Hæ, ég heiti Tigercopper og ég er Vog.

  Já, mikið rétt - ég er Vog og um Vogir er ýmislegt kjút hægt að segja. Fyrir neðan er eitthvað sem er sagt um Vogina - og svei mér þá ef ég er ekki að finna sjálfan mig í öllu þarna..

Spá dagsins: Hvort sem þér líkar betur eða verr, þá ertu mjög heillandi í augum hins kynsins núna. Þorðu að bjóða þeim út sem þú hefur daðrað við.

  

VOG
Vogir vekja oft rómantískar tilfinningar og þykja kynþokkafullar, enda klæða þær sig oft djarflega og tælandi. Einna mest áberandi í fari þeirra er þó hvað þær eru blátt áfram og óþvingaðar, enda er Vogin merki félagslegra samskipta. Þær eru gæddar miklum persónutöfrum en eru oft dular og vilja ekki bera vandamál sín á torg og þær eiga líka oft erfitt með að taka ákvarðanir. Engu að síður er þeim mikið í mun að ná markmiðum sínum, hvort sem það er félagslega eða í samböndum, t.d. hjónabandi. Vogin er í eðli sínu diplómatísk og mikill sáttasemjari og á auðvelt með að lægja öldur. Vogir hafa sterka réttlætiskennd, en þola illa háværar deilur og ósamlyndi af öllu tagi. Þær vilja mjög gjarnan fá að vita að þær séu mikils metnar og eiga bágt með að vera einar. Þess vegna velja þær sér oft störf, þar sem mannleg samskipti eru í fyrirrúmi, og Vogin nýtur sín einkar vel í opinberu starfi. Voginni hættir til að gera öðrum hærra undir höfði en sjálfri sér og mætti gjarnan tileinka sér meiri sjálfsþekkingu og ýtni, ekki síst ef hún ætlar að ná frægð og frama.

EINKENNI
Lykilorð: Jafnvægi
Pláneta: Venus
Höfuðskeppna: Loft
Litur: Ljóslár
Málmur: Kopar
Steinar: Lapis lazuli, rósarkvarts
Líkamshluti: Nýru
Frægar vogir John Lennon, Julio Iglesias, Doris Lessing, Cervantes, Tim Robbins, Silja Aðalsteinsdóttir, Ólafur Jóhann Ólafsson, Bera Nordal, Ben Gurion og Buster Keaton.

Slóð: http://www.mbl.is/mm/folk/stjornuspa/merki.html?sign=7
Skoðað: 2008-02-24 16:33
© mbl.is/Árvakur hf

  out to flirt - út að daðra .. jihaaa.

Til hamingju með konudaginn bloggvinkonur og allar aðrar bloggkonur - sem og bara konur sem lesa!

  Upp er að renna Sunnudagurinn 24 Febrúar og er sá dagur tileinkaður okkar betri helming - ykkur konum!

Datt bara í hug að óska ykkur hér með til hamingju með daginn elskurnar. Fór á allar bloggvinkonur mínar (ómægood, ég meinti það ekki svona eins og þú hugsaðir addna)... og sendi þeim blóm í tilefni dagsins. Ég er mikill rómantíkus stundum og á ýmislegt ljúft og skemmtilegt í pokahorninu þegar slíkar aðstæður poppa upp.

En, Dásamlegu konur Íslands - til hamingju með daginn.

  

Sorgarstundir, sorgarorkusuga sem erfitt getur verið að hrista sig úr.

  Ástæða þessarar færslu er svo sem af ýmsum toga. Þegar maður lendir í áföllum, sorg eða missi ástvina dettum við auðvitað í farveg sem getur verið svo ótrúlega erfitt að ná sér fyllilega aftur úr, sumir jafnvel aldrei. Það eru engar ákveðnar eða gullnar leiðir úr sorginni en tíminn einn getur sannarlega mildað hana - ásamt þeim sem eru samferða okkur í gegnum lífið...

En svo geta náttúrulega bara komið upp dagar þar sem maður er hreinlega orkulaus með öllu - stundum án ástæðu en stundum vegna sorgaratburða sem mér finnst að engin ætti að þurfa að ganga í gegnum - líkt og hún kæra Ragnhildur - að missa barn sitt. Ekkert foreldri ætti að þurfa að upplifa barnsmissi en lífið er undarlegt og óútreiknanlegt. Bænir mínar fylgja henni og öllum foreldrum sem lenda í slíkum missi.

Ætíð þegar ég finn fyrir orkuleysi, er niðurdreginn eða eitthvað bara leiður - þá leita ég orkunnar á þeim slóðum sem ég var staddur áður en ég varð fyrir orkuleysinu.

  Ég reyni að flokka niður það sem olli mér þessu máttleysi og átta mig á því hvað það var sem gaf mér orku áður. Maður getur alltaf fundið eitthvað sem t.d. fyrir ári síðan eða lengra burtu gaf manni kraft til að brosa framan í lífið og tilveruna. Eitthvað sem gæti allt eins gefið af sér mikla orku aftur. Málið er bara að pæla, finna það sem gaf orku áður og draga það til sín þegar maður glímir við erfiðleika og sorg.

  Það sem hjálpar mér t.d. er að finna áhugamál, sport eða námskeið/nám, ritstörf og bulla sögur - ásamt því að hlaupa einu sinni á ári út í auðnina og öskra fullum hálsi og labba svo glottandi til baka vegna þess að ég hræddi alla fuglana á svæðinu. Allt svona hlutir sem maður ósjálfrátt missir sjónar á þegar maður glímir við t.d. áfall eða sorg.

  Ef ég væri staddur í sorg eða áfalli, myndi ég skoða afturfyrir sorgina - leita vandlega og athuga hvort þar sé ekki eitthvað sem ég var að barrdúsa við sem veitti mér ánægju og kraft. Ef ég finn eitthvað sem heillar, þá gríp ég það og dreg það til mín, nýti mér það og beiti því sem vopn á áfallið eða sorgina. Ekki til að eyða áfallinu/sorginni heldur bara til að gera áfallið/sorgina mildari. Sorgin mun alltaf vera til staðar en það er í okkar verkahring að gera hana milda og hugljúfa svo hún verði okkur ekki baggi á baki. Ég þekki það líka sjálfur hvað það getur verið erfitt ef áfall - sorg og söknuður skyggir á okkur hin sem erum ennþá til staðar og þegar þannig stendur á leita ég eins og ég sagði í fyrri orkugjafa, það sem gaf af sér ánægjulegar stundir - og nota það af krafti - til að ég öðlast aftur fyrri kraft.

Hugsið ykkur hve englarnir okkar þarna uppi gleðjast þegar þeir sjá okkur finna ljós, orku og kraft - í okkar nánasta umhverfi og í þeim sem sannarlega eru hjá okkur ennþá tilbúin í að gefa okkur styrk til að halda áfram - og það án þess að gleyma þeim. Hve stoltir þeir eru af okkur þegar við brosum við lífinu sem sannarlega heldur áfram og þeir segja okkur að bretta upp ermarnar og hrista af okkur orkuleysið.

  Auðvitað tekur þetta allt saman tíma og sannarlega á maður ekki að bíða og búast við að tíminn lækni öll sár og láti sorgina hverfa. Sorgin hverfur aldrei en tíminn mildar hana og gerir hana að fallegri minningu sem ætíð verður orkugjafi seinna á lífsleiðinni. Við þurfum að muna að við erum ljós margra í kringum okkur sem bíða eftir því að við lýsum þeim réttar leiðir hingað og þangað. Við þurfum að finna í sorginni okkar leiðbeiningaljós - orkugjafann sem gaf okkur kraft og orku áður en sorgin knúði dyra og skall á og nýta okkur það sem orkugjafa.

  

Ljós og friður fylgi ykkur í nóttina - myrkfælnu ljúflingar ...

Ég er búinn að blogga svo mikið inni í bloggum bloggvina minna að ég held að ég hafi yfirbloggað mig í dag, kvöld og nú í nótt. Mér finnst stundum eins og ég eigi mér ekkert líf nema skoða og blogga smá af og til eftir að ég byrjaði að blogga. Kíki á netið í matartíma, kaffitíma og svo bara svona stekk inn í tíma og ótíma. Þetta er orðið svo mikið blogg hitt og blogg þetta að það liggur við að manni dreymi blogg, blogg, blogg Gogg blogg...

  

  Ótrúlegt líka hvað ég held alltaf að ég hafi mikið að segja/skrifa. Svo kemur í ljós að ég hef bara mest lítið að segja annað en bull sem kemur í einhverjum svefngalsa - líkt og þessi litla færsla hérna. En, allavega hef ég ekkert merkilegt að segja núna - enda á leið í bólið og sellurnar hálf þreyttar eftir allt áreytið. Ég mun örugglega koma með einhverja djúsí færslu hérna á morgun til að bæta upp tómleikann núna.

  Ó, by the way. Ég fékk ógó fúla athugasemd í dag. Mína fyrstu neikvæðu og fúlu - ég eyddi henni. Muhahaha.

Áskil mér rétt til að eyða "nafnlausum" neikvæðum og fúlum athugasemdum. Reyndar var ég að vista breytingar sem segja "aðeins skráðir notendur geta skrifað athugasemdir". Þoli ekki púka sem þora ekki að leggja í ann með bloggið sitt á bakvið sig - steraboltar eða ekki.

  

So Much Missing Jenný Anna Baldursdóttir 2...

  Það er skrítið þetta blogglíf. Núna um allnokkurt skeið hef ég flakkað um bloggið og skoðað bloggara, lesið og fundið mér nokkra góða sem eru í favorit hjá mér. Ætíð þegar ég kem á netið byrja ég alltaf á því að fara í favorit, smella á mín ædol þar, lesa ædolin og skella inn kvitti og kveðjum (eða hreinlega blogga bara inni hjá þeim).

Núna er einn af mínum fyrstu bloggfavorit í stuttu bloggfríi. Bloggarinn að tarna er sá bloggari sem ég dvaldi oftast lengst inni hjá, las og naut ánægjulegra stunda með "henni" í hennar daglegu frábæru færslum. Þessa dagana er ég alltaf fljótur að fara yfir mína favorit og stoppa ætí eins og venjulega síðast hjá Jenný, sem er nú einn af okkar skemmtilegust bloggurum að mínu mati. Málið er bara að núna veit ég ekkert hvað ég á að gera því engar færslur eru náttúrulega hjá henni þar sem hún er í stuttu fríi. Ég er búinn að skoða gamlar færslur frá því er ég byrjaði fyrst að lesa hana Jenný - allt frá því er ég tók fyrst eftir þessum skemmtilega bloggara - frá því lööööngu áður en ég byrjaði að blogga sjálfur, og sakna þess að sjá engar færslur frá henni daglega. Æi, ég vona að henni gangi vel og að gæfan sé henni fylgjandi í því sem hún er að gera - og hlakka mikið til þegar hún kemur aftur stelpurassgatið.

  Já, sannarlega big hug til ykkar kæru bloggarar sem eruð að kíkja á mig af og til. Mér þykir mjög vænt um allar ykkar heimsóknir og enn vænna þykir mér um þá sem skilja eftir sig spor til að ég geti líka kíkt á ykkur og bloggað inn í ykkar bloggi..

Ég hafði ákveðið - þegar ég byrjaði um daginn að blogga - að setja ekki inn "bloggvini" eins og allir eru með heldur setja mína uppáhalds í favorit. Nú er svo komið að ég er að spá í að breyta þessu og setja inn bloggvini þannig að mun auðveldara er að kíkja á ykkur sem þar yrðu. Ég hef þegar hafnað þónokkrum vegna fyrri ákvörðunar en sendi viðkomandi alltaf ákveðin skilaboð þar sem ég útskýrði málið. Nú mun ég aftur senda sömu aðilum skilaboð með von um að þeir heiðri mig með "vináttu" sinni og gerist mínir bloggvinir.

  Þið sem hafið áhuga á að vera bloggvinir hjá mér - endilega sendið mér skilaboð því ég mun bæta ykkur inn. En, ég vil endilega minna ykkur á, eins og ég hef sagt annarsstaðar, að þó ég hafi ykkur sem bloggvini og hreinlega bloggi inni í ykkar bloggi - þá ætlast ég alls ekki til að þið séuð daglegir gestir hjá mér eða séuð stanslaust að skrifa athugasemdir í mínu bloggi. Auðvitað er ég alltaf glaður þegar ég sé hver er á ferðinni - en ég er líka glaður þegar ég bara sé fléttingabreytingar hjá mér.

Það geta allir kvittað sem vilja hjá mér, er ekki með nein skilyrði á það sem fólk vill segja og áfram mun ég ætíð reyna að kvitta hjá ykkur sem sendið mér kveðju. Munið samt að ég fer ekki fram á það að þið séuð alltaf að skrifa comment hérna.

  Need to go into my favorit and sort out my ædols and add some blogging friends.

Ef Gillzinn hyrfi úr camerunni, þá myndi lagið svínvirka á mig.

  Ég verð víst að viðurkenna að ég er hálf smeykur við að Gillzinn eigi eftir að poppa upp í blaðaviðtölum og sjónvarpi á erlendri grundu með sömu látum og stælum og okkar ástsæla? Silvía Nótt. Það yrði mjög leitt fyrir okkur ef slíkar trúðahörmungar næðu aftur uppá pallinn í söngvakeppni Evrópubúa.

Ef hins vegar væri settur á Gillz múll - bundinn stútur á munninn á honum - hann skólaður til líkt og segir í greininni, hvernig á að þykjast spila á hljómborð og einnig séð til þess að hann standi ekki útglenntur hálfsiginn niður á gólf með rassgatið líkt og þungur og illvígur þurs - þá kannski myndi lagið verða góður fulltrúi okkar. Einnig finnst mér að það mætti minnka grilltímana svo sterabúntin séu ekki eins og ofgrillaðar rækjur með upplitað strípuellihár - minna mig oft á hauskúpur þegar maður lítur framan í svona massagaura.

Í það minnsta hefur EMI-Útgáfan í Bretlandi, sem er ein af fjórum stærstu útgáfu- og dreifingarfyrirtækjum heims, sýnt laginu (ó)verðskuldaðan áhuga og keypt höfundarréttinn á lagi Barða Jóhannssonar (heimildir: 24stundir). Svo lagið í sjálfu sér er stórgott þrátt fyrir einn og einn trúð.

  Persónulega myndi ég þó kjósa Friðrik Ómar og Reginu Ósk til að fara út sem fulltrúi okkar. Þau eru bæði stórglæsileg, falleg og svona eðlileg. Lagið þeirra er alger konfektmoli og raddir þeirra svo hugljúfar að maður gleymir sér við hlustun og augun verða syndandi þegar maður fylgist með þeim á sviði - alveg brilljant par.

Heyrst hefur að þau séu einu raunverulegu keppinautar Merzedes-club í keppninni hérna heima. Mikil leynd hefur þó hvílt yfir því hvernig þau muni poppa upp lagið og sýna á lokakvöldinu næstu helgi, samkvæmt 24 stundum. Svarthvítt þema verður áberandi hjá þeim er sagt, en það finnst mér dáldið leitt því smá ljós og glimmer heillar alltaf smá - en svarthvítt er þó klassík og þau stórglæsileg svo ég hef ekki miklar áhyggjur.

Einnig nefna 24 stundir Birgittu Haukdal. Að hún muni sameinast Magna Ásgeirssyni á laugardaginn næsta á lokasprettinum. Þau eru sögð geta veitt Merzedes, Fullkomnu lífi, Ragnheiði Gröndal og Páli Rósinkrans verðuga keppni.

  Out to the real world, i´ve got a brilljant skilnaðarlife out there somewhere.

Silvía Nótt breytist í stælta karlmenn

Jæja já... klukkan rétt að slá fjögur - vindhögg.

Nei ég segi nú bara svona. Er að fara að sofa og langaði bara til að senda ykkur ljúfar kveðjur góðu vinir hérna á blogginu. Gæti ykkar Englar Alheims - þó ekki bókin heldur þessir þarna flögrandi um loftin blá með fjaðrir, hörpu og geislabaug - you know how it is - right?

  

Gamansagan: Landspabbi hefur talað, brúðurnar hlusta, gegna og dansa eftir hausnum...

  Sviðsmyndin = Stórveisla - mikið um dýrðir og hvergi til sparað - ekki einu sinni í ráðleggingum og plotti. Landspabbi býður uppá kökur og plott, baktjaldamakk og svikinn héra. Eftirréttur, Z tengd skipun með afskiptasemdarís og valdapotssósu. Tilgangur ... tja - koma nýjum Landspabba að - eða koma lepp inn í stjórnmálin svo gamli Landspabbi geti haldið áfram að halda í taumana.

Landspabbi: Komið til mín börnin mín stór og smá - aðallega þið ósjálfstæðu - leyfið börnunum að koma til mín. Munið eftir afmælispökkunum - annars fáið þið ekki yfirdrátt, fjárdrátt, skattafrádrátt eða bara drátt yfir höfuð.

Ósjálfstæðismenn:   Heil þér Landspabbi! Lifi Ökumaður ósjálfstæðis í landinu! Húrra fyrir karlinum sem enn heldur fast í taumana (enda var notað xtra glú til að ekkert rynni úr greipum Landspabba - og límið er enn í handakrika karlsins)...

Trillti Villi: Ó Landspabbi - við misstum allt úr höndunum fyrir ári - ekkert lím og engin samstaða og taumarnir staddir hjá Tjarnarkvartettinum. Hvaða lím notaðir þú í lófana til að missa ekki taumana? Hvað getum við gert til að missa ekki tökin, lökin og brjótum ekki bökin? Hvað á ég að gera til að halda völdum, taumum, launum og andliti? *grátur og gnýstan tanna* ...

Landspabbi: Shut up leppur, i'm talking you crybaby, you foolish son of a gun. Þið eruð svo ósjálfstæð núna í borginni að það er skömm að því að vera yfir ykkur - liggur við að ég segi af mér og skili taumunum *tröllahlátur* Yeah, Villý boy - in your dreams. Þrífðu af þér vælið og stattu beinn í baki, ég tala við þig þegar allir eru farnir úr konungsveislunni minni - ekkert má skyggja á hana.

Ókunnur veislugestur: En hvað hér er allt ríkmannlega búið. Hvað kosta herlegheitin og áttu fyrir þessu Landspabbi?

Landspabbi: Huhh. Peningar skipta mig engu máli. Ég á trjilljónir í banka - mínum banda - hell yeah - ég á banka og allt sem þar er geymt - *geðveikislegt augnráð og sjóðandi sukkeríssvipur* - ég á allt alllt allllllt ALLLLT sem fávitarnir koma með í minn banka, muhahahaha. Ég á líka landið, ég á ykkur öll - ég á Ísland eins og það leggur sig.

  Veislan á enda. Landspabbi stoppar Villa REI, leppinn sinn í borginni, áður en hann fer út. Bíddu, halló herra gleyminn - ætluðum við ekki að tala saman eftir veisluna? - Hugsaði Landspabbi um leið og hann stoppaði þann Trillta. Hvar eru minnismiðarnir þínir bjálfi? Hugsaði hann og glotti með sér - ó mig auman - hvað það verður auðvelt að stjórna þessari ósjálfstæðu brúðu.  Laumulegt augnráð, sviksamlegur svipur, klapp á bak þeirra sem fara úr veislunni - klapp sem skilur eftir sig lítinn veisluhníf í hverjum og einum. En Landspabba er sama því hann veit að engin myndi voga sér að kvarta eða finna að hnífstungunum - enda allir orðnir svo vanir þessu og að auki vita allir hvað er í húfi ef þeir espa karlinn í brúnni upp á móti sér. Landspabbi er dálítið hátt uppi eftir allt smjaðrið og stóru gjafirnar en hristir af sér slenið og glottir geggjunarlega um leið og hann króar uppáhaldsbrúðuna sína af úti í horni.

Landspabbi: Villi, nú er tími til að sitja af sér REI nafnið. Það er kominn tími til að ég troði smá minnispunktum frá mér í tóma kollinn þinn. Skrifaðu allt niður og reyndu að hafa miðan á þannig stað að þú getir ekki gleymt honum eða týnt honum. Ef þú gerir allt sem ég segi og gegnir mér - eins og eitthvað annað komi til greina svo sem - þá verð ég orðinn borgarstjóri aftur eftir nokkra daga   *geðveikislegur hlátur sem gnýstir merg og bein ósjálfstæðu brúðunnar*.

Villi REI: Já, en ... er það ekki ég sem á að verða borgarstjóri? Ég hélt að þú værir ánægður í þínum feita stól og ég mætti aðeins fá að máta taumana þína.

Landspabbi: Það verður aldrei neinn annar borgarstjóri en ég, muhahaha! Æ, hættu þessu væli. Þú færð að vera staðgengillinn minn svona út á við. Þú situr í stólnum en ég verð á bakvið gardínurnar með spotta í þér og kippi í þegar ég vil að þú takir eftir og gerir það sem ég vil að þú gerir. Taktu þér tak maður og reyndu að þurrka þennan aumkunarverða svip framan úr þér. Völdin eru mín mííín MÍN MÍN MÍN... *enn einn óraunverulegi ógeðshláturinn sem helst minnti á bergmál tröllanna úr fjöllunum* .. Taktu eftir MISTER REI. Þetta er það sem við gerum núna. Þú gerir hallarbyltingu í Ráðhúsinu mínu, mínu, mínu mííínu - RÁÐHÚSINU MÍNUUUUUUU! Svo þegar lætin byrja þá .........

   Nokkrum dögum síðar hringir síminn hjá Landspabba hátt og lymskulega. Hringitónninn sagði Landsföður að hér væri um að ræða hringingu frá REI genginu sínu. Fjandans aular, ekkert í líkingu við það sem ég var, er og stend fastur fyrir - virðingarleysi og átroðsla, mínar skoðanir, mitt orð, mín lög - ég ræð éég rææð ÉG RÆÐ ÖLLU ENNÞÁ OG LÆT ENGAN KOMAST UPP MEÐ AÐ KALLA MIG BARA BANKASTJÓRA - ÉG ER ALMÆTTIÐ HÉRNA ÉG ER LÖG OG LÆTI, ÉG ER LANDSPABBI MEÐ MEIRU! Illilegt og flárátt augnráðið róaðist smá saman niður og hann hristi af sér sæluhrollinn sem hríslaðist niður hnífasettið sem ósjálfstæðisbjálfar höfðu í gegnum tíðina óvart skellt í bak hans. Honum var sama á meðan taumarnir voru ennþá í hans höndum og það var hann sem réð öllu öllu ÖLLLLLU.IS...

Landspabbi: Halllóóóó. Borgarstjóri hérna, how may i help you? Ehh.. já - verðandi brúðustjórnandi - borgarstjóri meinti ég auðvitað. Hvað gengur á?

Villi REI: Æi, drottinn minn dýri! Háæruverði lærifaðir! Ég veit ekki, eða man ekki alveg hvað ég ætlaði að segja þér - en minnir að það hafi verið eitthvað mikilvægt. *hugsandi andardráttur heyrist í símanum* ...

Landspabbi: Ertu búinn að framkvæma hallarbyltinguna sem ég fyrirskipaði? Ertu búinn að ræna völdum og notaðir þú geðveika hlekkinn sem ég fann á reiki þarna í landspólitíkinni? Koma maður, hugsa og svara! KOMAKOMAKOMA NÚ...

Villi REI: Æi, já. Við gerðum nákvæmlega allt sem þú skrifaðir á miðann fyrir mig og nú er allt í háalofti. Þú hefðir átt að sjá tómatana sem lentu í hausnum á okkur þegar við vorum að reyna að máta stólana í Ráðhúsinu, fólkið var alveg trítilótt *smá snökkt og sogið uppí nefið* ..

Landspabbi: Hættessu væli leppur, skreppur og silakeppur. Geymdu vælið þar til þú ert fyrir framan myndavélarnar. Gerðu bara eins og ég segi og þá flaming virkar allt og ég kominn í fremstu víglínu aftur og aftur og aftur og aftur - hey - muhahahahaha - ég fór aldrei allldrei ALLLLDREI - ÉG ER BESTUR OG MESTUR... ehh.. jámm - hvað varstu að segja?

Villi REI: En núna eru allir æfir og heimta að ég hætti í pólitíkinni - vilja að ég segi af mér og leyfi Gísla og Hönnu að ráða öllu. Hvað á ég að gera?

  Landspabbi: *Geðveikislegur tröllahlátur* Gísli ... muhahahaha GÍSLI eða HANNA! *Enn tröllslegri og hrokafyllri hlátur*.  Sko þú ólánsami gleymskumikli þrus.  Þau munu aldrei komast að - ekki á meðan ég er borgarstjóri á bakvið gluggatjöldin. Gísli er bara lítið peð, lítill bjálfi sem ég hef algerlega í hendi mér og ef ég svo mikið sem hnerra - þá kemur hann hlaupandi með vasaklút til að snýta mér. Hann er lítil barbýdúkka sem verður aldrei neitt nema litla dúkkan mín. Hanna - muhahahaha - hún er bara kjelling, við vitum báðir að kjellingar eiga ekki heima í feitum stólum sem lúta mér, mér mééér MÉR MÉR MÉR ÉG Á ÞETTA FÚLA BATTERÍ OG ENGIN TEKUR STÓLAAAAANA MÍNA MÍNA MÍÍÍNA. Er það skilið Leppur? Þú heldur þig til hlés og lætur sem ekkert sé - leyfðu fffffjannnndans lýðnum að pústa aðeins út og væla. Þegar vælið er búið þá getur þú komið í ljós og sagt þeim - með þessum vælusvip sem þú kannt svo vel - að þú ætlir að hugsa þinn gang. Auðvitað kemur ekki til greina að Ég ég ég ÉG ÉG ´´´´´´ÉG AXLI ÁBYRGÐ Á ÞESSU ... ehhm mjá.

  Villi REI: En verð ég ekki jarðaður í þessu öllu? Verður ekki einhver að taka á sig ábyrgð og gera eitthvað heiðarlegt í stöðunni? Fólkið er reitt og vill fá einhvern til að hengja.. *með grátstafinn í kverkunum*.

Landspabbi: Þegi þú bara. Þú segir ekki orð. Nema í mesta lagi að þú ætlir að fara yfir málin - muhahahaha - hell yeah - segðu bara að þú ætlir að sjá til með hvort og hvað og hvenær en gefðu bara ekkert upp - og Í GUÐANA BÆNUM EKKI NEFNA MIG Á NAFN SKO! Best að halda feisi á meðan lýðurinn lætur þetta allt hverfa í gullfiskaminninu. Blessaður vertu, eftir nokkrar vikur verð ég orðinn brúðustjórnandi í Ráðhúsinu aftur. Ráðhúsinu .. Ráðhúsinu mínu - MÍNU MÍNU MÍNU MÍNU ENGIN SKAL NÁ ÞVÍ FRÁ MÉR MÚHAHAHAHAHA...

Villi REI: Ok, ég sem sagt held mig til hlés og segi ekki frá neinu? Ehhnn .. hverju á ég ekki að segja frá? Hvað vorum við að gera sem ég má ekki tala um? Ráðhúsið? Hvaða Ráðhús? Hver ert þú? Bíddu við meðan ég hugsa aðeins, jamm ég segi ekkert - enda man ég ekkert hvað ég gæti svo sem sagt frá. Ég bíð bara eins og þú segir og sit af mér öll lætin og treysti þér í blindni ó þú minn dýri drottinn...

  Landspabbi: Muhahahaha. Sittu eins og skrattinn á stolnu eggi. Mótbyrinn stendur stutt og deyr eins og allt annað sem ég stíg á... *Léttgeggjaður ánægjuhlátur þess sem veit uppá sig sökina en axlar enga ábyrgð*. Sittu kyrr og láttu bara ekkert heyrst í þér í nokkrar vikur. Þegar tíminn líður og orrahríðin hverfur þá bara heldur þú áfram að dansa eins og ég segi þér, tangó tannnngó tannnnnnnngó TANGÓTANGÓ ÓGÓ ÓGÓ LÓGÓ HÚKÓ PÚKÓ. *trylltur tröllahlátur og ánægjuhljóð*. Sittu fast á þínum gleymna og feita rassi. Líkt og hjá mér mun ætíð sama gleymska vaða yfir landið og allir gleyma þessu. Engin tekur eftir því þegar ég læt þig dansa í borgarstjórastólinn eftir árið eða kannski miklu fyrr - þegar aumi hlekkurinn brotnar - muhahahahaha - geggjaði hlekkurinn sem trúði öllu öllllu ÖLLLLU því sem ég lét þig segja við hann. *Geðveikur hlátur og soghljóð*. Ég verð að hætta, mig vantar bleiku pillurnar mínar, og þær gulu, og þær bláu - bláu blááááu - BLÁU PILLURNAR MÍNAR HVAR ERU ÞÆR???? Sittu í leyni - engar myndavélar - ekki einu sinni á msn í webcam - og ekkert perrrrrrr því er verrrrrr - muhahaha. ÉG LÆT ÞIG VITA HVENÆR ÞÚ ÁTT AÐ KOMA Í LJÓS OG GEFA EINHVERJAR YFIRLÝSINGAR - ÞEGAR ÉG ER BÚINN AÐ ÁKVEÐA HVAÐ ÞÚ ÁTT AÐ SEGJA. HVAR ERU BLÁU PILLURNAR MÍNAR.... MÚHAHAHAHA.

  to the bank to take out all my money before the fat man swallows it all.

Hlutir breytast og kannski umturnast bara ...

  Endalaust fyndið að skoða hvernig hlutirnir þróast og breytast með tíð og tíma. Sumt virðist ekkert breytast á meðan annað hreinlega umvarpast og líkist ekkert því sem upprunalegt var. Nú er ég ekki að tala um fólk heldur hluti, eins og t.d. tölvur, myndavélar, leikföng og símar, svo eitthvað sé nefnt.

 Ég var að gramsa í gömlum kassa úr geymslunni og fann þar nokkra síma sem ég hef átt síðan farsímarnir litu dagsins ljós. Hef átt einhverja 5 síma frá upphafi og á þá alla ennþá og alla í góðu lagi. Hér til hliðar er fyrsti síminn minn - Nokia - og núverandi sími sem er Sony Ericsson. Ég hef aldrei verið að eltast við betri og flóknari og fullkomnari síma, bara endurnýjað þegar batterí er úr sér gengið eða eitthvað álíka.

  

Finnst sími bara vera sími svo lengi sem hægt er að ná í mann og maður getur náð í sína. Fyndið líka með tölvur. Var að festa kaup á nýrri tölvu um daginn, ásamt nýjum skjá (flatskjá) og ryðja gamla álkinum út af borðinu mínu um leið. Ótrúlegt! Ég sá í skrifborðið mitt í fyrstsa skiptið í örugglega tíu ár. Gamli skjárinn var þessi líka hlunkur - stór og mikill með mikið feitt bak. Skjárinn gamli einn og sér tók meira en helminginn af skrifborðinu. Turninn er svipaður en nánast allar snúruflækjurnar hurfu núna með gamla dótinu og fátt er eftir nema þráðlaust dót, þráðlaus mús, þráðlaust lyklaborð, þráðlaust innbyggt netkort og ég veit ekki hvað. Hefði átt að uppfæra þetta miklu fyrr - það birtir yfir í kringum tölvuna þegar svona mikið dót og snúrur hverfa og fáir fallegir hlutir taka við...

  Fréttatími ... byrjaður.

 

Svik - ef svik á að kalla - Ríkisstjórnaflokkanna - ekki bara annars flokksins.

  Þegar menn tjá sig en leyfa ekki skoðanaskipti á síðunum sínum er næsta víst að þeir telja sig vera með allt á hreinu. Aumir eru þeir sem ekki þola smá pústra og mótmæli heima í eigin bloggi - að mínu mati sko. Alltaf hægt að vera stór kall á meðan engin getur sagt neitt á móti því bulli sem maður lætur frá sér fara...

Þetta hér fyrir neðan tók ég af einni slíkri síðu og mun ég vísa í hans blogg fyrir vikið - þó ekki þykir mér mikið til bloggarans koma. Frekar aumt að þora ekki að Axla ábyrgð orða sinna og taka því ef einhver er ekki sama sinnis - ætli maðurinn sé ekki bara Ósjálfstæðismaður í grænni vinstri gæru??? Hér fyrir neðan er það sem hann segir upplitað í "bold" but not bjútífúl. Mitt innlegg verður strax á eftir hverjum kafla með venjulegum óbolduðum stöfum.

  

"Nú virðist ljóst að Samfylkingin mun svíkja endanlega megin kosningaloforð sín í velferðarmálum. Hækkun persónuafsláttar strax, hækkun barnabóta strax, hækkun vaxtabóta strax voru hin stóru loforð Samfylkingarinnar."

Ekki er alltaf allt sem sýnist. Kjörtímabilið er ekki búið og við skulum sjá til að brúðkaupsferð lokinni hvaða verk kláruðust og hvaða ekki. Ef eitthvað verður ekki klárað - þá er klárt mál að Sjálfstæðisflokkurinn á helming vandans og ljótt að tala bara um karlinn en ekki konuna í þessu sambandi því það eru tveir hér að dansa tangó. Þegar tveir flokkar stíga sporin saman er næsta víst að báðir geta ekki fullstigið sín eign spor heldur þarf líklega að taka til ákveðin spor frá báðum flokkum á kjörtímabilinu til að tangóinn klárist slysalaust á endanum - einhver mál frá báðum er betra en öll mál frá öðrum en engin frá hinum.

  

"Út á þessi  loforð var Samfylkingin kosin.  Nú er ljóst að þau loforð hafa endanlega verið svikin og það út kjörtímabilið!!! Frambjóðendur flokksins buðu 130- 150 þús. króna skattleysismörk"

Bíddu - halló tómi karl. Er hér bara einn flokkur í ríkisstjórn? Eru ekki tveir flokkar að dansa í kringum þetta mál? Því er þinn tómi kollur að blása upp eitt nafn - rangt nafn - þegar nafnið sem er að svíkja ætti að vera "ríkisstjórnin" en ekki bara annar flokkurinn í ríkisstjórninni? Fávitaskapur finnst mér og sýnist á öllu að maðurinn hafi bara einhver persónuleg vandamál gegn öðrum flokknum þar.

  

"Tillögur ríkisstjórnar Samfylkingarinnar hljóða uppá  7000  króna  hækkun persónuafsláttar á næstu þrem árum.!!!!!!!. Hinsvegar á að lækka skattbyrði á fyrirtækjum strax úr 18 í 15%. Var það þetta sem Samfylkingin var kosin til??????"

Halló aftur tómi karl. "Ríkisstjórn Samfylkingarinnar"? Eru ekki tveir flokkar í ríkisstjórn? Ég hélt að þar sætu tveir flokkar - Ósjálfstæðisflokkurinn og Samfylkingin. Ég myndi minnka aðeins á upphrópunarmerkjum og spurningamerkjum og bæta frekar inn verri helming ríkisstjórnarinnar inn í staðinn. Ef ósjálfstæðisflokkurinn væri ekki þarna myndi samfylkingin örugglega koma öllum sínum málum á koppinn en hérna þarf auðvitað að flétta saman málum sem báðir flokkar gáfu loforð um að reyna að koma á.

  

Aldrei hægt að segja bara í byrjun - við - ríkisstjórnin - ætlum þetta og ætlum hitt. Oftar en ekki koma þessir flokkar allir inn með orðunum - við ætlum að reyna - reyna að ná hinu og þessu fram. Þegar framlíða stundir verður að koma í ljós hverju hægt verður að ná fram og hverju ekki. Hér er ekki bara einn flokkur sem stjórnar öllu og hér er ekki bara einn Landspabbi sem tróð öllu yfir okkur án þess að spyrja kóng eða prest (enda var hann með öll embætti undir hælnum hvort eð er).

Það er heigulsháttur að blása svona upp nafn helming þessa samstarfs eins og gert er í þessu bloggi. Manni dettur bara í hug að blessaður maðurinn þori ekki að blása nafn ósjálfstæðismanna upp því hann er kannski að vona að þegar til skilnaðar kemur í ríkisstjórn - fái hann að daðra og komast í hjónasængina og því betra að nefna ekki sviksemi ósjálfstæðisflokksins... æl. Hvað ætli karlinn segi þá um þau málefni sem hafa gengið vel og tekist? Að flokkur númer eitt eigi allan heiðurinn en flokkur númer tvö sé bara ekki til? Endilega tala skynsamar - hér er um tveggja stjórna samstarf að ræða! Ef einhver málefni ná ekki fram að ganga þá eiga báðir flokkar sök, ekki bara annar flokkurinn.

Hér er bloggfærslan sem ég tók "bold but not bjútífúl" bloggið úr. Sjá blogg!

  áður en ég verð jarðaður útaf þessu...