Flögur eru til fleiri góðra hluta en bara að eta þær...

  Þetta er endalaus snilld. Þjófavarnakerfi eru til ýmissa góðra verka nauðsynleg, líka vegna barnsrána á sjúkrahúsum. Getur sparað jafnvel mánaða eða áralangar rannsóknir í leit af krílinu og jafnvel finnst það aldrei aftur. Það er ótrúlegt að nokkur lifandi manneskja skuli geta gert annarri manneskju svo illt að ræna hana barni sínu, vitandi þvílíkt áfall það er fyrir alla foreldra að missa barn sitt.

Ég myndi svo í framhaldi vilja sjá svona varnarflögu grædda í þingmenn. Mótkubburinn yrði þá staðsettur í kosningaloforð, líklega myndu þá margar hurðir skella og engar lyftur virka á hinu háa Alþingi - því fjær sem þingmaðurinn/flokkurinn fer frá kosningaloforðinu því meiri yrðu lætin, glæsilegt þannig séð. Fínt væri að skella líka kubb á velferðakerfið og almenning - en það er næsta víst að þá væru engar lyftur í landinu í lagi og allar hurðir landans kyrfilega læstar, enda ekkert velferðakerfi til í námunda við hinn venjulega launþega.

  Annar góður flögustaður væri í mig og tölvuna mína. En það myndi það aldrei ganga upp því ég er svoddan flautaþyrill og oft á svo mikilli ferð til og fá - að stundum sé ég tölvuna ekki svo sekúndum skiptir, skelfilegt þannig séð.

  Svo væri náttúrulega snilld ef vísindamenn færu nú í að umbreyta flögunni og gera hana að varnarflögu, svona forvarnaflögu. Þannig að ef nálægðin á milli flaga væri of lítil myndi hjálparsveitin fá boð um vandræði. Væri gott t.d. á allan almenning og á móti flaga í - bjórinn - ísskápinn - nágrannakonuna - lögregluna - fýlusvipinn - og fleira og fleira sem við ættum að forðast... *flaut*. Ég t.d. þyrfti að forðast nágrannakonuna því annað er svona í þokkalegu standi hjá mér .. þannig séð en náttúrulega með ýmsum uppák0mum við ýmis tækifæri.

  Þá væri nú gaman að lifa, held ég. Maður myndi festa margar flögur á Gróu á Leiti, nokkrar á kisu svo fuglar fengju smá næði, á bíla sem æða með vandræðalega miklum hraða afturbretti bílsins, hendurnar á yfirmönnum þegar þær nálgast of mikið bossa ritara sinna, hendurnar á Lionesskonum þegar hendurnar á þeim nálgast minn bossa of mikið... hmmmm.... heyrðu, væri annars til í að hafa hina flöguna þar - svo að ef hendur læonnesskvenna fjarlægjast rass minn of mikið þá myndi allt klikkast. *flauttttt*. Annars væri líklega bara best að hættessu bulli og halda sig við upphafið, sjá til þess að engir foreldrar þurfi að líða það að börn þeirra hverfi af fæðingadeildinni. Knús í kvöldið ykkar kæru vinir..


mbl.is Þjófavörn á börn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jónína Dúadóttir

Varnarflagan fær mitt atkvæði !!!

Jónína Dúadóttir, 17.3.2008 kl. 20:01

2 identicon

Og mitt atkvæði, þá sérstaklega í þingmenn og ráðherra!

kveðja

Ofurskutlan

Guðbjörg Erlingsdóttir (IP-tala skráð) 17.3.2008 kl. 20:48

3 Smámynd: Steingrímur Helgason

Mér leiðast börn, sérstaklega mín börn, þú mátt alveg stela þeim flögulaust, enda myndu þau nú ekkert súta skiptin, held ég.

Nei, varla, en þú mátt alveg eiga part í þeim líka, dona með mér...

Steingrímur Helgason, 17.3.2008 kl. 22:07

4 Smámynd: Ragnheiður Ása Ingvarsdóttir

Styð flöguna, ekki spurning!!!

Ragnheiður Ása Ingvarsdóttir, 17.3.2008 kl. 22:59

5 Smámynd: Ragnheiður

Svona flögur gætu virkað víða, það er ljóst. Eigðu góða nótt Tiger minn

Ragnheiður , 17.3.2008 kl. 23:39

6 Smámynd: G Antonia

Alltaf skemmtilegur!!!!  
Buenos noches senjor!!!

G Antonia, 18.3.2008 kl. 00:12

7 Smámynd: Guðrún Emilía Guðnadóttir

Bara að senda þér og þínum Páskakveðjur.
Ertu nokkuð á skíðavikunni ?

 Child Basket  Hatched  Hatched  Hatched Knús Milla.





Guðrún Emilía Guðnadóttir, 18.3.2008 kl. 09:15

8 Smámynd: Ásthildur Cesil Þórðardóttir

Styð þetta með varnarflögurnar.  Þær geta komið að góðum notum. 

Ásthildur Cesil Þórðardóttir, 18.3.2008 kl. 12:24

9 Smámynd: Adda bloggar

flott færsla hjá þér eins og svo oft.endilega setja flögu í kisurnar svo bíbí fái smá frið.eins væri sniðugt að setja flögur við fóbíum í fólk.ég þjáist til dæmis af hræðslu við fugla,og eg er ekki að djóka.góða viku tiger grrrrrrrrrrrrrrr hehe.

Adda bloggar, 18.3.2008 kl. 12:44

10 Smámynd: Tiger

  Flögur hér og flögur þar - flögurnar eru alls staðar...

Jónína Dúa: Ömmur fá mitt atkvæði, sérstaklega þær sem kaupa kalla í RL-shop en eru svo sviknar um vöruna þegar lagt er í hann heim... Knús:::

Ofurskutlan: Sammála, þingmenn og ráðherrar ættu að fá flögur sem hluta af starfi sínu.. ekki spurning.

Zteini minn: Hefði átt að setja flögu í þig þarna í denn, þá hefði ég vitað betur af því þegar þú fórst úr mínu póstnúmeri - og getað gert ráðstafanir til að tryggja trygglyndi þitt og nærveru áfram.. Knús á þig dúllan!

Ragnheiður Ása: Svo satt, flögur í tonnavís.. nauðsynlegar.

Kurr: Glæsilegt, ég kem í flögur um páskana sko! Knús á þig essgan!

Ragnheiður mín: Já, svo mikið satt - flögurnar myndu sannarlega nýtast útum allt, ekki spurning. Knús á þig ljúfust í daginn..

Guðbjörg Antonia: *Woff.. daðrr*.. Bueno días quapa chica! Góða ferð í sól og il.

Milla mín: Ég verð víst að viðurkenna að ég verð ekki á skíðavikunni, væri þó sannarlega til í það. Það er svo fallegt þarna á Ísafirði í vetrarbúning, væri yndislegt að skíða þar líka.. en maður á eftir að gera það einhvern daginn örugglega! Knús í daginn..

Ásthildur elskulegust: Já, ég styð svona flögur - endalaust hægt að koma þeim í góð not hingað og þangað. Knús á kaldar slóðir..

Adda mín: Já, það væri nú munur ef fuglarnir fengju smá vernd svona af og til... knús í vikuna..

Tiger, 18.3.2008 kl. 14:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Tiger
Tiger

Ég eyði fúlum og neikvæðum athugasemdum - svo það er tímaeyðsla að henda slíkum fjársjóð hingað inn. Verð hérna bara í flugumynd - lítið sem ekkert sem sagt. Þýðir ekkert að bíta af mér hausinn þrátt fyrir það...

***

Þakka öllum innlitið, en það er ekki þar með sagt að þú sjáir mig spora út síðuna þína!

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndir

  • jesumynd
  • jesumynd2
  • jesumynd4
  • blómabeðið
  • blómabeðið
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband