Húseigendur á Spáni eru bara alls engir húseigendur á Spáni, samkvæmt lögum frá því 1988... !

Nú er ekki annað en að huga að framtíðinni, framtíð sem hefur enga þörf fyrir Olíuhreinsistöð í túnfætinum. Hugsanlega er að koma upp staða sem mögulega gæti gert Ísland óháð olíu, verksmiðja sem breytir koltvísýringi í metanól - verksmiðja sem þá mun rísa á Reykjanesi.

Hver veit nema Olíuhreinsistöðvar séu í raun tímaskekkja. Er ekki verið að segja hjá innanbúðarfólki í olíubrazanum að það séu kannski ekki nema 20 ár þar til heimurinn verði Olíulaus? Þá verði bílar og flugvélar ónothæf vegna þess að það verður ekki til nein Olía til að knúa þessi tæki áfram?

Mannvit hf. og íslensk-ameríska fyrirtækið - Carbon Recycling International ehf. - hafa undirritað samstarfssamning um hönnun og byggingu verksmiðju sem breytir koltvísýringsútblæstri frá jarðvarmavirkjunum í metanól, fljótandi eldsneyti fyrir bíla og önnur farartæki. Verður verksmiðjan sú fyrsta sinnar tegunar í heiminum.

Vonast er til að framleiðsla á slíku eldsneyti geti gert Ísland óháð Olíu í framtíðinni ásamt því að minnka útblástur koltvísýrings í umhverfið. Mannvit hf. mun annast verkefnastjórnun við hönnun og byggingu verksmiðjunnar sem mun rísa á Reykjanesi. Carbon Recycling International er í eigu íslenskra og bandarískra fjárfesta. Fyrirtækið rekur starfsemi sína í Bandaríkjunum en hefur höfuðstöðvar sínar í Reykjavík.

Upplýsingar úr Fréttablaðinu, laugardaginn 26 Apríl 2008.

Húseigendur á Spáni, nú verið þið að lesa! Einnig þeir sem hyggja á kaup á fasteign á Spáni.

Það nýjasta, sem þó hefur verið til í lögum frá því 1988 - en örugglega mjög fáir vitað af, er að þeir sem eiga hús eða ætla sér að kaupa hús, á strandlengjum Spánar þurfa að huga að mjög undarlegum og alvarlegum hlut. Málið er að þegar maður kaupir og eignast hús á spánarströndum - þá á maður húsið í raun og veru bara alls ekki!

Eigendur húsa og íbúða á ströndum Spánar eru að sjálfsögðu í uppnámi, enda mega þeir hvorki selja né arfleiða sína nánustu að húsinu þegar þau deyja. Yfirvöld á Spáni hafa tilkynnt þúsundum heimamanna og útlendinga - að húsin og íbúðirnar þeirra á strandlengjum Spánar tilheyri þeim í raun og veru ekki. Fólk sem hefur kannski átt hús á spánarströnd í 30 ár er að komast að því að þau eiga húsnæðið bara alls ekki.

Seljendur húsa og íbúða á Spáni vilja meina og telja okkur trú að þeir sem fjárfesta í húsnæði fyrir "ofan hraðbraut/þjóðveg" séu ekki í sama pakkanum heldur sé eingöngu verið að ræða um það svæði sem liggur með ströndinni og fyrir neðan veg. En, er það bara ekki spurning um hvort stjórnvöld fari að teygja puttana uppfyrir veginn áður en langt um líður? Fjölskylda mín á tvö hús á Spáni og hugsanlega er það spurning um hvort einhver leið sé til að fara á svig við þessi undarlegu lög þannig að hægt sé að koma fasteignum yfir á ungu kynslóðina áður en það verður tekið eignataki af stjórnvöldum við dauða okkar eldri ættingja. Þetta er hið undarlegasta mál finnst mér.

Nú er verið að ákveða hvaða hlutar strandarinnar eru í ríkiseigu. Hluti þess fjár sem varið verður í að taka til á ströndinni fer til húseigenda sem samkvæmt lögunum geta ekki selt einkaaðilum hús sín.

Upplýsingar úr 24 stundum, laugardaginn 26 Apríl 2008.

 

 Að loknum þessum hugleiðingum hérna um Olíu og húseigendur á Spáni, sem eru í raun engir húseigendur, vil ég þakka ykkur kæru bloggvinir sem kíktuð í heimsókn til systur minnar og óskuðuð henni til hamingju með daginn í gær. Ég segir ykkur satt að hún fór bara að gráta af gleði þegar hún sá óskir og ljúfmennsku ykkar! Auðvitað var ég líka ótrúlega glaður að sjá hve margir gátu séð af tíma til að glugga inn hjá henni og þakka ég ykkur svo mikið fyrir það.

Einnig sá ég að Systir hennar Jónínu Dúu og Móðir EMM áttu líka afmæli í gær og óska ég þeim báðum þessum elskum til hamingju með daginn!

Kíki á ykkur öll í dag og kvöld og læt illa í kerfinu ykkar. Njótið helgarinnar og verið góð hvert við annað. Over and out ...

Athugasemdir

[Linda Linnet Hilmarsdóttir, 26.4.2008 kl. 14:25]

Góða helgi Ticer minn

[Tiger, 26.4.2008 kl. 14:54]

Þakka þér Linda mín og eigðu sömuleiðis góða helgi. Til hamingju með móðurvinkonuna sem á afmæli í dag!

[María Guðmundsdóttir, 26.4.2008 kl. 16:12]

Gódur pistill, sem og alltaf  Var nú bara meira en sjálfsagt ad kikka á systur thina og senda kvedju til ad gledja  Alltaf gaman ad gledja adra.

Eigdu frábæra helgi og knus og krammar til thin   

[Tiger, 26.4.2008 kl. 16:19]

þakka þér kæra María. Ég er algerlega sammála þér, alltaf gaman að gleðja! Knús í helgina þína líka og njóttu góða veðursins.

[Jónína Dúadóttir, 26.4.2008 kl. 16:55]

Þakka þér fyrir góðan pistil Högni minn og kveðjuna til systur minnarMegi helgin verða þér ljúf og góð

[M, 26.4.2008 kl. 21:03]

Góða helgi Tiger og takk fyrir hlý orð 

[Tiger, 26.4.2008 kl. 21:11]

  kisserí á ykkur ljúfurnar..

Jónína Dúfnadís: þakka þér skottið mitt sömuleiðis! Vona að þín helgi verið ekki síður ljúf!

EMM: Þakka þér líka þinn hluta, mér þótti vænt um ykkar innlegg -- eða þannig þú veist. ;)

[Jenný Anna Baldursdóttir, 26.4.2008 kl. 21:19]

Ég er svo aldeilis hissa.  Þá meina ég að fólk skuli ekki eiga og geta ráðstafað sínum eigin húsum.

[Tiger, 26.4.2008 kl. 21:34]

Já Jenný mín, ótrúlegt ef satt reynist - að húsin verði bara tekin af fjölskyldum þegar elsti ættinginn sem kannski er skrifaður fyrir því - deyr. Ég trúi því nú varla að þetta geti staðist en hefur víst verið í lögum öll þessi ár án þess að nokkur tali um það fyrr en nú. Ég gruna að margir eigi eftir að gráta hús sín núna. Knús á þig ljúfust!

[G Antonia, 27.4.2008 kl. 20:34]

OMG .........hlusta ekki á svona vitleysu og kem ekki heim fyrr en ég er búin ad skoda thetta mal  
sumar og sol kvedja