Verður súludans aðalskemmtiatriðið næsta vetur á hinu háa alþingi? Fær horaður landslýðurinn feit eftirlaun eða renna eftirlaun þeirra í vasa Landspabba?

Grunur leikur á að á bakvið þessa mynd leynist alls ekki neinir vitringar heldur svikarar sem náð hafa allsherjar taki á feitum embættum sem ekki voru þeim ætluð. Grunur leikur á að þau séu nú með allt niður um sig - á flótta undan æstum múg sem fór á flipp við að sjá brókarleysi þeirra.

Það hefur heyrst að þau séu að plotta nýtt nornabrugg, ætlað eigin þjóðflokk - pólitíkusum landsins. Brugg þetta mun vera súrt og sóðalegt en með eindæmum gefandi þeim sem það bragða. Til langs tíma ætlað mun bruggið færa tíkusunum fúlgur fjár - eftir að þeir láta af störfum.

Eini Erkióvinur nornabruggs pólitísku svikaranna er talin vera kynbomban ógurlega Snúlla Svipuharða. Talið er að hún sé um þessar mundi að fægja postulínið á Bessastöðum, en þaðan ætlar hún að koma upp um bruggið ógurlega.

Grimmir taktar hennar í Action eru sagðir ógnvænlegir og skal engan undra þó svívirðilegir og svikulir pólitíkusar skjálfi á beinagrindum sínum þegar nafn hennar ber á tönn - eða var það góma - jú líklega góma - enda ætlar bomban að góma liðið svo næsta víst er að hún mun taka úr sér þær fölsku áður en til átaka kemur. How ever, Bessastaðir þykja ákjósanlegur affléttistaður spillingar - enda eru þar fyrir hin virðulegustu og siðprúðustu hjón búsett.

 

Hinn grimmi ríkirfjárhirðir, Ráðríkur Fanndal, hefur látið uppi efasemdir um að Snúlla Svipuharða ráði við svikula teymið, enda sé teymið með eindæmum vel varið - af Landspabba sjálfum. Hafi Landspabbi snúið sviksamlega á land & þjóð með glotti og plotti.

Ráðríkur ríkisfjárhirðir telur að svikulir pólitíkusarnir hafi runnið undan handakrikanum á Landspabba á meðan sveitungarnir sváfu á verðinum, en vörðurinn var einmitt hin dulbúna íðilfagra súludansmær sem býr norðan heiða - nýflutt úr fjöllum í bæ - (sjá neðar). Telur Ráðríkur að nú dugi fátt annað en harkan - enda hafi harðstjórinn forðum bundið allhressilega fyrir alla leka og hafi hann séð til þess að brækur pólitíkusa framtíðar myndu aldrei leka heldur safna í sig, jafnvel eftirlaunum landans.

 

Nú hefur Snúlla Svipuharða gert út nokkra njósnara til að fylgjast með málum pólitíkusanna. Grobbi Gæsapabbi er einn af þeim, en hann liggur í leyni á REI-kjavíkurtjörn - þar sem hann hefur gott útsýni innum glugga pervertanna. Grobbi hefur nýverið skilað inn skýrslu með stöðu mála. Þar kemur fram að Landsstjórar og pólitíkusar pizzi í tjörnina á meðan landinn horfir á Júróvision.

Grobbi Gæsapabbi hefur líka tekið eftir ýmsum undarlegum og aumkunarverðum verum á ferðinni í kringum tjörnina, en það mun vera eitthvað af fátækum sveitalýðnum sem reynir að lifa af landi og tjörn - enda orðið fátt um endur á pollinum nú orðið. Grobbi hefur nú komið með nægar upplýsingar handa Snúllu Svipuhörðu til að nú geti hún látið til skarar skríða, á móti nornabruggi svikulu tröllanna sem í upphafi sáust í vitringabúning - en auðvitað eru það engir vitringar sem halda í heiðri leynibruggi og landráði valdasjúks einræðisherra. Nú er ekkert annað en að bíða og sjá hvernig Snúlla Svipuharða tekur á málunum, so keep reading the next few days people.

 

Fátækum sveitalýðnum er í það minnsta nóg boðið, án þess að fá sömu eftirlaun og sömu bitlinga og sviksömu vitringarnir. Gústi Öskukall er reiður og ósáttur, enda kaus hann allt annað en vitringa í sæti landsstjórnar.

"Ég kaus alltaf .. alltaf .. að halda mig heima á kjördag, enda sátu kjörnir fulltrúar aldrei lengi í sömu stólunum. Maahhr nennir bara ekki að taka þátt í svona skrípaleik lengur, maður kýs og svo næsta dag koma í ljós gallar á gjörningnum og upp poppa einhverjir vitringar sem telja sig betur komna í embættum en þeir sem við kusum" Sagði Öskukarlinn sótillur og var allur í rusli.

 

Svipaða sögu hafði Sigga Saltfiskkerling að segja;

"Gvöööð, er búið að skitta um kaddla í brúnni? Ohh .. ég sem var nýbúin að setja upp spariandlitið og ætlaði að fara á dansiball með .. með .. æi hinum þú veist - sem voru þarna fyrst. Nú verð ég að ná mér í nýjan hatt og mála mig uppá nýtt, hva seiijirru er það blái liturinn - nú þá á ég allavega augnskuggann". Sagði Saltfiskkerlingin og dillaði sér burt með miklum tilþrifum. Sigga Saltfiskkerling er nú áskrifandi af saltfiskflökum og fær sent heim eftir miðnætti alla virka daga. Hún stefnir á súluna, fuglinn sko, í framtíðinni. Sigga er líka framtíðarframapotari af Guðsnáð.

Pislahöfundur skellti sér að lokum norður yfir heiðar og kom við hjá forpokuðu pokakerlingunni sem kallar ekki allt ömmu sína. Ekki var hún í náttsloppnum og ekki í kanínu inniskónum - og augljóslega hefur hún after all ekki notað rúllur lengi eins og sjá má á myndinni hér til hliðar. Grunur er á að hárkolla hafi leikið aðalhlutverkið á kolli hennar um allnokkurt skeið.

Undirritaður náði mynd af Dúfunni dásamlegu á rauða kossimerlettinu, en hún var að undirbúa uppákomu á prestaráðstefnu sem halda átti þarna um kvöldið. Jónína þó ... segi ekki meira. Og þó, ekki fara margar sögur af árangri fundarinns - sem átti að fjalla um syndir feðranna - en allnokkrir siðapostularnir þurftu að skila inn hempu og kjól í lok ráðstefnunnar. Líklegt þykir að súlupokamærin verði ráðin á þing sem skemmtikraftur næsta vetur, en hún mun þó ekki fá að klæðast bleiku kanínuinniskónum og ætlað er að fatnaður verði af skornum skammti - og allur blár, og bólginn.

En, ef þið hafið lesið alla leið hingað - þá eigið þið heiður skilinn fyrir dugnað og nennu! Allar myndir fengust af heimasíðu spaugstofunnar og vona ég að það sé ekki bannað að hertaka svona myndir án þess að biðja um leyfi fyrst.

Knús út í loftið - búinn að losa mig við nóg bull í bili og er farinn að sofa. Sé ykkur hress og kát á morgun ljúfa lið og dreymi ykkur fallega.

  

Mistök gerð við setningu eftirlaunalaga

Athugasemdir

[Jóna Kolbrún Garðarsdóttir, 26.5.2008 kl. 02:55]

Horaður landslýðurinn mun áfram lepja dauðann úr skel, meðan landsfeðurnir og mæðurnar munu sitja við kjötkatlana og hafa það gott áfram.  Þessi mistök landsfeðranna/mæðranna kosta okkur margar milljónir í hverjum mánuði. 

[Tiger, 26.5.2008 kl. 03:15]

   Mikið rétt Jóna mín, feitir karlar mata krókinn á meðan þeir geta - og á meðan við gerum ekkert í því náttúrulega. Landspabbi útbjó hnútana mjög vel sér til handa áður en hann fór í annað feitt embætti - án þess að missa neitt af kökunni. Karlormurinn ...  knús á þig Jóna mín og eigðu ljúfa viku framundan.

[Hólmdís Hjartardóttir, 26.5.2008 kl. 03:42]

lögverndaður þjófnaður......

[Hólmdís Hjartardóttir, 26.5.2008 kl. 03:44]

var þetta nokkuð nógu fúlt og neikvætt til að þurrkast út?....líklega ekki því þú ert sammála

[Jónína Dúadóttir, 26.5.2008 kl. 06:04]

Ég ætla að kæra þig fyrir að birta þessa mynd af mér.... án hárkollunnarÍ stíl við suma furðulega dóma á Íslandi yrðir þú líklega dæmdur í 3 mánaða óskilorðsbundið fangelsi og milljón kall í sárabætur handa mérÞú ert dásamlegur ruglukollur og tekst á snilldarlegan hátt að koma frá þér leiðinlegum málefnum á skemmtilegan hátt

[Guðrún Emilía Guðnadóttir, 26.5.2008 kl. 07:04]

SNILLINGUR! það ertu, flottur pistill að vanda og allavega munum við/ég
horaði þurfalingurinn lepja dauðann úr skel, enda er það það sem þeir vilja
koma okkur aftur í moldarkofann, og henda í okkur matarleifum í laun fyrir þá vinnu sem við getum gert fyrir þá.
Annars er ég nú búin að gerast lygari með þessum skrifum mínum,
þar sem ég er alls ekki horuð og er með nokkuð góðan forða til að lifa á,
enda verið dugleg að safna, er það ekki það sem þeir vilja: ,, að við söfnum?"
                             Knúsi knús Tiger míó                            
                                 Milla.

[Ásthildur Cesil Þórðardóttir, 26.5.2008 kl. 07:54]

Nenna hahahaha frábær lesning. Var einmitt að spá í hvaðan þú hefðir allar þessar myndir

[Rómverji (IP-tala skráð) 26.5.2008 kl. 10:55]

Það stendur ekki til að afnema eða leiðrétta neitt sem skiptir máli. Eins og Guðmundur Gunnarsson og fleiri benda á í athugasemd við frétt:

"Þetta sem þeir eru að viðurkenna sem mistök er veigaminnsti fingurbrjóturinn í þessum óskapnaði. Það er hröð ávinnsla sem er allt að tíföld miðað við almennan markað og það að lífeyrir miðast ekki við inneign heldur launakjör í viðkomandi starfi."

http://eyjan.is/blog/2008/05/25/formenn-flokkanna-sammala-mistok-voru-gerd-vid-setningu-eftirlaunalaga/

[Linda Linnet Hilmarsdóttir, 26.5.2008 kl. 11:55]

Innlitskvitt og bestu kveðjur

[Tiger, 26.5.2008 kl. 12:04]

  Já, tæknileg mistök eða eitthvað eins og einhver sagði á eyjunni.is ...

Hólmdís Hjartar; Baby .. alveg passlega fúlt og yndislegt - alveg eins og ég vil hafa það.

Jónína mín Dúa; Súmíbeibí.. elska þig líka kerfisvillan þín. Alveg í rjómatætlur.

Milla mín; Þú ert nú bara flottust - heitt hjarta og gullfalleg skvísa sko! Ég safna bara með þér, enda fáum við ekki beint feit eftirlaun sko!

Erlingur; Takk amigo og takk fyrir innlit og kvitt.

Ásthildur - Queen of Vestfjarðaríki; Svona myndir lyfta ætíð efni upp, án myndanna myndi pistillinn þykja ansi horaður - rétt eins og við almenningur sem ekki fær að njóta svona "tæknilegra mistaka" þeirra ríkustu. Knús á þig ljúfan.

Rómverji; Skrítið að æðstu ráðamenn landsins skuli viðurkenna hin og þessi mistök, gerð af Davíð Oddsssss - sjálfum sér til handa - en engin virðist ætla að taka að sér að kippa mistökunum út og laga málið. Við hvað er stjórnin hrædd, Dabba kóng?

[Tiger, 26.5.2008 kl. 12:04]

  Linda mín; kærar kveðjur á  þig til baka, eigðu ljúfan dag.

[Jens Guð, 26.5.2008 kl. 14:32]

  Skemmtilega myndskreyttur skemmtilegur pistill.

[Tiger, 26.5.2008 kl. 14:37]

   Takk fyrir það minn kæri. Mér finnst nauðsynlegt að skreyta pínulítið (lesist; helling).. það sem ég skrifa - svona til að létta lundina og kannski til að gera frásögn aðeins litríkari og fjörugri. Takk fyrir innlit Jens og eigðu ljúfan dag!

[María Guðmundsdóttir, 26.5.2008 kl. 14:57]

pistlarnir thinir eru alltaf "gagn og gaman" . takk fyrir mig eigdu gódan dag, knus og krammar .

                                                                    

[Helga Guðrún Eiríksdóttir, 26.5.2008 kl. 15:30]

SKÚBB Á TIGERBLOG!!!

Flottasti súludansari veraldar er:

 EKKI Dóra dillilóra - heldur..

 ..LÍTILL SÆTUR AFRÓSTRÁKUR! 

     

[Steingrímur Helgason, 27.5.2008 kl. 20:57]

Grimm rýni hjá þér atarna, & góð.

Ert eiginlega að verða 'Bloggstofan' fyrir mér.