Heillandi lífsstíll - heillandi fræðslufundur - eða er það bara hin gullfallega Magnhildur sem er heillandi? Hmmm ...

Og Akureyri heillar - en heillar þú? Ertu í formi? Viltu forma þig og móta svo þú verðir heillandi?

Ef ekki núna - hvenær þá? Nú er tími til kominn að þið rífið ykkur upp af rassinum og skellið ykkur á skemmtilegan fræðslufund á Akureyri næstu helgi - 27 til 29 mars.

 

Ok, ég þekki þetta ekki sjálfur - en ég hef heyrt ótrúlega margar góðar sögur af þessu og hvet ykkur öll sem eruð fyrir norðan - til að hafa samband við hina ungu of fögru Magnhildi - og skella ykkur af stað í nýjan lífsstíl!

Annars er ég bara góður!

Eins og alltaf auðvitað..

Over and out - and into the facebook... nei ég meina svefninn!

Góða nóttina skottin mín.

Mannleg og hlýleg hlið Bessastaða. Er forsetafrúin sextán eða er hún nær fimmtugu - eða er hún orðin fimmtug?

Segi ykkur það að hún kemur sífellt á óvart þessi elska.

Man þá tíð er hún tiplaði á tánum - með stjörnur í augunum - nýlega orðin húsmóðir að Bessastöðum, kallandi úr eldhúsinu;

"Óli, Óli .. Hvar ertu Óli?"

Sé í minningunni Forseta okkar labba inn í eldhúsið með bros á vör sem hefði hæft vel í áttina að sextán ára yfirspenntum ungling sem var að fara að taka sinn fyrsta ökutíma - en ekki húsmóður lands og þjóðar.

"Já Dorrit mín, ég er hér"..

"Óli, heldur þú að það sé ekki í lagi að taka afgangana af skötuselnum og setja í frost ef hann klárast ekki allur á eftir? Hann er svo bragðgóður, hreinasta lostæti!"

Málið var nefnilega að háæruverðugur var staddur við eldavélina í eldhúsi Bessastaða og var að steikja skötusel í kókosolíu, eitthvað sem mér finnst algert konfekt - og greinilega frú Dorrit líka. Hún hafði komið inn í eldhúsið með eitt ljúfasta og hreinasta bros sem ég hef nokkurn tíman séð á einhverjum sem í raun tilheyrði "elítunni" en ekki almúganum, boy was i wrong að halda að hún liti stórt á sig og væri snobbhænsn...

Ólafur gekk að forsetafrúnni, tók blíðlega um mitti hennar og þrýsti henni hlýlega að sér..

"Jú Dorrit mín, það er ekkert mál að setja eitthvað í frost ef eitthvað verður eftir" sagði hann og brosti blikkandi til kokksins .. sem steinlá fyrir þessum tveim ljúfu manneskjum sem að mati kokksins hafa fært steingeldan fjaðraskrautsbæ nær fólkinu í landinu með því að vaða yfir ákveðnar hefðir og reglur - forsetaembættið sjálft er komið nær fólkinu í landinu en það hefur nokkurn tíman verið.

P.s. megnið af samtali þeirra fór fram á ensku en með íslensku ívafi.

Dorrit: Ísland verði svalari útgáfa af Dubai

Má bjóða þér ofaní pottinn minn á meðan rollan er undir sænginni minni ... ehhh... eða var það á hinn veginn? Kemur þú undir sæng á meðan rollan er í pottinum?

Hvernig er þetta með skerið? Er allt að fara til fjandans (Davíðs)? Eða hefur feiti karlinn bara alltaf verið með puttana í öllu sem snýr að því að vera númer eitt tvö og þrjú?

Maður má ekki aðeins bregða sér af bæ - þá fer allt á hausinn, í kollhnýs eða bara flippflapp og heljarstökk - afturábak.

Ég hef verið blessunarlega laus við að vera að lesa fréttir að heiman svo ég hef ekki fylgst mikið með - en nú hef ég aðeins verið að glugga í ýmsar fréttir og það er bara allt á kafi í rugli, yfirtökum og aftökum. Á hverjum bitna svo þessar skákeringar á skerinu? Jú, hinum fátæka launþega.

Enn og aftur kemur ljótt feis einræðisherrans í ljós - er þetta virkilega málið - að hann sé leynt og ljóst á bakvið tjöldin með fingur á stýri - í eiginhagsmunaherferð til að klekkja á Bónusfeðgum???

Hvenær kemur einhver sterkur og $Heiðarlegur$ stjórnmálamaður fram á sjónarsviðið og sparkar karlinum af skútunni???

*******

Annars er allt gott að frétta héðan, fyrir utan það að mér varð að ósk minni og hef nú haft 3ja daga rigningarhátíð. Reyndar hefur ekki rignt heljar mikið hérna hjá mér - dável samt - en víða hafa spánverjar ekki haft undan við að moka út flór og drullu - áður en næsta flóð skellur á. Mikið væri ég ekki til í að búa við þetta ...

*******

Sólin er samt enn  og aftur komin á sinn stað. Í gær rofaði aftur til eftir þessa 3 daga í bleytutíð og í morgun var orðið heiðskýrt sem aldrei fyrr. Nú er spáin frekar undarleg - eða þannig ekki - heiðskýrt - sól - sól - sól - sól og jamm ... var ég búinn að segja SÓL ... með 30 stiga hita og svita ... er ekki lífið dásamlegt? Æi, ég hlakka svo til að koma heim - birrrrr! Er ekki annars farið að snjóa? Eru ekki kindur komnar af fjalli og ofaní pott í kjötsúpu? JEG?

En, annars vildi ég sko þakka ykkur kærlega fyrir allar afmæliskveðjurnar með óskum um gott leðjubað og tilboð í fótanudd og fleira góðgæti ...

Knús á ykkur öll og munið að vera ljúf hvert við annað!

Ég heyri í ykkur næst eftir helgina - heima á klakanum - í brilljant sambandi og dúðaður í hlýja þykka sæng ... mmmmmm! Má bjóða ykkur undir sængina til mín ... grrrr!

Afmæli, Rigningar og Nautaat ... plús smá slatti af sól og sælu.

Jæja, þá kom að því - minn á bara afmæli í dag og er bara orðinn ... jaaa ... fortysomething!

Minns ætlar sér að gera sér góðan og glaðan dag með því að skreppa til Madrid í dag - aðeins að lyfta sér upp og mála Spán rauðan. Ekki það að það þurfi að bæta við þennan fokking rauða lit hér á spáni - nauta at - þar sem blessuð dýrin eru pínd endalaust með hamagangi og látum - stungin með spjótum og að lokum með stóru sverði niður á milli herðablaðanna ... rauða litinn vantar ekki þar ... hel... fíbblin.

Reyndar gruna ég nú að það sé ekki beint gaman í Madrid í dag - það rigndi nefnilega heavy mikið í gær - víða á Spáni fór allt á flot og hlaust af bæði mannskaði og mikið eignatjón.

Þar fyrir utan er skelfilegt að sjá útkomuna eftir þessa rigningu - allt á kafi í aur og leðju hjá þeim sem búa á jarðhæð.

Sum staðar náði vatnið alveg einum meter í hæð - og því óð bæði drulla og leðja af götunum óhindrað inn í stofu og bara öll herbergi hjá fólki sem býr á jarðhæð. Sumstaðar fóru götur í sundur og bílar enduðu ofaní heljar holum utanvegar.

En, það rigndi reyndar ekki svona hjá mér - þó eitthvað skvettist yfir mig samt.

Öskubakki sem stendur reyklaus og ónotaður hérna á sólstofu borðinu mínu hér úti - náði ekki einu sinni að fyllast af vatni. Samt var þetta eina raunverulega rigningin sem hér hefur fallið síðustu tvo mánuði allavega eða síðan ég kom út.

Hérna er svo sem ekki búið að vera neitt nema sól og sæla. Í forsælu er ennþá um 30 stiga hiti og sólin er hér uppá hvern einasta dag, reyndar skýjað í einhverja 2 eða 3 daga síðan ég kom út - en so what.

En, minns á ammmæli í dag ... minns á ammmæli í dag... minns er fortysomthing í dagggggg g .... eða þannig!

Vona að allir hafi það nú ljúft og gott - þrátt fyrir bleytu tíð kulda þarna heima, verið góð hvert við annað og farið vel með ykkur!

Ljúfar kveðjur í loftið á þessum gloríus degi! Kveðja úr sól og sumarhlýjum straumum...

Gamall styggur steggur heggur í mig - liggur okkur lífið á eða er þetta bara séríslenskt? Bílaleikur og rakinn ógurlegi!

 "Ætlar þú að verða ellidauður þarna fyrir öllum gamli skarfur?" Spurði ég í gríntón - á íslensku - fyrir aftan ellihruman mann sem var að reyna að labba í gegnum þvöguna sem silaðist áfram á markaðnum á sunnudaginn.

Karlinn snéri sér rólega við þegar hann heyrði í mér segja eitthvað og ég brosti bara til hans voða góðlega .. falskur maður sko!

 "Hvað liggur þér lífið á?" Hreytti karlinn í mig - á íslensku líka!

En hvað maður getur komið sér í miklar ógöngur af og til þegar maður á ekki von á því að einhver skilji mann í útlöndum - Íslendingar eru alls staðar að þvælast sko.

**********

Lífið heldur áfram sinn vanagang hér á Spáni, maður er að venjast hitanum, svitanum og öllum þessum þurrki. Kurr systir mín er meira að segja að verða þokkalega góð í þessum hita en hún er nú samt ekki mikið fyrir svona ótrúlega miklar sveiflur.

Ég var á Benidorm í gær, fór þangað með rútunni bara - frá Torrevieja, með systurson minn og kærustuna hans. Þau eru búin að vera hér síðan fyrir helgina og fara aftur á næsta mánudag. Bræður mínir eru farnir, fóru á mánudag á klakann - gruna að þeir hafi nú verið glaðir að komast í kaldara loftslag og minni raka.

Það er nefnilega bjévaður rakinn sem er allra verstur - maður fer í sturtu - þurrkar sér og klæðir - og þegar maður er kominn fram er maður aftur orðinn rennblautur af rakanum. Þegar maður fer út að labba á kvöldinn - er maður þvalur og allur hálf klístraður eitthvað vegna rakans. Sennilega er það rakinn sem fæstir sakna þegar þeir snúa aftur heim, þó maður jú muni alltaf sakna hitans og sólarinnar.

Ég keyrði sjálfur í fyrsta skipti hérna á spáni síðasta sunnudag. Fékk bíl lánaðan og keyrði á stóran sveitamarkað. Keyrði svo seinnipartinn með bræður mína á Go-kart braut til að eiga með þeim skemmtilegan dag - en þeir fóru svo daginn eftir heim, á mánudeginum.

Það var bara gaman að keyra svona í fyrsta skipti sjálfur hérna úti - hef oft ætlað mér það en hef oftast bara leikið mér í rútum og labbað eða verið með öðrum í bíl. Auðvitað er svo sem ekkert öðruvísi að keyra hérna úti en heima, en samt ... ytri hringurinn í hringtorgunum á réttinn yfir þann innri - öfugt við það sem gildir heima.

***********

En, nú er maður að fara út - sólin skín og leikur glaðlega hérna fyrir utan. Það er markaður hérna á La Mata ströndinni sem ég ætla að spossera á og skoða. Það er endalaust gaman að skoða þessa markaði og sjá hvað flóran er misjöfn sem bæði selur og kaupir á þessum vettvangi.

Heyri í ykkur seinna skottin mín og vonandi líður öllum vel í kuldanum þarna heima. Ykkur að segja - þá er ég nú þegar orðinn fallega brúnn á rassinum - ekki að það skipti miklu máli - en bwahahaha!

 Ljúfar saknaðarkveðjur í loftið til ykkar dúllurnar mínar!

Hef ekkert að segja, en segi það samt allt hérna.

*****

*****

Yeah - Right!

Besti bloggari ársins er ... Trommusláttur ... mæ ass! Illa með mann farið og ekkert þorir maður að gera svo maður særi ekki einhvern ...

Ok, nú er ég alveg að springa - er sem sagt óður - eða óðari en venjulega. Kalli Tomm í Mosó hefur núna sett mig út í horn og gert það að verkum að ég gæti öskrað af vonsku. En, það er alltaf einhver bloggvinur sem kippir hlutunum í lag.

Sko, málið er að ég rakst á þessa færslu frá Kalla Tomm í Mosó. Þar biður hann um að við veljum "besta" bloggarann fyrir árið 2008 - en allir bloggarar vita að slíkt er næstum því ógeranlegt.

Ok, það eru jú fulltaf góðum bloggurum um allan bloggheim en hvernig á maður að fara að gera upp á milli þeirra?

Svo er það líka hitt - hvernig á maður að fara að því að særa ekki þá bloggvini sem manni finnst góðir - ef maður verður að velja einn þeirra úr til að hljóta titilinn "besti bloggarinn 2008"?

Ok, Kalli Tomm segir og vill að við tökum þetta meira í gamni og gleði frekar en af alvöru. Auðvitað er það gott og blessað - og við ættum öll að geta það, en það er bara erfitt að taka einn besta bloggarann út úr hóp af bestustu bloggurum sínum. Það má líka sjá á því hvernig fólk svarar, það eru fáir ef nokkrir sem setja bara fram eitt stakt nafn sem besti bloggarinn. Við erum öll svona, viljum ekki særa neinn bloggvin t.d. og viljum helst nefna alla bloggvinina sem bestu bloggarana. En með því að telja upp nokkra bloggara erum við að teygja lopann og sjá til þess að erfiðara verður að velja einn stakan úr hópnum.

Allir mínir bloggvinir eru góðir - bestir í mínum augum - allir mismunandi á sinn hátt - en allir svo fínir að lesa að ég get ekki gert upp hug minn og valið bara besta af þeim bestu. Svo er líka annað - hérna eru dágóður slatti af brilljant bloggurum sem eru ekki bloggvinir mínir - bloggarar sem ég les alltaf og hef gaman að fylgjast með. Þar á meðal eru líka bloggarar sem mér finnst að gætu vel komið til greina sem bloggari ársins.

Ég les þá alla - bloggvini mína - þó ég hafi ákveðið að kvitta ekki fyrir lestrinum núna í sumar - nema á þá sem eru að senda inn athugasemdir hjá mér - jafnóðum og ég hef tíma hverju sinni. Það eru svo margir dásamlegir pennar hérna á blogginu að mér sundlar við tilhugsunina að kippa einum stökum út úr hópnum til að útnefna sem besti bloggarinn.

Þess vegna hef ég ákveðið að fara krókaleið til að útnefna einn bloggara frekar en annan - ég útnefni að sjálfsögðu alla mína bloggara sem besti bloggarinn þetta árið - en læt svo 8 ára frænda minn renna augunum yfir bloggvinahópinn minn og benda á einn þeirra - sá sem bent verður á - verður settur inn hjá Kalla Tomm úr Mosó.

Samt get ég sagt ykkur frá þeim sem ég hef lesið lengst og les alltaf upp til agna, en þeir eru hér að neðanverðu taldir upp og eru held ég bara allir bloggvinir mínir nú þegar. En málið er t.d. að ég gæti ekki gert mikið uppá milli þeirra ... athugið að þetta eru þeir bloggarar sem ég hef lesið lengst að öllum öðrum ólöstuðum!

Jenný Anna - Ásthildur Cesil - Steingrímur - Gurrí - Lára Hanna - Ragnheiður

Ok, stutt saga lengist alltaf hjá mér - svo ég ætla bara að troða þessu niður í lokaorð - enda hef ég ekki tíma til að halda áfram í augnablikinu.

Ég átti erfitt með að halda uppi rétta andlitinu á meðan sá stutti valdi fyrir mig bloggara. Fyrst valdi hann "Angelfish" - vegna þess að höfundarmyndin er fiskur og hann elskar fiska - en ég lét hann velja aftur því angelfish er í fjölskyldunni og hún verður bara að sætta sig við að vera sett út í horn.

Þá valdi hann Kurr - en jamm - Kurr er auðvitað mynd sem hann þekkti sem frænku sína svo þess vegna valdi hann hana og Kurr fór líka út í horn hjá angelfish. En þá loks kom annar bloggari sem nú fer á Kalli Tomm síðuna sem bloggari ársins 2008 - og ég er sáttur - en þið verðið náttúrulega að fara á síðuna hans til að fá að sjá hver varð fyrir valinu, nastý - jamm ég veit - en þetta átti líka að vera til gamans gert.

Verð á ferðinni í kvöld að athugasemdast - og skoða ykkur betur.

Ljúfar kveðjur í loftið að sinni rúsínurnar mínar.

Fjör í hinsegin halarófu

Búhúhúhú ... eða þannig! Skelfing var það gott að þurfa ekki að ákveða sig seint í gærkvöld - á ég að fara á bloggið - eða ekki? Maður fór bara að sofa ...

 

  Ohhh ... ég vil fá bloggið mitt aftur. Endalaust ömurlegt að geta ekki bloggað og hamast hérna eftir mánaða skemmtilegheit. Núna er ég orðinn eldrauður á blogginu og það útlit hentar ekki mínum augum - vil fá útlitið aftur og það straxxxxxxxxxx... eða þannig.

 

 Ég nenni ekki einu sinni að reyna við myndir hérna núna - ætla bara að senda hérna inn kveðju og er svo aftur rokinn út - enda er hitinn óbærilega mikill, spáin segir allt að 27 gráður á morgun en núna er hitinn mikill líka.

 

  Ég vona bara að Moggablogg verði komið í sitt góða upprunalega form með kvöldinu - alveg nógu slæmt ef ég kemst ekki í að blogga um helgina næstu.

 

  En, ég sendi bara knús og kveðjur út í loftið með von og ósk um að þið hafið það gott í hitanum og ef sólar nýtur vona ég að þið hafið tækifæri til að vera útivið.

 

  Annars er ég góður bara - endalaust glaður og kátur - en það er svo sem ekkert nýtt.

 

  Adios amigos ...

Hóran hefur í flestum tilvikum valdið. Viltu láta berja þig - borgaðu þá! Syndaaflausn ...

 Hún horfði niður á mannaumingjann sem kúrði á fjórum fótum fyrir framan hana, hún sveiflaði fokking svipunni svo það small hátt og kvellt í gólfinu við hlið hans. 

“Sleiktu stígvélin mín druslan þín” sagði hún með hroka og valdi í röddunni. Hún fylgdist áhugalaus með manninum skríða nær með höfuðið rétt við stígvélin hennar, hann stakk tungunni út og sleikti ...

 

 

Nei, vitið þið hvað – ég ætla ekki að fara að skrifa eina allsherjar BDSM sögu hérna handa ykkur. Var bara að spá í það vald sem hóra hefur yfir þeim sem kaupa hana. Sannarlega eru til margar tegundir af hórum, líklega eins margar og við sjáum oftast á erlendri grundu um allar stórborgir eða við öll hringtorg.

 Það er í það minnsta til eitthvað sem kallast;

 

1. Hóra sem sett er í hlutverk af einhverjum öðrum – nauðung/mannsal.

2. Hóra sem hefur litla sjálfsvirðingu – neyslufíkill.

3. Hóra sem fer í hlutverk sitt sjálf - nauðug.

4. Hóra sem fer hamingjusöm í hlutverk.

5. Hóra sem fer í spennuham af endorfinsgleði.

6. Hóra sem elskar valdið yfir kaupandanum.

7. Hóra sem elskar eingöngu peninga.

Svo er líka til önnur tegund af hóru – en það er Hjákonan, en slík kona getur verið óhemjudýr í rekstri. Kaupendurnir koma svo hér að neðan. En, við tökum hórurnar fyrst – þar er af ýmsu að taka.

Hóra númer eitt er hugsanlega kona sem hefur af einhverjum ástæðum lent í höndunum á misyndismönnum/konum sem selja aðgang að líkama hennar. Þar með er hún líklega ekki beint hóra heldur kona í nauðungarsölu, sannarlega ætti ekki einu sinni að nefna orðið hóra um slíka konu náttúrulega – frekar ætti að nota orðalagið – fórnarlamb.

(Á ekki að líðast eða vera til og ætti skilyrðislaust að uppræta slíkt)

 

Hóra númer tvö er hugsanlega kona sem hefur orðið illa úti á lífsleiðinni á einhvern hátt. Það getur verið kona sem lent hefur í eiturlyfjaneyslu eða einhverri neyslu sem heimtar mikla fjármuni svo halda megi neyslunni við. Slíkar konur ætti kannski ekki að kalla raunverulega hóru svo sem – en þar sem hún viðheldur neyslu sinni með því að selja aðgang að líkama sínum, þá er það samt hórskapur.

(Á ekki að líðast eða vera til og ætti skilyrðislaust að uppræta slíkt)  

 

Hóra númer þrjú er kona sem líklega hefur líka orðið undir á lífsleiðinni en líklega þó vegna lítillar menntunnar og margra barna, jafnvel vegna þess að hún kann ekki að fara með fjármuni. Hugsanlega fer hún í hóruhlutverkið til að þurfa ekki að horfa uppá börn sín svelta heilu hungri og því ætti sannarlega ekki að nota orðið hóra um slíka konu þó svo að hún selji aðgang að líkama sínum.

(Á ekki að líðast eða vera til og ætti skilyrðislaust að uppræta slíkt)

Hóra númer fjögur er sennilega kona sem er óendanlega gröð. Hún fær aldrei nóg af karlmönnum, konum og bara hvaða leikfangi sem er. Hún er óseðjandi og virðist aldrei fá nóg. Þó líklegra sé að slík kona fari bara á djammið og sæki sér hina og þessa til að liggja með – þá er það ekkert útilokað að hún selji líka aðgang að líkama sínum. Kannski væri réttara orðalag yfir slíka konu frekar almannagjá eða lausbróka ..

(Hvað kemur okkur það við þó gröð kona vilji fá sér smá hoppedí skoppedí - ekkert)

 

Hóra númer fimm er sannarlega kona sem kýs að lifa lífinu í eilífri spennu. Hún fær mikið kikk út úr því að hátta sig fyrir framan ókunna. Hún lifir í stöðugri leit af því sem fær blóðið til að renna hraðar, bæði hennar blóð sem og blóð þess sem hún sækir í. Hún fílar endorfinið sem leysist úr læðingi þegar samlífið byrjar – en ekkert er þar með sagt að hún njóti kynlífsins sem slíks, frekar að hún njóti alls þess sem leiðir að sjálfum mökunum.

(Hver erum við að vilja banna konum að ná sér í spennu ef hún kýs að gera slíkt)

 

Hóra númer sex er klassahóra. Hún er kona sem sér ekkert annað í stöðunni en að hún fái völdin og ráðin í eigin hendur. Hún velur sér kaupendur sem óska eftir niðurlægingu og hörku. Klassahóran elskar valdið sem hún fær, elskar að kalla kúnna sína druslur og aumingja – elskar að traðka á þeim sem voga sér að kaupa aðgang að henni. Hún er valdagráðug og framagjörn og hún er tilbúin í það að stíga á hvern sem er til að fá sínu framgengt.

(Hvar væri réttlætið ef við myndum banna konum að vaða upp valdastigann - power to the woman)

 

Hóra númer sjö er gráðug kona. Hún elskar ekkert eins heitt og peningana sem hún fær fyrir kynlífsgreiðann. Hún selur sig dýrt og sankar að sér fé líkt og Jóakim Önd. Hún er jafnvel til í að selja allt í kringum sig til að komast með klærnar í peningana.

(Það er hvergi skráð að græðgi sé af hinu vonda og því er gráðug kona hið besta mál)

Þá eru það kaupendurnir, en líkt og hórurnar – þá eru þeir eins misjafnir og þeir eru margir.

Af kaupendum er það að segja að - já til eru mjög margar týpur þar líka, t.d;

   

1.         Kaupandi sem vill geta ráðið yfir og niðurlægt hóruna.

2.         Kaupandi sem er kynlífsóður og fær ekki nóg heima.

3.         Kaupandi sem á nógan pening og nóg af tíma.

4.         Kaupandi sem á ekkert fé.

5.         Kaupandi sem vegna veikinda og eða útlits.

6.         Kaupandi sem þarfnast í raun og veru sálfræðings.

7.         Kaupandi sem er að fá sér drátt í fyrsta sinn.

  

Kaupandi númer eitt er líklega aðili sem er haldinn ákveðnum geðklofa eða geðveiki á einhvern brenglaðan hátt. Hann hefur einhverja óaðlaðandi þörf á að niðurlægja aðra, ráða yfir öðrum og stíga á þá líkt og um skítinn á götunni sé að ræða. Hann er svo húkt á því að hafa völdin að hann er reiðubúinn að eyða stórfé í það eitt að geta kallað aðra manneskju aumingja, druslu eða hóru.

(Á ekki að vera til og er ólíðandi, á að uppræta skilyrðislaust)

 

Kaupandi númer tvö er hugsanlega spólgraður náungi sem hugsar með dindlinum. Líf hans stjórnast alfarið af miðjunni – allt sem gerist í kringum hann getur hann yfirfært í kynlífshugsun. Hans eina raunverulega hugsun er “hvar og hvernig fæ ég næstu fullnægingu?”. Allir sem á hans vegi verða eru í hans augum hugsanlega næsta fullnægingarmaskína.

(Hvað kemur okkur það við þó menn séu graðir - ekkert)

 

Kaupandi númer þrjú er sennilega milli – eða milljóneri, forstjóri, bankastjóri eða ráðherra. Hann veður í peningum og á nóg af öllu. Hann hefur þörf á að sýna ríkdæmi sitt og hvernig þá betra en með því að dreifa þeim í hórur eða þjónustu. Hann hugsar ekki endilega um kynlíf sem slíkt, bara kaupir hóruna til að bæta í safnið ..

(Hvað kemur okkur það við hvernig menn eyða peningum svo framalega sem það er þeirra eigin fé)

 

Kaupandi númer fjögur er örugglega námsmaður, róni eða auðnuleysingi – með fullri virðingu fyrir námsmönnum. Hann á ekkert eða lítið fé en telur að skársti kosturinn af þrem – kærustu, eiginkonu eða hóru – sé hóran ódýrasta málið. Kærustunni fylgir heilmikið af rómantískum fylgihlutum, út að borða – blóm, gjafir og bíltúrar. Eiginkonunni fylgja skyldur og kvaðir – börn og bura sem kostar oft heilmikið en hórunni fylgir ekkert nema ákveðin upphæð og eftirstöðvarnar eru engar, yfirleitt.

(Bjargi sér hver sem getur - mér og mínum að meinalausu)

 

Kaupandi númer fimm gæti verið einhver sem hefur fæðst með alvarlega útlitsgalla, verið ófríðir með eindæmum eða lent í slysi sem afskræmir líkama þess sama. Sannarlega hafa allir þörf fyrir nánd, kærleika og ástúð – jafnvel þó þeir þurfi að kaupa slíkt. Næsta víst er að það er erfitt fyrir slíka aðila að ná kynnum við aðra því mjög margir setja útlitið ætíð í eitt af fyrstu sætunum þegar þeir hitta nýja manneskju augliti til auglits. Aftur á móti er hægt að kynnast innri manneskju í gegnum bréfaskriftir eða netsamband – þar sem fólk kynnist innri manni áður en skelin sést.

(Konur vilja ekki "ljóta" eða á einhvern hátt "gallaða" menn - en þeir eru samt þurfandi eins og hinir)

 

Kaupandi númer sex markast hugsanlega af einstakling sem hefur lítinn áhuga á kynlífi – það eina sem þá vantar er einhver sem er tilbúinn að hlusta á þá. Auðvitað eiga slíkir einstaklingar að kaupa sér aðgang að sálfræðing frekar en hóru. En, sálfræðingurinn mun ekki strjúka þann þunglynda og taka utanum hann með móðurlegum huggandi orðum líkt og hóran myndi gera.

(Okkur kemur í raun ekkert við hvaða leið einstaklingur notar til að komast í snertingu við aðra manneskju)

 

Kaupandi númer sjö er væntanlega einhver óharnaður óframfærinn eða ósjálfstæður einstaklingur sem þorir ekki á almennan djamm-markað í leit af einhverjum sem er til í að afsveina/meyja sig.

(Hver hefur sína leið að sínum markmiðum, er það ekki í góðu lagi)

 

******************************

 

Eins og þið sjáið þá er ekki til neitt sem heitir eingöngu hamingjusöm/samur eða óhamingjusöm/samur - seljandi eða kaupandi að vændi í ýmsum myndum. Það er til eintak af öllum hugsanlegum gerðum í báðum hópum, bæði seljendur sem og kaupendur.

 

Sannarlega er sumt algerlega ólíðandi – ætti aldrei að sjást eða gerast – en sumt er í raun og veru bara algerlega í fínasta lagi – enda er sumt á þessu sviði þannig gert að það er ekki að gera neinum mein á neinn hátt.

 

Hvað kemur okkur það við þó hórur (menn eða konur) sem sannarlega eru að stunda sitt með sinn eigin líkama – geri það? Ekki neitt í raun og veru. Málið er bara að sumir virðast hafa þörf fyrir að nota hvert tækifæri sem gefst til að hrópa eitt og annað um ranglæti heimsins um allt og yfirfæra það á þá sem stunda það sem ekki þóknast þeim sjálfum.

 

Þetta eru bara svona pælingar – en málefnið er líklega orðið langþreytt og næsta víst að það er langt frá því að fjöldinn sé sammála um hvað og hvernig á að líta á þennan málaflokk. Mín skoðun er sú að ef hóra kýs að starfa sem slík af einhverjum “eðlilegum” ástæðum – þá er það ekki mitt að dæma hana eða verknaðinn. Það er heldur ekki mitt að dæma kaupandann – enda læt ég það algerlega vera.

 

Ef þið hafið eitthvað um þetta að segja eða ef þið þekkið fleiri tegundir af hórum eða kaupendum – þá endilega verið óhrædd við að segja ykkar meiningu. Ég bít ekki – fast! Bloggvini mína bið ég þó um að athuga að ég vil ekki koma þeim í vandræði – svo þeir þurfa ekki að setja komment á þessa færslu frekar en þeir vilja.

P.s. ég hafði ekki hugsað mér að rökræða þennan pistil á neinn hátt svo ekki búast við því að ég fari á málefnalegu buxurnar hérna inni ... kveðjur í loftið! Farinn bloggvinahring ...

Hvað getur maður gert til að létta þeim byrgðina sem bera hana þunga?

Tek mér það bessaleyfi að birta hérna smá áskorun af síðunni hennar Höllu. En Halla Rut á vinkonu sem er mikil hetja en hana vantar örlitla vináttu eða stuðningsvin.

Öll getum við gefið okkur örlitinn tíma til að hlú að öðrum, öll getum við gefið af okkur og glatt - málið er bara að skoða tíma sinn og athuga hvort ekki sé hægt að leggja eitthvað niður til að gefa af sér í staðinn.

Látum hjartað ráða, ekki peningabudduna. Það þarf ekki að vera nema 4 tímar á viku sem er lítið fyrir okkur sem höfum það gott - en heill ævintýratími fyrir þá sem standa í miklum veikindum!

Ef þú telur þig geta hjálpað - kíktu þá hérna inn!

*****

Verð á ferðinni á eftir á blogginu, en komst ekki í samband við netið í gærkvöldi!