Ef Gillzinn hyrfi úr camerunni, þá myndi lagið svínvirka á mig.

  Ég verð víst að viðurkenna að ég er hálf smeykur við að Gillzinn eigi eftir að poppa upp í blaðaviðtölum og sjónvarpi á erlendri grundu með sömu látum og stælum og okkar ástsæla? Silvía Nótt. Það yrði mjög leitt fyrir okkur ef slíkar trúðahörmungar næðu aftur uppá pallinn í söngvakeppni Evrópubúa.

Ef hins vegar væri settur á Gillz múll - bundinn stútur á munninn á honum - hann skólaður til líkt og segir í greininni, hvernig á að þykjast spila á hljómborð og einnig séð til þess að hann standi ekki útglenntur hálfsiginn niður á gólf með rassgatið líkt og þungur og illvígur þurs - þá kannski myndi lagið verða góður fulltrúi okkar. Einnig finnst mér að það mætti minnka grilltímana svo sterabúntin séu ekki eins og ofgrillaðar rækjur með upplitað strípuellihár - minna mig oft á hauskúpur þegar maður lítur framan í svona massagaura.

Í það minnsta hefur EMI-Útgáfan í Bretlandi, sem er ein af fjórum stærstu útgáfu- og dreifingarfyrirtækjum heims, sýnt laginu (ó)verðskuldaðan áhuga og keypt höfundarréttinn á lagi Barða Jóhannssonar (heimildir: 24stundir). Svo lagið í sjálfu sér er stórgott þrátt fyrir einn og einn trúð.

  Persónulega myndi ég þó kjósa Friðrik Ómar og Reginu Ósk til að fara út sem fulltrúi okkar. Þau eru bæði stórglæsileg, falleg og svona eðlileg. Lagið þeirra er alger konfektmoli og raddir þeirra svo hugljúfar að maður gleymir sér við hlustun og augun verða syndandi þegar maður fylgist með þeim á sviði - alveg brilljant par.

Heyrst hefur að þau séu einu raunverulegu keppinautar Merzedes-club í keppninni hérna heima. Mikil leynd hefur þó hvílt yfir því hvernig þau muni poppa upp lagið og sýna á lokakvöldinu næstu helgi, samkvæmt 24 stundum. Svarthvítt þema verður áberandi hjá þeim er sagt, en það finnst mér dáldið leitt því smá ljós og glimmer heillar alltaf smá - en svarthvítt er þó klassík og þau stórglæsileg svo ég hef ekki miklar áhyggjur.

Einnig nefna 24 stundir Birgittu Haukdal. Að hún muni sameinast Magna Ásgeirssyni á laugardaginn næsta á lokasprettinum. Þau eru sögð geta veitt Merzedes, Fullkomnu lífi, Ragnheiði Gröndal og Páli Rósinkrans verðuga keppni.

  Out to the real world, i´ve got a brilljant skilnaðarlife out there somewhere.

Silvía Nótt breytist í stælta karlmenn

Athugasemdir

[Brjánn Guðjónsson, 20.2.2008 kl. 16:51]

ég hef engar áhyggjur af gillzinum. held hann myndi pluma sig vel, en þetta með ofgrillunina er mikið áhyggjuefni

var það höfundarrétturinn, sem EMI keypti? hafa þeir ekki frekar verið að kaupa útgáfuréttinn?

annars líst mér ekki al-illa á lagið með Regínu og Friðriki. flott lag. mér finnst samt eins og það vanti eitthvað í það. eitthvað sem hó-hey lagið hefur. einhverja greddu. svona danspopp verður að hafa greddu.

[G (IP-tala skráð) 20.2.2008 kl. 16:58]

komin ensk útgáfa að fullkomið líf (http://www.youtube.com/watch?v=QlkL5u-CN_g) - finnst hún þrusu flott. En já ég er sammála Gilz og co eru ekkert nema Silvía nótt í 3 veldi (hún var þó djók persóna en sorglegra er að þeir eru svona í alvörunni).

[Tiger, 20.2.2008 kl. 17:42]

Brjánn: samkvæmt 24 stundum í dag, var það höfundarrétturinn sem EMI keypti. Samt auðvitað ekki útilokað að þeir hafi misskrifað og það sé útgáfurétturinn sem þeir keyptu. Enska útgáfan frá Friðrik Ómari og Regínu Ósk er virkilega góð finnst mér og þau væru sannarlega góðir fulltrúar okkar úti.

  Gredda er eitthvað sem getur selt hvaða fjanda sem er, jafnvel líka ofgrillaða bavíana. Fyrir þá sem vilja well over done massakögla sem kunna ekkert annað en pósa í sterastellingum - well, fyrir þá sem slíkt fíla og vilja - þá er vissulega gredduþefur af þessu myndbandi Merzedes.

G: Þakka þér fyrir tengilinn á ensku útgáfuna, var að skoða og finnst hún hreint út frábær.

  

[Jónína Dúadóttir, 24.2.2008 kl. 13:25]

Þú hefur sennilega hitt á óskastund hérna