Trúir þú öllu sem þú sérð í sjónvarpinu? Ég er ein heljar brunarúst eftir daginn! Tilraun...

Jú, líklega tekst þetta ekki - en það er þá bara eins og frægðarsólin mín sé hér endurborin. Ég átti mínar 15 mínútur af frægð hér um árið, þannig séð. Tók þátt í nokkrum auglýsingum og gerðist krimmi í tveim sjónvarpsmyndum - en þetta tók fljótt yfir og var horfið áður en nokkur nálægur mér áttaði sig alveg á mér. En það voru ókunnir mér sem voru erfiðir - það var virkilega mikill horror að standa frammi fyrir fólk sem trúir öllu sem það sér í sjónvarpinu! Í þessum spilara þarna uppi á að vera smá svona "wannabí-fame-and-fortune" - en ekki víst að það virki því ég er ekki alveg með það á hreinu hvernig á að henda svona spilara hingað inn.

Ég ætlaði mér að verða frægur, frægur og ríkur - lifa kóngalífi þar sem fólk væri að heimta af mér eiginhandaáritanir og myndir. En lífið er ekki allt sem sýnist og stundum kemur það manni illa á óvart með skelli og látum. Það var svo sem allt með kyrrum kjörum til að byrja með, aðeins vinnufélagar og fólk sem ég hafði samskipti við daglega - tók eftir því að kappinn var farinn að sjást einstaka sinnum á sjónvarpsskjánum. Enda jú - hver horfir svo sem á auglýsingar, en það var það fyrsta sem ég lét plata mig út í og ég var sko heljar ljóska því ég lét plata mig alla leið út í drullupollinn - án þess að hafa hugmynd um hvað myndi fylgja í kjölfarið!

Byrjunin var róleg og heljarskemmtileg, maður tók þátt í heilmiklu prógrammi og undirbúning - sem svo endaði með slatta af tökum og aftur endalausum tökum á sömu atriðunum aftur og aftur. Ég var nátttúrulega bara byrjandi, engin raunveruleg reynsla og stundum fannst mér líka eins og að "leikstjórinn" væri bara fúzkari, en þetta gekk samt allt á endanum og útkoman varð sjónvarpsefni sýnt á primetime. Það var náttúrulega geggjað að horfa á sjónvarpið það kvöldið - mar bara var súperstar - og ég átti varla orð yfir öllum sms - og hringingunum það kvöld, til hamingju þar og hér - og allir sem mig þekktu sammála um að ég hefði leikið brilljant vel þenna ljóta krimma sem ég tókst á við, en daginn eftir - og nokkra daga í röð - og einstaka sinnum ennþá svona löngu seinna - komu fylgifiskar sem ég hafði ekki átt von á - og kærði mig sko alls ekki um.

 

Jú, ég var náttúrulega alger óþokki á skjánum - en ég var/er það ekki in real life - surprise! En það voru sko alls ekki allir sem gátu gert greinamun á leiknu efni í sjónvarpi og beinum útsendingum af vígvelli stríðshrjáðra.

Ég fékk þó nokkur illu augnráðin, marga fokkfingur og í mig var hreinlega kastað illyrðum og fúkyrðum á götunni og í búðinni og í Kringlunni og víða. Gömul kona hrækti fyrir framan fæturnar á mér - og kona neitaði að fara í sömu lyftu og ég.

Vitið þið - þegar mesta undrunin var liðin hjá mér - þá ákvað ég að núna væru mínar 15 mínútur í sjónvarpi liðnar og kæmu aldrei aftur.

Ég sem er svo hrikalega ljúfur og góður drengur (er það víst sko) fékk svo sannarlega að kenna á tevatninu. Sumt fólk raunverulega trúði því að myndin hefði verið tekin upp um leið og hlutirnir gerðust - fólk drepið og eiturlyf notuð - sprautur og heilmikill grautur. Ég hefði aldrei trúað því að fólk gæti verið svona shallow - eða grunnt - að það myndi trúa því að raunverulegir glæpamenn myndu bara leika fyrir myndavélarnar allt það illa sem þeir frömdu - og að myndatökufólk og fleira fólk væri bara á staðnum til að mynda slíka atburði - án þess að grípa inn í eða kalla til lög og reglu.

Ok, ég verð víst að viðurkenna að fólk er misjaft - svo misjaft og undarlegt sem það er margt. En ég er ennþá yfir mig bit á því hvernig sumir komu fram við "stjörnuna". Reyndar skil ég ekki hvernig alvöru stjörnur fara að því að lifa og eiga sér líf eftir hverja myndina af annarri - og sérstaklega þeir sem leika alltaf skúrka.

Ég myndi aldrei endast í svona löguðu - enda var ég ekki búinn að gera mér grein fyrir látunum áður en ég stökk eins og ljóska beint á vegginn og í gegn. Ég vildi víst ekkert verða frægur eftir allt saman - okok - alveg til í að vera moldríkur en ekki lengur frægur. Aðrir mega standa í þannig vandamálum mín vegna - ekki ætla ég að trufla það. En ég tel leikara vera heljar hetjur að geta staðið í því að eiga sér ekkert líf í raun og veru. Fólk af götunni og bara alls staðar telur sig hafa eitthvað um viðkomandi að segja, gagnrýni - góð eða slæm - í blöðum og bara í búðinni á horninu - og um allt er fólk að hnippa í viðkomandi og spyrja um hina myndina eða þessa.

 

Minn maður tók þátt í einu stykki í viðbót eftir þennan horror - en síðan var leikferillinn úti. Ég pakkaði saman og lét mig hvefa á braut hægt og hljótt - með allt mitt hafurtazk.

Mér var boðið að taka þátt í nokkrum stykkjum á næstu mánuðum - en ég sendi alltaf vinsamlegt "nei takk" sem svar - og á endanum var hætt að leita til mín. Sennilega hefur Umbinn hent prófilnum mínum bara út og gleymt mér, sem betur fer bara.

Enn í dag eru einstaka persónur í verslunum eða á kaffihúsum sem hnippa í mig og spyrja mig hvort það geti verið að ég hafi leikið í "þessu eða hinu" - og ég horfi alltaf jafnsaklaus á það fólk og segi með stórum saklausum hvolpaugum - "ha, ég? Neinei ég hef aldrei leikið eða verið í sjónvarpi" - og svo flýti ég mér að klára það sem ég var að gera og kem mér á bak og burt - aftur með allt mitt hafurtazk. Gott að hafa góðan trukk þegar maður þarf að flytja mikið hafurtazk svona aftur og aftur. Reyndar hef ég aldrei flúið eitt eða neitt - og aldrei tekið mitt hafurtazk með mér yfir höfuð - en þið skiljið hvað ég meina, ekki satt?

En, nóg komið í bili. Vitið þið hvað - ég henti út öllum brosköllunum mínum!!!  Það voru svo miklir vírusar með Sweet I am forritinu að ég nennti ekki að hafa það lengur - eða allavega í bili eru þeir úti. Ætla að sjá til hvort ég geti fundið eitthvað annað - eða þá bara nota myndir áfram en líka litlu broskallana.

 Ég sofnaði úti í sólinni í dag - í rúmlega einn og hálfan tíma - og ég er eins og strekktur dúkur núna - og vel brunninn, enda er ég svoddan kálfur - nota aldrei sólaráburð.

Knús út í loftið og hafið það gott mínir kæru vinir og vandamenn. Luv ya all ...

Athugasemdir

[Jóna Kolbrún Garðarsdóttir, 12.6.2008 kl. 02:56]

Þetta virkar ekki heldur, það hleðst ekki niður hjá mér   Sendu bara linkinn á það

[Brjánn Guðjónsson, 12.6.2008 kl. 03:00]

já, þeir eru víst með allskyns þætti, þeir hjá Sjónvarpinu.

Nýjustu tækni og vísindi og Maður er nefndur. Ekki að spyrja að fyrirmyndargæðastjórnuninni á þeim bænum.

Ér sit spenntur og þori ekki að skipta um rás.

Svo er alltaf soðin ýsa á mánudögum...allir!   Með hamsatólg.

[Jóna Kolbrún Garðarsdóttir, 12.6.2008 kl. 03:03]

Ég talaði við einn frægann leikara í kvöld, hann lék í Síðasti bærinn í dalnum fyrir tæpum 60 árum.  Allavega var hann frægur af þessu eina kvikmyndahlutverki sínu.  Hann var á hjóli, hjólaði á Hverfisgötunni og beygði út af henni.. Það þurfti 11 tökur til þess að ná því.

[Jóna Kolbrún Garðarsdóttir, 12.6.2008 kl. 03:05]

Ég át nú reyndar soðna ýsu með hömsum í gær og í fyrradag líka, það er frábær matur

[Tiger, 12.6.2008 kl. 03:10]

 Heyrðu nú bara - sko Jóna - ég er búinn að týna linknum líka! Omg hvað maður er stundum mikill lúði! Verð að leita hann aftur uppi og senda hann inn á morgun bara - eða á eftir ef ég nenni. Þetta virkar ekki heldur hjá mér núna sko ... hahaha = me lúði! Jamm, það þarf víst ekki mikið stundum til að verða frægur - en ég verð víst seint talinn frægur, en krimmi er ég samt - að áliti frómra frúa í Vesturbænum sem neita að fara í sömu lyftu og ég.

 Brjánn minn kæri boxer; Ýsa á mánudögum - man það svo vel - og nýjasta tækni og vísindi  geggjað. Jú, það vantaði víst ekki mikið uppá hjá þeim í den - tilbreytingaleysið var allavega ekki að hrjá neinn þarna.

[Tiger, 12.6.2008 kl. 03:30]

  Jóhó ... ég fann linkinn aftur! Hann á að opnast í nýjum glugga - en það virðist ekkert ætla að ganga upp hérna í þessari færzlu.

Hérna er hann.

[Jóhanna Magnúsar- og Völudóttir , 12.6.2008 kl. 05:12]

Heyrðu varstu að leika bófa!!!!.. Ætla að kíkja á þetta og vita hvort ég get ekki sofnað! ..

[María Guðmundsdóttir, 12.6.2008 kl. 05:53]

æ hvad ég skil thig vel. ekki myndi ég nenna ad vera med rakkatid fullt af paparøssum og th...thannig ad feim og sollis..nó theink jú...en thú ad leika bófa!! hlýtur ad hafa thurft ad taka á honum stóra thinum til thess  eigdu gódan dag minn kæri...og múahhh...geta fleiri en ég ordid eins og steiktur humar uss...madur má ekki sofna i sólbadi sko knus og krammar á thig .

[Tína, 12.6.2008 kl. 06:24]

Hey ég brann líka í gær. Gætum kannski tekið að okkur hlutverk sem 2 sólþurrkaðir tómatar *trommusóló*. Vó hvað ég ætla að vera e-ð fyndin í dag .

En svei mér ef ég fékk ekki bara smá sting í hjartað meðan ég las færsluna þína, vegna framkomu fólks við þig um árið. Þér finnst það kannski asnalegt en þannig er það nú samt, að meira að segja í gegnum tölvuna þá finn ég hversu hjartahlýr maður þú ert. Þykir orðið nokkuð vænt um þig vinur.

Óska þér sólar í hjarta í allann dag og knús á þig elskan.

[Hulla Dan, 12.6.2008 kl. 07:35]

Ok nú er ég orðin forvitin
Segðu frá...

Góðan og gleðilegan dag á þig.

[Jónína Dúadóttir, 12.6.2008 kl. 07:51]

Fékk ekki að sjá neinn krimma... þetta virkar allavega ekki hjá mérStóru kallarnir þínir eru flottir en mér finnst ekkert leiðinlegra að lesa pistlana þína þó þeir séu ekki með....

[JEG, 12.6.2008 kl. 09:37]

Já fólk er svo skrítið. Og ég segji eins og fleirri nú er ég forvitin.

Ég var einu sinni á forsíðu Vísri í gamladaga heheh....

Já sólin var sterk í gær og fann maður fyrir því í gærkvöldi eftir útiveruna sem þó var ekki nein ósköp. Rétt á milli húsa *hóst*

Knús á þig sæti krimmi.

[Solla Guðjóns, 12.6.2008 kl. 10:22]

Ég er svo forvitin en virði einkalíf annara........er sammt að drepast úr FORVITNI.

Ég skoðaði linkinn þú ert trúlega að vitna í textan og eins það að ekki er allt sem sýnist,,,syngjandi fagurlitir froskar og svoll.

Dáldið undarlegt að fólk geri sér ekki grein fyrir leik og raunveruleika og ljótt að vita af þessari framkomu í þinn garð....

Ég lék einu sinni Freddie Merkury.....engum datt í hug að ég væri hann

[Ragnheiður , 12.6.2008 kl. 10:22]

Já fólk er magnað. Það eru auðvitað dæmi þess að fólk hafi ráðist að leikurum á götu úti fyrir meint afbrot í hlutverkinu, fólk lifir sig stundum einum of inn í hlutina.

Kveðja á þig , kæru brunarústir

[Guðrún Emilía Guðnadóttir, 12.6.2008 kl. 13:41]

Ef þú hefðir nú lekið í nágrönnum og fólk búið að horfa á þig sem glæpon í mörg ár hefði ég skilið þetta, en ég meina, það er nú ekki í lagi með fólk,
ja hérna margur heldur mig sig.
Eru vírusar með Smiley Central?

Ég borða nú ekki ýsu, en verð með steiktan þorsk í kvöld /með miklum lauk.
                                 Knús og kram Tiger míó míó.

[Steingrímur Helgason, 13.6.2008 kl. 00:37]

Ég er frekar farinn að nótera á þig 2-3 færslum á eftir heldur en að keppa við ástmögurnar þínar sem að vinna mig 14-2 í rauntíma.

En þar sem að ég veit nú að þær lesa ekki margar færslur aftur í tímann, en þessi athugasemd mín poppar nú upp á stjórnborðinu þínu þá minnist ég nú þess, þegar þú sýndir mér þáttinn þennann heima hjá þér á einni góðri stund, fyrir einhverjum árum síðan.  En ég vissi nú ekki að þú hefðir lent í þessu aðkasti fyrir Ezzó leikinn & það þykir mér leitt að heyra.

Eftir að þú 'poppaðir' upp hérna á blogginu, hefur mér nú dottið til hugar að hringja í þig þegar ég er sunnlendis, en þú virðist nú vera það upptekinn í lífinu að ég kinoka mér við að trufla þig með einhverjum óþarfa.

Svona er maur mikill staur, ztöndöm.