Hvort er nakið læri dónalegt, sweet eða listrænt? Hver er línan - hvað er dónaskapur og hvað er klám og hvað er bara list. Koma að tefla hvað, ha??

Eins og þið sjáið á myndinni - þá fór ég út að hjóla með betri helminginn fyrir aftan mig. Maður er náttúrulega alger töffari og skellir sér á rúntinn af og til en best er nú þegar einhver heillandi er með í för - og hvað er meira heillandi en betri helmingurinn?

 

Ok, ævintýrin gerast svo sem alltaf af og til - en mitt ævintýri er ekki á mótorhjóli í skógi með bótoxskutlu aftan á. Ég keyri nú bara um á venjulegum Chervolet, og skógurinn sem ég keyri um er gatnakerfi Reykjavíkurborgar - sem er svo mikil flækja sumstaðar að það hálfa væri völundarhús af verstu gerð. Það er reyndar ekkert dónalegt við þetta - ennþá.

En ég var bara að spá. Hvað er dónalegt? Hvað eru dónamyndir? Hver getur sett niður mörk og sagt "þetta er dónalegt - og þetta er dónalegt - en þetta er ekki dónalegt og þetta sleppur"? Það er alltaf verið að tala um dóna þetta og dóna hitt - en hvar í ósköpunum eru mörkin? Er það dónalegt ef það sést í bera fótleggi konu eða karls? Nei, líklega ekki. En er það dónalegt ef það sést í beran rass konu eða karls - það er hugsanlegt - en kannski ekki. Er dónalegt að sjá nakinn konu eða mannlíkama? Nei, það þarf ekki að vera - naktir líkamar geta verið list en þá skiptir öllu uppstilling og umhverfi, held ég.

Hver er það sem getur þá ákveðið að einhver sé "dónakall/dónakelling"? Nú er þessi karl þarna á myndinni talinn vera dónakall - jú því það fundust "dónamyndir" í tölvunni hans, ásamt klámmyndum. Kannski er hann kallaður dónakall fyrir klámmyndirnar - kannski var það eitthvað annað. Auðvitað þykir það enn verra að karlinn er dómari, og öllu verra að hann var að fara að dæma í "dónamáli" svo auðvitað gat hann ekki klárað málið svona tengdur efninu.

Hvernig er það með þessar hárfínu línur um allt í mannlegu samfélagi? Hvers vegna er bara ekki öll nekt dónaleg og eða klámfengin? En þá eru það spurningar - er nakinn handleggur dónalegur eða er andlit þá ekki dónalegt því það er jú nakið, nema maður sé fúlskeggjaður - þá er maður allavega með hálfklætt andlitið. Auðvitað segir almenn skynsemi okkur nákvæmlega hvað er dónalegt og hvað ekki - og við getum vel flest gert greinamun á dónaskap, klámi og svo eðlilegri "nekt" sem hægt er að flokka sem allt annað en dónaskap - en línan er fín og stundum ósýnileg.

En að allt öðru, náði mynd af páfagauknum hans Brjáns Boxara. Sá að kvekendið var búið að dulbúa sig og pakka niður - mér skilst að hann sé að flýja að heiman því Boxarinn lokaði greyið "inni" undir ábreiðu heila nótt - og heilan dag! Ætli dýraverndunarfélagið viti af þessu?

Eins og þið sjáið/lesið - þá hef ég svo sem í raun og veru ekkert að segja. Ákvað samt að skella smá ræmu hérna inn til að vera með sko. Sólin var nú ekki eins mikil í dag og von hafði verið á - en samt var einhver glæta. En bévítans rokið sem fylgir þessum dögum er svo sem ekkert annað en fúlt, kælir alveg helling niður.

Ég sá ekki veðurspá fyrir morgundaginn og ekki heldur fyrir helgina - einhver? En er einhver þarna fyrir norðan sem er nálægt Steina? Mig vantar einhvern sem er til í að skreppa til hans og flengja hann aðeins, kaddlinn þorir ekki að hringja í mig! Heldur að ég hafi of mikið að gera og megi ekki vera að því að eyða tíma í ann!!! Sko, Steini - ég hendi öllu frá mér til að hitta þig yfir kaffibolla og nýbökuðum kanelsnúðum - svo þegar þú ert á ferðinni - hringdu gormurinn þinn. En núna er ég farinn að líta aðeins á ykkur ljúflingar sem hafið verið á ferðinni í síðustu færslum hjá mér. Knús og kreist út í loftið og vonandi nær einhver smá gusu af því.

Búinn í bili - nema - var einhver að bjóða mér í tafl/skák?? Sko, ég er tótallý brilljant skákmaður - get sett hvern sem er út í horn. Sóooo .. sweetypæ - watch out - ég skáka þig og máta þig ef þú gætir þín ekki. Over and út ...

Dómari með dónamyndir á vefsíðu sinni

Athugasemdir

[Jóna Kolbrún Garðarsdóttir, 13.6.2008 kl. 02:00]

Dónaskapur er náttúrulega matsatriði, það sem sumum þykir dónalegt finnst öðrum bara eðlilegur hlutur.  Mér finnst klám vera líffærasýningar á kynfærum og misnotkun á eðlilegu kynlífi.  En svo er náttúrulega eðlilegt kynlíf, klám hjá sumum sem eru skrýtnir   Ég vona að þú eigir ánægjulega helgi, og skemmtu þér vel

[Tiger, 13.6.2008 kl. 02:34]

 Já Jóna - mér finnst það líka vera ákveðin tegund kláms/kynlífs þegar líffærasýningar eiga sér stað. Aftur á móti finnst mér það dónaskapur þegar maður segir halló við einhvern - en sá hinn sami svarar manni ekki - kemur klámi ekkert við sko! hahaha...

Svo mikið satt að sumir líta á allt kynlíf t.d. fyrir utan hjónaband vera hið argasta klám. En svona er lífið - stundum gaman stundum ekki. Mannflóran er misjöfn sem betur fer.. Eigðu líka ljúfa helgi Jóna mín og hafðu það gott.

[Gudrún Hauksdótttir, 13.6.2008 kl. 04:55]

Tad er t.d. dónalegt ad kíkja á bloggsídur og kvitta ekki..Geri tad oftPulsa med braudi og gat í er köllud dónapulsa...Kemur klámi sko ekkert vidHvad er  klám???

Skemmtileg lesning svona í morgunsárid og takk fyrir kvittid á síduna mína.

Knús inn í gódann dag

[Jónína Dúadóttir, 13.6.2008 kl. 07:05]

Ef ég segi nú að mér finnist klám dónalegt, þarf ég þá að útskýra hvað klám er ? Klám í mínum augum getur einhverjum fundist erótík.... Vandratað

[Guðrún Jónína Magnúsdóttir (IP-tala skráð) 13.6.2008 kl. 09:45]

Já, Klám eða ekki, þetta er víst eitt af því sem er afstætt. Varðandi tengsl dómara við barnaklám get ég sagt þér hliðstæða sanna sögu sem gerðist í kringum 1989. Þá sótti kona um stöðu hjá kynferðisbrotadeild lögreglunnar í Reykjavík, hún fékk synjun á þeim forsendum að henni væri málið of skylt, það væru nefnilega konur sem væri nauðgað. Þessu sagði hún sjálf frá í fyrirlestri á Hallveigarstöðum.

Fyndin niðurstaða og myndi sennilega ekki heyrast eða sjást í dag, eða hvað? Á sama tíma var engin neyðarmóttaka vegna nauðgana, læknar réðu því hvort þeir vildu skoða stúlkur sem kærðu og flestir sögðu nei, af því ekkert samræmt verkferli var til yfir svona skoðanir. Afleiðingin var sú að stundum þurfti að aka með fórnarlömb nauðgana í lögreglubíl tímunum saman þar til fannst læknir sem vildi taka að sér að skoða viðkomandi. cool finnst ykkur ekki?

[JEG, 13.6.2008 kl. 10:29]

Já þetta er jú alltaf matsatriði. Nú eins og tískan hefur verið þá hafa ungar stúlkur verið í "mjaðmabuxum" og í vandræðum oft með að halda þeim uppi sem þýðir að maður sér oft meira en mann langar. Undir hvað flokkast það að glenna G-strenginn ??

Hvað er "klám" ? Er það ekki eitthvað sem er gróft og farið að verða meira en eðlilegt kynlíf? Eða eins og Jóna segir "misnotkun á eðlilegu kynlífi" Sammála. Nú svo er "líffærasýningar á kynfærum" held að ég flokki það líka í "klámdeildina" þó að það eigi kannski stundum heima sem Erótík (held ég)

Dónaskapur: Hann er jú margskonar. Þegar maður er orðinn dónalegur gagnvart nekt þá er maður orðinn "perri" er það ekki??

Kurteisi: Kostar ekkert aukalega og skilar sér til baka (einn daginn)

Knús á þig sæti og vona að þú eigir góðann dag.

[Jóhanna Magnúsar- og Völudóttir , 13.6.2008 kl. 10:47]

Ef þér er sagt að sjá fyrir þér stól þá sérðu stól, þeir eru að vísu til í öllum stærðum og gerðum allir sjá stól. Ef okkur er sagt að sjá fyrir okkur ást þá sjáum við yfirleitt jafn misjafnt og við erum mörg. Einn sér kannski hjarta, einn sér þá sem hann elskar, einn sér rautt ský o.s.frv.. Held þetta sé svipað með klámið....  Við upplifum það á mismunandi hátt. Þetta er sko mín skoðun.

[Guðrún Emilía Guðnadóttir, 13.6.2008 kl. 11:05]

Jóhanna kemur með góða skoðun á þessu, en svo hvað er klám, mér finnst það ekki klám að sýna á sér lærin og bara yfirleitt ekki klám að vera bara eins og maður vill en sýna ekki siðleysi.

Einu sinni sagði dóttir mín við mig mamma þú getur ekki verið í þessum bol,
það sést niður á brjóstin á þér er þú hallar þér fram, nú en hvað ef ég hefði verið í sundi, mundi þá ekki sjást niður á brjóstin á mér, en það virðist ekki vera sama hvar eða hvernig.

Gott innlegg hjá henni Guðrúnu Jónínu, svona var þetta.

Tiger míó hvar á Steini heima kannski ég geti farið fyrir þig og?

Ertu góður í skák ekki ég nema ef verið skildi orðaskák

                        Knús kveðjur míó míó.
                          Milla.

[Kristín Katla Árnadóttir, 13.6.2008 kl. 14:40]

Innlits kvitt Tiger minn

[María Guðmundsdóttir, 13.6.2008 kl. 15:49]

mér finnst thetta svakalega mikid spurning um "attetudeid" í hvert skipti...ég get t.d séd nakta konu á mynd og sé ekkert dónalegt vid thad..en svo er ønnur mynd med annarri konu og thar er einhver "glennulegheit" i gangi..thá finnst mér thad ordid dónó...bara framstillingin sem sagt finnst mér eiginlega...finnst hægt ad gera allan fjandann "´dónalegan" ..jafnvel i øllum føtunum... knus og krammar á thig

[Heiður Þórunn Sverrisdóttir, 13.6.2008 kl. 19:49]

Held að engin geti meðtið hvað klám er það er svo misjafnt hvað kallast klám ,en mér finnst ber læri ekki klám .

Kveðja og kvitt  

[M, 13.6.2008 kl. 20:20]

[alva (IP-tala skráð) 13.6.2008 kl. 20:36]

úff, ég segi bara góða helgi, að rökræða þetta málefni, tæki mig mánuð, svo ég ætla ekkert að byrja...

[Hulla Dan, 13.6.2008 kl. 20:59]

Sammála Maríu...

Ég er alveg ógeðslega góð í skák. Var meiri að segja einu sinni skólameistari í kvennaskák. Var reyndar bara 11 ára og skólinn var Hjalteyrarskóli, með ca 25 nemendum... En við vorum tvær eða þrjár sem kepptum... og ég VANN

[Linda Linnet Hilmarsdóttir, 13.6.2008 kl. 22:25]

Alltaf ertu jafn skemmtilegur elsku vinurog það stekkur alltaf bros um leið og ég blikka þig eða þar að segja þína yndislegu síðu, brosi sko allan hringinnen hvað um það,ég held að ég láti aðra um að svara þessari stæoru spurningu þinniKnús knús og bestu sólarkveðjur

[Linda Linnet Hilmarsdóttir, 13.6.2008 kl. 22:27]

Sorrý eitthvað var tölvan að stríða mér,en það átti að standa Stóru ekki stæoru

[alva (IP-tala skráð) 14.6.2008 kl. 02:02]

já, skák, voða skemmtilegt sport, var góð í því á mínum yngri árum...mátaði villt í allar áttir...það væri nú gaman að taka eina skák, allir virðast hættir þessu í dag.´Það er á planinu að kenna gríslunum mínum þetta, fín hugarleikfimi..

[Tína, 14.6.2008 kl. 09:28]

Þetta er spurning sem aldrei verður svarað þannig að allir verði sammála. Meira að segja eru manns eigin hugmyndir varðandi klám síbreytilegar eftir aldri, reynslu og upplifunum. T.d man ég eftir því þegar ég las bókina "Sjáðu litla sæta naflann minn" og fannst hún vera hið argasta klám og roðnaði ofan í tær við lestur hennar. Svo las ég hana aftur þegar dóttir mín var einhvern tímann með hana og þá urlaðist ég úr hlátri yfir því að mér skyldi nokkurn tímann finnast þessi bók dónaleg yfirhöfuð.

Knús í helgina honey og takk fyrir kvittið á síðuna mína um daginn. (man ekki hvort ég hafi verið búin að þakka fyrir)

[Ragnheiður Ása Ingvarsdóttir, 14.6.2008 kl. 19:19]

Alltaf er jafn gaman að kíkja hér við!

Ja, ég geri víst meira en kíkja við því ef einhverjir dagar eru liðnir síðan seinast, þá verð ég samt að lesa hvert orð sem komið er síðan seinast.  Hrædd um að missa af einhvejum gullmolanum

Ég held að ég geti ekki svarað þessari stóru spurningu þinni um hvað er klám...

það sem einum finnst klám, finnst öðrum ekki og svo frv. eins og flestir benda á .

Knús á þig, minn kæri  ( Er þetta kannske dónaskapur.... að senda knús á einhvern sem maður hefur aldrei hitt )

[Tiger, 15.6.2008 kl. 15:30]

Takk kærlega fyrir innlit öll sömul - ljúft að sjá ykkur öll og alltaf gott að vita hver er á ferðinni. Knús á línuna alla ...