Mynd af mister Júníverse .. mister Ape! Eru Apabræður ennþá á þingi? Og spillingin situr rótföst í sínum svínastíum, ekki satt? Ekki lesa smáa letrið ... plís!

Ok, nú má Ásdís Rán fara að pakka saman - ég hef verið kosinn til að fara í herra heimur á næsta ári!

Hef ákveðið að taka þetta með stóru trompi - fara alla leið og þegar titlinum er halað inn - þá ætla ég að fara með pakkann í sjónvarpið - raunveruleikaþætti og alles ... ætla að verða ógisslega frægur sko!

   

Þér - lesandi góður - að segja þá er þetta náttúrulega alls ekki mynd af mér sko! En ekkert vera að kjafta því neitt í aðra bloggara! Viss um að glöggir lesendur sjái það strax að þetta er ekki ég - ég er nefnilega ekki með svona stórar tær, eins og þið vitið auðvitað!

Þurftir þú stækkunargler til að lesa síðasta textann? Þá er kominn tími á að kíkja til augnlæknis held ég ... en .. mahrr hefur það í smáa letrinu sem maður vill ekki að allir lesi sko!

Knús á línuna og .. over and out! Sweet dreams..

Hvaða verur fara á kreik í snjónum? Breytist þú þegar snjóar? Eru það forréttindi að geta leyft barninu að poppa út þegar aðstæður eru ævintýri líkastar? Jamm, i think so ..

Jibbý - það snjóaði loksins á suðurhorninu. Minn gróf upp snjófatnað og bomsur og skellti á sig þoturassinum... en það er náttúrulega svona snjóþota sem maður setur undir rassinn á sér efst í snjóbrekku og svo bara húrrar maður niður - og vonar að maður lendi ekki á jólatrá á leiðinni ... *krasss*.

Ok, ég fór með systkynabörn í sleðaferð this morning - og það var náttla geggjað. Myndir fylgja með í kaupbæti en þær segja miklu meira en nokkur orð - samt engar myndir af hans hátign, enda kappinn sjálfur með vélina í höndunum. Það eru bara sjaldgæfir ævintýraatburðir sem gerast í snjónum, fyrir utan það hve yndislega fallegt er þegar hvít mjöllin hylur allt - allt svo hreint og fallegt.

Svo voru auðvitað snjókarlar og fleiri verur sem poppuðu upp um allar tryssur. Snæfinnur fékk hatt og trefil - og steina auðvitað sem nef, munn og augu ..

Ohh .. maður verður bara svoddan krakki í sér þegar maður er kominn út í snjóinn - en snjó elska ég bara hreinlega. Er meira segja virkilega hrifinn af ófærð og sköflum í umferðinni. Sat einu sinni fastur í miðju hringtorgi á litlum Austin Míní .. öfugt í hringtorginu því ég ætlaði að reyna að komast vitlausan hring því það voru aðrir fastir í hringnum réttsælis. Nú orðið er ég alltaf með sterkan og góðan kaðal í skottinu ásamt ýmsu sem nota má til að hjálpa þeim sem sitja fastir - keyri aldrei framhjá einhverjum sem er fastur í skafli eða spólar á svelli ... *Skátabros*!

En, þegar snjór og kuldi er annarsvegar þá er litli karlinn í mér kominn á kreik - sko barnið within me ...

Minnisstætt er þegar ég lítill sat á skíðasleða - ásamt kurr systur minni og tvíburabræðurnir keyrðu okkur um allt - alla daga. Þá daga vorum við bara orðin 4 systkynin - en fleiri áttu eftir að koma síðar .. voru í vinnslu sko! Man líka eftir því síðar - í barnaskólanum - í öllum frímínútunum fórum við öll skólasystkynin í "Prestabrekkuna" sem var næsta lóð við Skólann - og renndum okkur þar alla daga á plastpokum.

Það myndaðist alltaf klaki í þessari brekku og ef við höfðum ekki poka þá renndum við okkur bara á rassinum niður. Oftar en ekki voru það kaldir og rennblautir rassar sem hlupu aftur í tíma þegar bjallan hringdi frímínúturnar af ... en dásamlegt var það samt!

Nú, ævintýrin gerast svo sem líka bara hérna á bakvið - á pallinum - sko - snjópallinum. Þar fara heilmargar undarlegar litlar verur á kreik í jólamánuðinum. Flestar eru þær nú samt bara hin saklausustu grey og meira en velkomnar sko..

En snjórinn er auðvitað alveg ómissandi þegar svona ævintýri er skapað - enda setur snjór alltaf svo mikinn svip á allt sem hann kemur nálægt. Skoðið bara umhverfið - skoðið trjágróður sem verður hálf dularfullur og ævintýralegur í snjókomunni - sjáið hvernig trén svigna undan snjónum. Málið er náttúrulega að hleypa barninu út um jólaleytið - ekki börnunum ykkar heldur litla barninu sem leynist sannarlega í hverjum og einum. Við erum aldrei of gömul í að leyfa okkur að gleyma stað og stund og fara í snjókast, búa til snjókarl og renna okkur í brekkunni - með hinum börnunum!

 Börnin í okkur þrá það að komast í ævintýraleik - en oft erum við orðin of frostþurrkuð og stöðnuð í "fullorðinsleik" - og þorum ekki að vera glaðlynd og skellihlægjandi í snjónum eins og við gerðum sem börn ...

Farið út að leika ykkur - jafnvel bara í matartímanum - og skellið ykkur í snjókast - atist og veltist um og verið glöð.

 Geymið töffarann í ykkur heima og verið glöð!

En, núna í töluðum orðum - eða skrifuðum - er ég farinn blogghringinn - er farinn að skoða ykkur sem voruð að spora hjá mér í síðustu tveim færslum og vaða um allt hjá ykkur á móti .. luv ya all .. og kanelsnúða!

Desemberværð með léttu ívafi á boðstólnum. Afmæliskveðja og knús á línuna.

Ég veit ekki alveg hvað er að gerast með litla sæta heilabúið mitt! Jú, ég er víst með eitthvað í kollinum (já kollinum) sem kallast heili - en þetta kvekendi hefur verið að leika sér að mér undanfarna daga.

Letigenin hafa verið vaðandi um allt og hafa þau séð til þess að ég hef hreinlega ekkert nennt að vera á blogginu. Reyndar er það líka þessi árstími, jólastúss á allar hliðar - bæði vinna og annað.

Stundum er kannski líka bara betra að segja/skrifa ekkert en að vera að bulla bara eitthvað út í loftið. Maður dettur þá líka frekar niður á eitthvað bitastætt til að skrifa um ef maður bara leggur pennanum/lyklaborðinu og bara leyfir sér að vera með leti. Nú er ég einmitt í þannig fíling, letifíling ... svo ég bara leyfi mér að vera latur.

Samt er ég búinn að vera að gera helling undanfarið. Búinn að gera þvílíkan helling af smáatriðum sem fylgja aðventunni, en þar er ég yfirleitt aldrei latur - enda ótrúlegur jólasveinn í mér.

Ætla nú að reyna að hrista af mér slenið annaðkvöld og kíkja hérna yfir alla sem hafa verið í óskastuði hjá mér - og þakka ykkur öllum sem poppuðuð upp í síðustu færslu hjá mér og óskuðuð mér til lukku með desemberhópinn minn! Knús og kram fyrir það - og spor frá mér í helgarlok ...

Hahaha ... sko ... stúlkan á bakvið þessa skrýtnu mynd er litla systir mín! Hún á afmæli í dag skottan þessi og svei mér þá ef ég ætla mér ekki bara að knúsa hana í bak og fyrir á morgun - þessa yndislegu sál! Hún og stóra systir mín - hún Kurr moggablogger - eru fallegar bæði utan sem innan. Það er yndislegt að eiga svona stóran hóp af systkynum - og öll saman svo yndisleg og jamm .. bara dásamleg!

Annars er ég bara eins góður og ætíð áður. Fer bráðum að koma með jólasögur og gúmmilaði .. eða .. nei það má víst ekki á mbl.is!

Ok, verð þá bara að sleppa gúmmilaðinu en koma með eitthvað jólalega saklaust í staðinn. En að því slepptu ætla ég bara að koma mér í svefn hinna réttlátu - sem og þeirra ranglátu. Vona að þið séuð að eiga ljúfa helgi núna og njótið sunnudagsins í botn - því þessi sunnudagur kemur aldrei aftur ...

Knús á línuna alla ...

Munið að ég tek sjálfur við öllum pökkunum, kanelsnúðunum og öðru góðgæti! Desember er heitur mánuður! Hamingjuóskir á ykkur öll sem eigið afmæli í dag! Dóra Millu, bræður Ernu - sonur Brynju .. og fleiri!

Í dag, 4 Desember eiga þessir kappar afmæli!

Þeir eru bræður mínir, yndislegustu drengir í heimi og bestu bræður sem hægt er að hugsa sér!

 Til hamingju með daginn ljúfu, hjartahlýju og fallegu pjakkar!

  

  Í dag tek ÉG á móti blómum, pökkum, konfekti - pökkum, heillaóskum, peningagjöfum, pökkum, kökum, kanelsnúðum - og var ég búinn að segja PÖKKUM? Munið eftir pökkum og kanelsnúðum!

Þann 7. Desember á svo litla systir mín afmæli.

Þann 13. Desember - sonur hennar.

Þann 21. Desember á svo bróður-barnabarn afmæli.

þann 25. Desember Guðbjörg Díana - bróðurdóttir mín. Látin ..

Yngri bróðir minn þann 26. Desember.

Og svo höfuðið á þessum pakka öllum - móðir mín þann 30. Desember.

             

Svo þið sjáið að Desember mánuður er mjög sérstakur í mínum huga, ekki bara fyrir þá sök að ég er hrikalega mikið jólabarn - heldur líka vegna stanslausra fjölskyldupartýa .. Wúhúúúu!

Knús á línuna, sé ykkur í kvöld.

P.s. Munið eftir því að ég tek við ÖLLUM PÖKKUNUM PERSÓNULEGA! ÞEIR ERU MÍNIR MÍNIR MÍNIR ... LÍKA JÓLAPAKKARNIR!

Gúffi og Gokki gera geggjaðan mat! Skreytir þú Jólaköttinn í ár? Er spillingarliðið allt saman ennþá á sínum stað? I love this game ...

*Rob* Já, eins og sjá má á myndinni þá er ég alveg að springa eftir stórkostlegan veislumatinn sem Gúffi og Gokki (yfirmenn mínir) eru búnir að vera að framreiða undanfarið. Þeir hafa séð til þess að ég er hreinlega að springa. Það er ekki nóg með að þeir ali mig upp á þessu gúmmilaði í vinnunni heldur neyða þeir mig til að taka restar og rusl með mér heim líka - einhverju sem ekki náðist að troða í veislugestina sjálfa sko ... afsakið orðbragðið ágætu veislugestir!

Ok, ég viðurkenni alveg að ég er óður í góðmeti og slæ hendinni aldrei á móti "veisluafgöngum" en verst er að ég bara kann mér ekki hóf og mun með þessu áframhaldi sjá fram á að þurfa að kaupa nokkur aukasæti í flugvélinni þegar ég fer út á næsta ári, fötin fara að springa utanaf mér og litli snúðurinn hættir að sjást - nema af löngu færi í spegilmynd..

Ok, auðvitað er ég nokkuð að yfirdrífa þetta - en mmmmmm - veislumatur er geggjaður - bæði að búa til og eta!

 

Kisan mín er snúin aftur heim - eftir að hafa lent í því að ég skreytti hana alla með jólaljósum og hinu og þessu jólaskrauti. Er vanur því sko .. öll heimili þurfa að eiga sinn eigin Jólakött ekki satt?

Neinei, auðvitað skreyti ég ekki köttinn - hún er alveg nógu skrautleg fyrir.

En hún er bæði loðin og lævís - rétt eins og Seðlabankastjóri. En hjálpi mér - dósin af kattamat hefur hækkað um tæpar 80 krónur á þessu ári. Kostaði alltaf um hundraðkallinn í Bónus en er nú á eitthvað um 180kr. Spurning um að setja köttinn á einhvern kúr - látana fara að veiða mýs og fugla bara ... meina .. kommon það er kreppa!

Það er samt engin kreppa í Jólastandinu mínu. Náði loks að gera Aðventukransinn og er bara vel sáttur við hann. Ég breyti honum frá ári til árs og er aldrei með sömu liti í honum tvisvar í röð - reyndar er hann aldrei eins - hann bara skellur á borðið rétt eins og skapið í mér - skrautlegt og áberandi út úr búkollu... eða var það Kú? Múhúuu ...

Fyrsta kransinn minn gerði ég hjá ömmu minni, en hún átti og rak lengi blómaverslun og átti ég oft skemmtilegar stundir þar sem barn/unglingur. In the old days voru skreyttar greinar og hengdar uppá veggi - eitthvað sem maður sér varla lengur. En - those were the days ..

Jæja, eitthvað er net-leti búin að vera að hrjá mig - hef bara varla nennt að opna fyrir netið en held samt alltaf áfram að skrifa. Er náttúrulega að skrifa heilmikið og margt, bæði á netinu og ýmislegt smálegt einnig bara á diska. Ég hef mikið gaman af alls skonar smásögum og skrifa heilmikið af þeim, en get samt seint sagt að ég sé einhver rithöfundur. Heljar mikill bullukollur væri líklega meira í ætt við það sem má yfirfæra á mig ... meira um það seinna - kannski!

Já, en líklega er þessi netleti líka til komin vegna þess að ég eyði stundum svo miklum tíma í að lesa alla bloggvinina - eða svona langflesta. Reyndar les ég ekki mikið hjá þeim sem ég hef aldrei séð hérna hjá mér - og undanfarna mánuði hef ég yfirleitt bara skilið eftir mig spor hjá þeim sem ég hef séð vera á ferðinni hjá mér.

Það létti heilmikið á að hafa þann háttinn á - að kvitta bara fyrir kvitt. Enda er það bara alltof mikill tímaþjófur að lesa og skrifa hjá öllum þeim sem maður hefur sem bloggvini.

En nú er komið nóg í bili. Missti mig aðeins. Ætlaði bara að líta inn og segja "Hæ" - en ég er löngu kominn framfyrir það orð - svo ég ætla mér bara rétt í lokin að kasta fram orðinu "Bæ" ...

Knús á línuna alla og hafið það bara ljúft og yndislegt!

P.s. Jóna X-úr ættinni - Yndislegt að rekast á þig hér! Hef alltaf elskað þig og mun alltaf gera það!... knússsss.

Hún er virkilega óð - nágrannakonan mín! Veður þú til dyra klædd/ur handklæði einu saman? Ljúfur dagur framundan .. með aðventuívafi og .. guess what.. kanelsnúðum!

Jú, hún bankaði hjá mér í morgun - aðeins klædd mjög klæðalitlum náttkjólnum, leit mig tælandi augnráði og hallaði sér að dyrakarminum og leit mig upp og niður með undarlegt blik í augunum um leið og hún hvíslaði;

"Sko, ég var að baka kanelsnúða - datt bara í hug hvort þig langaði ekki í nokkra slíka nýbakaða með morgunkaffinu"

Um leið og hún sleppti síðasta orðinu rétti hún fram aðra hendina sem hélt í lítinn disk með nokkrum kanelsnúðum - greinilega keyptum í 10-11 einhverjum dögum áður. Hina hendina notaði hún til að draga klæðalítinn náttkjólinn uppfyrir hnéð. Hún blikkaði ótt og títt illa uppsettum gerviaugnhárunum um leið og hún mældi mig aftur frá tám og upp að toppi.

Ég hrökk við þegar ég áttaði mig á því að ég hafði verið á leiðinni í sturtu - hafði bara gripið lítið handklæði og skellt því um mig miðjan án þess þó að hafa náð að hylja nokkurn skapaðan hlut. Nú áttaði ég mig á því hvers vegna konan mældi mig svona út með gráðugun augunum - færði mig aðeins innar í íbúðina en án árangurs því hún smokraði sér um leið innfyrir þröskuldinn og nú leyndi hún því alls ekki hve mikið hana langaði til að rífa af mér þennan litla handklæðabút sem nú stóð á milli hennar og mín. Ég stamaði vandræðalega einhverja þökk fyrir kanelsnúðana, þessa sem hún greinilega bakaði ekki - en gat ekki tekið við þeim þar sem önnur hönd mín hélt um hurðina en hin hélt uppi handklæðinu...

Það var sem tíminn stæði í stað. Undarleg atburðarásin sem fór í gang um leið og ég rétti út hendina eftir snúðunum var tímalaus og áður en ég vissi stóð ég þarna fyrir framan nágrannakonuna mína með kanelsnúða í annarri hendinni, handklæðið í hennar hendi og náttkjóllinn hennar lá á gólfinu á milli okkar.

Allt í einu hrökk ég við - það glumdi í klukku einhvers staðar í fjarlægð. Hægt og rólega vaknaði ég upp úr þungum svefni - svefni sem hafði verið að ýta að mér undarlegri atburðarás með heitri nágrannakonunni - atburðarás með gömlum kanelsnúðum og nöktum líkömum sem engan veginn áttu neina samleið í vakandi tíma og rúmi. Ég andaði léttar - og stökk framúr. Greip handklæði og fór inn í baðherbergið til að fá mér morgunsturtuna.

Allt í einu hringdi dyrabjallan hátt og kvellt - ég setti litla handklæðið utanum mig og gekk í áttina að útidyrunum en um mig fór undarleg tilfinning - líkt og ég hafði upplifað þetta allt saman áður ... neinei, ég segi bara svona!

 

Bara léttur á því á mánudegi. Framhald kannski later!

 

Ætlaði bara að kíkja aðeins inn núna til að minna ykkur á mig, i´m still here somewhere. Helgin er búin að vera geggjuð - en mjög góð samt. Held að ég hafi bara bætt á mig fjöldanum öllum af kílóum, enda kræsingarnar gerðar til að tæla - og ég er bara mannlegur - og tældist - til að borða mikið sko!

Dagurinn í dag mun einkennast af hvíld, góðum kaffisopa, hlýjum inniskóm - kodda og handklæði um mig miðjan ...

Nei, reyndar er ég að fara núna út að snúast aðeins - vantar sitt lítið af hverju til að geta sett upp heljar mikið af "Aðventuskrauti" - en nú er auðvitað skemmtilegasti mánuður almanaksins byrjaður sko.

Ég ætla ekkert að eyða tíma núna í augnablikinu til að líta yfir ykkur öll - geri það í kvöld í rólegheitunum og hlakka mikið til því ég hef ekkert getað lesið um helgina.

Óska ykkur öllum bara gleðilegrar aðventu og vona að allir hafi gaman af því að hátíð ljóss og friðar er á næstu grösum. Klæðið ykkur samt vel þegar þið eruð á ferðinni, það er kalt úti og kuldinn bítur bæði háa og lága!

Kærleiksknús á línuna alla!

Hlaðborðin svigna undan kreppukjötinu! Forstjórar halda veislur heima við fyrir starfsfólkið! Gleðilega Aðventuna allir ... huhhmm!

Þá eru það jólahlaðborðin. Þau eru núna að hellast yfir landann af fullum krafti - ja - eða hálfum krafti. Sannarlega kemur kreppan við veislurnar líka og margir hafa ákveðið að breyta hinu hefðbundna og hefur margur forstjórinn ákveðið að halda veislu starfsfólks heima hjá sér eða með miklum niðurskurði.

 Því miður hefur þessi hamagangur sem nú er byrjaður - þau áhrif á mig að ég hef ekki tíma í bloggið - nema bara rétt að hendast inn hér núna til að láta vita af mér. Reyni að poppa inn aftur seint í kvöld ef ég get en annars mun ég ekki fá lausan tíma fyrr en á mánudaginn 1. Desember.

 

 

Því langar mig bara til að henda hér inn gleðibrosi og hlýju knúsi á ykkur öll með von um að þið eigið góða helgina - njótið þess að ganga inn í aðventuna sem er á sunnudaginn. Þakka ykkur öllum athugasemdirnar og innlitið undanfarið - næ í skottið á ykkur áður en langt um líður.

Aðventuknús á línuna alla!

Nei, myndirnar eru ekki frá mínum veisluhöldum - mínar veislur eru sko miklu flottari!

Ég endurspegla ekki Salinn og Salurinn endurspeglar mig ekki! Myndir af "Gömlu ríkisstjórninni" og "Minni ríkisstjórn" ... right! Breytist rassinn á þingmönnum þegar þeir verða Ráðherrar? ...

Nei, það er satt - sannarlega var fullur salur af fólki ekki endurspeglun þjóðarinnar, en samt stór hluti hennar. Ég er einn af þeim sem vil ekki kosningar núna í vetur, vil ekki að stjórnin segi af sér núna í miðri kreppunni. En, þegar tekist hefur að setja bönd á kreppuna og ná tökum á því helsta sem nú þarf að glíma við - þá vil ég auðvitað kosningar strax og skilyrðislaust.

Mér lýst ekkert á það að Þingheimur fari að loga í slagsmálum og kosningaloforðum núna. Lýst ekkert á að næstu mánuðir fari í sama valdabröltið og sömu loforðakrísuna og ætíð kemur upp við hverjar kosningar.

Mér lýst miklu betur á það sem Ingibjörg Sólrún sagði í sambandi við það að stjórn og stjórnarandstaðan ættu að snúa bökum saman og reyna í sameiningu að ná tökum á málunum. 

Sem sagt - ég vil að blessuð stjórnarandstaðan fari að slíðra gremjuna, bretti upp ermarnar og taki á vandamálunum - með stjórninni! Hættið að hugsa um eigin framapot og valdasæti - hættið að eyða tíma og orku í það að "þykjast geta betur" - hættið að væla þetta og farið að hugsa um það að með samstöðunni er hægt að koma miklu meira í verk og það er einmitt það sem við þurfum núna! Að láta verkin tala strax, vinna saman og ná tökunum á kreppunni.

 

Ég er ánægður með hve margir ráðherrar mættu á fundinn, það tel ég að sýni að þeir raunverulega hlusta á óp þjóðarinnar. Auðvitað er ekki hægt að leysa öll vandamál kreppunnar á einum fundi og auðvitað er ekki hægt að reka ráðherra og seðlabankastjóra bara sí svona á einum fundi - en það er margt sem hægt er að koma til skila á svona fundum og sannarlega þurfa þingmenn og ráðherrar að hlusta þegar svona fundir eru haldnir. Það er því frábært að fundurinn skildi vera haldinn. En ég hefði viljað sjá "Guð almáttugan" Davíð Oddson koma ofan af stallinum líka - sem og Bangsa Bestaskinn, uppáhaldsvin DO - sem og fleiri.

Mér fannst Þorvaldur komast þokkalega vel frá sínu - en mér fannst hann staldra of mikið við eftir "ákveðnar áherslur" á meðan hann beið og ætlaðist til "klapps&upphrópanna" ..

En hann er mælskur karlinn, það má hann eiga. En mér fannst uppvaskarinn og "útmeðruslið" stúlkan virkilega dauð og líflaus og bara engan vegin eftirtektarverð. Hún hefði mátt eyða miklu minni tíma í að tala um eldhúsið og ruslið sitt - en eyða meiri tíma í að koma með föst skot og sterkar spurningar.

Spurningar úr salnum fannst mér yfirhöfuð mjög lélegar og mér fannst það vanta allan kraft í þær. Ég hefði viljað að fólk skipti sér svolítið niður - ekki allir að væla um að stjórnin færi frá - heldur að nota fjölmiðlana og kraftinn þarna til að öskra yfir ráðherrana eitthvað í þá átt að nú eigi þeir að tala saman um að koma Davíð og félögum frá. Leysa þá frá störfum á meðan versta krísan gengur yfir - því það eru margir sem myndu verða sáttir og margir sem bæru meiri virðingu fyrir stjórninni - ef Sá syndugi selur yrði settur í straff í bili. Svo þegar mesta sandfokið er sest - þá má fara að hræra í stjórninni og fleirum.

Mér fannst stjórnmálamennirnir komast alveg þokkalega frá þessum fundi, þeir voru sæmilega með á nótunum að því er virtist og vona ég að þessi fundur fái stjórn og andstöðu til að skoða betur hvað fer fram á mótmælafundunum sem haldnir eru á Laugardögum.

Persónulega er ég sammála því þegar Ingibjörg sagði að salurinn endurspeglaði ekki endilega þjóðina í heild - enda er ég ekki alveg á sama máli og salurinn í því að ég vil ekki kosningar í vetur - vil stjórnina ekki frá í bili - en þegar hægist um þá vil ég kosningar strax. Þá væri ég einmitt til í að fá að kjósa fólk en ekki flokka - fá að stroka út fólk og helst bara gefa öðrum einkun um leið og þeir fá mitt X ...

 

Ég myndi vilja fá að kjósa bara fólk beint í ákveðin sæti, t.d. fá að kjósa ákveðið fólk í ákveðin ráðherrasæti - nú eða bara að kjósa fólk í stað flokka eins ég ég hef áður sagt.

Hér fyrir neðan er "Gamla ríkisstjórnin" eins og hún leggur sig með Geir Haarde í forsæti.

• Forsætisráðherra og ráðherra Hagstofu:Geir H. Haarde (D)
• Félagsmála- og tryggingamálaráðherra: Jóhanna Sigurðardóttir (S)
• Fjármálaráðherra: Árni M. Mathiesen (D)
• Dóms- og kirkjumálaráðherra: Björn Bjarnason (D)
• Sjávarútvegs- og landbúnaðarráðherra : Einar Kristinn Guðfinnsson (D)
• Utanríkisráðherra: Ingibjörg Sólrún Gísladóttir (S)
• Heilbrigðisráðherra: Guðlaugur Þór Þórðarson (D)
• Umhverfisráðherra: Þórunn Sveinbjarnardóttir (S)
• Samgönguráðherra: Kristján Möller (S)
• Iðnaðarráðherra og samstarfsráðherra Norðurlanda: Össur Skarphéðinsson (S)
• Viðskiptaráðherra: Björgvin G. Sigurðsson (S)
• Menntamálaráðherra: Þorgerður Katrín Gunnarsdóttir (D)



Mín ríkisstjórn.

Undir forsæti Árna Sigfússonar - núverandi bæjarstjóra í Reykjanesbæ (D).


 

   

   

Auðvitað smá Comeback ásamt einum nýliða.

  

• Forsætisráðherra og ráðherra Hagstofu: Árni Sigfússon (D)
• Félagsmála- og tryggingamálaráðherra: Jóhanna Sigurðardóttir (S)
• Fjármálaráðherra: Steingrímur J. Sigfússon (VG)
• Dóms- og kirkjumálaráðherra: Kristinn H. Gunnarsson (Frjálslyndir)
• Sjávarútvegs- og landbúnaðarráðherra : Guðni Ágústson (B)
• Utanríkisráðherra: Ingibjörg Sólrún Gísladóttir (S)
• Heilbrigðisráðherra: Valgerður Sverrisdóttir (B)
• Umhverfisráðherra: Katrín Jakobsdóttir (VG)
• Samgönguráðherra: Kristján Möller (S)
• Iðnaðarráðherra og samstarfsráðherra Norðurlanda: Siv Friðleyfsdóttir (B)
• Viðskiptaráðherra: Björgvin G. Sigurðsson (S)
• Menntamálaráðherra: Þorgerður Katrín Gunnarsdóttir (D)  

En, annars er ég bara hinn besti sko .. þannig séð! Ætla mér ekki að fara út í bloggkvittun hér núna, enda klukkan rúmlega hálf fjögur að nóttu og Jónína, Milla og fleiri eru að fara á fætur hvað af hverju - svo ég er bara farinn að fá mér nokkurra tíma lúr núna.

Kveðja á línuna og skrifa mig inn hjá ykkur á morgun.

„Þetta er þjóðin“

Á ég rétt á fyrirgefningu syndanna - vegna myndanna? Þekkið þið eina mynd og söguna á bakvið staðinn? Ekki ætla ég að axla ábyrgðina en ég er óforskammaður!

Fyrst af öllu er hér steinn sem er undarlegur í lagi og á undarlegum stað!

Mér skilst að þessi steinn heiti raunverulega Steðji en sé uppnefndur sem Staupasteinn! Sagan segir að í gamla daga hafi kátir menn ætíð áð þarna á miðri leið um Hvalfjörðinn til þess að fá sér í staupið og því hafi steinninn verið síðar nefndur Staupasteinn vegna þess. Mig minnir að steinn þessi sé ekki sýnilegur frá þjóðveginum þó steinninn sé staðsettur við þjóðveginn. Þessi litli hóll sem steinninn stendur svona skemmtilega á - skyggir á steininn frá veginum, en hægt er að keyra af þjóðveginum og fyrir hólinn - og að steininum.

 

Næst eru það heimaslóðirnar!

Glöggir bloggarar gátu áttað sig á því að hér er um syðri helming Akrafjalls á ferðinni. Þarna uppi á tindinum hef ég setið sem ungur maður og horft yfir til Reykjavíkur með dreymið blik í augum. Akrafjallið kemur eins og Vaff (V) í laginu en með bungu á milli tindanna tveggja. Eftir miðju fjallinu rennur góð Á sem fer alla leið niður í haf - að sjálfsögðu, en Áin er kölluð Berjadalsá. Neðst niðri í Vaffinu er brekka sem mest er notuð til að ganga á fjallið, en á vorin er mikið af eggjum tekin í Akrafjalli. Brekkan var kölluð Selbrekka ef ég man rétt, en neðst í Selbrekkunni var vatnsból Skagamanna í gamla daga minnir mig.

   

Ég á yfir 2000 myndir víða að af landinu!

Og ég skammast mín ekki neitt fyrir framhaldið þó ég sé búinn að halda ykkur í spennu og hamagangi vegna "Myndaleiksins míns" ...

Það er nefnilega þannig að ég verð að vona að þið takið ekki af mér haus og hala núna þegar ég segi ykkur leyndarmál.  Leyndarmálið er að ég get ekki upplýst ykkur fullkomlega um hverja einustu mynd sem ég á. Sumar myndirnar eru gamlar og gögn sem ég hafði sett með myndunum eru horfin.

Ég hef alltaf verið hrifinn af Kirkjum - eins og sjá má á myndunum mörgum - á mikið safn af þeim ásamt því að hafa átt mikið efni sem ég hafði ritað um þær í gegnum árin - en nú er bara mest og flest af því horfið á vit vírusanna, eða örlaganna. Ég gefst þó ekki upp því ég á mest af þessu skrifað á blöð sem eru í kössum somewhere. Mun örugglega finna tíma til að velta uppúr kössum þó síðar verði til að finna það sem ég hef punktað niður ..

Ég verð að hugsa um framhaldið, enda er ég búinn að skjóta mig sjálfan í fótinn hvað myndirnar mínar varðar. Ég á yfir 2000 myndir víða af landinu en þær fóru allar í hrærigraut við síðasta tölvukrass og mikið af upplýsingum sem ég átti tengdum myndunum er mér glataðar. Ég var að vona að þið þekktuð flesta staðina eins og ég - en þar sem ég er ekki með neitt minna en gullfiskaminni man ég ekki hvað allir staðirnir heita þó ég hafi komið á þá alla.

 JEG braut ísinn og ýmislegt skemmtilegt óð á eftir því ...

Heiða, EMM, Sigrún, Milla og fleiri komu með flest af því sem ég þekkti og mundi eftir - en ég var að vona að þið þekktuð hvert sinn stað og kæmuð með smá forvitnilega sögu með þeim stað.

Ég verð að biðja ykkur um að fyrirgefa mér þó ég hafi haldið ykkur svona í krísu á meðan ég leitaði eftir upplýsingunum mínum - en ég finn þær ekki *Grátur* ...

Samt, núna langar mig til senda ykkur ósk um fyrirgefningu vegna þess að ég var ferlega óforskammaður að senda þetta svona á ykkur án þess að segja ykkur að ég er sjálfur ferlega mikið í tómu tjóni með vitneskju um flestar myndirnar mínar - og var að velta ábyrgðinni minni yfir á ykkur með von um að þið gætuð bara hreinlega upplýst mig um hvar ég hafi verið á ferðinni undanfarin ár... hahaha!

Annars er ég bara góður - þrátt fyrir sama gullfiskaminnið og einkennir íslenska þjóð þegar um stjórnmálamenn er að ræða.

Sendi bara knús og kram á þjóðina - og nota bene - ég ætla ekki að Axla ábyrgð á neinu varðandi myndablogg mitt!

Verð á ferðinni í kvöld og á morgun með látum!

Helvítis dramatíkin í grímuklæddum fautum í bænum! Hve mikið hefur þú ferðast um landið okkar, hve vel þekkir þú það? Fjöldinn allur af myndum ... og að sjálsögðu viljum við spillingarliðið burt!

Já, nú ætla ég bara mest lítið að minnast á fjárans dramatíkina í fólki sem hagar sér eins og fávitar - brjótast inn á lögreglustöðina, brjóta rúður og arga og veina eins og fífl þegar lögreglan ver hús sín með piparúða frekar en ofbeldi. Nei, ég ætla frekar að sitja á mér og athuga hversu vel þú þekkir landið þitt...

Hér fyrir neðan eru dágóður slatti af myndum víða af landinu okkar. Hversu vel ert þú kunnug/ur landinu þínu? Þekkir þú eitthvað af þeim stöðum sem myndirnar sýna? Hversu mikið og nákvæmlega hefur þú ferðast um landið okkar? Gaman væri að heyra í ykkur sem teljið ykkur þekkja staði, endilega sendið inn ykkar álit á myndum - ef þú þá þekkir einhverjar þeirra!

Athugið að margar myndanna eru mjög gamlar svo það er ekki víst að þið þekkið þær miðað við hvernig staðirnir eru núna í dag. Athugið að þið getið "ýtt/klikkað" á myndirnar til að stækka þær - þá sjáið þið þær betur!

Myndir númer 1 og 2.

 

 Myndir númer 3 og 4.

 

 Myndir númer 5 og 6.

 

 Myndir númer 7 og 8.

 

 Myndir númer 9 og 10.

 

 Myndir númer 11 og 12.

 

 Myndir númer 13 og 14.

 

 Myndir númer 15 og 16.

 

 Myndir númer 17 og 18.

 

 Myndir númer 19 og 20.

 

 Myndir númer 21 og 22.

 

 Myndir númer 23 og 24.

 

 Myndir númer 25 og 26.

 

 Myndir númer 27 og 28.

 

 Myndir númer 29 og 30.

 

 Myndir númer 31 og 32.

 

 Myndir númer 33 og 34.

 

 Myndir númer 35 og 36.

 

 Myndir númer 37 og 38.

 

 Myndir númer 39 og 40.

 

 Myndir númer 41 og 42.

 

 Myndir númer 43 og 44.

 

 Myndir númer 45 og 46.

 

        

Omy Goodd .. þetta tók aldeilis sinn tíma að setja inn. En vel þess virði - alltaf gaman að skoða landið sitt og spá í staðina.

Vonandi hafið þið haft gaman að þessum myndum.

Knús á línuna og góða helgarrestina!