarki en kannski helstur í byggingu gildrunnar, en ef húsbóndinn eða húsmóðirin er lagin í höndunum þá þarf ekki heldur að henda fé í mann til að smíða gildruna.

Jú, auðvitað er þetta ekki mannúðlegt - en nauðsynlegt stundum. Það er heldur ekki mannlegt þegar innbrotsþjófar eru að stinga nefinu og fingrunum inn á einkaheimili okkar og róta í persónulegum eigum okkar.

Einungis þarf að staðsetja gildruna um allt hús þegar farið er í frí og viti menn, húsið fullt af rotnandi innbrotsþjófum þegar snúið er til baka. Hvað er ljúflegra en að hafa vaðið fyrir neðan sig og verja sig og sína?

Svo er bara að kalla til lögregluna og líkbrennsluna og láta þá fjarlægja ósómann. Enginn kostnaður en smá tími í að þrífa upp subbið eftir lætin, smá blóðslettur kannski ...

Ohh.. vona að þið farið nú ekki að taka þetta alvarlega og vona að þið farið nú ekki að smíða svona gildru! Alveg nóg að aðrar rottur lendi í svona gildrum á öðrum vettvangi. En hugmyndaflugið er stundum ótrúlegt.

Já, það er á margan hátt hægt að spara þegar matarkarfan er farin að hækka um allt. Þegar launin eru ekki meiri og þeir lægstlaunuðu ná varla saman endum yfir mánuðinn er nauðsynlegt að skoða fjármálin og huga að því hvað hægt er að gera til að spara.

Gæludýrafóður tekur t.d. oft mjög mikinn skerf af launum heimilisfólks. Oftar en ekki eru til ýmis ráð við því. T.d. eiga allir ónýta skó eða gamla sem hægt er að henda í hundana, enda alvitað að hundar fíla skótau einstaklega vel. Þar mætti vel spara í matarkaupum. Muna bara að hafa skóna frá Addidas eða Nike, annað er ekki gott í hundskjaft - eða þannig.

Nú, selja má bílinn og spara þar með mörg þúsund á mánuði í bensínkaupum. Einnig eru það tryggingar og rekstur sem og bara afborganir af bíl sem taka heilmikið af heimilistekjunum.

Ef vinna ykkar er t.d. póstburður - þá er ekkert mál að taka á því á hjóli. Óendanlega mikið hægt að troða á reiðhjól sko!

Það mætti líka smíða litla aftaníkerru til að draga fjölskylduna í sumarfríið. Börnunum kemur maður bara á nágranna og vini þegar skólatími er - sem og ef íþróttir og annað fylgir barni þá er bara að koma þeim á foreldra félaganna, bregst ekki að sparnaður þar er gífurlegur.

 

Svo er það líka alltaf spurningin með gæludýrin þegar á þarf að halda að snyrta þau eða álíka dúllerí. Mikill kostnaður er í snyrtiaðgerðum og þvotti til dæmis. Með því að henda þeim bara í baðkarið heima og leyfa þeim að druslast þar smá stund - og bjarga þeim svo uppúr rétt áður en þau ropa upp síðasta sopanum - sparar maður heilmikið.

Svo er næsta víst að dýrin munu elska mann mun meira eftir á því maður bjargaði þeim jú frá drukknun - og þau meta það örugglega, haldið þið ekki? Hvað með þó dýrin blessuð blotni og breytist í útilit smá stund? Þið fáið þó að sjá dýrin í nýju ljósi og næsta víst er að margir munu njóta þess vel að sjá köttinn, hundinn eða fuglinn breytast í hinar skrítnustu furðuverur.

Jú, svo að öllum þessum sparnaði loknum - er ég handviss um að allir ættu að hafa efni á eins og einni kampavínsflösku í lok mánaðar. Eitthvað sem hini efnameiri nota jú daglega, en það er önnur og lífseigari Ella.

Það er í það minnsta hægt að fagna með ýmsum uppákomum sem annars hafa ekki verið uppi á borði hjá láglaunamanninum. T.d. væri hægt að kaupa pizzu handa börnunum, kaupa nýja sumarskó eða stuttbuxur. Eitthvað sem er til í tonnatali á hverju ríkisstjórnarheimili - og þotuliðsheimili, en er lúxusvara sem ekki er hægt að veita sér á venjulegu verkamannaheimili.

Hugsið ykkur þann munað sem þið getið veitt ykkur ef þið farið eftir öllum þessum ráðleggingum. Þá myndi það ekki skipta okkur neinu máli hvort matarkarfa A.S.Í. hækki eða lækki, við bara gætum glott út í annað og klappað feitu peningabuddunni okkar sem inniheldur feitan og hálan eftirlaunasjóð sem og alls skonar bitlinga og starfslokasamninga - rétt eins og bankastjórar og ráðherrar á eftirlaunum gera.

En, hér er komið nóg í bili. Er bara rétt að henda inn færslu til að láta vita af mér, en verð á ferðinni í kvöld og mun þá klára að lesa ykkur og finna að því sem þið eruð að skrifa - eins og venjulega mun ég hreyta í ykkur ónotum og vera með læti.

ASÍ-sparnaðarkveðja í loftið!

Bónus hækkar mest

Athugasemdir

[Jónína Dúadóttir, 30.6.2008 kl. 13:58]

Strax farin að finna veskið þyngjast

[Helga Magnúsdóttir, 30.6.2008 kl. 14:26]

Þakka þér fyrir góð ráð. Ekki veitir af í kreppunni.

[Brjánn Guðjónsson, 30.6.2008 kl. 14:34]

varðfuglinn Bóbó sér um gæsluna hjá mér

[María Guðmundsdóttir, 30.6.2008 kl. 14:41]

 er enn ad jafna mig á thjófagildrunni!! thú ert óborganlegur og bara gerir daginn strax skemmtilegri med svona færslum. Takk fyrir thad minn kæri, nú tek ég thessi tips og skrifa nidur..jájá..vid thurfum lika ad spara hérna i dk..allt ad verda dýrara og dýrara sko og ekki lifandi á námslánum..svo minns verdur ad taka til sinna ráda...

knus og krammar i daginn thinn, hafdu thad sem allra best 

[Helga Auðunsdóttir, 30.6.2008 kl. 14:42]

[JEG, 30.6.2008 kl. 15:27]

OMG !

Það er alltaf jafn gaman að kíkja á þig og lesa pistlana þína.

Knús og kveðja úr sveitinni þar sem enn er skítakuldi og rok.

[Ragnheiður Ása Ingvarsdóttir, 30.6.2008 kl. 16:08]

[Tína, 30.6.2008 kl. 17:37]

Döhhhhh það er kannski þess vegna sem ég kom að kallinum mínum þegar hann var að gefa tíkunum skóna mína !! Þetta var þá bara sparnaðaraðgerð eftir allt saman .

Skemmtileg færsla að vanda og myndirnar úber fyndnar. Enda sýnist mér þú ekki vera vanur að klikka á einhverjum smáatriðum.

Knús á þig minn kæri

[Linda Linnet Hilmarsdóttir, 30.6.2008 kl. 19:15]

knús á þig vinur og bestu kveðjur

[G Antonia, 30.6.2008 kl. 20:36]

Bara fyndinn þessi færsla  en sitthvað má nú læra af henni heheheheheh!!!! Eða þannig sko!

[Brynja skordal, 30.6.2008 kl. 23:16]

 knús inn í nóttina

[Gunna-Polly, 1.7.2008 kl. 00:09]

er byrjuð að smíða gildru

[Helga Guðrún Eiríksdóttir, 1.7.2008 kl. 00:22]

 Nágranni minn er svo rosalegur sparigrís... (well my other neighbours call him Charlie Cheapskate)... að þegar hann loksins keypti bíl þá var hann jafn sparneytinn og eigandinn...

 enda tengdust þeir í upphafi óvenju vel.. eða alveg þar til honum kom í hug á leiðinni heim hvernig hann ætti að bremsa... eða með hverju!!   

*EnguTilZparað-HelguKnúz!* áðig, uppáhaldsTígraDýrið mitt!

[alva (IP-tala skráð) 1.7.2008 kl. 00:48]

æ þú ert frábær!!

[Jóna Kolbrún Garðarsdóttir, 1.7.2008 kl. 00:51]

Þetta eru nú aldeilis sniðug sparnaðarráð, þar sem ég er með smá dýragarð hérna.  Hundurinn sér um öryggisgæsluna og Securitas líka!! Þar sem ég bý á Seltjarnarnesi, sér Securtas um hverfagæslu allann sólarhringinn  

[Lilja Guðrún Þorvaldsdóttir, 1.7.2008 kl. 01:58]

Góður!

[Tiger, 1.7.2008 kl. 02:52]

 Ómæ .. ég er búinn að sitja hérna í sirka fimm tíma bara til að lesa og kvitta á ykkur dúllurnar mínar. Vel þess virði en vámm hvað tíminn líður hratt.

Knús á ykkur skottin mín og hafið það ljúft .. later.