Karlmenn og krabbamein, hefur þú gripið í punginn í dag - þinn pung sko!? Ef ekki, þá ættir þú kannski að hugleiða það...

Þættir eins og heilbrigt mataræði, að vera í kjörþyngd, forðast reykingar - drekka sem minnst áfengi og forðast sólbruna - eru meðal þess sem getur hjálpað ykkur að lenda ekki í krabbanum.

Það segir sig sjálft að heilbrigt líferni er heillavænlegast yfir höfuð - hvort sem það snýr að krabbameini eða öðrum sjúkdómum, heilbrigt líferni er það sem líkaminn þarfnast helst af öllu til að funkera rétt, vel og lengi.

Árlega greinast 630 karlar með krabbamein á Íslandi, almennt gera þeir sér seinna grein fyrir einkennunum en konur. Á morgun hefst formlega átak Krabbameinsfélagsins - Karlmenn & krabbamein. Yfirskrift viðtalsins í ár er Lífsstíll, heilsa og mataræði og er höfuðáherslan á að með því að stunda heilbrigða lífshætti sé hægt að draga úr líkunum á krabbameini.

Mælt er með því að borða mikið af tómötum, hvítlauk og gulrótum. Mikið af grænmeti og ávöxtum og eins er gott að neyta mikilla trefja, t.d. grófs korns og bauna.

Átakið hefst með pomp og prakt í Vodafone-höllinni á morgun kl. 14:00 en þá etja kappi helstu knattspyrnuhetjur landsins eldri en fjörtíu ára og núverandi landsliðshetjur.

Í tengslum við átakið verður sala á "Miðum" í matvöruverslunum - sem fólk getur keypt fyrir 250, 500 eða 1000kr. Þá verða falleg bindi með litum átaksins (blátt, fjólublátt og hvítt) til sölu í verslunum Herragarðsins. Litlar álnælur (svipaðar og bleiki borðinn) verður einnig seldar til fyrirtækja.

Peningurinn sem safnast fer til Ráðgjafarmiðstöðvarinnar, sem veitir körlum og konum ókeypis ráðgjöf, námskeið og þjónustu af ýmsum toga, og í frekari forvarnir.

Kíki yfir ykkur - í dag - sem hér hafið verið á ferðinni undanfarið ljúflingar.

Knús á línuna og takk fyrir innlitið!

P.s. tekið úr Fréttablaðinu - Laugardaginn 28 Febrúar 2009. (Og nei, ég ætlaði ekkert að fjalla um einhver hreðjatök hérna - þó það sé gott að grípa í punginn til að fyrirbyggja og athuga krabbamein ..haha)...

Hreyfing og hollt fæði í baráttunni við krabbamein

Mbl.is < gegn > Facebook! Gamalt út og nýtt inn - í bili.

Jæja, ég verð víst að viðurkenna að nýr vettvangur hefur náð að heilla mig aðeins og því hef ég ekki gefið blogginu eins mikinn tíma.

Já, ég er farinn að leika mér á öðrum stað á netinu og þar hef ég verið að fíflast og atast í öllum í kringum mig. Málið er að maður verður að fylgja straumnum og taka þátt í því sem er "inn" í það og það skiptið.

Facebook er málið.

Undarlegasta fólk er þar að finna og næsta víst er að maður verður að passa að missa sig ekki þegar maður rekst á suma sem tilheyrðu fortíðinni - en eru núna að poppa upp í sinni undarlegustu mynd. Mikið af dásamlegu fólki er þar sem maður þekkti í denn. Skólasystkyn, fjölskylda, vinir - nú líka óvinir, og gamlir nágrannar. Flóran er frábær en næsta víst að maður verður að passa sig á því hvað maður lætur flakka þar því maður veit aldrei hver er að "skoða" mann og fylgjast með hverju spori manns.

Nokkur ykkar hérna hef ég fengið til mín þar, en marga hef ég ekki enn fundið - eða þannig - enda er ég nýbyrjaður á þessu og er enn að læra á þetta feisbókardæmi. Hef þó sent inn margar góðar og gamlar myndir þangað og undarlegt hvað margir muna og kannast við mann ennþá ..

En, eitthvað verður að láta í minni pokann í staðinn - og það er Mbl.is sem lýtur í lægra fyrir Facebook í þetta sinn. Ég mun þó halda áfram að fylgjast með blogginu og hver veit - þegar nýjabrumið er farið af feisinu þá kannski verð ég aftur virkur bloggari.

Vona að þið hafið það yndislegt, óska ykkur góðrar helgar og njótið lífsins öll ..

Knús á línuna ...

Rekin vegna ummæla á Facebook

Gat Davíð varað Geir H. við - varað ríkisstjórnina við - varað alla við - í fjölda mánaða, ef ekki ára - og Geir ekki brugðist við öllum viðvörunum DO - sem forsætisráðherra, en talist samt ekki hafa brugðist þjóðinni?

Við erum verr stödd landar góðir ef þetta er eini maðurinn á Íslandi í dag sem er traustsins verður - sá eini sem fólk getur leitað til með "nafnlausar" ábendingar og ásakanir.

Næsta víst er að mörg hólfin í guðdómlegum kastala hans hljóta að vera full af hinum ýmsu kvörtunum, ábendingum og hverju því sem fólk í sakleysi sínu hefur borið til hans í von um að hinn eini sanni Guð almáttugi leysi málin ..

"Ég er eini maðurinn á Íslandi sem fólk treystir í dag og fólk kemur til mín með áhyggjuefni sín og biður mig um hjálp" .. okok, ekki orðrétt en meiningin á bakvið hrokann og veruleikafirringuna leynir sér ekki. Hvað heldur kallinn? Að hann sé Guð almáttugur - hinn ósnertanlegi? Það var ég sem gerði hitt og ég sem gerði þetta og blablabl ...

Hvers eigum við að gjalda að hafa svona mann með puttana í fjármálum landans?

Sigmar var flottur - alveg brilljant góður. Sigmar vex með hverju viðtalinu sem ég sé hann með og mér sýnist hann eiga góða framtíð fyrir sér. Hann hikstar ekki, hikar ekki og missir ekki taktinn þó menn eins og Davíð vaði úr einu í annað og jafnvel ljúgi á hann í beinni. Þú fullyrðir þetta og hitt segir Davíð við Sigmar en Sigmar sallarólegur glottir og segir kaldur "Nei Davíð, ég spurði þig - fullyrti ekki neitt"!

Fyndið að sjá hvernig Sigmar tók vopnið úr hendi Davíðs og beindi því beint til baka á kallinn og hans spillta flokk.

Davíð; "Ég varaði við þessu og varaði við hinu og það gerði ég alveg frá því í fyrra og hitteðfyrra og fyrr jafnvel .. blablabla" ...

Sigmar; "Davíð, ertu þá hér með að segja að Geir, sjálfstæðismenn og ríkisstjórnin hafi hreinlega brugðist? Ertu að segja að þú hafir varað við þessu öllu og ríkisstjórnin með Geir H. Haarde í forsæti hafi ekki hlustað á þig og þar með brugðist all alvarlega?" ...

Davíð; "Urrandi, Þið þessir fjandans blaðamenn - þurfið alltaf að snúa öllu sem maður segir og láta það líta út fyrir að vera mér eða mínum mönnum að kenna" .. "Undarlegt hvað þið fréttamenn takið alltaf allt sem ég segi og reynið að láta mig líta út fyrir að vera hinn vondi sjálfur - ég er sá eini sem fólk getur komið til og sá eini sem fólk treystir og sá eini sem .. blabla".

(okok, enn og aftur ekki beint og nákvæmt orðalag en svo til rétt atburðarás)..

Bíddu við, halló .. Var kallinn ekki einmitt að segja eitthvað í þá áttina sjálfur en er hér að reyna að koma því á Sigmar .. ? Hahaha.. hve sorglegt þetta sjónarspil er orðið. Þetta er orðið sorglegt og maður getur ekki annað en vorkennt kallinum fyrir það hve veruleikafyrrtur hann er. Guð gefi að hann fari að opna augun og að hann taki eftir því að hann í broddi Seðlabanka Íslands nýtur einskis trausts hjá almenningi - í það minnsta yfirleitt fæstum.

Ég þakka Sigmar kærlega fyrir frábæra frammistöðu í Kastljósi kvöldsins - og ég yrði þakklátur DO ef hann vinsamlega vaknaði uppúr Guðlegum Þyrnirósasvefni sínum og sæi veruleikann eins og hann blasir við okkur í dag.

Davíð í Kastljósviðtali

Veltum fyrir okkur hvað hægt er að gera við 24 milljónir nú á tímum kreppu. Þetta er fáránlegt ...

Vanhæfur ráðherra þarf auðvitað að eyða skattfé landans í það að kaupa hina og þessa menn til að vinna fyrir sig verkin. Þegar ráðherra kann ekkert, getur ekkert og hugsar bara um stólinn undir rassinn - þá þarf hann auðvitað að ráða undir sig her manna til að vinna þá vinnu sem hann á sjálfur að gera.

Hvernig væri bara að fara að bretta upp ermarnar og koma sjálfum sér inn í málin sem undir mann eru sett og hætta að eyða almannafé svona í fjandans ráðgjafa og annað svo þú megir hafa náðuga setu í feitum stól - sem þú ert sem betur fer búinn að tapa í bili..

Segi ekki annað en að Guð hjálpi okkur ef þessi maður kemst aftur í heilbrigðisráðuneytið. Hversu miklu af skattfé ætli hann eigi þá eftir að eyða í "ráðgjafir og aðstoð"? Guð gefi að hann verði sem lengst í stjórnarandstöðu eða helst að hann hverfi bara úr pólitík for good.

Hugsið ykkur hve mikið væri hægt að gera fyrir 24 milljónir nú á krepputímum. Hvernig væri að muna þessa óráðsíu í næstu kosningum folks ...

Svona er þetta líklega líka með Davíð Oddson. Hann er vanhæfur seðlabankastjóri - án réttrar menntunar og hæfileika - þurfa menn að eyða stórfé í það að hafa undir sér alls skonar menn sem hafa hina réttu menntun og hæfileika sér til halds og trausts. Því í fjandanum ekki bara ráða hæfa menn til verka sem sannarlega vita hvað þeir eru að gera í sínum stólum - og gera það - og nota svo fé sem fer í alls skyns ráðgjafa í þarfari málefni og verkefni!

Er ekki tími sparnaðar núna? Hefði haldið það .. bara hugsa um hversu miklum fjármunum er eytt á þennan hátt í pólitíkinni yfir höfuð. Mig svimar við tilhugsunina um þennan sóðaskap ...

Ráðuneytið greiddi 24 milljónir fyrir ráðgjöf

Hvað gera framapotandi pólitíkusar þegar þeir hafa tryggt sér feitan stól og feitan tékka í áskrift? Jú, þegja þunnu hljóði og passa sig á því að gára ekki vatnið!

Verð að viðurkenna að ég hef aldrei verið hrifinn af þessum náunga - og gæti trúað honum til að stinga hvern sem er í bakið - og stela hverju því sæti sem honum hugnast! Myndi ekki treysta honum í pólitík - frekar en að ég myndi treysta Árna Johnsen fyrir buddunni minni!

Hann minnir mig á þá allra verstu í íslenskri pólitík - og víðar ef svo ber við. Mitt atkvæði myndi hann aldrei fá og ef eitthvað er frá mér til hans í kjörklefanum - þá myndi það vera strik - yfir nafnið hans!

Það er ömurlegt þegar menn pota sér áfram með látum og hamagangi í pólitíkinni. Menn eru fljótir að stinga jafnvel félaga sína ef það hentar þeim sjálfum og kemur þeim sjálfum í feitara sæti. Menn eru hættir að hugsa um málefni og hættir að reyna að verða að gagni á þingi - hugsa bara um feit sæti og feita bitlinga sem og feita mánaðarlega tékka inn um bréfalúguna. Um leið og þeir alverstu byrja að pota sér áfram í aðdraganda kosninga - hafa þeir hátt, rífa fólk og málefni niður og lofa öllu fögru. Hvað gerist svo ef þeir ná að plata fólk til að kjósa þá? Jú, þeir grafa öll loforðin - ýta öllu viðkvæmu eða erfiðu til hliðar og stinga sér sjaldan eða aldrei til sunds þar sem vatnið gæti gárast því þá gætu þeir misst tékkann og stólinn.

Sem sagt - þegar framapotari kemst áfram í stjórn - eftir gól, gal og öskur á allt og alla - steinþagnar hann og passar sig að ýfa ekki við einu eða neinu sem gæti reynst "óþægilegt" pólitískt séð. Passa bara stólinn og gefa skít í loforð og kjósendur ...

&#xE51;&#x6E9;&#x6DE;&#x6E9;&#xE51; &#xE51;&#x6E9;&#x6DE;&#x6E9;&#xE51; &#xE51;&#x6E9;&#x6DE;&#x6E9;&#xE51; &#xE51;&#x6E9;&#x6DE;&#x6E9;&#xE51; &#xE51;&#x6E9;&#x6DE;&#x6E9;&#xE51;&#xE51;&#x6E9;&#x6DE;&#x6E9;&#xE51;

 

Í lítilli þriggja sæta flugvél sem flaug hátt yfir Íslandi - sátu þrír menn - flugstjórinn, Geir H. Haarde og Davíð Oddson. Þeir líta niður til landsins og Geir glottir ..

Geir H. Haarde; "Ef ég myndi henda út um gluggann einum þúsundkalli þá myndi ég gleðja einn mann duglega!" ..

Davíð Oddson; "Haahh.. auli ég myndi henda út tíu þúsundkalli og þar með gleðja tíu manns!"

Flugstjórninn stamaði í hljóði með sjálfum sér ..

"Ef ég myndi henda ykkur báðum út úr flugvélinni núna - þá myndi ég gleðja heila þjóð!"

Þessi var í boði Seðlabanka Íslands.

„Ekki erfiðasta prófkjörið“

Er Þóra Kristín "BlaðaMaður" eða er hún Blaðakona? Are you going to flirt online today? Make sure your wife has enough of dishes around then...

Til hamingju með daginn bloggvinkonur, moggabloggkonur og aðrar konur!

 Þetta blómahaf er mitt framlag til dagsins ykkar í dag, njótið og hafið það ljúft og letilegt!

 

Strákar, munið að daðra og dúlla við allar þær konur sem þið hittið í dag - ehh - well, kannski ekki allar en við ykkar eigin í það minnsta.

 

Þóra Kristín er blaða-kona ársins . Til hamingju með það og daginn Þóra Kristín, vel að þessu komin!

Þóra Kristín blaðamaður ársins

Þarf maður virkilega að hafa eitthvað á milli lappanna til að standa uppúr?

"Nei, þetta er óskiljanlega mikil mismunun" er haft eftir heimavinnandi prjónakonu laust fyrir hádegið.

"Ég og Sibba prjónuðum 15 lopapeysur á viku, seldum hverja þeirra á 10.000kr og fengum því 150.000kr fyrir þær. Þegar við vorum búnar að draga frá allan kosnað í sambandi við efni og annað tilfallandi, sem og draga frá skatta og gjöld - þá fengum við ekki nema 10.000kr hvor í vasann!" dæsti Gunna og gretti sig ...

"Svo þarf Kalli gamli ekki að beita nema tveim bjóðum og hann gerir það á 3 klukkutímum - og hann fær 20.000kr fyrir þau og það beint í rassvasann!" sagði Sibba súr á svipinn og rétti upp fimm putta til að leggja áherslu á bjóðin tvö sem Kalli hafði þurft að beita. Það var ekki laust við að kerlingarnar tvær fengju aulahroll við tilhugsunina um hversu margar peysur þær þurftu að prjóna til að standast samanburð við tvö vesæl bjóð sem karlinn hafði þurft að hrista fram úr erminni - erm af peysu sem þær höfðu prjónað en ekkert fengið fyrir.

"Kalli gamli er jú karlinn hennar Sibbu, þess vegna þurfti hann ekki að borga fyrir peysuna" dæsti Gunna með fýlusvip sem sagði mikið um álit hennar á svona sposlum og fjölskyldugreiðasemi.

Konurnar tvær voru sammála um það að prjónaskapurinn væri of mikið af því góða, að það borgaði sig hreint ekki að standa í "kvenmannsvinnuverkum" heldur væri það heillavænlegra og betra fyrir budduna að fara út í karlaveldið og stunda vinnu sem karlarnir hafa hingað til séð um.

"Já, við erum að hugsa um að fara að flytja inn G-strengi með fílsrana .. þó við ætlum reyndar að hafa nokkra með bara engum rana, því sjáðu til .. það eru nebblega margir bara með hálfgerðan stubb og það er ekki hægt að bjóða þeim fílsrana - sem þá væri bara alltaf TÓMUR" sagði Sibba og kerlingarnar skelltu báðar uppúr og skelltu sér á lær. Þeim var greinilega skemmt en blaðamaðurinn sótroðnaði þegar honum varð hugsað til þess að ranalaus G-strengur væri staðsettur lengst inni í horni í lopasokkaskúffunni hans heima. Stamandi og vandræðalegur afsakaði hann sig og forðaði sér burt með hlátraskelli kerlinganna í bakið ...

"Spurning um hvort þær hafi fattaðetta? Njee .. þetta eru kerlingar, þær fatta ekkert!" Hugsaði blaðamaður með sér á hlaupunum ...

Næsta víst er að blaðamaður komst að því að það borgar sig að vera með eitthvað á milli lappanna ef maður vill fá vel borgað .. ekki spurning! 

Umhugsunarvert er í framhaldi;

Hvernig væri að breyta þessu hið snarasta og jafna þennan mismun?

Óútskýrður launamunur 7%

Morðingjar sleppa oft billegar en þeir ættu að gera!

Ef ég hefði ráðið einhverju þarna - þá hefði ég stútað kvekendinu og búið til skó úr því!

Nú eða handtöskuseríu ...

Lík drengs fannst í krókódíl

Her Jóhönnu Sigurðardóttur er bara að standa sig vel og næsta víst er að þessi ríkisstjórn hefur gert meira á stuttum tíma en Sjálfstæðismenn hafa gert síðustu 18 ár!

 Sannarlega er gamla báknið að hverfa smá saman og nýtt öflugt gagnvirkt flæði að opnast.

Blaðamannafundir og upplýsingaflæði er bara nauðsyn - og ríkisstjórn Jóhönnu Sigurðardóttur er að standa sig brilljant vel í þeim efnum.

Auðvitað má alltaf gera betur og ýmislegt mætti hreinsast burt ennþá - en mér sýnist ríkisstjórnin vera á uppleið með það að ávinna sér ákveðið fylgi og ákveðinn hópur fólks er að færast yfir á band ríkisstjórnarinnar vegna þess að þetta er ein sú fyrsta sem hefur allt uppi á borðinu, leyfir þjóðinni að fylgjast með hvað er í gangi og hvernig málum miðar!

Til hamingju með þetta Jóhanna og her ... til fyrirmyndar!

Ríkisstjórnin eykur upplýsingagjöf

Hvort telur þú að raunverulegur koss sé eingöngu munnur við munn - eða munnur við alla aðra líkamsparta - nema annan munn, ja .. fyrr en í "lokin"?

Vinsamlega ath; Eftirfarandi færsla gæti sært blygðunarsemi viðkvæmra bloggara - svo þið farið hingað inn á eigin ábyrgð! 

"Vísindamenn sem rannsakað hafa kossa segja að flókin, efnafræðileg ferli fari af stað þegar fólk kyssist. Stundum geti misheppnaður koss dugað til að kæfa í fæðingu efnilega ást."

Ég myndi nú segja að ef ástin er raunverulega efnileg - þá myndi hún duga til að yfirstíga vandræðalega kossa. Efnileg ást myndi sannarlega taka áskorun, fikra sig áfram og æfa sig - og bæta sig með hverjum kossinum þar til kossarnir væru óaðfinnanlegir. En hvað er svo sem "óheppilegur eða misheppnaður" koss?

 ,,Koss er aðferð sem notuð er til að meta hugsanlegan maka," segir Helen Fisher sem er mannfræðingur við Rutgers-háskóla í New Jersey. Kossinn þekkist í meira en 90% samfélaga sem þekkist á jörðinni en stutt sé síðan farið var að rannsaka athöfnina á vísindalegan hátt. Fræðigreinin er nefnd philematology á ensku."

 Mér finnst það algert bull að kossinn sé aðferð til að meta hugsanlegan maka. Kossinn er bara aukaplúss - aðferð til að verða nánari og innilegri - til að sýna maka sínum meiri blíðu, ást og ljúfleika. Kossinn er eitthvað sem maður notar til að ná betra sambandi við maka sinn en ekki til að meta hann - mæla hann út - athuga hvort hann sé heppilegur eða ekki í framtíðarsamband.

Eða, bíddu við .. þú kannt ekki að kyssa, þú hefur greinilega aldrei kysst neinn, ég get ekki hugsað mér að eiga í meira sambandi við þig. Æfðu þig og lærðu að kyssa - kysstu fjöldann allan af fólki til að verða "master" í því að kyssa - og þá kannski skal ég skoða það hvort þú sért heppilegur maki handa mér... nei þetta virkar ekki svona!

 "Kannað hefur verið með tilraunum á háskólastúdentum á aldrinum 18-22 ára hvernig magnið af hormóninu oxytocin, sem tengist kynferðislegri nautn, breytist við kossa. Kom í ljós að það jókst hjá körlunum en minnkaði hjá konunum."

&#xE51;&#x6E9;&#x6DE;&#x6E9;&#xE51;&#xE51;&#x6E9;&#x6DE;&#x6E9;&#xE51;&#xE51;&#x6E9;&#x6DE;&#x6E9;&#xE51;&#xE51;&#x6E9;&#x6DE;&#x6E9;&#xE51;&#xE51;&#x6E9;&#x6DE;&#x6E9;&#xE51;

Uss, með fullri virðingu fyrir bæði vísindamönnum sem hafa rannsakað kossa - og 18 til 22ja ára ungmennum - þá virkar þetta bara ekki alveg svona að mínu mati.

Kossar eru nefnilega svo mismunandi. Þessi blessaða vísindarannsókn hefur örugglega miðast við að unglingarnir hafi verið "slefandi með tunguna uppí hvert öðru" en allir vita að það eru ekki raunverulegir kossar heldur ákveðin kynferðislega tengd aðferð sem notuð er til að fá meiri unað og örva endorfinið í kroppnum. Kossar í þeim skilningi eru kynferðislega tengdir bara tel ég.

 Raunverulegir kossar eru langt um heitari, munúðarfyllri og miðast alls ekki endilega við að vera frá munni til annars munns. Það eru kossar sem maður gefur maka/elskhuga í tíma og ótíma þegar maður grípur hann/hana í fangið - kossinn leikur við gagnaugað, kossinn kitlar augun, nefbroddinn og kossinn nartar í eyrað ..

Raunverulegur koss rennur niður hryggsúluna á bakinu, gælir við hnakkann og niður á herðar - virkilega raunverulegur koss rennur ljúflega af nefbroddinum og niður á hökuna, þaðan niður á hálsinn og leikur um barka eða hálskotið með léttum blæstri og léttum tungubroddinum.

Sannur koss hittir oftast síðast af öllu annan munn - en þegar það loks gerist - þá er hann orðinn sjóðheitur erótískur koss. Þá er raunverulegur kossinn búinn að vera að gæla við alla parta líkama makans/elskhugans - án þess að snerta munn hans/hennar - en þess í stað er kossinn búinn að vera að espa upp í líkama beggja allan þann funa sem gerir raunverulegan koss, munn við munn, að þeim eldi sem slíkur koss raunverulega á að vera.

Ég efast einhvern veginn um að vísindamenn hafi haft eitthvað þessu líkt í huga þegar þeir frömdu þessa vísindalegu aðgerð - og því er næsta víst að niðurstaðan er algerlega óásættanleg - að "misheppnaður" koss geti eyðilagt eða kæft í fæðingu efnilega ást.

 En, hvað veit ég svo sem .. ég sem kyssi bara alla sem ég næ í - alveg hægri vinstri og skiptir mig þá engu máli hvort tunga sé að þvælast fyrir eða ekki ... muhahaha! Njeee .. segi bara svona sko.

P.s. Undirritaður tekur enga ábyrgð á ofanrituðu sem eingöngu er byggt á hans eigin reynsluheim. Því er öllum misheppnuðum tilraunum - eftir ofanskrifaðri uppskrift vísað á tilraunadýrin sjálf.

Over and out .. Kisskiss .. Tiger!

Flókin efnafræði kossins