Getur maður ætlast til að fólk haldist óbreytt árum saman, en skilja við það ef breytingar henta manni ekki? Hvert fer Paul Ramses? Er fegursta rósin í skítnum?

John McCain forsetaframbjóðandi er á engan hátt hæfur í hlutverk eins af æðstu embættismönnum heimskringlunnar! Þvílíkur sauður - eða bara aumingi sem blessaður maðurinn er - ef satt er það sem ég er að lesa um kvekendið. McCain telur að Carol, fyrrum eiginkona hans sé ekki "sama" konan og hann giftist - og því skildi karlinn við hana.

Í fréttablaðinu í dag er lítil klausa um karlinn, meina forsetaframbjóðandann þar sem fram kemur að hann er sakaður um tvíkvæmni - en fyrirsögnin er eftirfarandi;

"Lá of mikið á að giftast Cindy"

Ok, gott og vel - skilnaður og nýtt hjónaband - eða tvíkvæmnisástandið - gera hann ekki að vondum manni né óhæfum til setu í stól Bandaríkjanna, en það sem kemur fram í klausunni gerir hann að þvílíkum fáráð í mínum augum að ég tel að hann sé hvorki hæfur né nógu trausts verður til að stjórna eins miklu batterí sem felst í forsetastarfinu.

Ástæða skilnaðar hans við fyrri eiginkonu er nefnilega virkilega meinfýsin og rætin.

"Ástæða skilnaðarins við Carol, fyrrum eiginkonu hans, á að hafa verið að hún þyngdist verulega og minnkaði um 13 sentímetra vegna alvarlegs bílslyss. Hann á að hafa sagt að þetta væri ekki sú Carol sem hann kvæmtist en á þeim tíma sem hún lenti í bílslysinu var hann í fangabúðum í Víetnam" ..

I rest my case! Hann ætlar sér að verða forseti Bandaríkjanna - en sýnir á sér þá hlið að hann yfirgefur bátinn um leið og erfiðleikar steðja að. Hvers skonar hjarta er í manni sem yfirgefur maka sinn vegna þess að makinn hefur þyngst eða minnkað eða bara breyst eitthvað? Hjartalaust kvekendi að mínu mati.

Kosningabaráttan þarna vesturfrá tekur oft á sig undarlegustu myndir. Stundum virðist hún vera æði rætin og meinleg - og stundum yfir strikið - en sjaldan eins ljót og þegar kjánar úti í bæ fara að taka þátt í henni á sinn hátt - líkt og maðurinn á myndinni.

Svona athugasemdir finnst mér vera óþarfar neðanbeltisárásir á persónuna Hillary - en ekki frambjóðandann Hillary. Endalaust ljótt þó að sumum kunni að finnst heilmikið grín í þessu.

En svona er heimurinn - uppfullur af fólki sem stundum gengur yfir strikið - fólki sem veður áfram án þess að hugsa um tilfinningar og æru þeirra sem vaðið er yfir. Fólk sem hugsar ekki um börnin sem þurfa að horfa uppá svona, börn eða barnabörn frambjóðendanna eru með tilfinningar og það bitnar oftar en ekki á þeim þegar fólk fer yfir strikið í árásum á einkalíf persónunnar í stað þess að einbeita sér á málefnalegan hátt að opinberu hliðinni á persónunni. 

***********************

Eftirfarandi eru nokkur spakmæli/ummæli vikunnar úr Mbl.

 

"Fegursta rósin vex oft í mesta skítnum"

Guðmundur Oddur "Goddur" Magnússon, um veggjakrot í miðborginni.

"Ég leit á þessi gögn sem mín persónulegu skjöl"

Guðmundur Þóroddsson, fyrrverandi forstjóri Orkuveitu Reykjavíkur, fjarlægði skömmu áður en hann lét af störfum sem forstjóri gögn tíu ár aftur í tímann. Guðmundur hveðst ætla að skila gögnunum eftir helgi. 

 

"Góðu heilli eigum við vel til mögru áranna"

Atvinnuleysistryggingarsjóður fitnaði vel í góðærinu, að sögn Gissurar Péturssonar, forstjóra Vinnumálastofnunar.

"Þarna er þetta gert í bútum til að það þurfi ekki að fara í umhverfismat"

Stefán Sigurðsson, íbúi á Káranesinu í Kópavogi, er síður en svo sáttur við tillögu að nýju skipulagi á nesinu.

"Þetta er ekki spurning um hvort ég yrði drepinn, heldur hvernig"

Paul Ramses, aðspurður hvað bíði hans fari það svo að hann verði sendur aftur til Kenýa. 

"Málið hjá ríkisstjórn er að halda fast í buddu landsmanna, vera með fingur í launum þeirra og sjá til þess að fólk með lægstu launin geti varla lifað mannsæmandi lífi yfirhöfuð"

Landspabbi þegar hann er inntur eftir því hvar hann gróf góðærið, en grunur leikur á því að hann hafi margan drauginn grafinn á landareign sinni - undir kastala sínum. Góðæri hvað fruzzar karlinn framan í málefnalega spurningu greinahöfundar.

Vinsamlega athugið að síðustu ummælin eru uppspuni því höfundur kæmist aldrei með hljóðnemann nálægt Landspabba, hvað þá að karlinn myndi svara spurningum höfundar.

Eigið ljúfan og góðan Sunnudag! Over and út of héðan.

Úlfur, úlfur ... fé ausið í tilgangslausar rannsóknir og fólk sent á hálendið til að njóta útiverunnar - á kostnað skattborgaranna.

Heilmikið fár á sér nú stað á landinu, en staðfestar heimildir eru fyrir því að týndi hlekkurinn hafi sést á ferli hér og að hann hafi skilið eftir spor sín á landinu í vikunni. Hópur vísindamanna er kominn til Íslands til að rannsaka málið og mun hópurinn dvelja m.a. á Bessastöðum, enda málið hið alvarlegasta og forseti lýðveldisins hefur óskað eftir því að fá óritskoðaðar fréttir beint inn á eldhúsborð.

Mikil leit hefur nú staðið yfir um víðan völl - og ekkert til sparað, enda ekki á hverjum degi sem fólk telur sig hafa séð spor eftir Björn nokkurn Bjarnason. Nú hefur tuttugu manna hópur verið á vappi umhverfis dómsmálaráðuneytið í leit af fleiri sporum eftir Björn - en lögreglan hefur varist allra frétta af málinu, enda undir Björn settir og hætta á að Björn eti upp eftirlaun löggumanns ef út í það er farið.

 Þrátt fyrir talsverða leit af sporum eftir Björn - hafa engin slík fundist - þrátt fyrir viðamikið svæði allt í kringum dóms- og kirkjumálaráðuneytið - og einnig var leitað í kringum önnur ráðuneyti, en allt án árangurs - Landspabbi borgar leitina og tekur á sig allan kostnað. Enda er talið að möguleiki sé á því að sporin sem voru talin vera eftir Björn - séu í raun og veru bara eftir Landspabba sjálfan.

Sögur herma að Landspabbi hafi verið síðasti maðurinn sem sá Björn, og að orðsporasagan sé frá honum runnin. Ekki hefur það þó fengið staðfest.

Vitað er að Landspabbi hefur ætíð reynt að hafa hendur í feldi Bjarnar, enda hefur feldurinn mikið tilfinningalegt gildi þar sem karlinn hefur lengi eldað grátt silfur fyrir Björn.

Fleiri liggja undir grun, en ekki náðist í heimildamann til að fá staðfest hverjir viðkomandi eru. Greinileg ummerki liggja víða og bera vott um að einhverjir stórir í þjóðfélaginu séu að reyna að hylja spor og önnur ummerki sem sést hafa eftir Björn. Þrátt fyrir heilmiklar tilraunir til að breiða yfir sporin - hafa þónokkrir staðfest að Björn hafi verið á ferðinni og eru til nokkrar myndir því til vitnis. Margar myndanna sýna Björn í vafasömum félagsskap, en myndirnar segja meira en nokkur orð.

 Vandræðalegustu myndirnar sýna spor eftir Björn í Fé landsmanna og hefur því verið kastað fram að þar sem fé er - þar finnast spor eftir Björn. Því hefur mikið verið leitað til bændastéttarinnar eftir aðstoð í leitinni en slíkt hefur þó heldur lítinn árangur borið.

Frú Dúna á Kirkjubóli segir talsvert af ferðamönnum hafa litið við í fjárhúsum sínum og talið sig hafa séð spor eftir Björn þar, en við nánari leit hafi komið í ljós að sporin voru bara eftir steinhellur sem frú Dúna hafði tekið upp. "Björn hefur ekki sést í fjárhúsum mínum" segir frú Dúna, enda þekkt fyrir Bjarnagildrur sínar sem liggja víða í kringum fé hennar. Hún telur að sporin sem talin eru vera víða um landið liggji helst hjá lögregluembættunum. Þar sé Björn í ham ...

 

Mikil leit fór því fram í gær - í kringum lögregluembætti landsins - og viti menn - heilmikil slóð og spor út um allt liggja þar allt um kring eftir Björn. Hópar lögreglumanna liggja undir grun um að eyða tíma í að ganga um hálendið í leit af sporum eftir Björn - og allt á stóru tímakaupi hjá skattmann.

Heilmikil fundarhöld hafa verið til að finna leiðir til að koma böndum á Björn, en nokkrar nefndir hafa verið skipaðar til að fara yfir mál fundanna - og svo hafa líka verið skipaðar nefndir til að fara yfir álit nefndanna sem fara yfir mál fundanna og enn aðrar nefndir til að finna svo út úr því hvaða nefndir áttu að skoða hvaða mál.

Uppistand á fundunum varð þegar óð belja ruddist inn á síðasta fund og heimtaði fé gegn frekari upplýsingum um Björn - en beljan sú er talin hafa verið í félagsskap misgáfaðra heimilisdýra og svo hefur Björn verið grunaður um að hafa sést með beljuna í eftirdragi um all nokkurt skeið. Mynd náðist af belju Bjarnar, en ástæða þykir til að vara viðkvæma við því að skoða myndina nánar.

Myndir staðfesta og segja mun meira en nokkur orð og því mun það heillavænlegast að segja sem minnst við þessa mynd. En, fleiri myndir náðust af henni sem ekki voru birtingahæfar - og biðjumst við velvirðingar á því.

Mikil leit hefur einnig nú staðið yfir af nýlegum myndum af Birni. Eitthvað hefur það reynst erfitt því yfirleitt hefur Björn verið horfinn af vettvangi þegar ljósmyndarar mæta á svæðið - og lítið verið eftir annað en spor og ummerki eftir Björn.

Ein mynd náðist þó nú nýverið og hefur henni nú verið komið til allra fjölmiðla til sýningar svo almenningur geti varið sig og sína ef Björn sést í nágrenni við heimili þeirra. Ráðlagt þykir að reyna ekki að ráðast á Björn, ekki ögra honum og alls ekki snúa við honum baki. Björn er með lítið hjarta og er hræddari við okkur en við gagnvart honum. Standa skal fast á sínu - en ef til átaka kemur á skilyrðislaust að kasta fé í Björn, þá mun hann róast og leggjast á meltuna - eggjakast er ekki talið skila neinu.

Hér er svo nýjasta myndin sem náðist landsskelfinum. Okkar Björn er talinn vera þessi til hægri - enda sýna spor hans að hann hefur ætíð gengið í hringi og engu komið áleiðis, þannig séð.

Von okkar er sú að fólk taki lífinu með ró - hætti að sjá spor eftir Björn um allar tryssur - þegar vitað mál er að úlfur úlfur skilar engu nema fésóun og heilmiklum tímastuldi frá vinnandi lögregluembættum á landsvísu.

Munið að prenta út myndina þar sem Björn er á vappi með félögum sínum - ykkur og börnum ykkar til varnar, gætið að heimilisdýrum líka.

Leit að hálendisbirni heldur áfram

Þegar maður lemur mann, eða kona kýlir konu ... hver er munurinn? Catfight people ..

Omg. Ég trúi því ekki að kerlingin hafi gert þetta! Ef hreyfimyndin virkar þá er þetta þvílíkt högg sem sú gamla gaf þeirri yngri að það kæmi mér ekki á óvart þó sú yngri hafi nefbrotnað, úff - svona er ljótt að sjá en það hlýtur að liggja eitthvað alvarlegt að baki.

Hér fyrir neðan eru nokkrar pottþéttar aðferðir til að ávinna sér óþol og fyrirlitningu vinnufélaga sinna. Þekkir þú einhvern sem er svona - eða ertu þú svona sjálf/ur? Þekkir þú fleiri leiðir til að vera óþolandi á vinnustað eða í vinahópnum? Deildu með okkur hinum..

 

1. Talaðu hátt í símann;

Auðvitað vilja allir viðstaddir heyra hvað þú ert hress og skemmtileg/ur og átt auðvelt með að vefja viðmælendum þínum um fingur þér. Talaðu bara nógu hátt svo allir geti lært eitthvað af þér og fyllst lotningarfullri aðdáun á samskiptahæfni þinni. Þeir geta bara haldið áfram að vinna þegar þú ert búinn í símanum.

2. Eignaðu þér heiðurinn af verkum annarra;

Ekki minnast einu orði á að þú hafir fengið hjálp næst þegar yfirmaður þinn klappar þér á bakið fyrir unnið verk. Hópvinna - sópvinna. Miklu betra að láta líta út fyrir að þú hafir gert þetta allt á eigin spýtur.

3. Komdu veik/ur í vinnuna;

Ef þú ert með kvef eða gubbupest skaltu samt mæta í vinnuna og úða vírusum í allar áttir. Vinnufélagar þínir munu þakka þér þegar þeir geta tekið sér langþráðan hvíldardag heima og hangið hálfir ofaní klósettskálinni með næringu í æð.

4. Deildu öllu með vinnufélögunum;

Þú ert óvenju áhugaverður einstaklingur svo vinnufélagar þínir vilja örugglega vita allt um þig. Jafnvel þótt þeim líði kannski örlítið óþægilega þar sem þú dælir yfir þá sögum af kynlífsvandamálum þínum í gegnum tíðina. Einkalíf er ofmetið fyrirbæri.

5. Talaðu mikið um trúmál og pólitík;

Reyndu að koma af stað eins mörgum rifrildum og þú mögulega getur. Reyndu t.d. að komast að því hverjir eru viðkvæmari fyrir guðlasti en aðrir og ögraðu þeim með því að tala vel um Jón Gnarr.

6. Segðu klúra og grófa brandara og heimfærðu þá upp á vinnufélaga þína;

Hvað með það þótt viðkvæmar sálir hrökkvi í kút og þú fáir á þig perrastimpil? Þetta er bara þinn húmor. Sjálfsögð mannréttindi að þú fáir þína útrás eins og aðrir.

7. Sendu ruslpóstinn þinn á alla starfsmenn;

Helltu öllu ruslinu yfir þá í tonnavís - keðjubréfunum, bröndurunum, Nígeríubréfum og undirskriftalistum. Þeir munu hugsa hlýlega til þín í hvert sinn sem þeir ýta á delete-takkann.

8. Tyggðu tyggjó með stæl;

Tyggðu með opinn munninn og sprengdu tyggjókúlur með látum. Slíkt er sem fagur fuglasöngur í eyrum vinnufélaga þinna. Keyptu þér birgðir af Hubba Bubba og geymdu í skrifborðsskúffunni.

9. Komdu verkefnum þínum yfir á aðra;

Góðir stjórnendur þekkja mikilvægi þess að dreifa verkefnum á aðra. Ókey, þú ert kannski ekki í stjórnunarstöðu núna en það er aldrei of snemmt að byrja að hugsa stórt. Hugsaðu eins og yfirmaður. Gerðu helst ekki neitt.

10. Talaðu niður til samstarfsfélaga þinna;

Hroki og yfirlæti gerir þig sterkari og gefur öðrum til kynna að þú ert yfir þá hafin/n. Láttu þér í léttu rúmi liggja þótt þeir fyrirlíti þig, hlæi að þér og bjóði þér aldrei í partí. Þú ert betri en þeir.

Starfsmannaleiðindatippsin fékk ég í 24 stundum, laugardaginn 14 júní 2008.

*********************

Já, það er örugglega kalt á toppnum. Allir þekkja einhvern sem er "skemmda eplið" í hópnum eða í partíhópnum eða vinnustað og jafnvel bara í stigaganginum gæti verið einhver sem er alltaf uppi á móti öllum hinum.

Þá er það náttúrulega spurningin um að vera dálítið Dipló í sér - fara af stað með bjartsýni og gleði og tala viðkomandi inná að verða glaðlegri eða meira með í hópnum. Það er endalaust hægt að halda einhverjum "fúlum" alveg endalaust fúlum - en það er líka vel hægt að fara góða leið að þeim fúla og vinna hann/hana með sér og laga þar með móralinn á staðnum.

Ég þekki til yfirmanns sem er algerlega óalandi. Ætíð þegar eitthvað gengur á afturfótunum hjá honum - þá kennir hann undirmönnum sínum um vandann. Þegar brilljant vel gengur - þá eignar hann sér allan heiður - jafnvel þó hann hafi lítið sem ekkert komið nálægt verkinu.

Svona fólk er erfitt að eiga við - en það er alls ekki útilokað samt. Það er hægt að vinna alla með alúð og vinsemd, einlægni og umfram allt heiðarleika og hreinskilni. Það er örugglega kalt þarna uppi fyrir þann sem hagar sér eins og konungur yfir öllum - án þess að vera þess verður.

Málið er líka að það er næsta víst að allir sem svona haga sér eiga örugglega erfitt og bágt, enda trúi ég því varla að nokkur geri sér það að leik að vera með leiðindi og önugheit við samferðamenn sína, eða hvað? Þekkir þú fólk sem er önugt og leiðinlegt að eðlisfari? Hefur þinn hópur/stigagangur/félagskapur/vinna - sinn eigin fýlupúka?

Það fallegasta sem þú getur gert í svona stöðu - er að leggja þína krafta á vogaskálar þess að vera sá góði. Gerðu þitt til að vera góður og glaðlegur mót þeim sem illilega lætur. Reyndu að svara aldrei í sömu mynd og reyndu að finna létta og bjarta hluti til að draga fram þegar þú ræðir við viðkomandi - með því er alltaf möguleiki á að ná þeim fúla í léttara skap. Þannig dreifir þú líka huga þess fúla frá því að vera fúll og færð hann/hana til að hugsa um eitthvað annað.

Brostu á móti þeim fúla - með ljúfu brosi en ekki yfirlætislegu brosi. Bjóddu ætíð góðan dag og segðu alltaf "bless bless og eigðu ljúfan dag".. smá saman mun það ná í gegnum skrápinn. Gerðu góðverk á hverjum degi, það skilar sér alltaf til baka. Gleymdu þér þó ekki í því að gera góðverkin eingöngu með það í huga að fá það margfallt til baka!

Guði sé lof að kvekendinu var útrýmt! Ekki vil ég ísbjarnahaus inn um tjaldið mitt í útilegunni... ekki það að ég sé yfir höfuð í útilegum hérna, en það er önnur Ella.

Alveg finnst mér það hreint ótrúlegt hvað mikið hefur verið röflað og vælt þó eitt stykki grimmt bjarnardýr hafi verið fellt hér norður í landi. Hvað í fjáranum vill fólk? Að þessi kvikindi nái fótfestu hérna á landi? Er fólki alveg sama um allan þann kostnað sem fylgir því að "bjarga" svona kjötflykki?

Æi, ég skil ekki svona væl. Það er ekki eins og hér sé um eitthvað skemmtilegt dýr sé að ræða sem má alveg spossera um grænar grundir - mönnum og dýrum til ánægju og yndisauka, nei þetta eru grimmar skepnur sem maður myndi ekki vilja eiga á hættu að mæta þegar maður er á fjallgöngu eða í útilegu! Ég er mikið feginn að þeir skutu dýrið og því svæðið hættulaust for good! Ég vil ekki hafa svona kvikindi á lausu hérna heima - falleg eða ekki!

Viljið þið að börnin ykkar lendi í bjarnarslag þegar þau fara á hálendi í skólaferðir eða eitthvað álíka? Nei, örugglega ekki. Hvernig væri að hætta þessu bjarnarvæli og snúa sér að einhverju öðru sem skiptir máli, eins og landvernd - já og- eða náttúruminjaverndun.

Jú, ég get alveg séð að þetta er fallegt og virðulegt dýr sem er alveg þess virði að bjarga - en að fara út í viðamiklar og kostnaðasamar aðgerðir til að bjarga svona kvekendi, nei takk. Frekar vil ég eyða fjármunum og mannskap í að taka til hendinni fyrir austan fjall - hjálpa fólki á skjálftasvæðunum t.d.

Ég er enn fremur hissa á þeim ótrúlega kjánalegu manneskjum sem fóru á handahlaupunum á bjarnarsvæðið - með æsingi og álfaskap. Hvað er eiginlega að fólki sem alltaf þarf að troða sér  þangað sem þeirra er ekki þörf - eða þangað sem það getur skapað hættu.

Þetta minnir mann bara á fólk sem keyrir fram á mikið slys í umferðinni - það hægir á sér eða stoppar - bara til að stoppa og góna! Fólk þarf að hrista sig upp og fara að hugsa, hverjum er um að kenna ef til hættustands kemur eins og talið var að hafi verið þarna á bjarnarsvæðinu? Lögreglu eða yfirvaldinu á staðnum? Jú allir kenna þeim um að hafa ekki vandað nóg til með öryggisaðgerðir - en hverjir eru það sem skapa fjárans ógnina og óöryggið? Jú, fábjánarnir sem æða á vettvang með forvitni og myndavélar í fararbroddi - og skynsemina skilda eftir heima.

Verður súludans aðalskemmtiatriðið næsta vetur á hinu háa alþingi? Fær horaður landslýðurinn feit eftirlaun eða renna eftirlaun þeirra í vasa Landspabba?

Grunur leikur á að á bakvið þessa mynd leynist alls ekki neinir vitringar heldur svikarar sem náð hafa allsherjar taki á feitum embættum sem ekki voru þeim ætluð. Grunur leikur á að þau séu nú með allt niður um sig - á flótta undan æstum múg sem fór á flipp við að sjá brókarleysi þeirra.

Það hefur heyrst að þau séu að plotta nýtt nornabrugg, ætlað eigin þjóðflokk - pólitíkusum landsins. Brugg þetta mun vera súrt og sóðalegt en með eindæmum gefandi þeim sem það bragða. Til langs tíma ætlað mun bruggið færa tíkusunum fúlgur fjár - eftir að þeir láta af störfum.

Eini Erkióvinur nornabruggs pólitísku svikaranna er talin vera kynbomban ógurlega Snúlla Svipuharða. Talið er að hún sé um þessar mundi að fægja postulínið á Bessastöðum, en þaðan ætlar hún að koma upp um bruggið ógurlega.

Grimmir taktar hennar í Action eru sagðir ógnvænlegir og skal engan undra þó svívirðilegir og svikulir pólitíkusar skjálfi á beinagrindum sínum þegar nafn hennar ber á tönn - eða var það góma - jú líklega góma - enda ætlar bomban að góma liðið svo næsta víst er að hún mun taka úr sér þær fölsku áður en til átaka kemur. How ever, Bessastaðir þykja ákjósanlegur affléttistaður spillingar - enda eru þar fyrir hin virðulegustu og siðprúðustu hjón búsett.

 

Hinn grimmi ríkirfjárhirðir, Ráðríkur Fanndal, hefur látið uppi efasemdir um að Snúlla Svipuharða ráði við svikula teymið, enda sé teymið með eindæmum vel varið - af Landspabba sjálfum. Hafi Landspabbi snúið sviksamlega á land & þjóð með glotti og plotti.

Ráðríkur ríkisfjárhirðir telur að svikulir pólitíkusarnir hafi runnið undan handakrikanum á Landspabba á meðan sveitungarnir sváfu á verðinum, en vörðurinn var einmitt hin dulbúna íðilfagra súludansmær sem býr norðan heiða - nýflutt úr fjöllum í bæ - (sjá neðar). Telur Ráðríkur að nú dugi fátt annað en harkan - enda hafi harðstjórinn forðum bundið allhressilega fyrir alla leka og hafi hann séð til þess að brækur pólitíkusa framtíðar myndu aldrei leka heldur safna í sig, jafnvel eftirlaunum landans.

 

Nú hefur Snúlla Svipuharða gert út nokkra njósnara til að fylgjast með málum pólitíkusanna. Grobbi Gæsapabbi er einn af þeim, en hann liggur í leyni á REI-kjavíkurtjörn - þar sem hann hefur gott útsýni innum glugga pervertanna. Grobbi hefur nýverið skilað inn skýrslu með stöðu mála. Þar kemur fram að Landsstjórar og pólitíkusar pizzi í tjörnina á meðan landinn horfir á Júróvision.

Grobbi Gæsapabbi hefur líka tekið eftir ýmsum undarlegum og aumkunarverðum verum á ferðinni í kringum tjörnina, en það mun vera eitthvað af fátækum sveitalýðnum sem reynir að lifa af landi og tjörn - enda orðið fátt um endur á pollinum nú orðið. Grobbi hefur nú komið með nægar upplýsingar handa Snúllu Svipuhörðu til að nú geti hún látið til skarar skríða, á móti nornabruggi svikulu tröllanna sem í upphafi sáust í vitringabúning - en auðvitað eru það engir vitringar sem halda í heiðri leynibruggi og landráði valdasjúks einræðisherra. Nú er ekkert annað en að bíða og sjá hvernig Snúlla Svipuharða tekur á málunum, so keep reading the next few days people.

 

Fátækum sveitalýðnum er í það minnsta nóg boðið, án þess að fá sömu eftirlaun og sömu bitlinga og sviksömu vitringarnir. Gústi Öskukall er reiður og ósáttur, enda kaus hann allt annað en vitringa í sæti landsstjórnar.

"Ég kaus alltaf .. alltaf .. að halda mig heima á kjördag, enda sátu kjörnir fulltrúar aldrei lengi í sömu stólunum. Maahhr nennir bara ekki að taka þátt í svona skrípaleik lengur, maður kýs og svo næsta dag koma í ljós gallar á gjörningnum og upp poppa einhverjir vitringar sem telja sig betur komna í embættum en þeir sem við kusum" Sagði Öskukarlinn sótillur og var allur í rusli.

 

Svipaða sögu hafði Sigga Saltfiskkerling að segja;

"Gvöööð, er búið að skitta um kaddla í brúnni? Ohh .. ég sem var nýbúin að setja upp spariandlitið og ætlaði að fara á dansiball með .. með .. æi hinum þú veist - sem voru þarna fyrst. Nú verð ég að ná mér í nýjan hatt og mála mig uppá nýtt, hva seiijirru er það blái liturinn - nú þá á ég allavega augnskuggann". Sagði Saltfiskkerlingin og dillaði sér burt með miklum tilþrifum. Sigga Saltfiskkerling er nú áskrifandi af saltfiskflökum og fær sent heim eftir miðnætti alla virka daga. Hún stefnir á súluna, fuglinn sko, í framtíðinni. Sigga er líka framtíðarframapotari af Guðsnáð.

Pislahöfundur skellti sér að lokum norður yfir heiðar og kom við hjá forpokuðu pokakerlingunni sem kallar ekki allt ömmu sína. Ekki var hún í náttsloppnum og ekki í kanínu inniskónum - og augljóslega hefur hún after all ekki notað rúllur lengi eins og sjá má á myndinni hér til hliðar. Grunur er á að hárkolla hafi leikið aðalhlutverkið á kolli hennar um allnokkurt skeið.

Undirritaður náði mynd af Dúfunni dásamlegu á rauða kossimerlettinu, en hún var að undirbúa uppákomu á prestaráðstefnu sem halda átti þarna um kvöldið. Jónína þó ... segi ekki meira. Og þó, ekki fara margar sögur af árangri fundarinns - sem átti að fjalla um syndir feðranna - en allnokkrir siðapostularnir þurftu að skila inn hempu og kjól í lok ráðstefnunnar. Líklegt þykir að súlupokamærin verði ráðin á þing sem skemmtikraftur næsta vetur, en hún mun þó ekki fá að klæðast bleiku kanínuinniskónum og ætlað er að fatnaður verði af skornum skammti - og allur blár, og bólginn.

En, ef þið hafið lesið alla leið hingað - þá eigið þið heiður skilinn fyrir dugnað og nennu! Allar myndir fengust af heimasíðu spaugstofunnar og vona ég að það sé ekki bannað að hertaka svona myndir án þess að biðja um leyfi fyrst.

Knús út í loftið - búinn að losa mig við nóg bull í bili og er farinn að sofa. Sé ykkur hress og kát á morgun ljúfa lið og dreymi ykkur fallega.

  

Mistök gerð við setningu eftirlaunalaga

Bíóferð og náttúruperlur...

Jæja, ég fór í bíó áðan - Laugarásbíó -  á myndina SpiderWick. Stórgóð ævintýramynd fyrir börn og unglinga sem og mig/ykkur. Ég fór með 8 ára systurson sem hefur aldrei í bíó komið áður og fylgdist með honum upplifa spennuna og hávaðan í bíósal nútímans. Sjálfur hef ég nú ekki komið í bíó í þónokkuð langan tíma, en ég hef alltaf gaman að bíóferðum. Sá að það er búið að setja sætispúða á öll sætin, sem er blessað og gott fyrir okkur stóra fólkið - en púðarnir eru algerlega fyrir ungafólkinu. Reyndar er boðið uppá plastvaskaföt sem snúið er á hvolf og geta börnin setið á þeim en ég hugsa að það sé nú ekki beint þægilegt að sitja á hörðu plastinu í 1 og hálfan til tvo tíma. Eins mætti alveg lækka aðeins niður í hávaðanum - maður hreinlega missir andann þegar mestu lætin eru - eða er maður bara orðinn svona gamall ... hahaha!

En, að öðru sem mér finnst ekki síður spennandi og mikilvægt - náttúruperlur Íslands. 

Svona er lífið, aðra stundina er Vin/afdrep hérna en hina stundina er búið að eyðileggja Vinina/afdrepið og upp er komið eitthvað ferlíki sem spúir fire and brimstone into the air, eða þannig sko. Nú er lag að taka saman höndum og setja fót í gin ferlíkissins, stoppa af svona vitleysu sem náttúruperlueyðing er. Mér finnst persónulega ekki öllu skipta máli hversu margir Íslendingar eða útlendingar fara og skoða eða heimsækja náttúruperlurnar - nóg er að einn til tíu skoði til að það sé þess virði að bjarga fallegum stöðun sem aldrei koma aftur ef þeim er eytt.

Lára Hanna er með frábær skrif um náttúruperlur og færslurnar hennar eru sannarlega þess virði að líta á og lesa. Ef þið hafið einhvern minnsta áhuga á Íslandi og perlum landsins - þá hvet ég ykkur til að fara á síðuna hennar og lesa eða fylgjast með gangi mála og taka þátt í að láta ykkar álit í ljós. Hvet alla til að sitja ekki kyrra og yppa öxlum heldur fara á síðuna hennar og skoða hvað þið getið gert til að vera með.

Reyni að kíkja blogghringinn í kvöld en ég fæ vonandi að vita eitthvað um tölvuna mína fyrir lokun á morgun, mánudag. Mikið hlakka ég til að fá skútuna mína aftur heim. Mér finnst óþolandi að geta ekki verið með broskalla og/eða myndir í færslunum mínum, allt svo tómlegt. Lifið heil og kát þennan vindasama sunnudag essgurnar mínar.

Hættur að blogga, hef fengið nóg af öllu hérna - sérstaklega ....

 Jæja, þá er ég búinn að átta mig á því að ég er bloggízkt fórnarlamb, reyndar hálfgerður tuddi en ekki lamb - en you ketzh my drift i hope. 

Sá einmitt áðan bloggfærslu frá "herbert" sem var einmitt að skrifa eitthvað um svona bloggfyllerí, en veit þó ekki hvort hann var að grínast eða ekki - en ég skil vel hvað hann meinar ef hann er ekki að grínast. Ég ætla ekki að bíða eftir því að enda eins og hann lýsir málunum í sínu blogglífi, ætla mér ekki að blogga allt frá mér.

Ég er búinn að sjá fram á að ég verði að hætta að blogga og snúa mér aftur að veruleikanum. Venjulega hef ég skotist á netið í svona flestum gloppum og "frímínútum" sem ég fæ yfir daginn, og svo oftast eyði ég alltof löngum tíma seint að kvöldi/um nótt til að kíkja bloggrúntinn og blogga eitthvað jafn ónauðsynlegt og ónýtanlegt og ríkisstjórnin okkar er. Hef reyndar ekki bloggað mjög lengi, sett inn um 110 færslur eða svo en reynt að vera virkur bæði bloggari og sem bloggvinur.

Núna síðustu sirka tvo daga eða svo er ég búinn að vera hálftölvulaus, næstum því. Á þessum stutta tíma er ég búinn að gera miklu meira in real life en ég hef gert síðustu mánuði, sem segir mér að bloggið er bæði tímaþjófur og einnig stelur það manni frá lífinu og tilverunni.

Við erum undarleg mannfólkið, megum ekki taka uppá neinu sem okkur þykir gaman af því áður en við vitum af erum við orðin háð því. Maður verður að bloggfíkli á örskotsstundu. Þar sem ég hef aldrei verið fíkill á neitt, held ég - hef ég ákveðið að láta ekki undan fíkninni hérna og þar af leiðandi ekki halda áfram að blogga. Nú er ég hættur að blogga og mun ekki heldur athugasemdast - og sennilega mun ég hætta að lesa bloggið líka því það er stórhættulegt því næsta skref verður að maður finnur fyrir mikilli þörf á því að athugasemdast - og áður en maður veit er maður aftur kominn á kaf í bloggið, nei takk - hef svo mikið annað að lifa fyrir.

Ok, nú þegar ég er búinn að blása þessu úr úr mér þá ætla ég rétt að vona að þið hafið ekki tekið mig mjög alvarlega - þið hljótið að þekkja mig betur en svo að það sé hægt - right? Auðvitað er ég ekkert hættur að blogga - in your dreams sko! Málið er bara að ég hafði í raun ekkert rosalega spennó að blogga um í tölvuleysinu - enga broskalla og engar myndir til að setja inn - svo ég bara bunaði þessu út úr mér áður en ég vissi um hvað ég ætlaði að skrifa.

Svona er nú bullgenið í manni - horfið bara á Jónínu Dúu pokakerlingu sem byrjar að bulla án þess að vita rassboru um hvað hæun ætlar að skrifa - og hún sem núna ætlar að fara að troða mér á súluna sína til að koamst í elítuna á Akureyri... in Akureyskra kvenna dream að ég fari að iða bossanum um súlu þar öðrum til inngöngu í fínu frúar liðið. En nú er komið gott. Ég vona að þið fyrirgefið mér grínið, ætla ekkert að hætta - losnið ekkert við mig fyrr en hell freezes over. Lov you to píses all my friends og mun sýna ykkur öllum það þegar tölvan min kemur aftur heim til pabba, en það er víst ekki fyrr en í fyrsta lagi á föstudag - í síðasta lagi á mánudag....  tööööööölllvvvaaaaa COME HOME TO DADDY!!!

Anyone who needs spanking? (einhver annar en ég sko!)

Farið vel með ykkur 1. Maí og nota daginn til að mótmæla einhverju!

Over og út héðan áður en þessi færsla hverfur á vit feðra sinna í frosti og hókuspókus.

Húseigendur á Spáni eru bara alls engir húseigendur á Spáni, samkvæmt lögum frá því 1988... !

Nú er ekki annað en að huga að framtíðinni, framtíð sem hefur enga þörf fyrir Olíuhreinsistöð í túnfætinum. Hugsanlega er að koma upp staða sem mögulega gæti gert Ísland óháð olíu, verksmiðja sem breytir koltvísýringi í metanól - verksmiðja sem þá mun rísa á Reykjanesi.

Hver veit nema Olíuhreinsistöðvar séu í raun tímaskekkja. Er ekki verið að segja hjá innanbúðarfólki í olíubrazanum að það séu kannski ekki nema 20 ár þar til heimurinn verði Olíulaus? Þá verði bílar og flugvélar ónothæf vegna þess að það verður ekki til nein Olía til að knúa þessi tæki áfram?

Mannvit hf. og íslensk-ameríska fyrirtækið - Carbon Recycling International ehf. - hafa undirritað samstarfssamning um hönnun og byggingu verksmiðju sem breytir koltvísýringsútblæstri frá jarðvarmavirkjunum í metanól, fljótandi eldsneyti fyrir bíla og önnur farartæki. Verður verksmiðjan sú fyrsta sinnar tegunar í heiminum.

Vonast er til að framleiðsla á slíku eldsneyti geti gert Ísland óháð Olíu í framtíðinni ásamt því að minnka útblástur koltvísýrings í umhverfið. Mannvit hf. mun annast verkefnastjórnun við hönnun og byggingu verksmiðjunnar sem mun rísa á Reykjanesi. Carbon Recycling International er í eigu íslenskra og bandarískra fjárfesta. Fyrirtækið rekur starfsemi sína í Bandaríkjunum en hefur höfuðstöðvar sínar í Reykjavík.

Upplýsingar úr Fréttablaðinu, laugardaginn 26 Apríl 2008.

Húseigendur á Spáni, nú verið þið að lesa! Einnig þeir sem hyggja á kaup á fasteign á Spáni.

Það nýjasta, sem þó hefur verið til í lögum frá því 1988 - en örugglega mjög fáir vitað af, er að þeir sem eiga hús eða ætla sér að kaupa hús, á strandlengjum Spánar þurfa að huga að mjög undarlegum og alvarlegum hlut. Málið er að þegar maður kaupir og eignast hús á spánarströndum - þá á maður húsið í raun og veru bara alls ekki!

Eigendur húsa og íbúða á ströndum Spánar eru að sjálfsögðu í uppnámi, enda mega þeir hvorki selja né arfleiða sína nánustu að húsinu þegar þau deyja. Yfirvöld á Spáni hafa tilkynnt þúsundum heimamanna og útlendinga - að húsin og íbúðirnar þeirra á strandlengjum Spánar tilheyri þeim í raun og veru ekki. Fólk sem hefur kannski átt hús á spánarströnd í 30 ár er að komast að því að þau eiga húsnæðið bara alls ekki.

Seljendur húsa og íbúða á Spáni vilja meina og telja okkur trú að þeir sem fjárfesta í húsnæði fyrir "ofan hraðbraut/þjóðveg" séu ekki í sama pakkanum heldur sé eingöngu verið að ræða um það svæði sem liggur með ströndinni og fyrir neðan veg. En, er það bara ekki spurning um hvort stjórnvöld fari að teygja puttana uppfyrir veginn áður en langt um líður? Fjölskylda mín á tvö hús á Spáni og hugsanlega er það spurning um hvort einhver leið sé til að fara á svig við þessi undarlegu lög þannig að hægt sé að koma fasteignum yfir á ungu kynslóðina áður en það verður tekið eignataki af stjórnvöldum við dauða okkar eldri ættingja. Þetta er hið undarlegasta mál finnst mér.

Nú er verið að ákveða hvaða hlutar strandarinnar eru í ríkiseigu. Hluti þess fjár sem varið verður í að taka til á ströndinni fer til húseigenda sem samkvæmt lögunum geta ekki selt einkaaðilum hús sín.

Upplýsingar úr 24 stundum, laugardaginn 26 Apríl 2008.

 

 Að loknum þessum hugleiðingum hérna um Olíu og húseigendur á Spáni, sem eru í raun engir húseigendur, vil ég þakka ykkur kæru bloggvinir sem kíktuð í heimsókn til systur minnar og óskuðuð henni til hamingju með daginn í gær. Ég segir ykkur satt að hún fór bara að gráta af gleði þegar hún sá óskir og ljúfmennsku ykkar! Auðvitað var ég líka ótrúlega glaður að sjá hve margir gátu séð af tíma til að glugga inn hjá henni og þakka ég ykkur svo mikið fyrir það.

Einnig sá ég að Systir hennar Jónínu Dúu og Móðir EMM áttu líka afmæli í gær og óska ég þeim báðum þessum elskum til hamingju með daginn!

Kíki á ykkur öll í dag og kvöld og læt illa í kerfinu ykkar. Njótið helgarinnar og verið góð hvert við annað. Over and out ...

Ef sá óþolinmóði verður dæmdur og fær sekt - þá eiga trukkabílstjórar að safna fyrir sektinni og borga hana!

  Já, það var nefnilega það. Hversu langt eru menn tilbúnir að ganga? Mótmæli á vitlausan hátt og á vitlausum stað geta alltaf skaðað þá sem síst skildi. Hamagangur í umferðinni skapar miklu meiri leiðindi en annað að mínu mati. Frekar hefði átt að leggja fukk .. nei trukkunum á bensínstöðvunum og blokka umferð um þær. Þá hefðu almennir borgarar ekki lent í vandamálum vegna heimskulegra aðgerða í umferðinni. Hvað nú, verður blessaður maðurinn óþolinmóði sakfelldur og ákærður - vegna mótmælaaðgerðanna? Ef blessaðir trukkakarlarnir hefðu mótmælt á réttum stöðum hefði sá óþolinmóði ekki lent í þessum hamagang og allt til friðs í umferðinni. Trukkakarlar - takið fjandans trukkana burt af gatnakerfi borgarinnar og parkerið þeim á réttum vettvangi - á bensínstöðvunum.

  Það er eins gott að hafa augun lokuð þegar maður ferðast til Ítalíu! Karlmaður hefur verið dæmdur í 10 daga skilorðsbundið fangelsi fyrir að stara of ákaflega á konu sem sat gegnt honum í lestarvagni - halló - hvað er að? Allt er nú hægt að kæra! Í þessu tilfelli tel ég að eitthvað mikið hafi verið að konunni, taldi í eitt skipt að maðurinn hafi setið "of nálægt" sér og í hinn staðinn að hann hafi starað of mikið á hana... díses, hefði maður ekki bara staðið upp og fært sig - eða bara horft eitthvað annað en á móti? Auðvitað er það dónaskapur að góna á fólk, en þetta er bara hillaríus kjánaskapur. Gaurinn ætlar að áfrýja dómnum til æðra dómstigs..

  Nú er í skoðun hjá Heilbrigðisráðuneytinu hvort það eigi að byrja að rífa peninga af þeim sem mest þurfa lyf vegna veikinda. Allir borgi að hámarki 40 þúsund krónur!!! Bíddu við - þetta er hugsanlega allavega hálf mánaðarlaun þeirra verst settu, og hverjir eru verst settir? Jú, öryrkjar sem glíma við mikil veikindi og þurfa lyf og meðferð.

Hjálpi mér, er ekki alveg nóg lagt á það vesalings fólk sem stendur í stanslausum veikindum - eru oftar en ekki komin á örorku vegna veikindanna - þurfa mikla læknisaðstoð og lyf? Nú á að fara að ráðast enn frekar á fátækrabudduna! Skammist ykkar þarna í ríkisstjórn ef af þessu verður! Heilbrigðisráðuneytið er til skammar með þessari skoðun/aðgerð! Vonandi fellur þetta um sjálft sig!

  Ótrúlegt að fylgjast með því þegar Abbas hélt ræðu hjá Forseta Íslands. Hann flutti ræðuna á Arabísku! Hallóhalló... Mikið skelfing er það fávitalegt þegar forsetar, ráðamenn og fyrirmenn sýna ekki lágmarks vilja til að læra ensku - þar sem enska er mest notuð til að allir geti skilið það sem fer fram hér og þar. Þetta minnir mig á það heimskulegasta sem ég hef um æfina lent í - á Spáni - þegar maður er að taka leigubíl og reynir að útskýra á ensku hvert maður vill fara - fyrir gömlum spánskum karlskörfum sem neita að tala annað en spænsku. Mér finnst að allir sem standa í þjónustu eða verslun - þurfi að kunna að lágmarki ensku - sérstaklega þeir sem vinna fyrir sér með því að annast túrhesta um allar tryssur. Aumt að þurfa að handapatast um allt þegar fólk leggur ekkert af mörkum á móti...

  Love you all ...

Missti stjórn á skapi sínu

Milljónir streyma á milli manna.. hvaða stóru kallar í þjóðfélaginu eru að borga dóma dæmdra manna?

  Nú á ég ekki orð, ég sem sjaldan er kjaftstopp! Úr hvaða sjóði eða vasa koma allar þessar milljónir sem hér hafa vaðið og skipt um eigendur? Sko, ég meina - þegar landssöfnun er hrundið af stað fyrir dásamleg og sannarlega vel þess virði málefni, krabbameinsjúk börn, matarlausa í Afríku, hjálparstörf þar sem neyð ríkir og fleira slíkt - þá safnast ekki einu sinni svona fjárhæðir saman! Hvaða óráðsía er í gangi hérna, ég vil fá að vita það og ég vil fá að vita hvaðan stórar peningafúlgur koma í málum sem þessu!

  Þessi "fátæki" venjulegi verkamannalaunaði maður þarf ekki að borga neitt!??? Hvaðan peningarnir koma - 3 milljónir í Laxnessmálið - í málafrelsismálinu hafa verið greiddar 23 milljónir - bíddu - bíddu nú við - á að segja mér að landinn sé búinn að gefa Hannesi samtals hérna 26 milljónir? Hér er eitthvað mikið bogið. Kannski hefur karlinn fengið eitthvert lán að hluta, kannski hefur hann veðsett hús og gæsalappir - en fjandinn hafi það að hér hefur safnast meira fé en í góðum landsöfnunum og það er sannarlega skítalykt af þessu. Enda segir forsprakkinn í peningaplottinu, Friðbjörn Orri Ketilsson, að hann sé bundinn trúnaði og geti ekki gefið upp neitt varðandi söfnunina??? Hvað er hann að fela? Davíð Oddson? Er seðlabankastjóri kannski búinn að redda málunum hérna? Mér finnst alltaf vera maðkur í mysunni þegar fólk þarf að fela hlutina eins og gert er hérna!

  Það er tómt crap að ætla okkur að trúa því að hér á bakvið séu ekki stórir sjálfstæðismenn að baki. Kannski þess vegna sem ekkert má gefa upp varðandi þær milljónir sem nú streyma á milli manna hérna... og allt til að styðja undir rassinn á venjulegum brotaglöðum ritþjóf og greiða sektardóma sem hann réttilega var dæmdur í...

  Að mínu mati er það siðferðislega rangt að standa að svona söfnun fyrir dæmda menn og finnst mér slíkt ekki eiga að geta átt sér stað. Dæmdir menn eiga að standa undir gjörðum sínum og Axla ábyrgð - og taka út dóma sína. Slíkt hefði hugsanlega getað gert menn að meiri mönnum - en sannarlega ekki í þessu tilviki! En hvenær hafa sjálfstæðismenn svo sem axlað ábyrgð? Afar sjaldan svo ég viti, ef þá nokkurn tíman bara ...

  Og hvernig er það svo með lög og skatta? Mér skildist að hugsanlega væri hér ekki um löglega söfnun að ræða, að það þurfi að vera minnst 3 aðilar sem standa að svona söfnun en hér er bara um einn aðila að ræða að því er virðist - Friðbjörn Orra Ketilsson.. Hvernig er það í lögum með skatta, skyldur og gjöld? Er hægt að láta safna svona mörgum milljónum handa sér og fá bara auðæfi sem margur fátækur launamaðurinn (hvað þá Hannes eða hvað) fengi aldrei að sjá - án þess að borga neina skatta og gjöld til samfélagsins? Mér þætti forvitnilegt að vita hver skattur væri af t.d. 26 milljónum beint í vasann...

  Það er skítalykt af þessu og ég vona sannarlega að þessi söfnun verði sett í rannsókn, allt gefið upp og hreint verði gert fyrir dyrum þeirra sem að henni koma. Ég vil fá að vita hvaða stóru kallar eru að setja pening í það að borga dóma dæmdra manna!!! Það þarf engin að segja mér að hundruðir landans hafi verið að gefa þúsundkalla í þetta - það er kjaftæði. Kannski hefur Hannes einhvern stuðning frá sjálfstæðismönnum - en ekki milljóna stuðning, svo mikið er víst... Hannes er minni maður í mínum augum fyrir að taka ekki til sinna ráða og gera hreint fyrir dyrum sínum hvað þessa söfnun varðar! Því meiri leynd - því meiri skítalykt...

  Áður en ég verð dæmdur fyrir meiðyrði og skapvonsku... sé ykkur öll á kvöldrúntinum. Eigið góðan dag í snjónum ...