Er eins dauði annars brauð? Þarf það virkilega að vera svona?

Er þetta málið, þarf maður ekki að láta sjást í tennurnar af og til? Jú, líklega - en þarf einhver að deyja til að hlutirnir fari af stað, þarf virkilega einhver á Íslandi að deyja til að stjórnvöld svo mikið sem líti á málin og skoði þau? Er raunverulega ekkert hægt að gera svo ekki komi til svona uppákoma?

Skelfing er til þess að vita að ólögmæt mótmæli skuli yfir höfuð þurfa að poppa upp - en þar sem verð fer sífellt hækkandi þá er hugsanlega ekkert annað sem virkar.

Skelfilegt samt ef það þarf mannslát til að hrista uppí yfirvöldum - ef það þá dugar til. Bensín- og olíuverð er löngu komið uppúr öllum skala, nú er mál að brýna tennur og gera eitthvað meira en stöðva umferð. Í guðana bænum Sturla, ekki fara aftur út í umferðina! Málið er að við almenningur þurfum að taka okkur saman - hætta að nota bílinn nema í brýnustu þarfir. Hætta að kaupa bensín á ákveðnum dögum í mánuðinum og búa til svokallaða "labb&hjóladaga" - eða hreinlega bara vera heima í fríi og nota ekki bílinn.

Vörubílstjóri lést í aðgerðum í Portúgal

Athugasemdir

[Kristín Katla Árnadóttir, 10.6.2008 kl. 19:23]

Ég er 100% sammála þér.

[Jón Aðalsteinn Jónsson, 10.6.2008 kl. 19:32]

Hætta bara að versla við eitt olíufélag sama hvaða þá byrjar verðsamkeppni taka eitt félag fyrir í mánuði

[Heiður Þórunn Sverrisdóttir, 10.6.2008 kl. 19:52]

Hræðilegt. Verðið er komið upp úr öllu ég vil sjá Sturla og félaga aftur út á götuna en þeir þurfa líka stuðning almennings

[M, 10.6.2008 kl. 19:54]

Eigum að geta tekið höndum saman eins og þú segir. Held það hafi meiri áhrif að versla minna og spara bensín/olíu heldur en mótmælagöngur.

Ég fer til Spánar í 2 vikur og spara heilmikla olíu á meðan Nota annarsskonar olíu á þeim tíma.

[Þórhildur (IP-tala skráð) 10.6.2008 kl. 19:58]

Ég hef sterklega á tilfinningunni að þeir sem eru við stjórnvölinn séu með einhverja komplexa eða séu svo stoltir að þeir ætli sko ekki að láta almúgann segja sér að það þurfi að minnka álögur á bensíni. Kannski halda þeir að þeir líti út fyrir að vera minni menn eða að þeir fái á sig einhvern aumingja- eða lúffarastimpil ef þeir gefa eftir og gera eins og almenningur vill.

[Guðrún Emilía Guðnadóttir, 10.6.2008 kl. 20:10]

Verð nú bara að segja: ,, hvaða kvart og kvein er þetta eiginlega , höfum við ekki nóg af öllu?" Allavega "ekki" ég, og ekki fer maður í sumarfrí, verður bara heima og það er ekki svo slæmt elskurnar mínar.
Eitt er á tæru að þessi pípisstjórn þeirra Sollu og Geira ætti nú bara að stíga út úr glerhúsinu og, ja þau gætu flutt til útttan-landa, hvar svo sem það er.
Mundum ekki sakna þeirra hið minnsta.
                          Kveðja Milla.

[Helga Magnúsdóttir, 10.6.2008 kl. 20:35]

Almenningur í þessu landi þarf að taka höndum saman og gera eitthvað - bara eitthvað. Það hefur enginn efni á að lifa í þessu landi lengur nema fáir útvaldir.

[Huld S. Ringsted, 10.6.2008 kl. 23:30]

Því miður þá virðist alveg vanta samstöðu í Íslendinga en eru þeim mun duglegri að óánægjast hver í sínu horni, að sjálfsögðu á landinn að taka sig saman og mótmæla ástandinu.

[Ásdís Sigurðardóttir, 11.6.2008 kl. 01:13]

Mér sýnist að margir kaupi ekki bensín og séu þessvegna heima svo það er bara keyptur hellingur af víni og allir detta í það og börnin gleymast.  Er alls ekki að alhæfa en þetta eru ekki góð mál sem eru í gangi hér. Í krepp eyðir fólk í vín, sígarettur og smá mat.

[Jóna Kolbrún Garðarsdóttir, 11.6.2008 kl. 01:38]

Mér finnst mesta svínaríið vera það að þar er verið að borga fólki sem er í vinnu hjá okkur almúganum, td Páll Magnússyni eina og hálfa milljón í mánaðarlaun og ýmsum öðrum ríkisstarfsmönnum, það þarf yfir 500 iðgjöld til þess að borga laun Páls, svo er Þórhallur u.þ.b 275 iðgjöld, svo eru allir hinir.  Svo getum við tekið öll hin fyrirtækin sem eru almannaeign, og forstjórarnir og hinir yfirmennirnir eru með laun sem eru í engu samhengi við laun, okkar launþeganna sem borgum þó launin þeirra.!!!  Þetta er ekkert annað en svínarí, svo er það eftirlaunafrumvarpið   Ein reið, ég þoli ekki svona

[Guðrún Emilía Guðnadóttir, 11.6.2008 kl. 09:15]

Tek undir með Helgu það þarf að gera eitthvað, bara eitthvað.
og það er rétt að það lifir engin nema sá sem hefur góð laun, það þarf að jafna þau, verð nú bara að segja það að ég samgleðst fólki sem er með góð laun.
Lélegu launin okkar eru uppsafnaður okkar vandi til margra ára,
við segjum alltaf já og amen, erum að vakna til lífsins núna.
Stöndum okkur þá.
                                Milla.