Farðu í kuldagallann áður en þú kemur hingað inn, nema þú viljir að dindillinn á þér frjósi! Ný mótmælaalda á leiðinni - en hver stýrir þessu eiginlega? Prrffmmmm...

óveður

Er búinn að fá mig svo mikið lifandi fullsaddan af þessum mismun og þessu óréttlæti sem viðgengst á þessari litlu skítaeyju .. prffmm!

Þá er það endanlega ljóst að ég er flúinn af Suðvesturhorninu. Ég ætla ekki lengur að láta bjóða mér þennan hörmungarskandal og ætla því að færa mig um set þangað sem veður eru válindari og óútreiknanlegri.

Ekki nóg með það að norðlendingar og vestfirðingar fái allan snjóinn - heldur fá þeir líka alla vetrahörkuna og hamaganginn - öll óveðrin, skafrenninginn - ofankomuna, skaflana og allan pakkann! Ég vil fá meira af þessum hamagangi hingað í Reykjavík! Annað er bara ósanngjarnt og mismunun. Það er ekkert réttlátt við það að hér sé alltaf stilla og sól, bjart og yndislegt veður ... grrr!

óveður1

Ég hef víst aldrei farið leynt með að ég er ógisslega hrifinn af kulda sem og hita - sól og sumri - sem og vetrahörkum. Ég elska snjóinn og ófærð - dýrka snjóskafla og ófærð í umferðinni ...

En, hvað er mér boðið uppá í mínu umdæmi? Jú, hörmulega góðu stilltu vetraveðri dag eftir dag .. viku eftir viku og mánuðum saman yfir vetratímann.

Og, hverjir fá að njóta óveðurshamsins? Jú, Norðanpakk og Vestanpakk .. fúlt .. já!

Það mætti halda að Davíð hafi haft hönd í bagga með að stilla þessum vetrarham svona misskipt um landið og því tel ég að við ættum að fjölmenna næstu vikur í líkamsræktina hans Dabba og mótmæla þessu ... hmm ... nei það þýðir ekkert .. kallinn er feitur bara og stundar ekki ræktina! Jú, reyndar .. hann stundar hlaup og hleypur mjög hratt .. undan fjölmiðlum og erfiðum spurningum!

óveður2

Jæja, allavega ætla ég að mótmæla þessu hér með! Ég ætlast til þess að stjórnmálamenn og konur landsins beyti sér fyrir því að þessum óréttlátu vetrarhörkum sé eingöngu hleypt af stokknum fyrir norðan og vestan, jafnvel fyrir sunnan heiðar - en ekkert hérna á suðvesturhorninu!

Ég ætlast til þess að Guð gefi okkur í Reykjavík heilmikla snjókomu, mikla ófærð - mikla skafrenninga og aðra renninga .. ég vil fá stóra snjóskafla, heilmikið rok með bullandi látum og hana nú. Hvar ætli ég geti komið þessu á framfæri og hver ætli taki við svona mótmælastússi - Björn Bjarna kannski? Nei, hann er bara gamall refur - barn síns tíma og er að hverfa sem betur fer. Verst þykir mér að sjá á eftir Ingibjörgu Sólrúnu - hún hefði örugglega reddað þessu fyrir mig. Guð forði okkur samt frá því að Wannabí stjórnmálaforingjar eins og Jón Baldvin komist á spena ...

En, ég er farinn í að senda smá óveður inn á síður bloggvina sem ég hef trassað of lengi í góðviðriskasti. Ætlast til að þeir taki því bara þegjandi og hljóðalaust þó ég hvessi mig og sendi smá byl um kerfið þeirra .. Blási nú vindar góðir.

Og Guð - ef þú hlustar nákvæmlega núna - hrisstu kollinn - láttu flösuna detta - ég vil snjókomu í Reykjavík! STRAX! ... Takk fyrir mig annars, er góður bara.


mbl.is Ófært víða norðaustanlands
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Huld S. Ringsted

Er ég pakk???

P.S þú mátt alveg fá þetta skítaveður mín vegna, kveðja ein að norðan"pakk"

Huld S. Ringsted, 8.3.2009 kl. 22:00

2 Smámynd: Tiger

  Haha .. okok, kannski tók ég fullsterkt til orða sko! En ég er bálreiður og fúlari en fúlegg yfir þessum mismun! Mér finnst ég alveg eins mikilvægur og þið addna og því ætti ég að fá smá snjó alveg eins og þið sko .. prfffmm!

Knús á þig Norðanpakkið mitt ...

Tiger, 8.3.2009 kl. 22:07

3 Smámynd: Jónína Dúadóttir

Nanananana... við erum með það alltsamanKomdu bara norður þangað sem kúlasta fólkið býr, hér gerast hlutir og það er bara gaman að fá almennilegt veður svona til tilbreytingar... ekkert svona kellingaveður eins og er alltaf hjá þér kettlingurinn minnAnnars var ekkert vont veður í dag, ekki fann ég það allavega og var ég þó úti megnið af deginum

Jónína Dúadóttir, 8.3.2009 kl. 22:16

4 Smámynd: Tiger

  Haha .. hey sko búkolla mín .. you are here talking to a töffara who walks in the snowskafls in his sandals all year long! Ég fer ekki í lopapeysu sko - þarf að halda lookinu og coolinu sko! Segi það satt .. en takk fyrir knúsið samt essgan! Sendi til baka það sama sko ..

Dúa; Snjókerlingin þín ... ekkert skrítið þó þú sért úti í snjónum alla daga! Farðu bara í rass og rófu .. eða haltu áfram í sumarfríinu þínu - letibrók! Meoww á þig og gemmérsnjóplís!

Tiger, 8.3.2009 kl. 22:40

5 Smámynd: Jónína Dúadóttir

Þú mátt eiga allan snjóinn... þegar ég er búin að nota hann

Kveðja úr yndislegu sumarfríi... á kafi í snjósköflum

Jónína Dúadóttir, 8.3.2009 kl. 23:12

6 Smámynd: JEG

Hahahahaha.......hér er sko fúlabylur og snjórinn enn meiri en á myndunum sem þú varst að skoða.  Kallinn var að koma heim úr vinnunni núna en hann fór sko á CASE til að vera viss um að komast heim.  Og er núna að moka hlaðið sem er pakkfullt og varla fært......nema CASE.  Ætli hann þurfi ekki að moka aftur í fyrramálið ja nema skóla verði aflýst vegna veðurst.  Holtavörðuheiði var víst ófær en það er jú ekki mokað þar þegar skyggni er ekkert.

Knús og kveðja úr veðurhamnum norðan heiðar.  Vertu bara velkominn í snjóinn hér

JEG, 8.3.2009 kl. 23:13

7 identicon

Þetta get ég alveg tekið undir , en svona til að bæta gráu ofan á svart hjá þér, þá snjóar og snjóar hér fyrir austan hjá okkur líka. Enda ljóma mínir strákar eins og sól í heiði og bíða þess nú bara að birti og stytti upp svo þeir geti brunað til fjalla á sleðum  sínum og svo einum á 44" svona til að geta hlýjað sér aðeins á milli.    Vildi svona bara nefna þetta við þig gæskur

(IP-tala skráð) 8.3.2009 kl. 23:13

8 Smámynd: Ragnheiður

Sko í staðinn fyrir að demba óveðrinu ofan á oss óviljuga þá skaltu bara skreppa norður vinurinn..hún Huld tekur vel á móti þér sko

Ragnheiður , 8.3.2009 kl. 23:16

9 Smámynd: Tiger

 Jónína snjókerling .... eigðu bara notaða snjóinn þinn! Mér er alleg sama sko .. addna .. er sko ekkert abbó! Ulla ....

JEG; ÉG ER Á LEIÐINNI ... spurning hvort bóndinn sé til í að moka öllum snjónum af hlaðinu þínu - uppá vörubíl - og senda hingað - sturta á mitt hlað ... ??? Plísprittíplís!

Sigurlaug; Skammastín skammskammskamm .... og aftur skamm! Og einu sinni aftur .. SKAMM!

Ragnheiður mín; Ég sé bara ekkert í stöðunni annað en flytja mig norður  .. og niður! Snjó vil ég fá og ekkert múður með það sko ..

Snjóknús á ykkur sko ..

Tiger, 8.3.2009 kl. 23:25

10 identicon

Skammastmín neeeeiiiiiiiiiiiiiii   mín brosir alveg hringinn og glottir út í annað í það minnsta,  og situr með skagfirska púkann á hægri öxlinni og skellihlær

(IP-tala skráð) 8.3.2009 kl. 23:29

11 Smámynd: Tiger

  Sigurlaug .. abi addna! .. nei púki meina ég!

Tiger, 8.3.2009 kl. 23:43

12 Smámynd: egvania

Huh, ógeð, ég er fyrir löngu búin að bjóða þér norður, afnot af góðri skóflu, svegnpláss í eigin herbergi og mikinn, mikinn, mikinn snjó.

Ha, sko svo heldurðu fram hjá mér, vælir þig inn hjá Huld og hinum og þessum konum ég get sko sagt þér að  hann Halli sem er maðurinn hennar Huld hann getur sko alveg mokað snjóinn þeirra og svo ætlar hann að selja mér steinbít og þú missir af þessu öllu.

Ég get líka boðið þér að sofa í snjóhúsi svo stór er þessi skafl að ég sé ekki í næstu tvær íbúðir og ef þú nennir ekki að moka snjóhús þá geturðu haft þetta alvöru og blundað í bívak og svo skal ég láta hundana finna þig og þér verður bjargað.

 ÖLLU þessu fórnaðir þú fyrir allar þessar konur sem eiga örugglega ekki eins mikin snjó og ég og við hér höfum meira en bara einhverja Holtavörðuheiði, við eigum líka Öxnadalsheiði og Vatnsskarðið svo að þú getur gengið upp að hálsi til vors.

Kærleiks knús arfinn þinn

egvania, 9.3.2009 kl. 00:12

13 Smámynd: egvania

Eitt enn ef þú ferð Lágheiðina þá geturðu gengið fram á haust !!!!!!!!

egvania, 9.3.2009 kl. 00:14

14 identicon

Ertu alveg að missa það drengur........sko maður rétt bregður sér af bæ, ja okei búin að vera fjarverandi dágóða stund.......en OMG hér er allt brjálað........ertu að reyna að drepa mig, þú veist hvað mér finnst um snjó og kulda, það er ekki hafandi eftir mér og alls ekki skrifandi hér það sem upp í hugann kemur (“,)

Hvað um það, gott að sjá þig aftur,

Ofurskutlukveðja

Guðbjörg Erlingsdóttir (IP-tala skráð) 9.3.2009 kl. 00:19

15 Smámynd: Tiger

 Sko, egvania .. ég held bara að ég komi til þín sko! Mig hefur alltaf langað að sofa í snjóhúsi sko! Ekki verra ef maður fær svo steinbít í morgunmat bara beint í snjóinn .. eða beint í rúmið sko! Annars er ég bara að pæla í því að leggjast bara á bæn og biðja um meiri snjó suður svo ég þurfi ekki að leggja land undir fót og flytja norður, vestur eða austur ... ussuss! Knús til baka skottan mín!

Guðbjörg .. ehh .. nei .. Ofurskutla! Yndislegt að sjá þig líka dúllan mín! Myndi fara í snjókast við þig ef ég næði í skottið á þér sko! Haha .. kuldaskræfan mín!

Tiger, 9.3.2009 kl. 00:42

16 Smámynd: Jóna Kolbrún Garðarsdóttir

Svona bloggaði ég þann 4.3 ->Mikið sakna ég þess að fá ekki almennilegt vetrarveður með ófærð og mikilli ofankomu.  Það eru mörg ár síðan síðast snjóaði almennilega hérna á suðvestur horninu.  Mér finnst tímabært að fá smá hluta af þessari ófærð og óveðri.  Ég held að það gæti hjálpað okkur á Reykjavíkursvæðinu að fá almennilegan snjó.  Ég sakna þess að geta ekki farið út að ganga í alvöru snjóstormi.  Mér hefur alltaf fundist snjórinn yndislegur.  Þrátt fyrir aldurinn.     Snjóstormskveðjur til þín

Jóna Kolbrún Garðarsdóttir, 9.3.2009 kl. 00:59

17 Smámynd: Baldur Gautur Baldursson

Og hér úti í Stokkhólmi hefur maður ekki séð sólina í 8 daga. Ekki sólarglennu!  Það er nú farið að nálgast þann daginn að ég leggi mig í ljósabekk og safni svolítið lit á mig. Fólk er farið að labba á mig, líklega er ég gegnsær orðinn af ljósleysi, svona eins og kúpifiskur. Sá að kona í strætó var að reyna að lesa auglýsingu í gegnum mig í gær!  Skúmt!!!

Baldur Gautur Baldursson, 9.3.2009 kl. 08:58

18 Smámynd: Ásthildur Cesil Þórðardóttir

Hvernig gengur að fá snjókomuna suður TíCí minn ?  Vonandi sem best.  Það er svo sem ekkert að því að fá smá vetrarhörkur, þá kann maður betur að meta góða veðrið.  Knús á þig minn kæri og takk fyrir mig.

Ásthildur Cesil Þórðardóttir, 9.3.2009 kl. 10:10

19 Smámynd: María Guðmundsdóttir

er thér svooooooo sammála, ég ELSKA ófærd,storm,byl og stærdar skafla man hérna i denn uppá Skaga thegar kom almennilegt rok ,stormur sko..og thá idulega fór rafmagnid af..thad var sko BARA spennandi..tala nú ekki um ef skólahaldi er aflýst vegna vedurs..thad er toppurinn...en thad var frekar fyrir austan,man ekki eftir ad thad hafi sked uppá Skaga..en allavega fór rafmagnid idulega i vondum vedrum. Svo ég skil thig  vel ad vilja fá smá "slettu" af óvedri,snjó og skøflum, sollis tilheyrir almennilegum vetri  en thad er útséd um ad ég fái svona á næstunni...hér kemur ekki einu sinni snjóføl..bara slyddudrulla...en ég lifi thad af..

knús og krammar á thig kæri minn, hafdu thad sem allra best

María Guðmundsdóttir, 9.3.2009 kl. 12:37

20 Smámynd: egvania

Tiger ég ætla rétt si svona að sá sem býr í hæstu hæðum sleppi því að láta dynja á ykkur svona snjó.

Áttaðu þig á því að allar samgöngur stoppast og ekkert hægt að moka snjónum af götunum vegna þess að skipulag Reykjavíkur hefur ekki boðið upp á neinar snjógeymslur.

Ég elska Reykjavík og kem þangað sennileg um 10-12 sinnum á ári jafnt vetur sem sumar, það er nefnilega þannig að ömmubörnin eldast fyrr en ég og ég verð að sjá hvert þroska stig.

Það var ekkert smá áfall þegar yngsta ömmustelpan sagið við þá elstu " hálfviti " og það orð hafði hún aldrei sagt áður og ekki nokkur maður vissi að hún gæti talað og ég missti af þessum stórviðburði.

Ég er í afslöppun fór mokaði hluta af bílnum og tek mér hvíld en var nú að þakka mínum sæla fyrir það að hann Pétur Blöndal sá ekki til mín hann segir að ég hafi ekkert við jeppa að gera

egvania, 9.3.2009 kl. 15:24

21 Smámynd: Helga skjol

Buuuuuuurrrrrrrrrrrrrrrrrrrrrrrr, drífðu þig bara hingað norður og hittu okkur pakkið hérna sem hefur allan snjóinn, ég og mitt fólk erum búin að fá alveg uppí kok af snjó þennan veturinn utan við einn einstakling sem elskar bókstaflega þetta skítaveður og mig rennur nú í grun um að þú vitir um hvern ég er að tala ;). Þið mynduð sóma ykkur vel saman úti í brjáluðu veðrinu  sem hérna var.

Knús á þig ljúflingur

Helga skjol, 9.3.2009 kl. 16:51

22 Smámynd: Kristín Katla Árnadóttir

Æ ég vildi bara að það væri komið vor.Hafðu það gott ljósið mitt.

Kristín Katla Árnadóttir, 9.3.2009 kl. 16:56

23 Smámynd: Jóhannes Guðnason

Sæll vertu,ég er með tillögu,hvernin væri að þú keyftir þér hús á Ísafirði.??? og mundu að styðja Ólínu Þ. Þarna er nó af snjó og fleira,ekki kasta skýt í þá fyrir norðan og vestan,þetta er allt mjög gott fólk,ekki pakk.ef þetta dugar ekki þá er hægt að flytja til Grænlands. Eða fara á sjó,og veiða fyrir vestan,en þá verður þú að vera harður nagli,HA HA HA heehheh,vonandi finnur þú hamingjua aftur í þínu lífi,það er svo gaman að vera til.

                                                                                              Jóhannes Guðnason

Jóhannes Guðnason, 9.3.2009 kl. 19:19

24 Smámynd: Sigrún Þorbjörnsdóttir

Ég get nú verið pínku ponsu sammála þér. Mig langar samt ekkert í neina brjálæðislega snjóstorma og læti, en það mætti alveg vera oftar snjór. Ég mundi vilja hafa almennilegan vetur og fá svo almennilegt sumar!

Knús á þig, snjókarlinn þinn

Sigrún Þorbjörnsdóttir, 10.3.2009 kl. 00:55

25 Smámynd: Sigrún Óskars

nú er ég ekki sammála þér - þoli ekki kulda. það klæðir mig miklu betur að vera léttklædd í sandölum heldur en kuldaskóm með húfu. Mig dreymir um að vera í Buenos Aires í Argentínu á veturna (þá er sumar hjá þeim)   - geri þetta þegar ég er orðin stór - er búin að ákveða að vinna á hippamarkaðnum um helgar og fara út að labba með hunda í miðri viku

Sigrún Óskars, 10.3.2009 kl. 20:38

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Tiger
Tiger

Ég eyði fúlum og neikvæðum athugasemdum - svo það er tímaeyðsla að henda slíkum fjársjóð hingað inn. Verð hérna bara í flugumynd - lítið sem ekkert sem sagt. Þýðir ekkert að bíta af mér hausinn þrátt fyrir það...

***

Þakka öllum innlitið, en það er ekki þar með sagt að þú sjáir mig spora út síðuna þína!

Heimsóknir

Flettingar

  • Í dag (28.3.): 0
  • Sl. sólarhring: 1
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndir

  • jesumynd
  • jesumynd2
  • jesumynd4
  • blómabeðið
  • blómabeðið
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband