Þekkir þú söguna um Húsið á Sléttunni? Ert þú að fara með eggin þín á réttan stað? Hvað kostar eitt lambalæri eiginlega ... ? Huhh ... burt með spillingarliðið!

Nú er málið að hverfa aftur á tíma Hússins á Sléttunni.

Setja inn lög sem heimila fólkinu í landinu að nýta sér nýjar aðferðir til að bjarga sér og draga björg í búið. Málið er auðvitað landbúnaður og fiskurinn ...

Fólkið í landinu á að taka uppá því að fara með egg og ýmsar afurðir sem það framleiðir sjálft, eða veiðir sjálft eða býr til sjálft (prjónavörur t.d.) - til kaupmannsins og greiða fyrir nauðsynjavöru með þeim hættinum.

   

Verst er að ég heyrði söguna um ömmuna sem lagði inn á bankareikning - andvirði eins lambs á hverju hausti - í 17 ár - en þegar hún ætlaði að gefa barnabarni upphæðina - þá dugði upphæðin ekki einu sinni fyrir einu lambalæri úti í búð ...

Mér finnst samfylkingin aðeins vera að lifan við - og ég mun sannarlega fylgjast vel með framvindunni. Hún er að verða aðeins meira eins og ég vil hafa hana, aðeins að spyrna við fæti og taka eigin ákvarðanir. Með sama framhaldi, mun ég kjósa hana í næstu kosningum til áframhaldandi setu.

Munið þið eftir slagaranum:

Burt með spillingarliðið, sama hvar í flokki það er!?

Nei, þetta er ekki slagorð Samfylkingarinnar sem slíkt - þetta eru orð Ólínu Þorvarðardóttur - orð sem við megum vel nota oftar á blogginu okkar og geri ég það hér með enn og aftur...

En, ég er bara góður annars.

Farinn að venjast því að vera tölvulaus - þannig lagað ----- NOT!

Ég reyni að spora hingað og þangað í dag og alveg þar til ég fæ tölvuna mína - en ég nenni ekki að sitja og bíða á meðan tölvan opnar öll bloggin ykkar - ef ég á að vera hreinskilinn! Ég mun verða meira vaðandi yfir ykkur þegar tölvan snýr aftur heim úr útlegðinni!

Sendi ljúft bros með knúsi og krami á ykkur öll og óska ykkur ljúfrar vinnuviku framundan - ef þið hafið ennþá vinnu kæru vinir!

Burt með spillingarliðið, sama hvar í flokki það er!

Vilja nýjan stjórnarsáttmála

Athugasemdir

[Jóhanna Magnúsar- og Völudóttir , 10.11.2008 kl. 14:14]

Hver getur gleymt húsinu á sléttunni, og Ingalls fjölskyldunni? ... Ég lifði mig gjörsamlega inn í þann þátt!

[JEG, 10.11.2008 kl. 14:31]

Ó hvað ég væri til í endursýningar á þessum þáttum. Svo á ég bækurnar líka sko.  En það er nú einmitt það sem bjargar manni núna og það er að maður er í sveitinni. 

Knús á þig krúttlingur. 

[Ásdís Sigurðardóttir, 10.11.2008 kl. 14:58]

Það var allt svo krúttlegt í húsin á sléttunni, en ég er hrædd um hversdagurinn hafi oft verið nöturlegri. Samt hugsa ég nú mestmegnis jákvætt þessa dagana, allt væri að mestu o.k. ef mér væri ekki svo ferl... illt í helv...   bakinu mínu: knús á þig

[Guðbjörg Erlingsdóttir (IP-tala skráð) 10.11.2008 kl. 15:05]

Takk fyrir góðar kveðjur og stuðning í jákvæðninni, he he nei ekki alveg ég :)

The Ingallls family, já minnir á góða tíma!

kær kveðja, knús og Ofurskutl á þig 

[Brynja skordal, 10.11.2008 kl. 15:05]

Knús inn í nýja viku og hafðu það gott ljúflingur

[(IP-tala skráð) 10.11.2008 kl. 17:30]

Við eigum auðvitað alltaf að eiga rétt á því að skipta beint við bóndann burt séð frá kreppu eður ei, en forsjárhyggju reglugerðarfargan  kemur í veg fyrir það.

Kveðja og knús

[Heiða B. Heiðars, 10.11.2008 kl. 17:51]

Þú ert náttúrulega soldið krútt :)

En minni þig á að greiða skuld þína við mig um leið og þú færð tölvuna þína......annars ertu í djúpum **** :)

[Jónína Dúadóttir, 10.11.2008 kl. 18:54]

Takk fyrir þetta Högni minn

[Guðrún Emilía Guðnadóttir, 10.11.2008 kl. 19:09]

Maður horfði nú á húsið á sléttunni og grét stórum á stundum.
Ef maður hugsar til baka þá ætti maður nú bara að skammast sín svolítið fyrir barlóminn.
Knúsí knús
Milla.

[María Guðmundsdóttir, 10.11.2008 kl. 19:13]

hér er Húsid á sléttunni endursýnt á einhverri stødinni, rakst á thad fyrir tilviljun. Fékk svona lika nostalgíuna bara oh hvad madur sat stjarfur fyrir framan imbann i thá daga.

En já, thad er hægt ad venjast ýmsu og haga neyslunni ødru visi i hardnandi ári, held ad fæstir eigi eitthvad val med thad.

Gott ad Samfó er ad lifna vid..ég var alveg ad gera i buxurnar af pirring yfir thessari steingeldingu sem virtist vera ad hrjá thau...en KOMASO bara, nú verdur spennó ad fylgjast med.

Hafdu góda viku og takk fyrir "sporid" hjá mér  alltaf gaman ad "sjá" thig og vonandi færdu gandinn thinn sem fyrst tilbaka,thá fær madur ad sjá thig oftar

[Sigrún Þorbjörnsdóttir, 10.11.2008 kl. 19:16]

Verst að bankinn mun örugglega ekki taka við ullarsokkum og eggjum á gjalddaga  Annars finnst mér það bara gott mál ef fólk getur bjargað sér þannig. Húsið á sléttunni, varla nokkur gleymir því sem sá það á sínum tíma. Sunnudagarnir voru alltaf planaðir með það í huga. Knús á þig elskulegi

[Helga skjol, 10.11.2008 kl. 19:38]

Knús á þig ljúfurinn

[Ragnheiður , 10.11.2008 kl. 19:42]

ooh við mamma heitin horfðum sko á Húsið á sléttunni saman.....æðislegt bara. Sakna margra slíkra þátta sem ýttu bara í góðu hnappana í brjóstinu !

[Heiða B. Heiðars, 10.11.2008 kl. 19:54]

Heyrðu... notar þú ekki örugglega RSS?

Ég meina...ef tölvan er lengi að opna síður þá borgar það sig...losnar við allt draslið sem hægir á þeim

[Skattborgari, 10.11.2008 kl. 20:06]

Hvað getur það tekið langan tíma að gera við eina tölvu? Vonsndi færðu hana aftur og burt með báða flokkana sem eru í ríkistjórn.

Kveðja Skattborgari.

[Ásthildur Cesil Þórðardóttir, 10.11.2008 kl. 21:22]

Já burt með spillingarliðið í hvaða flokki sem það er elsku TíCí minn.

[Helga Magnúsdóttir, 10.11.2008 kl. 22:04]

Burt með allt spillingarpakkið, sérstaklega úr ríkisstjórn, Seðlabanka og Fjármálaeftirliti.