Eru næturblogg undarlegri en dagsljósblogg? Miðað við þetta hérna, tel ég að undir steypu hvíli hlutir sem þola ekki dagsljósið.

Er þetta kóngurinn á bakvið tjöldinGrunur leikur á að þessi víraði hlutur sem liggur á höfði mannsins á myndinni hér til hliðar sé hárkolla, olíudolla eða dauð rolla. Einnig leikur grunur á að maðurinn undir hárkollunni, dollunni eða rollunni sé hinn alræmdi Landspabbi. Flogið hafa sögur um að Karlinn sé að safna undir sig fé-lögum áður en þjóðin kemst með hendurnar í fjár-hús-lagahirslur karlsins. Þjóð-fé-lagasamtökin, undirfátæktarmörkum, hafa hafist handa við að stofna til ýmissa fé-laga til að reyna að koma böndum á karlinn eða í það minnsta ná brókum hans.

Fé-lög sem girnast brækur pabba eru t.d. fé-lag brókarútgefenda, fé-lagadeild HHG og söfnunargildrur hans, fjár-heimdellingar, fé-lagaþotuliðið og fleiri þoturassar í þjóð-fé-laginu. Landspabbi hefur nú þegar hafist handa við að leggja niður hinar ýmsu bjarnargildrur - og aðrar stofnanir, sem beittar verða misgáfulegum fýlumeðferðum án miskunar. Sigað mun verða Bjarnarbófum á þá fé-laga sem reyna að koma fingrum sínum í landsbrókina. Talið er að það sé fleira en bara fjár-lög sem landspabbi er að fela í brók sinni - en slúður er um að hvar sem karlin gengur angi um allt hinn mesti brókarbremzufararilmur, so tú spík - if jú ketch mæ drit, or his drit! Lagt hefur verið til af antilandsbrókarfélaginu að spúlað/smúlað verði út á Ríkabæ, höfðingjasetri Landspabba. Næsta víst er að ýmislegt grunsamlegt muni þá poppa upp.

nóg komið, tími til að mótmæla

 

Ýmsir aðilar í þjóðfélaginu hafa ákveðið að standa að mótmælaaðgerðum gegn ríkdæmi Landspabba með því að þeyta kerlingar á tjörninni í Reykjavík á morgun klukkan 6. Þeir sem eiga kerlingar sem þeyta má í tjörnina eru vinsamlega beðnir um að setja kerlingarnar í þar til gerða pokakerlingapoka og koma þeytikerlunum niður á Séstekkigötu í þar til gerða gáma sem svona kerlur í sig háma (þeytikerlingapokar fást fyrir lítið hjá pokakerlingunni á súlunni á Akureyri, aka Jónínu Dúu).

Ef engar kerlingar fást til þeytingar þá munu mótmælendur bara snúa sér að því næsta í stöðunni - kasta eggjum í konu Landspabba - enda með eindæmum eggjandi kona þar á ferð. Mótmælendur - með Urla Kurla í fararbroddi - hvetja landann til að mæta með allavega einn líter af bruggi - helst landráðalaunbrugg. Látið ekki stappa á ykkur lengur - mætið með okkur í bæinn og stappið á aðra. Enda hefur verið ákveðið að bílar verði ekki notaðir sem vopn hérna, við munum fara allt á tveim jafnfljótum - nema einhver sé á öðrum fljótari en hinum.

Picture 040

Forsvarsmenn mótmælenda mæla með því að þið komið líka vel skóuð, sjóuð og róuð. Enda þó Urli Kurli sé stundum frár á fæti, viljum við engin læti. Ef ykkur vantar skótau - kíkið þá á snúrurnar hjá Jenný Önnu, enda ætíð með skótau um allar tryssur. Annars eru til góðir ódýrir skór - sérhannaðir til mótmæla hjá Malda í Móinn hf. Hans fótabúnaður er sérsniðinn á fætur mótmælenda sem þurfa að ganga langt! Heyrst hefur að sumir gangi of lang í skóm frá þeim en sjaldan hefur rass sloppið við skófar ef Malda í Móinn hf er annars vegar.

Eftir 15 mínútu fleytikerlingaleik munu mótmælendur fá klukkutíma hvíldartíma. Farið verður á Höltu Rottuna - í spa og mun Jónína Ben bjóða þar uppá Aflandspöbbun og mun hún rífa af okkur skóna, leggja okkur í bleyti og veita okkur detoxpúst. Boðið verður líka uppá Axlanudd, Axlabönd og einnig verður okkur boðið uppá að Axla ábyrgð. Málið er að ganga ekki of langt, enda eiga löngugönguskórnir að vera læstir í skáp í búningaaðstöðu. Eftir klukkutíma Detox munum við aftur þramma niður að tjörn, taka ákveðinn Björn - og senda hann í Maysúðameðferð og Detox. Athugið að þeir sem ekki vilja hvíldarspatíma geta farið á Kanelsetur Tigercoppers og fengið bæði flengingu og kanelsnúðameðferð, en það er önnur saga.

bigrabbit

Athugið að Verðlaun verða veitt fyrir bestu framgönguna í mótmælunum, verðlaun sem nýst geta sem heimilisbúbót svo um munar. Urli Kurli sjálfur mun ekki fá verðlaun, enda einn af þeim sem gekk of langt í dag - í gönguskóm frá Malda í Móinn hf. Þeir sem vilja geta mætt í Kanínugerði sixtynine, kvikkýbæ - til að sjá verðlaunin - en það mun vera Gena- stökkbreyttur köttur sem etur það sem fyrir hann er lagt. Muna að halda frúnni frá dýrinu, annars væri það í lagi fyrir þá sem eru í endurnýjunarhugleiðingum hjónabandsins, að þeyta kerlu í kött, þannig séð.

Munið líka, sá sem nær í skottið - nei, ekki það skott - á Landspabba og kemur höndum ofaní fjár-lagapokann hans - gætið ykkar á bjarnargildrunum. Hugsanlega væri lag að vera með fingralanga þingmenn með í för til að losna sjálfur við fingursnapp. Passið þó vel að treysta ekki fingralöngum þingmönnum lengra en svo að þið getið slegið á puttana þegar nóg er komið. Talið er að Kárni Ryko sé heppilegur kostur í þetta verkefni, enda annálaður fyrir rányrkju og sjálfslaunaaðdrátt.

Neyðarlending - ef allt mislukkast í þessum aðgerðum - þá mun ég afskrifa ykkur öll, ekki kannast við ykkur og benda á Bananabúðir hf sem sökudólg. Allir vita auðvitað að í Bananabúðum dvelja LandsþingAparnir hans Landspabba, litlu strengjabrúðurnar.

Hér með vil ég líka benda á að allt hér að ofan, öll þessi steypa og þessi hrærigrautur - kom undan teppum, flísum og parketi sem Jónína reif upp af eldhúsgólfi Græna Þröskuldsins á Akureyri. Ekkert af þessu á sér stoð í kerfi mínu - enda ekki með neitt stoðkerfi. Af gefnu tilefni hefur nöfnum manna og staða verið breytt að hluta til - til að vernda mig gegn stríðsglæpum og hryðjuvekum af hálfu hins alræmda Landspabba og Urla Kurla. Vil að endingu líka taka það fram að ef þú, lesandi góður, finnur eitthvað í líkingu við sjálfa/n þig hérna, þá er það alls engin tilviljun - ég hef auga með þér og þegar þú átt síst von á - mun ég poppa svo hratt upp að engispretta myndi skammast sín fyrir seinaganginn í sjálfri sér.

Minni enn og aftur á - hve mikil steypa á til að flæða út þegar maður er að bloggeríast á nóttunni, syfjaður og óhvíldur - bílstjórar - takið til ykkar orð mín og hvílið ykkur vel fyrir góð mótmæli - rekið út illan anda, heljarfjanda og dreypið á góðum landa svo allir verði rólegir. Ég tek enga ábyrgð á efni þessa pistils, bendi í því tilviki á hina alræmdu Henný Hönnu hina óútreiknanlegu sem ekki ætlar í framboð, enda hún búin að smita mig af bullukollunni. Öxlum ábyrð, þeytum kerlingar - fylkjum liði og stígum á míníborgarana sem grýta glóð í eld olíufélaganna. Kaupum kók, bók og brók - landspabbabrók. Lifið heil og munið eftir skófatnaði frá Malda í Móinn. Over and out.

  


« Síðasta færsla | Næsta færsla »

Athugasemdir

1 Smámynd: Jóna Kolbrún Garðarsdóttir

Þú ert engum líkur   Frábær færsla og ennþá betri  orðaleikir  Næturbloggin eru náttúrulega best.

Jóna Kolbrún Garðarsdóttir, 28.4.2008 kl. 02:24

2 Smámynd: Tiger

  Æi, já Jóna mín, ótrúleg vitleysan sem flýgur frá manni í syfjunni sko... stundum verður maður bara að henda þessu rugli frá sér til að sitja ekki uppi með fullan koll af rugli. *bros*.

Tiger, 28.4.2008 kl. 02:57

3 Smámynd: María Guðmundsdóttir

Næturbloggin klikka ekki  bara sjá ad ofan  

Thú ert yndislegur , eigdu gódan dag   knus og krammar.

María Guðmundsdóttir, 28.4.2008 kl. 05:55

4 Smámynd: Jónína Dúadóttir

Kennirðu mér svo um alla þessa steypu sem vellur frá þér ?!? Ég skal með ánægju axla-banda þá ábyrgðEn sannarlega flott að henda svona dóti út, frekar en að burðast með þetta allt saman inn í daginn

Góðan dag annars

Jónína Dúadóttir, 28.4.2008 kl. 06:21

5 Smámynd: Guðrún Emilía Guðnadóttir

Þú kannt að koma orðum að öllu þessu fallega sem gerist í landi voru.
til hamingju með það.  Penni góður ertu ætíð, og vitleysan skemmir engan,
því viskan í henni er svo mikil. Ég hélt að svona lagað væri búið, en þetta er veðrið í dag og undanfarna daga.
                                              Kveðja Milla.
                                   


Frosty


Guðrún Emilía Guðnadóttir, 28.4.2008 kl. 08:56

6 Smámynd: Helga skjol

Snilldarfærsla hjá þér

Knús á þig

Helga skjol, 28.4.2008 kl. 09:54

7 Smámynd: Brjánn Guðjónsson

nóttin er yndisleg

Brjánn Guðjónsson, 28.4.2008 kl. 10:38

8 Smámynd: Tiger

  Ójá.. þegar ruglan í manni tekur völdin þá er ekkert annað í stöðunni en að blása henni á prent.

María Guðmunds: Sannarlega satt, næturbloggerí klikkar sjaldan, knús á þig ljúfan.

Jónína Pokó: Auðvitað er ekki annað hægt en að yfirfæra hluta af steypunni á þig addna, enda ertu stanslaust að rífa niður og steypa, rífa upp gólf og hólf - heldur svo bara á því eins og harður farandverkamaður, töffarinn þinn. Ég aftur á móti hendi mínu rusli bara á blað og wúlla.. ekkert drasl í mínum kolli eftir nóttina. Knúserlý púserlý á þig skottan mín.

Milla mín; Já, það leynist alltaf einhver broddur og oddur í öllu gríni og glensi. Um að gera að nota pennan sem sannarlega er máttugri en sverðið. Luv á þig skottið mitt..

Helga skjol; Knús til baka rúsínan mín og eigðu yndislegan dag.

Boxarinn glæsilegi; Nóttin er málið, enda ertu yfirburðaplayboyer sem sérð um alla playboytaktana sjálfur - eins og sannur bardagamaður, klikkar ekki sko!

Hallgerður mín; Þú ert líka frábær, sannarlega ekkert minna en það heldur! Takk sömuleiðir fyrir kíking hingað.. knúserí.

Tiger, 28.4.2008 kl. 12:11

9 Smámynd: JEG

Knús á þig snillingur. Það eru ekki allir svona magnaðir pennar.

JEG, 28.4.2008 kl. 13:10

10 Smámynd: Tiger

  Takk JEG, penninn er mitt sverð! Ég elska að nota mitt vopn í baráttunni við ruglið, enda mun ég aldrei slýðra vopnið. Knús til baka ...

Tiger, 28.4.2008 kl. 14:09

11 Smámynd: Lilja Guðrún Þorvaldsdóttir

Ég spyr hvort ekki séu til "þeytikarlapokar" mér finnst svo gaman að þeyta og fleyta öllu um koll.  Að hætti Landspabba.

Lilja Guðrún Þorvaldsdóttir, 28.4.2008 kl. 15:28

12 Smámynd: Huld S. Ringsted

Össur hvað??? skemmtileg færsla

Huld S. Ringsted, 28.4.2008 kl. 18:05

13 Smámynd: Helga Magnúsdóttir

Gaman að lesa.

Helga Magnúsdóttir, 28.4.2008 kl. 21:30

14 identicon

Ég sef svo vel á nóttunni núna og reyndar stundum á daginn líka en það minnkar, þekki svefngalsa vel og sakna hans orðið núna, langt síðan ég hef verið andvaka og í bullstuði.

Gaman að lesa þitt næturblogg, einhverntíma kemur kannski að því að ég sjokkera prúðan bloggheiminn með einu næturbloggi, ég elska að vaka á björtum sumarnóttum, já þá skal ég tæta og trylla í bloggheimum í svefngalsa .... ..... vííí

Maddý (IP-tala skráð) 28.4.2008 kl. 22:34

15 Smámynd: Solla Guðjóns

Auðvita eru næturblogg undarleg....ert'ekki búinn að lesa'ða.

Dansa salsa með galsa og nokkra valsa að nóttu.Frábært blogg hjá þér.

 Ég held að þjóð-fé-lag sé ekki það sama og þjóðlag......Held jafnvel að ég búi í þjóðlagi.

Smúss

Solla Guðjóns, 28.4.2008 kl. 23:21

16 Smámynd: Helga Guðrún Eiríksdóttir

Funny

Megirðu eiga sem flestar andvökunætur, elskan!

Helga Guðrún Eiríksdóttir, 30.4.2008 kl. 01:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Tiger
Tiger

Ég eyði fúlum og neikvæðum athugasemdum - svo það er tímaeyðsla að henda slíkum fjársjóð hingað inn. Verð hérna bara í flugumynd - lítið sem ekkert sem sagt. Þýðir ekkert að bíta af mér hausinn þrátt fyrir það...

***

Þakka öllum innlitið, en það er ekki þar með sagt að þú sjáir mig spora út síðuna þína!

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndir

  • jesumynd
  • jesumynd2
  • jesumynd4
  • blómabeðið
  • blómabeðið
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband