Hátt fall skelfir fólk og heldur því á mottunni. Ætlar Geir kannski bara ekkert úr formannsstólnum? Hverju hvíslar Davíð í eyra sinna þegar kosningar nálgast? ...

Já, fallið var hátt - beint úr ráðherrastól og langt niður í stjórnarandstöðu. Nú er maður (kona) orðinn hræddur við að falla aftur - og því ekki annað í stöðunni en að draga sig til hlés - reyna bara að halda fast í það sem þegar er undir rassinum á manni (konu)...

Ekki kæmi mér það á óvart þó Davíð hafi nú laumað því að Þorgerði að gamli karlrembuflokkurinn myndi aldrei sætta sig við kerlingu í brúnni. Langt frá því allavega ...

Það kæmi mér heldur ekkert á óvart þó Geir H. Haarde hafi laumað því að henni að hann væri búinn að hugsa sig um tvisvar og að það hafi verið fljótfærni að bjóða sig ekki fram áfram í stjórn flokksins. Enda sagði hann það víst sjálfur að það væri svo sem allt inni í myndinni nú þegar aðgerðin var yfirstaðin og allt léki í sóma hjá honum hvað það varðar. Því myndi ég ekki verða hissa þó hann poppaði upp aftur sem formannsefni flokksins.

En, mér er svo sem sama hver stendur í brúnni hjá Sjálfstæðisflokknum - svo lengi sem hann stendur áfram í pontu sem stjórnarandstöðuflokkur - helst sem lengst - í það minnsta nokkra áratugi svo aðrir flokkar geti byggt upp það sem Sjálfstæðisflokkurinn hefur svo skelfilega brotið niður í þjóðfélaginu..

Þorgerður Katrín ekki í formannskjör

Athugasemdir

[Tiger, 10.2.2009 kl. 20:10]

 Já búkolla, ég hafði reyndar ákveðna trú á henni í upphafi líka - hefði kosið hana sem einstakling ef það hefði verið hægt - en ... ekki núna!

[Jónína Dúadóttir, 10.2.2009 kl. 21:24]

Copy/paste það sem Ragna skrifar....

[María Guðmundsdóttir, 10.2.2009 kl. 21:51]

copy paste lika  en nota bene, hver vill vera skipstjóri á søkkvandi skútu??? allavega treysti ég á ad islendingar fari nú ekki ad hifa hana uppúr dýpinu, i gudanna bænum látid hana søkkva alla leid á botninn

[Steingrímur Helgason, 10.2.2009 kl. 22:08]

Ég er meira sammála þér & þínu hér en í færzlunni þar á undann.

Hatur, hefnigirni & dómstóll lýðsins, skiljú.

Ekki minn 'styluz' ...

[Guðrún Una Jónsdóttir, 10.2.2009 kl. 22:24]

Það kemur fátt orðið á óvart þegar um Sjálfstæðisflokkinn er að ræða.......

[Ásdís Sigurðardóttir, 10.2.2009 kl. 23:18]

En ef ég mundi bjóða mig fram, mundir þú vera sáttur við það???

[Sigrún Þorbjörnsdóttir, 10.2.2009 kl. 23:47]

Þetta er allt ákveðið og það hentar alls ekki að hafa Þorgerði Katrínu í brúnni. Annars er ég sammála þér í því að mér er nokk sama hver leiðir sjálfstæðisflokkinn, bara að hafa hann í stjórnarandstöðunni væri ágætt. Löngu orðið tímabært

[Jóna Kolbrún Garðarsdóttir, 11.2.2009 kl. 00:52]

Er formannsstóllinn ekki frátekinn fyrir Bjarna Ben.  Er það ekki hefðin og ættartengslin við Gamla Bjarna Ben. sem ræður núna?  Það finnst mér líklegt

[Tiger, 11.2.2009 kl. 01:19]

Já, undarlegheitin eru alls ráðandi hjá Sjálfstæðismönnum - tíkin kemur skondnust út frá þeim - sko pólitíkin.

Sennilega er það eins og Jóna segir - stóllinn var frátekinn fyrir Bjarna Ben - það er næsta víst.

Takk allir fyrir innlit og kvitterí ...

[Þórarinn Þ Gíslason (IP-tala skráð) 11.2.2009 kl. 02:37]

Sæll Tiger.

Fyrir mér er þetta á hreinu og bloggaði ég um það í kvöld.

Björn Bjarna út  Bjarni Ben inn þá er viðhaldið ættartrénu 

Þorgerður ætlar að taka til innan frá

og verður madaman á heimilinu:

þegar húsbóndin fer frá..... þá tekur hún við stjórn.

Þett er eins og í ævintýrunum.

[Sigrún Óskars, 11.2.2009 kl. 10:40]

Ég aðhyllist sömu skoðun og Þórarinn, held að stóllinn sé frátekinn fyrir Bjarna Ben. En það vantar einhvern kvenmann í forystu Sjálfstæðisflokksins - einhvern sem getur ýtt Davíð til hliðar og tekið á þessum "karlrembugangi" sem viðgengst í flokknum.

[egvania, 12.2.2009 kl. 12:44]

Jæja karlinn minn heldurðu að mér hafi ekki bara verið hent út héðan vegna skrifaminna um vandræðagemling en það var ekki um Davíð he, he.

[Guðrún Emilía Guðnadóttir, 12.2.2009 kl. 13:39]

Bara að sega hæ og góða helgi Tiger minn.
ljós og kærleik til þín
Milla.

[Tiger, 12.2.2009 kl. 16:08]

Já Þórarinn - það er spurning um hvort þetta sé ekki bara einmitt málið - að stóru stólarnir í Sjálfstæðisflokknum séu bara til handa útvöldum mönnum sem hugnast Davíð og hans undirsátum.

Sigrún; Sammála - hugsanlega væri það góð hreinsun ef kona kæmist að sem formaður flokksins - því vitanlega myndi kona koma með ákveðnar breytingar með sér. Það væri bara til góða ..

Egvania; Hvað er að heyra, þetta finnst mér leitt - mundu bara að láta mig vita ef þú ferð eitthvað annað að blogga - ekki týnast ...

Millan mín; Góða helgi og ljós yfir í þinn bæ líka.

[Kristín Katla Árnadóttir, 13.2.2009 kl. 20:03]

Góða helgi elsku Tiger minn og  hafðu það gott.

[Huld S. Ringsted, 13.2.2009 kl. 21:15]

Á ég ekki bara að bjóða mig fram í formannsembættið? gæti tekið duglega til í flokknum er ágæt í "hreingerningum"

[egvania, 14.2.2009 kl. 21:10]

Ég er mætt hér aftur, stundum er þörf á aðgerðum og þá saklausir dregnir inn í málið.( sjá bloggið mitt )

[Tiger, 15.2.2009 kl. 00:39]

Takk fyrir innlitið bloggvinir góðir og aðrir bloggarar..

Sé ykkur von bráðar ..